影片
更多
2016-12-30
724 浏览
見到荃灣有新既日式火鍋 當然要去試下星期日打電話book定星期四去食聽電話個位店員好有禮貌咁問我book幾點我諗住佢係限住幾點開始 問佢有幾點店員話幾點都可以 咁我地就book左六點鐘仲問我地想坐卡位一鍋過定四人枱一人一鍋咁我地就揀左坐四人枱 可以一人一鍋試唔好既湯底因為遲左出門口 所以打電話改左七點食我地差唔多七點先到 去到門口有幾個人係度等位因為我地book左位 所以可以即刻入 入之前要我地揀要邊款湯底同食邊種肉之後就帶左我地入座 用餐時間個半鐘我地入去個陣都係得好少人好快我地叫左既湯底就黎左我地叫左三款湯底 包括係蕃茄湯底,豬骨湯底同埋九州地獄湯底 我地就覺得個湯底冇乜味 比較清以為個九州地獄湯底會好辣 點知原來得少少辣味之後就黎埋牛肉,豬肉,同雞肉 每人有一份當然咁少野食梗係唔夠架啦我地就出去自助區攞野食野飲同野食都係仼斟同仼攞野飲同野食既款式都有好多可以選擇首先,講左野食先 佢有幾款熟食 包括:螺,蜆,雞翼,燒菠蘿,仲有款炸物 燒菠蘿好甜仲有壽司 有三文魚,玉子,蝦etc...中華沙律,螺肉同埋沙律菜生既食物都有好多 包括:蘿蔔,芽菜,金菇,粉絲,生菜,豆腐,粟米 仲有好多丸
星期日打電話book定星期四去食
聽電話個位店員好有禮貌咁問我book幾點
我諗住佢係限住幾點開始 問佢有幾點
店員話幾點都可以 咁我地就book左六點鐘
仲問我地想坐卡位一鍋過定四人枱一人一鍋
咁我地就揀左坐四人枱 可以一人一鍋試唔好既湯底
因為遲左出門口 所以打電話改左七點食
我地差唔多七點先到 去到門口有幾個人係度等位
因為我地book左位 所以可以即刻入 入之前要我地揀要邊款湯底同食邊種肉
之後就帶左我地入座 用餐時間個半鐘
我地入去個陣都係得好少人
好快我地叫左既湯底就黎左
我地叫左三款湯底 包括係蕃茄湯底,豬骨湯底同埋九州地獄湯底 我地就覺得個湯底冇乜味 比較清
以為個九州地獄湯底會好辣 點知原來得少少辣味
之後就黎埋牛肉,豬肉,同雞肉 每人有一份
當然咁少野食梗係唔夠架啦
我地就出去自助區攞野食
野飲同野食都係仼斟同仼攞
野飲同野食既款式都有好多可以選擇
首先,講左野食先 佢有幾款熟食 包括:螺,蜆,雞翼,燒菠蘿,仲有款炸物 燒菠蘿好甜
仲有壽司 有三文魚,玉子,蝦etc...中華沙律,螺肉同埋沙律菜
生既食物都有好多 包括:蘿蔔,芽菜,金菇,粉絲,生菜,豆腐,粟米 仲有好多丸類 另外仲有細細碗既烏冬同拉麵,有啲一樽樽插住啲意粉同喬麥麵
之後,食飽之後 仲有甜品,有泡芙,蛋糕同布甸
另外,仲有一部俾人自助整啲北海道低脂乳酪 隔黎仲有好多款配料選擇
至於野飲方便,都有唔少選擇 有一部沙冰機 不過冇試飲 唔知咩味
有部熱飲既機 有朱古力 咖啡 金橘蜜味綠茶 奶茶同鴛鴦
仲有部汽水機 有百事 七汽 蘋果綠茶 檸檬茶等等
食火鍋點少得豉油 佢地又係自助式俾我地自己斟 仲有好多款配料加落去
個人覺得呢間日式火鍋幾好食 雖然湯底比較清淡 但食物同野飲既款式有好多款 其他日式火鍋都冇咁多款 價錢又唔太貴 埋單都係400幾 而且員工好有禮貌 我地經常叫佢地加湯 我地食左一個鐘左右就已經飽 走個陣個場已經full晒
张贴
