牛惣居酎屋

营业中

休息中

今日約咗個friend喺銅鑼灣食午餐，因為個friend喺銅鑼灣返工，我就約咗佢2:00食呢間餐廳。我地一去到大廈嘅樓下，已經有姐姐派傳單宣傳呢間餐廳。其實呢間餐廳我哋之前已經食過一次餐廳，食物質素好高，但係以正價價錢食lunch就唔算好抵，但因為今次有七折嘅關係，所以都十分之抵食。我地點咗四海刺身和安格斯牛仔骨刺身來講雖然正價有啲貴，但係絕對係物超所值，刺身十分之厚，啖啖肉，肉質十分之新鮮，軟滑嘅口感。另外牛仔骨呢個係我十分之推薦，價錢亦都比較實惠，牛仔骨啲肉一啲都唔UM ，煎得十分之滋味，而且有好多配菜，不過配菜就唔係十分之好食，所以我都冇將配菜食晒。每一個餐都會配左麵豉湯以及沙律，竟然有大大條蟹柳，呢點十分之讚👍🏻，菜亦都很新鮮。整體來講食物質素十分之高，但係如果價錢可以經濟少少，一定會再次光顧。

牛惣,若非有好友帶路,是估不到銅鑼灣區內有如此高質素的日菜串燒餐廳!位於核心美食集中地段的登龍街,在芸芸食肆當中,好友說起此店,言語間流露著讚賞之情,所以此個午宴聚餐一定又有口福了!以其門面裝潢,東瀛風味十足,燈光聚焦著醒目的木製牌匾--牛惣居酎(音:就,意思為燒酒)屋;加上大門及其他細節位構成的畫面,令此大半年間不能飛到日本的達人或許有一種親切感吧!內裡的裝潢貫徹著居酒屋的格調,木質為主色調的牆飾,擺放了盡是琳瑯滿目的清酒及燒酎酒樽,有燈光的配合,甚具氣勢!觀其餐牌,以串燒食物為主打,加上其他的選擇亦很豐富,就交由好友來點菜吧!作為前菜的--日本芫茜鮮菜沙律,絕對是芫茜粉絲的恩物;新鮮的芫茜本味極之香艷,伴隨有沙律菜及紫菜,淋上芝蔴醬,再灑上七味粉,多種清新及香濃美味集於一身,味道紛陳,尤其是七味粉的辣勁令人更開胃!小食類的雞泡魚乾,肉質煙韌中又透著滑嫩,味甜美而不膩,蘸上沙律醬來吃更加滋味!然觀其酒牌,此店是以林林總總的日本燒酎為主打;但好友的口味另有所好--清酒,所以此時就叫上一枝,佐以美食,或許更能體驗雞泡魚乾蘊藏著的鮮味元素!好友叫了個刺身盛合,因其中等的份量,始終受兩人聚所

今天與男朋友相約午膳，我提起想吃日本菜，隨即提議帶我到銅鑼灣區的牛惣居酎屋，他作為周遊品嚐美食的愛好者，跟他到此用餐定必不會有錯。餐廳門口是木門，視覺矚目富有特色，入內可見四周均有牛隻木雕，清晰易見以吃牛肉爲主打，而整體店內裝潢從餐桌坐椅、酒櫃、到部份牆壁等均用上木製設計作主題，到處掛有日文字布和日本酒類，令餐廳富有日式風味，猶如置身日本之中。燒雞泡魚乾燒製後的雞泡魚乾色澤深啡，表面帶有光澤，外形呈現條狀，口感煙韌硬身，味道鹹香鮮味，油脂清香，配上日式沙拉醬同食很是滋味，是送酒一流的小吃。刺身盛盒五款刺身盛盒分別有帆立貝、三文魚、赤蝦、馬糞海膽、油甘魚五款，師傅使用葉子、樹枝、花朵作擺盤襯托，賣相富有大自然氣息，感覺清新。食材入口新鮮，帆立貝厚身柔軟，清甜滑溜，頂部加入蟹籽作裝飾，增加鹹香爽脆的味道。三文魚外形寬厚，紋理清晰，肉質結實飽滿，魚油豐盈，甘香爽滑，絲毫沒有腥味。赤蝦甘甜黏糯，蝦味濃郁。馬糞海膽色澤橙黃，口感幼滑鮮嫩，香甜黏稠，沒有甘苦氣味，配搭青瓜、紫菜食用，味道清新爽脆。油甘魚是厚切的，魚肉肥美飽滿，白中透紅，入口柔軟細滑，入口即溶，滿口魚香，而且沒有骨刺，方便食用。日本

約咗朋友去銅鑼灣誠品書店打書釘，附近呢條街，有好多嘢食，呢間居酒屋做緊午市優惠，定食有八折優惠，串燒有七折，試吓先。午市時間，都幾多顧客喎。鍾意飲酒嘅朋友入到餐廳好開心😆，因為佢見到間餐廳，放咗好多不同種類嘅清酒。我哋點咗兩杯店員推介自家釀製嘅酒。我杯Lychee Liquor $68，帶點荔枝香香味，酒精度適中。朋友杯 Mixed Berry Liqueur $79，果味較重，冰冰涼涼，好飲。然後，點咗幾樣嘢食一齊share:◽️刺身盛合（五點) $298 🐟🦐擺盤好靚，內有海膽、油金魚、牡丹蝦、三文魚、帶子；食材新鮮，甜度亦足，肥嘟嘟厚切嘅刺身，很可愛。我最鍾意係鮮甜嘅海膽配以爽脆嘅紫菜，包住一齊食，令人回味。◽️燒物我哋點咗：橫格肌set $138 、牛尾西京燒$128、牛小腸$40、牛心管$34。燒物質素高。橫格肌set 一客有四件，有黑燒、蜜糖燒、芥末燒及香蔥燒，原來橫格肌部份嘅牛肉，口感帶點爽脆，一次過試晒四個煮法，食得好過癮。牛尾西京燒燉煮得好琳滑，好入味。◽️最後，點咗火焰牛肉溫泉蛋飯套餐$79，好抵，呢個價錢仲有8折，好抵食。會再來。

朋友知道我鍾意去居酒屋食嘢同飲番兩杯，今日特登約我喺銅鑼灣，帶咗我嚟呢間喺樓上嘅餐廳食晏😄呢度有好多比較少有嘅牛內臟部位，兼且有大量焼酎，喺香港來講算係幾特別😋- 首先嚟$58嘅「厚燒牛舌」：非常厚肉，簡單鹽燒，彈牙味美，送酒一流，作為starter好合適😋- $298嘅「刺身盛合（五種）」：全部新鮮美味，特別出色嘅有：海膽好creamy，完全唔腥😋；鮮蝦好大隻，肉質結實😋；油甘魚腩好肥美，充滿umami😋- $128嘅「牛尾西京燒」、 $34嘅「牛心管」、$40嘅「牛小腸」：呢幾樣食物放埋同一碟；「牛尾」黐住好多肉，外邊竟然燒到脆脆地，裏邊嘅肉就好軟熟，盡顯廚師功力，仲好好牛味，呢個有小驚喜😋；「心管」彈牙有咬頭，好食，又係送酒一流😋；「小腸」感覺輕身，似乎大部份嘅油都燒咗出嚟😋- $40嘅「牛骨髓」：骨髓已經完全喺骨頭中挑出，軟腍腍又有少少煙韌，燒過之後配大量香蔥食好yummy😋- $138嘅「橫格肌set」：一共有四件，如果冇記錯嘅話，名字應該係黑燒、蜜糖燒、芥末燒、香蔥燒；橫格肌肉質有啲爽脆，好多肉汁，不同燒法都幾好味😋- 我哋仲叫咗餐廳自家炮製嘅焼酎飲品，有$68嘅Lyche

呢間居酎屋最主要係食串燒燒物，特別係牛，有好多部位我連名都未聽過！煮食或者其他食物都有。一邊食住燒物一邊同朋友飲酒傾計其實都幾正。**講下幾款我覺得幾推介食既先**雞翼：燒完都仲好juicy，keep到夠嫩滑三色甲羅燒：平時甲羅燒都食得多，第一次食呢款三色甲羅燒，裡面仲加左海膽、蟹籽、蟹柳、口感更加豐富，唔錯唔錯！橫膈肌set (黑燒、蜜糖芥辣、wasabi、蒜香)呢個set好推薦！牛味濃郁，燒完香得黎又keep到夠嫩滑。幾款醬都match到。黑燒個醬好特別，形容唔到係咩汁，好黏口，但係配合埋一齊食又幾ok。個人就最鐘意wasabi果款。**第一次食覺得幾特別既**牛草肚：原來係牛嘅第一個胃牛大腸：同豬大腸類似口感，都幾有咬口牛骨髓：第一次食，好軟好淋係一種唔識形容嘅口感，都幾特別其他例如岩手縣雞皮、蝦夷蔥牛肉卷都唔錯。

忙左成個朝早，lunch time決定要食好啲黎慰勞自己登龍街多野食就係人都知，但呢間居酒屋係樓上鋪，如果唔係同事帶路，我諗有排都搵佢唔到午膳時間普遍都比較多人，如果想上黎食book左位時間會比較容易控制啲同事嗌左手打烏冬，我就嗌左個五品刺身丼望落同出面既刺身丼無大分別，食落就見真章啦☺️首先，刺身基本上鋪滿整個丼飯，每一件都非常新鮮，絕對有入口即溶既感覺；特別要讚個帶子刺身，有清徹既甜味，而且非常厚身，無偷工減料；另外，店鋪提供既wasabi係手磨芥末（你知啦，食刺身第二大靈魂就係芥末），好食既芥末絕對可以將成個丼飯提升到另一個層次😌

之前在飲食雜誌見到介紹這間主要食牛內臟串燒的居酒屋，約埋牛魔王朋友一齊去摸酒杯刷番餐。去到居酒屋當然要飲番幾杯燒酌，店員非常細心詢問我地飲酒既程度，之後就推介我地數款燒酌伴串燒。荔枝梅酒: 店長自家釀製，好清甜。蕃薯燒酌: 比較淡味壹岐麥燒酌: 麥味重少少纖月木桶燒酌: 香氣馥郁，易入口。牛魔王朋友點完幾款串燒，都非常合我口味。牛沙瓜: 只知係內藏其中一部份，燒至表面香脆，另一面就好爽。牛骨髓: 我都係第一次食，口感軟嫩，配上蔥末，好香口。牛舌: 我既至愛，厚切之外，亦都唔鞋，好爽口。萵筍牛肉卷: 濃濃的肥牛味加上清脆解膩的萵筍橫隔肌: 有4款醬汁，店員提議我地由淡味食到濃味，牛味超濃，而且配上不同醬汁，均有不同風味，亦都刺激返牛既鮮味，極力推介。

今日同朋友嚟到呢一間食牛肉，同埋牛內臟串燒嘅專門店，喺香港真係好少見到餐廳有做牛內臟嘅串燒，所以特登黎試下。今日我哋叫咗好多唔同嘅菜式，同埋好多特別嘅串燒， 配搭埋佢哋自家製嘅燒酌！真係好似去咗日本咁！首先我哋就叫咗火炙韓式生牛肉，呢個牛肉你都本身係生嘅，之後師傅就喺我哋面前笑到佢大概5成熟，之後再包埋紫菜同埋蛋汁一齊食， 感覺自己好似食緊牛肉他他咁，味道都幾好！係串燒方面，我哋就叫咗橫隔肌set，免治牛肉棒 配生雞蛋，牛大腸，牛小腸，牛骨髓，仲有牛草肚同埋雞翼。總括來講，我哋都覺得佢哋兩款食物都燒得幾好，特別係內在每款都配搭唔同嘅醬汁，唔會有牛騷味之餘，又帶得出內臟本身嘅味道！

登龍街一向都是美食街～今天和好友喝兩杯吃串燒，先來杯白桃燒酒，是自家製浸的，淡淡清香桃味～很甘甜～接著我們吃的是全牛串燒～～厚切牛舌，很有嚼頭，滿口都是肉汁，沾些七味粉更好吃～牛大腸質感比小腸較實，很有嚼頭，燒得恰到好處～牛骨髓平時都是火鍋煮的，想不到燒的也別具風味～很滑溜，我最喜歡吃牛骨髓～牛小腸，質感腍身牛柏葉，質感爽口不硬，夾著蔥吃很配合牛沙瓜 即是牛胃，很腍滑，牛味香濃～～牛心管，質感最實最有嚼頭，一邊吃一邊喝酒一流～牛心，呈嫩粉紅色，內裡仍保留肉汁～很juicy模隔肌 set有四款味道，各有特色，包括黑燒、蜜糖芥末、Wasabi, 蒜香，黑燒滿有芝麻香味，香芹混和Wasabi，味道夠濃，橫隔肌這個部位特格腍滑，師傅燒得很好，外面有小小脆內裡滿是肉汁～咸牛肉燒飯團，超美味！外面燒到脆脆飯焦感，咸牛肉和米粒一起吃也不會過咸，夾著紫菜吃～很滋味啊！

銅鑼灣區好多餐廳選擇，我最鍾意食日式料理。今日同朋友去食串燒。串燒叫咗橫間肌set，有四串。分別有唔同嘅口味，牛味好香，而且夠Juicy! 肥瘦適中，仲一次過食到四種味道。火炙韓式生牛肉，包紫菜食厚切牛舌我覺得一定要叫，牛舌爽得來肉質又林，調味又好食。少少鹽燒好袋。然後叫咗一啲內臟串燒，有牛大腸、牛小腸、牛骨髓及牛筋。估唔到燒得幾香、又有味道。鍾意大腸小腸外皮香脆，牛骨髓我覺得都整得幾好食，大家都可以一試。牛筋串燒第一次食，估唔到都幾得意，口感唔錯。燒飯團係我食串燒比較鍾意食，呢度嘅飯團🍙有鹹牛肉味燒得好香、外邊有飯焦，yummy！

香港少有出色牛肉內臟燒串，配搭埋燒酌，真係冇得頂！耐唔耐真係要去chill下！環境都好日式，擺滿左唔同嘅酒🥃今次試咗好多款唔同嘅嘢，特別想推薦同介紹以下嘅燒串！！真係好特別好好食！✨火炙韓式生牛肉呢個生牛肉即刻現場有師傅燒，可以自由揀生熟度，我自己就比較食得生啲，所以揀咗五成熟左右，食落配埋蛋汁，好有層次！✨橫格肌set芝麻醬 蜜糖芥末 Wasabi 香蔥呢個係我最推薦嘅燒串！有四款唔同口味師傅話要由右邊到到左邊每一款都好特別，而且牛嘅肉質特別嫩滑👍🏻我個人最鍾意係香蔥😍😍✨免治牛肉棒 配生雞蛋呢款好多居酒屋都會有但係呢度嘅牛肉味食落比較重、比較香！✨馬蹄牛肉卷🫔✨萵筍牛肉卷食咗咁多肉梗係要食返啲蔬菜嘅卷😛呢兩款卷物都好好食馬蹄就會比較爽口；蘆筍食落相對嫩口！呢幾款串物都係比較推薦👍🏻✨牛大腸✨牛小腸✨牛骨髓✨鴨舌每一款都燒得啱啱好，唔會好膩，同埋都唔會有腥嘅味道！配搭埋佢獨有嘅醬汁，真係好好味😋好少喺出面嘅居酒屋食到，所以難得嚟到真係要試一試！燒飯團🍙呢兩個燒飯團都好出色，飯團外層燒得焦焦的，食落好脆口，一個係鹹牛肉，另一個就係普通飯團！鹹牛肉食落會比較有層次，但都相對重口味啲😛

約了朋友食串燒飲酒🍶，這間餐廳用了不少酒樽裝飾，感覺不錯。我們坐在吧枱看著師傅燒串燒，串燒熱辣辣🍢燒起，夠安心食用。牛舌 | $58牛舌厚切有四塊，牛舌👅燒得好香，雖然厚身但好腍。雞翼 | $34雞翼燒得皮脆肉嫩，肉質依然好滑，不會燒得太老，仍然有肉汁。👍🏻(左起) 牛大腸 $38 | 牛骨髓 $40 | 牛小腸 $40牛大腸口感像五花腩肉般，不像內臟腸的感覺；牛骨髓含有豐富的蛋白質及鈣質，吃起來煙煙韌韌；牛小腸好大串，咬落去粉粉的。月見免治牛肉棒 | $58把蛋汁攪勻，以牛肉棒點蛋汁吃，蛋汁令到串燒也變得滑溜，牛肉棒中間有些軟骨，讓免治肉中有些不同的口感。(左起) 牛柏葉 $36 | 牛沙瓜 $36牛柏葉好爽口，有洋蔥絲一起食；牛沙瓜是牛的第四個胃，即反芻的那一個，很多皺皺的部位，口感跟牛柏葉有點相似，也是爽爽的，但牛沙瓜會比較綿一點。牛心管 | $34有些麻油味幾香，初吃有些爽口，吃起來有些嚼口，不說也不覺得是內臟。牛心 | $32牛心好厚身，雖然厚，但肉質軟腍，味道濃郁。橫隔肌set | $138橫隔肌肉較腍，有四款不同口味，左前方起有蒜香、wasabi、蜜糖芥辣、黑燒。蒜香上有

最鍾意食日本居酒屋🏮可以一邊飲酒🍻一邊食串燒🍢呢間居酒屋有吧枱、有普通table~ 我哋坐咗吧枱。首先有生野菜沙律🥗新鮮開胃! 之後就到串燒。呢度嘅串燒師傅卷得唔錯，樣皮都好食！▶️火炙韓燒牛肉一師傅即刻喺你面前燒，點生蛋食舊肉就夠滑。▶️厚燒牛舌夠爽口，燒到剛剛好，有鹽燒風味。▶️免治牛肉棒鍾意食呢個，平時食開豬免治，今次食牛又唔錯～我幾鍾意食燒內臟嘅串燒，因為好多都夠香口☺️▶️牛大腸、牛小腸洗得夠乾淨，燒到外皮香脆，真心好食。▶️牛骨髓口感唔錯，有啲「漿」住嘅口感，感覺好有營養🤪▶️牛筋 有蔥喺面，食落更香～▶️雞翼燒雞翼正呀！卜卜脆雞皮～▶️咸牛肉燒飯團🍙飯焦咁，好脆口，入面好熱，估唔到咸牛肉幾特別～▶️ Mixed berries 嘅酒🥃清清地帶少少雜莓味～

今日同朋友經開銅鑼灣，想搵一個好坐地方，宵一宵夜。於是經過永光中心時入左間居酒屋，牛惣居酎屋，專門食牛。先上一個牛肉扒配月見汁。牛肉扒好厚切，肉質鬆軟，裡面鎖住肉汁。食法係打散蛋黃，然後同醬一齊食，味道令人眼前一亮。免治牛肉棒、精選牛三點，有唔同牛肉部位。第一次發現原來牛肉唔同位置，口感分別可以咁大，有鬆軟、有彈牙、有蘇味特別重。有唔同醬料搭配，加上檸檬汁味感清新，令人唔會覺得太膩。食完一輪串燒，牛肉令人齒頰留香，送酒一流。甲羅燒。難得菜單有海鮮，當然會忍唔住試一試！巨型蟹蓋上釀左唔同蟹部位，有蟹籽、蟹膏、蟹肉，食用時搭配紫菜，捲起再放入口。蟹膏質感幼滑，蟹籽充滿海水鮮味，蟹肉清甜，令人回味無窮，唔錯。今次叫左玫瑰燒酒，貪佢顏酒樽粉紅色，非常吸引。玫瑰酒適合細口細口、輕輕品嚐。總結黎講，牛惣居酎屋係唔錯的選擇，既坐得耐、氛圍又適合傾計小聚，食物水平中上。今次甚為滿意，推介比大家！