牛惣居酎屋

营业中

休息中

這天午飯時間在銅鑼灣一帶，就走到登龍街永光大廈的牛惣居酎屋🏮，來個午市定食🍱。甫踏出電梯，就已佈置得很有風格，去不到日本旅遊，在這裡可以幻想一下身處日本🇯🇵前菜為蟹柳車厘茄椰菜絲沙律🥗，配上芝麻醬，清新又醒胃一本鰻魚飯 $132看到一大條鰻魚蓋在飯上已經令人垂涎欲滴🤤，鰻魚肥美飽滿又可口，醬汁味美😋，好味到連一粒飯也沒剩呢！伴碟小吃為芝麻醬豆腐，豆腐香滑無比，而且還是暖暖的蜆肉麵鼓湯的湯料還有紅蘿蔔🥕丶海帶丶金菇丶豆腐等，足料好味

午餐時間街邊有人派傳單，攞咗三張，最吸引都係哩間。係登龍街22樓，哩幢樓全部都係餐廳。好似居酒屋咁，燈光昏暗，坐咗一陣好想瞓覺。我哋叫咗照燒慢煮雞扒定食＆牛仔骨定食。另外叫咗一份燒牛筋條。先嚟前菜味道一般雞扒好香口，雞皮脆脆的，有麵豉湯凍豆腐。最愛佢個野菜，夠晒多，鍾意食菜嘅我……加分。份量都幾夠。牛仔骨都好好味，好香，切好一片片，加少少七味粉，呀～我哋驚唔夠食，叫咗一份串燒牛筋條。好juice，烤到剛剛熟，好食。好有驚喜，會再嚟試埋其他嘢

男朋友知道我鐘意食日本菜，今日放假特登帶左我出去食飯！餐廳係一間日式居酒屋，主打牛肉料理，牛的所有部位都可以煮到！男朋友先叫左一個刺身五盛，有齊五款刺身！疫情後都少左好多機會食刺身，而家緩和啲，又輕鬆下啦刺身厚切又肥美，入口食得出好新鮮，而家色澤好靚！魚肉入口油脂豐富又甘甜，魚油高！我哋最愛海膽和牡丹蝦，海膽好鮮甜，無腥味！牡丹蝦好大隻又爽甜我地叫左幾款串燒，當然要試下牛肉啦！我哋叫左牛大腸、牛小腸、牛筋，仲有一定要試既橫膈肌拼盤，總共有四款味道！牛肉炭燒香口油香，入口肉質非常爽嫩！午市仲有定食，好抵啊我地叫左牛仔骨定食！牛肉非常爽嫩，又不失口感，份量仲好足夠！

今日同女朋友去左銅鑼灣食飯，晚市未恢復，夜晚無得出街食飯，唯有中午出去食飯輕鬆下！女朋友鐘意食日本菜，我地去左主打牛肉既居酒屋，中午嘆下我地先叫左刺身五盛，有齊哂五款刺身，全部厚切又新鮮！刺身色澤均勻，油香豐富，最欣賞海膽入口好鮮甜啊！牡丹蝦好大隻，仲有蝦膏添！我地叫左雞翼串燒、豚肉秋葵串！當然唔少得牛肉啦！餐廳用盡全隻牛，所有部位都可以食！我地叫左牛大腸、牛小腸、牛筋！當然要叫埋人氣橫膈肌拼盤！有四款口味！串燒充滿炭火香，油脂豐富，入口超爽嫩！

係第一次去居酒屋食嘢🤣見佢串燒有八折，所以就去試下。火炙韓式生牛肉 $98師傅用火槍輕輕燒過，然後就用紫菜包住生牛肉，再點啲生蛋黃汁，夾多塊青瓜一齊食。我覺得口感好新鮮，蛋黃汁可以令到味道更加濃厚，口感都更加滑。刺身盛盒（四點）$248刺身件件都好厚身，三文魚冇筋，好肥美，入口即融。虎蝦大大隻，好鮮甜，肉質彈牙。帶子因為夾住啲青檸，所以會多咗啲青檸嘅酸味，味道清新好多。最後嗰嗰應該係立魚？一樣係好肥美，油脂分佈好均勻。高質！白鱔 $52好推薦呢個白鱔，外皮燒到脆卜卜，咬落去啲肉好彈牙，味道好鮮，我平時唔係好鍾意食鱔，但呢個白鱔真係超級好食！橫格肌set $138呢個燒橫格肌有四個醬，芝麻醬、蜜糖、wasabi、蔥蒜味。職員介紹話要按順序食。首先係芝麻味，芝麻味偏淡，係真芝麻磨出嚟，芝麻味都算濃郁。蜜糖味可以令到牛肉自己本身嘅味更加突出，係最食到牛味嘅一款。wasabi味為味蕾帶嚟好大嘅衝擊🤣反而令之後食嘅蔥蒜味更加柔和。

你想食咩牛嘅部位佢都有！🤩前兩日生日朋友就帶左我去呢間好特別嘅串燒店到食 一於同大家介紹下我地食左咩:1. 牛骨髓 $40好特別 未試過食啲咁嘅texture嘅嘢食 一試難忘 望落去以為食落應該腍啤啤咁 點知佢滑捋捋得黎有少少咬口 好有喜感 仲要上面有少少酸酸咸咸嘅醬 黎呢到點都要試試佢2. 牛沙瓜 $36 牛柏葉 $36 牛小腸 $40咬落都係煙煙韌韌咁 好有咬口 燒到好香 最特別係牛柏葉上面仲有啲秘製嘅甜甜地嘅醬 好味得黎好爽口 牛小腸同沙瓜都同樣唔錯 沙瓜應該係肚嘅一部份 （見到佢英文嘅描述）所以都好彈牙 好惹味3. 厚燒牛舌 $58 ✨呢個不得了 係我咁多樣最鍾意食 唔好以為佢同普通料一樣 佢真係名符其實厚燒 SUPER JUICY 啲肉汁同油脂係你每咬一啖都滲透你口腔每個角落 必食推介4. 免治牛肉棒 $58呢個都好好味 燒到真係好靚 佢仲有個豉油撈雞蛋汁俾你點 再加上較為厚實肉質嘅免治牛 真係好滿足5. 牛大腸 $38呢個感覺同小腸 沙瓜嘅好似差唔多 都係啲爽口彈牙嘅質感 好味嘅6. 鴨舌 $34朋友係咁讚呢個好味 其實我就第一次試 都幾唔錯 有少少軟骨 香濃嘅鴨味 好有咬

這間餐廳之前已幫襯過，整體十分滿意，特別欣賞師傅對串燒的調味和火候。今次又帶來朋友再吃。 🔸️牛三點這個沒吃過，想試下。▪️牛小排他他配蒜片牛小排輕燒兩邊，連同蒜片和自家醬料一同吃。好多層次的口感，因為蒜片和醬料混和在口腔內，帶點辣辣的，有點像吃wasabi，好過癮。 ▪️火炙韓式生牛肉半生熟的牛肉沾蛋汁，所以入口滑滑的。 ▪️牛肝醬配海盜芝士梳打餅上放了芝士、牛肝醬和香葱。這個芝士味較重，類似是藍芝士味，這個吃下口腔會充滿芝士味，反而牛肝醬味道不突出。朋友都滿意這一餐，我當然也開心。

今日去了朋友介紹位於銅鑼灣登龍街的居酒屋食午餐，朋友話這店最特別的地方是可以吃到牛內臟串燒。入到餐廳覺得好有日本居酒屋的感覺，無得去飛去日本，可以來止止咳。既然來到串燒店，當然要試下佢地既串燒串燒套餐 - 牛肋條、横隔肌，牛舌，冬菇($168)牛肋條燒得剛剛好，肉味香濃而且很軟淋。燒横隔肌有濃郁牛味，燒得很香口厚燒牛舌以簡單鹽燒，牛舌夠厚又不會韌，還帶點爽口。飯是用上了日本米，有煙韌的感，配以串燒的醬汁，非常美味跟餐還有附送一碟刺身。法式鵝肝配蝦夷蔥花蛋飯($108)鵝肝口感入口即融，油脂剛好，不會很油膩米飯配以蝦夷蔥花和蛋一起吃，特別美味，賣相也很吸引牛大腸 ($38) - 入口即溶，口感肥美！口中充滿牛的油脂味道，但又不會膩！好味牛骨髓($40) -  我是第一次食，燒得外脆內軟，完全没有騷味，唔錯牛沙瓜($36) -  原來是牛的第四個胃，是最矜貴的，入口爽脆煙韌，非常有口感蘆筍豚肉卷($38) -  將爽脆蘆筍用豬肉包起來，一啖可以吃到多種口感，給味蕾大滿足如果開番晚市，會同朋友再來飲下酒🍻，傾下計。

近來工作比較忙，很想放鬆一下吃好一餐。約了朋友一起到銅鑼灣吃串燒。 朋友是老饕，我由得朋友拍板點餐。 首先來個刺身拼盤~有帶子、海膽、油甘魚、三文魚、赤蝦。都很新鮮噃! 赤蝦最鮮甜。整體份量足夠，如果三文魚再切厚身點，口感更加好! 我和朋友都是牛脷控👅，所以點了汁煮牛脷和燒牛脷。 前者煮得淋，夠入味。但最愛仍是燒牛脷!外層香，內裡肉質淋身， 不會過韌，帶著油脂香，正中牛脷控的心。💘再來有牛小腸 、牛沙瓜同牛筋。這裡的牛小腸，很驚豔，絕對沒有怪味，只有牛脂香，一吃便愛上。 雞翅又是推薦之一。真正做到外面脆內面軟淋。火喉剛好。 免治牛肉棒好靚仔。吃的時候先攪拌蛋汁，以牛肉棒沾上蛋汁吃，令到牛肉咬下去且好滑。 這是什麼？和牛脂？我和朋友都沒吃過，對它有點好奇。一吃就鐘意了，把油脂燒過，香脆口感一咬就爆出半固體狀的油脂，在口中迸發溢出。雖然邪惡，但誰人能抵擋這種 誘惑？😈

朋友介紹我哋去銅鑼灣登龍街一間樓上日本餐廳「牛惣居酎屋」食串燒，這是一間「牛串燒專門店」，餐廳有較少見嘅牛內臟串燒，例如牛骨髓、牛沙瓜、橫膈肌等最後我哋叫咗：1️⃣ 法式鵝肝配蝦夷蔥花蛋飯 $1082️⃣ 串燒套餐 $1683️⃣ 牛大腸 $384️⃣ 牛沙瓜 $365️⃣ 牛骨髓 $406️⃣ 蘆筍豚肉卷 $38價格💰：$471 ($428 + 加一服務費 $42.8)味道😋：好味😋法式鵝肝配蝦夷蔥花蛋飯：賣相非常吸引，味道都OK串燒套餐：這款套餐原來係餐廳最近新推出的，有4款不同嘅串燒，包括 牛肋條、橫膈肌、牛舌👅 、冬菇🍄；牛肋條口感軟Q有嚼勁；橫膈肌好有牛味，口感鮮嫰，又具咬勁；牛舌燒得啱啱好，肉質爽口，非常惹味牛骨髓：第一次食燒牛骨髓，味道油美帶香，口感軟嫩可口牛沙瓜：牛有4個胃，而牛沙瓜則是牛的第4個胃袋，吃起來口感煙韌，又有嚼頭蘆筍豚肉卷：薄薄的豚肉片包住蘆筍，配搭清爽多汁，咬落去又可以感受到蘆筍嘅脆嫩

好友生日由於沒有晚市堂食，所以今年改食lunch好好慶祝一下。好友是牛牛發燒友，一於帶她去牛牛專門店最適合不過。和風蒜子蕃茄沙律蕃茄去除外皮加上蒜蓉酸汁調味，味道酸酸甜甜非常醒胃，而且蕃茄味道清新爽嫩，叫一客做頭盤令人食指大動。月見免治牛肉串牛肉打成免治狀態再釀上串燒上燒烤，食時先拌勻日本醬汁加生蛋黃，再將免治牛肉沾上蛋汁，入口鮮嫩多汁，蛋香嫩滑，而家充滿彈性。串燒雞翼雞翼外皮金黃香脆，雞肉鮮甜美味，肉質鮮嫩可口，用少少鹽調味已經非常足夠。牛筋原來牛筋都可以做串燒，店家先將牛筋滷到軟身之後再烤，入口充滿軟糯口感，膠質非常重，味道可口美味。牛草肚平時食粉麵就常常食到，第一次食牛肚串燒，口感爽口鮮甜，輕輕沾上醬汁已經好好食。萵荀牛肉卷萵荀清甜多汁，牛肉香甜鮮嫩，加埋一齊食，估唔到非常之夾。牛油果芝士燒食太多肉所以食返個小食中和一下口腔，牛油果上面加上大量芝士再慢慢燒溶，之後灑上木魚碎，入口芝士味香濃，牛油果軟淋，加上木魚碎味道咸香得宜，味道可口。

過來銅鑼灣要等我朋友，但朋友要遲些先到，我就要去搵個可以坐下又可以食下小食既地方，就去搵下串燒店，香港開串燒店越來越多，有港、日、泰式都有，我比較喜歡日式串燒，但這間原來專食牛內臟既串燒，除了內臟都有其他部位，牛之外都有其他食物，例如刺身、豬、雞等。【牛骨髓】牛骨髓係我喜歡之一，燒了外皮帶點煙韌，入口內裡質地帶點軟滑。【牛筋】師父說牛筋是慢煮令佢忟半腍，然後再燒烤。所以燒後的牛筋表面肉質少少脆脆的，內裡部分帶點煙韌，忟煮非常入味，再與蔥粒一起食令味道多份清香味。值得推介。【雞翼】每次串燒都會叫雞翼，外皮香脆的口感，內𥚃非常有肉汁，是我必點之一。【咸牛肉明太子燒山芋】賣相不錯，帶點金黃微焦，頂部又有鮮花襯托。食落真是太複雜了，有鹹牛肉的鹹香。明太子的微辣。山芋爽脆，但沒有諗過這幾款食材咁夾，味道層次十足，是一道真係好有特色菜色。

這間牛惣居酒屋位於銅鑼灣登龍街28號永光中心22/F!係一間樓上店舖!地方雖然唔係好大!但係地方環境裝修都算唔錯!坐低感覺都好舒適😙😙😙!.鵝肝蝦走夷蔥飯剌身盛合(四點)串燒套餐雞翼厚揚.串燒套餐賣相都好吸引!睇見都好想食😋😋😋!有唔同款式嘅串燒!一揸上手味道香噴嘖😙😙😙!咬落去每一串串燒味道濃郁!夠哂腍身!相當之唔錯!另外同時都有D剌身配搭!我覺得幾抵食!我覺得都幾抵食!.鵝肝蝦走夷蔥飯當店員送到上枱就好吸引😮😮😮!味道好香噴噴😙😙😙!食到入口咬落去肉質極之juicy😋😋😋!外脆內軟滑!味道超正👍👍👍!食到停唔到口!真係好有水準!.剌身盛合(四點)剌身望落都好新鮮!每一件大細厚度都一樣!色澤睇到覺得都好juicy🤔🤔🤔!厚度恰恰好!十分之有口感!.雞翼雞翼望落都好特別🤔🤔🤔!表面呈金黃色!食入口好香口!味道都幾好😋😋😋!.厚揚呢件厚揚賣相都幾好!金黃色嘅外皮!外脆內軟滑!味道都幾好😋😋😋!.*價錢一般!食物質素都唔錯👍👍👍*

來到登龍街這條食街，去了一棟美食雲集的商業大廈，這裡有很不同國家的菜式。這次想吃日本料理，就決定吃這家吧😆。店舖環境不算很大，舒坐得挻舒適。午市時間有多款套餐供應。💥刺身盛盒四點 HKD$248，包括：三文魚/油甘魚/帶子/大蝦。看著賣相就覺得新鮮，魚生的味道鮮甜，簡單配醬油吃味道也不錯。💥串燒套餐 HKD$168，一份有四款串燒，每次去也有機會不同的。串燒剛做出來很香，肉質口感煙韌😆。肉類串燒還有油份在口腔散發著，跟餐還有小碟刺身附送。💥鵝肝蝦夷蔥飯 HKD$108，這個賣相挻吸引，鵝肝有兩大件份量。鵝肝口感入口即融，油脂剛好不會很油膩，這個用來拌飯確實不錯😊，還有蔥在飯面令到口感更豐盛。💥串燒 HKD$28起，選擇了厚揚和雞翼，串燒即叫即燒以保持最佳口感😚。雖然是簡單的調味😆，但味道挻香的，食物口感剛好不會太韌。食物質素不錯，價錢一般，平日去人流不算很多，所以不用等太久。

發現鼎食聚、香港旅遊發展局，連同200+家酒樓、餐廳，推出We Love Dining promotion。第７站，吃日本料理We Love Dining 午餐，148元/位：#刺身：赤蝦１隻、三文魚腩２件、帶子２件，全部都很新鮮，好吃！#主菜：網燒安格斯牛扒，店員沒有問要幾成熟，我覺得有７至８成熟，肉質挺嫩的，好吃！#白飯：日本米，質感軟糯，是我喜歡的！#味噌湯，不會過鹹，不錯！#汽水：選了Coke Zero(另有原味可樂、雪碧、芬達)之前來過１次，吃一本鰻魚飯定食，食物水準保持！