牛惣居酎屋

营业中

休息中

疫情又開始大爆發，唔知又會唔會停晚市，唯有捉緊時機，約朋友出黎食番餐好既。朋友提議這間出名食牛串燒及飲燒酌的居酒屋，一入去好似去了日本一趟一樣朋友最識食，所以由佢發板點餐，然後侍應推介我地幾款燒酌伴串燒，令我這個平時少飲燒酌都要揍下熱鬧朋友點了數款串燒都好岩口味，火炙韓式生牛肉:  侍應在生牛肉表面火炙到5成熟左右，入面仲生生地，再用青瓜及紫菜包住，跟住再沾少少蛋汁一齊食，簡直無得頂橫隔肌串燒:  分別有4種味道，侍應提議我地順次序由黑燒芝麻醬、黃芥末蜜糖、青芥末、蒜香蔥花，由淡味開始食到濃味，首先牛味好重，又夠嫩滑，雖然配不同味道，但不會搶走牛的香味。咸牛肉明太子燒山竽:  上層係明太子mix鹹牛肉，然後下面有厚厚山竽托底，我都係第一次咁樣食，味道好解甜，而且厚厚山竽口感脆，絕配之後又點了幾款串燒，睇得出師傅都將每款燒到剛剛好，外脆內軟😋😋最後食埋呢個燒飯團，飯焦香味，入面配上三文魚&明太子，簡直將味蕾提升到千萬倍

係平日的晚上同朋友聚餐，店鋪座位唔多，如果假日黎應該要book 位比較好燒雞泡魚干呢個真係好食，雞泡魚干香甜，下次黎都會再叫火炙韓式生牛肉以為好細碟，原來份量都幾多，上菜時牛肉係全生的，店員會現場幫你燒，如果鐘意熟d的朋友可以叫店員燒耐d牛骨髓未食過燒的牛骨髓，醬汁比較酸，覺得一般般橫隔肌set肉質一啲都唔韌，幾出色，有5種唔同的味道，必點蝦夷蔥牛肉卷蝦夷蔥的蔥味相比起普通的蔥無甘濃郁月見免治牛肉棒 + 日本銀杏牛肉棒配上蛋黃加甜醬油，口感多汁，食完想再叫多份和牛尾西京燒呢個燒得好香，肉質好冧，好食！藥膳茶泡飯好重藥材味，對於我黎講一般

朋友太熱愛食牛喇，所以今日就約左去食一間出名食牛既日本串燒餐廳食日本串燒當然就係配燒酌呢杯燒酌係自家製的，以berry做主調好好飲火炙韓式生牛肉上檯時，牛肉係生的，然後服務員會用火槍係我哋面前燒到表面微焦香味十足食落牛肉口感好軟滑，因為唔係全熟的！當中亦有啲洋蔥&黑椒既香味用紫菜夾埋一齊食，有不一樣的感覺，味道更有層次！咸牛肉明太子燒山芋呢個好有驚喜咸牛肉同明太子融合一齊，口感好細滑，有入口即溶嘅感覺而下面既山芋好爽脆，由細滑到爽脆，有多重口感燒雞翼+燒雞皮燒得好香，雞翼外脆內滑仲有雞皮好脆卜卜真係完全係日本風味燒牛舌根呢個比牛舌更有口感，爽脆度倍增！平時好少可以食到燒牛沙瓜+牛草肚兩者都係牛既胃，師傅燒得岩岩好一啲都唔韌最鐘意爽彈既口感！蝦夷蔥牛肉卷+萵筍牛肉卷呢度既牛真係好高質呢個薄薄既牛肉都超濃牛味，牛既香滲哂落去蔥&萵筍度橫格肌set有黑芝麻味、蜜糖芥辣味、wasabi、蒜香味我個人更喜歡wasabi味有啲辣既刺激橫格肌既肉質好有彈性，食落好有口感燒飯團（三文魚+咸牛肉）超鍾意食燒飯團燒到脆卜卜，好有飯焦既感覺今晚既牛宴實在太滿足喇樣樣都好好食，無一樣可以挑剔

😍俾我搵到間專食牛既日燒，店內環境極度有日本風，食食下就好似去左銀座既日本餐廳一樣😎「牛舌根」第一次食，有咬口也不會過太👍🏻👍🏻「牛草肚」=牛肚，少有用來燒，但good ah配上特別的醬汁😋「萵筍牛肉卷」少有用萵筍，爽口!yummy☺️「蝦夷蔥牛肉卷」包著細幼的蔥，好香口呀☺️「厚揚」原來係豆腐，好滑，外脆內軟👍🏻「荷蘭大啡菇」好香菇味，而且有水份😋「咸牛肉明太子燒山芋」相當特別🥰上層有厚厚明太子咸牛肉，下層有爽黏口的山芋😋👍🏻「橫格肌set」燒牛上配上不同配搭，芝麻/ 芥末蜜糖/ Wasabi香蔥 / 薑蔥 ，4款都相當特式，我就比較喜歡芝麻，少有的配上牛肉燒😋😋最後叫了杯 「mixed berry liqeur」自家制酒，甜甜地冰凍，好適合今晚既日燒🤗備註：價錢尚可合理👍🏻多款特式牛部位🐮同朋友飲酒傾八卦野好地方🤪店員nice💕

這間樓上居酒屋非常有特色，四處滿佈木系傢俬及多不勝數的燒酌樽，使人禁不住想喝多幾杯😂 店舖主推燒酎，店員推介了自家製菠蘿燒酎(左)及梅子燒酎(右)，的確果味香濃易入口，非常適合女士品嚐。另外我們又試了紫蘇燒酎及粉葛燒酎，紫蘇味清香撲鼻，有得像紫蘇葉夾著刺身入口的熟悉感覺。粉葛燒酎較清甜，很適合伴燒物。店舖提供了很多特式串燒，有很多牛的內臟可供選擇。先來生野菜沙律加點麵豉醬，椰菜生食原來很清新脆卜卜，爽口開胃。火炙韓式生牛肉，店員會根據客人的生熟喜好，在客人面前以火槍烤熟，牛肉沾些蛋液，加片青瓜再以紫菜包著入口，清新香烤多重口感。串燒牛沙瓜，牛草肚，兩者都是牛的胃部，牛沙瓜少許爽口，沒有騷味，牛草肚質感像豬肚。牛心管較少地方提供，口感彈牙爽口，佐酒一流。橫膈肌SET有(右至左)黑燒、蜜糖芥辣、Wasabi 及蒜香味，店員提意由右面淡味開始吃，黑燒是濃濃的黑芝麻香，滑滑的很特別。但我最愛蜜糖芥辣味，入口一下芥辣爆開，印象難忘。另外更品嚐了牛骨髓、牛筋、牛棒、牛小腸、牛大腸、芝士雞翼及牛柏葉等等，絕對是體驗非常豐富的一晚。

難得放假同朋友出銅鑼灣，食嘢兼飲兩杯。今次搵咗牛惣居酎屋，朋友話佢嘅牛串燒款式勁多，咁就要來試試啦。內裏環境不錯，更見到不同的燒酎，今晚應該盡興而歸下單一會店員隨即送上沙律一碟，新鮮蔬菜就是清新爽脆。首先兩杯燒酎，菠蘿味及梅子酒。梅子酒香氣撲鼻，晶瑩剔透，有獨特的風味，口感豐富。邊喝邊品嚐串燒，心情輕鬆愉悅！首先店員會即場火炙生牛肉，看客人需要多少成熟。爽脆紫菜及清脆嘅青瓜片，加上混合了蛋漿的嫩滑牛肉，十分美味。接着是精彩的串燒，全部即叫即燒。牛舌的油脂分布不錯，吃起來柔軟同時口感有嚼勁。牛草肚口感薄而滑。牛沙瓜，燒汁惹味，吃起來像食豬肚，外皮爽香脆，內側腍而煙韌，很特別。雞翼新鮮燒起，入口香脆，內里多汁，正。牛骨髓口感軟嫩可口。牛筋入口軟腍入味，送酒很正。中間大大串的自家製成牛肉棒，新鮮燒起，外層香脆，內里肉質爽滑有咬口，再蘸雞蛋黃一起吃，很有滋味。牛小腸，牛大腸，以鹽燒製，它們的油脂都很香口，相比之下，牛大腸嘅油香味香濃。第一次見牛心管（牛的大動脈，每隻牛只有一條），入口是脆口的，有咬口，送酒一流。喜愛咀嚼可以試試感受它的味道。牛柏葉口感爽脆，很有味道。芝士雞翼，雞肉嫩滑多汁，芝士

朋友想吃日本菜，我想吃香口野，結果選擇了食日本串燒😂。本地日式串燒店良莠不齊，但未試過怎能發掘好店，即管放心一試。🔸️牛肝醬面鼓自家調製的醬料，可 配蔬菜或者肉類。我覺得都幾香，帶些面鼓的味道，但由於串燒都夠味，較少點醬汁，反而用來點蔬菜更理想。🔸️牛脷👅我愛牛脷! 食串燒必點! 這個也 恰如其分 。首先外貌已勝一籌， 厚切嘅牛脷 有四塊 ，一入口有油脂香， 而且不會靭。 咬得開， 而且調味剛剛好， 不用再點醬汁已經很香口。🔸️牛小腸第一次食牛小腸， 但原來口感很好! 有點像豬腸 ，外脆內軟， 但是一點 臊味 也沒有 ，怕吃內臟的人也能喜歡。這個令我很驚喜。🔸️牛心管又是第一次吃，爽脆爽脆的，本身沒有味道，所以鹽燒後是送酒佳品。🔸️牛柏葉第一次吃日式煮法的牛柏葉， 都幾得意。 雖然牛柏葉是燒的， 也不會枯乾 ，反而保留到牛柏葉本身的爽口。 同樣地， 沒有內臟的味道。🔸️火焰 韓式生牛肉🔥免治牛肉捧過來 後，侍應會問想要生一點還是熟一點 ，我們 選擇了要熟一點 ，然後侍應就會用火槍 燒過免治牛肉 ，大約兩三分鐘就可以吃了。 本身 碟上有 紫菜和青瓜可以配搭一起吃， 但是我覺得 單獨吃 免治牛肉 ，更

和好友共聚，想飲酒和吃飯，於是到銅鑼灣食串燒。▶️牛脷師傅的技巧很好串燒, 焦香剛剛好， 唔會太生又唔會太燶 ，入口好香 ▶️牛展好像沒吃過串燒形式的牛展, 點了一串試吃， 結果沒有失望。 牛展一向牛味十足， 加上 師父的調味， 保留到肉汁之餘 ，又很易咬開 。這個很推薦 ▶️牛柏葉爽口， 送酒一流! ▶️雞翼上台時， 見到雞翼不算黃金色 ，有點懷疑 是否夠 火候。 一咬下去 我便知錯了， 這個雞亦能夠做到外脆外香內軟， 唔會太乾， 充滿肉汁 ▶️免治 牛肉串曾經在其他串燒店吃過這道菜 ，但今次這個是比較印象深刻的 ，因為真的很能夠保持到牛肉的肉質， 仍然是滑滑嫩嫩的 串燒 當然要配酒啦~我通常都會要啤酒 ，但今次 就被燒酌吸引了。我點了杯荔枝酒， 非常的香甜 ，但又不是那種 假假的香精味道。 一問之下， 原來 餐廳以 鮮果釀造燒酎， 難怪那麼自然。 於是又點了杯 期間限定的 菠蘿 燒酎。 同樣地 要講，好好飲呀~~ 女孩子們一定會喜愛， 非常之易入口， 又充滿咗自然嘅果香。在滿月的一個晚上，就這樣和朋友飯飽食醉。

趁疫情緩和，今日約左朋友去居酒屋鬆一鬆。我地去銅鑼灣永光中心，預約左牛惣居酎屋。一坐低，我就迫不及待叫個甲羅燒。蟹蓋非常巨大，紫菜亦好大片。除左咬口爽脆，更帶比人視覺衝擊。蟹蓋內容相當豐富——蟹籽粒粒飽滿，蟹膏幼滑可口，蟹肉彈牙，每一啖都唔同質感，適合包住紫菜食。跟住係特色牛串燒，共有四款口味，全部都係牛橫隔肌，分別係蜜糖芥茉、 芥茉Wasabi、 蒜香、芝麻燒汁。Wasabi 配上燒牛非常新穎，口感獨特，蒜香中規中矩，芝麻燒汁特別香濃，各有千秋。主食到啦，係咸牛肉燒飯團。乍看之下平平無奇，一大個啡色燒飯團。但係一切開就飄黎一陣香氣，香濃牛香刺激味蕾，飯糰份量好足，食完成個人都好滿足，胃好暖。我地叫左胡麻祥酌燒酒，搭配住串燒食，非常夾。胡麻祥酌好易入口，口感清爽。今日牛惣居酎屋之行，大家都非常盡興，好多牛串燒口味平時都冇接觸過，座位寬敞，下次都會再黎！

搵居酒屋食串燒,  朋友帶去登龍街 牛惣居耐屋, 因為這裏串燒款式多.看看餐牌推介, 牛串燒好特別, 價錢中等.餐廳的燈光給人舒適感覺, 適合三五知己的聚會.高吧枱, 高質日本酒也有也有不少. 侍應送來熱熱的日本綠茶, 清香解渴. 開胃前菜:  簡單新鮮, 有椰菜, 紅蘿蔔青瓜條.  配上鵝肝豆瓣醬, 有一種新鮮感. 侍應介紹燒酎有多款. 我們點了南瓜燒酎, 酒味淡麗清醇, 味道溫和,好享受. 杯內有一顆大大的圓冰, 保持冰度帶來淸涼感覺, 幫助食物味道昇華, 大家舉杯暢飲好開心 !開放式廚房, 師傅真功夫.  洒鹽在食物上啲姿勢好熟練, 有型.  食物來到的時候, 串燒香味隨來, 燒牛脷: 厚肉, 好口感.馬蹄牛肉卷: 第一次食, 薄牛肉捲着馬蹄, 清甜馬蹄味道加點燒牛肉油脂味很討好.牛草肚:  也是第一次食.  有咬口, 彈牙, 慢慢食, 飲酒最適合.牛肋條：好食惹味，濃濃牛味，肉質唔靱. 萵筍牛肉卷： 鮮嫩蒿筍用牛肉包制，入口鮮味清新.海鮮燒物: 雞皮蝦卷, 又是第一次食. 經過燒烤後, 雞皮燒得外脆, 內裡包着的蝦仍然保留到水份,吃起來蝦肉好鮮甜, 連同外層脆 雞皮一起吃, 入

秋意濃，休假的我也選擇窩在床上多休息，可是敵不過飢餓，肚子咕嚕咕嚕的叫，下床去吃一個令人大滿足的午餐開始我快樂的一天。我來到了一家休假很喜歡來的居酒屋，除了價廉物美，環境也比較清靜優雅，放著一些日本歌，真的能讓人擁有一個輕鬆愉快的心情，還有不得不讚這裏的麥茶非常好喝。我和朋友點了一個火炙生牛肉溫泉蛋飯，和安格斯牛仔骨野菜定食，先來到的是兩碗椰菜車厘茄蟹柳沙律配上柚子汁，作為一頓美食的開端，開胃又健康。再來的是安格斯牛仔骨野菜定食，牛仔骨燒至外香內嫩，非常濃香的牛肉味，配上他們的特調燒汁，惹味非常，野菜的份量也很多，裏面包括了茄子西蘭花椰菜花玉米筍，非常健康的配搭份量，還有一碗很足了的麵豉湯， 加上一片芝麻醬冷豆腐，大滿足。再來的是火炙生牛肉溫泉蛋飯，特別醃製的生牛肉中間立著一只洽到好處的溫泉蛋，我先沒有把它全部混在一起，我先試着那個生牛肉，伴著一口飯一起吃，夾雜着數個口感，非常非常的好吃，牛肉不咸，但是味道足夠，最後把他們伴在一起吃，發覺能夠把味道提升一個層次，一口有一口送到胃裏去，不知不覺就把整碗都吃光光了。休閒的假日就要一個休閒的心情，這一家居酒屋，非常符合我的心情，吃飽之後喝着它

今日同幾個朋友去左登龍街一間居酒屋食晚飯，朋友介紹環境有feel，野食啱餸酒可以慢慢傾😆牛草肚第一次聽同好少食牛胃，據說呢個部位仲要係第一個🤔芝士牛肉圈外表似金菇肥牛卷，不過口感180度唔同，因為內裡係溶化左流心芝士。芝士迷可以一試。牛骨髓本身知道佢冇味同軟林林，但上面加左層梅子醬同蔥花酸咪咪又幾開胃雞翼燒得啱啱肉好唔太乾😋雞皮脆卜卜，送酒唔錯🤣三色甲羅燒呢個甲羅燒好足料呀😱有蟹膏蟹柳海膽比我地包紫菜食，冇得返鄉下呢個可以頂隱😬牛大腸🐷大腸就食得多，燒牛大腸又真係好少食，感想：爽口帶少少牛油味😜橫膈肌set黑燒-好沾口好黐纏嘅醬汁😳蜜糖芥辣-蜜糖味蓋過，所以一啲都唔辣，唔食得辣嘅朋友就唔使擔心Wasabi-可以試點少少佢哋隻牛肝醬汁會有更多層次蒜香-牛肉味4個之中最好嘅配搭😍牛肉棒外表好似平時食開嘅雞肉棒，不過今次有隻日本蛋做醬帶出返少少牛肉味，唔算最好不過未試過可以試吓😬蝦夷蔥牛肉卷外形似芝士牛肉卷，不過我比較鍾意呢款。蝦夷蔥&鹽同外邊層牛肉配合得幾好👍🏼

香港日本餐廳真係又多又專，今日朋友帶我去食呢間串燒店，出名係各種牛肉及稀有的內臟，酒品主打仲要係燒酎，燒酎可以有各種味道，有唔同嘅原材料；芋頭，番薯，粟米及米，口味比較複雜，可以帶有麥味，花生味及菇味。燒酎酒味有啲濃烈辛辣，你可以加水，冰，梳打或者果汁。呢度有一個試飲食set，一次過試哂最出名嘅三種酒，作為入門級，感覺唔錯！食串燒枱面一定有一小碟蔬菜，呢度唔係普通麵豉，係牛肝麵豉醬，口味更加濃郁，入口多一種鮮味。沙律點了芫荽野菜沙律，係呀冇聽錯，係日本嚟嘅芫荽，日本真係好出名食芫荽，佢哋嘅芫荽比較爽口爽脆，比較細條又帶點甜味。前菜點了牛肝酒盜芝士，入口味道非常香濃，帶點鹹香，配上餅乾非常下酒。酸汁牛舌筋，有啲似日本居酒屋必有的炆牛雜，但係轉左酸汁，減咗油膩感，更加開胃。明太子鹹牛肉淮山，明太子加鹹牛肉味道好香濃，鹹香又惹味，托底淮山口感爽脆，整體口感一流。串燒點咗蝦夷蔥牛肉卷，蘆筍牛肉卷，牛草肚，牛心，牛心管，牛柏葉，牛筋，韓國牛腿肉，雞蛋免治牛肉串，牛骨髓及橫膈膜，聽到都知道位置好习鑽，好多食才都係入口，真係本地難求！個人最喜歡係橫膈膜的set，橫膈膜幾爽脆煙韌，有牛味但又冇內臟的燥

牛惣居酎屋，聽個名都知應該係飲燒酒嘅日式居酒屋。惣字發音(種)，酎發音(就)。經店員講解後才懂正確的發音🤣燒酎的世界千變萬化，只要有糖分澱粉的穀物植物類都能釀製成燒酎。燒酎和清酒的分別就是燒酎是蒸餾酒，所以一般酒精濃度都較高，起碼有20度以上😍由於對燒酎的認識不多，於是點了食物之後，就請店員代為配襯合適的酒。而這店的食物以牛類為主打，當中有新鮮出奇的部位及牛內臟。前菜方面點了生野菜沙律，日本芫茜鮮菜沙律。前者配以牛肝混合麵豉醬，味道濃郁。芫茜近幾年在日本大受歡迎，而我亦都非常喜歡食芫茜，就點了這個沙律，整兜沙律芫茜佔了九成，配以微辣的醬，加上芫荽的爽口，是很特別的組合，但就不是人人都能接受。食物方面就以串燒作主打，點了橫格肌Set，一供有四串，配以不同醬汁或配菜，個人最喜歡山葵莖。韓牛腿，濃濃的牛肉味。免治牛肉棒。牛柏葉。牛草肚。牛心。牛心管。萵筍牛肉卷。蝦夷蔥牛肉卷。牛尾西京燒，牛尾先慢煮六小時，有order 時再燒香上枱，是要用手拿起慢慢細啜的美味。另外還點了酸汁牛舌筋，牛肝醬配酒盜芝士，鹹牛肉明太子燒山竽。都是下酒佳品。燒酎方面飲了很多款式，印象較為難忘的是三m SET，是日本三

Lunch hour唔知食乜好，行到永光中心樓下有人派傳單，見價錢好抵，於是上黎試下！唔知係咪疫情關係，真係好抵食，有啲外賣自取餐$38，抵到爛！環境幾好，可能因為我晏食lunch，戈日都無乜人，坐得好舒服～ 同同事一人叫咗個lunch set，有沙律、芝麻醬凍豆漿同味增湯～ 個沙律醋幾好食！平時麻麻沙律嘅我都食哂，幾開胃！同事叫咗個烏冬，啲烏冬唔係cheapcheap烏冬黎～ 同事表示好滿意！我叫咗個燒牛肉、豆腐定食～個汁好好味！連啲西蘭花配菜索哂啲汁，食得乾乾淨淨！食完真係超飽！我個餐好似$79加一，烏冬戈個餐好似$5x加一，其實銅鑼灣食lunch呢個價真係幾抵食，坐得舒服又有返咁上下quality，推介～ 下次都會想試下 $38 外賣自取 就更加抵！