牛惣居酎屋

营业中

休息中

呢間居酒屋以串燒作為主打，串燒種類繁多，光喺牛肉都有超過10款，例如牛小腸，而雞肉、豚肉亦有數款，有雞翼串、蒜香横格肌等，還有刺身和蔬菜添，充滿日本風味！蜜糖芥辣横格串，蜜糖芥辣味道蘊含在裡面，喺咀嚼之間緩緩帶出。林林種種嘅炙香串燒豪邁鋪滿整桌，有牛舌、牛小腸、牛沙瓜、牛骨髓等，應有盡有。牛舌嚼口煙韌，相信餐廳用咗舌根最好食嘅部位。不同部位嘅牛串，師傅落足心機調味，食落非常有層次，味道濃郁又唔油膩。牛肉卷分別試咗兩款，有包萵荀同蝦夷蔥。外層牛肉燒得剛剛好，入面嘅蔬菜有解膩嘅作用，口感層次唔單一！秋葵豚肉卷，入面味道淡淡的，咬開會有一絲絲嘅黏液，餐廳非常細心，刨走比較硬蒂頭，食落唔會刺刺的！茘枝煙肉卷嘅茘枝非常多汁，一咬落去汁液就係口入面爆開，非常juicy。豚肉同煙肉都冇燒到肉質好老。

今日同朋友經開銅鑼灣，朋友好鍾意食居酒屋， 於是去咗一間居酒屋試一試。時令活魚$398今日嘅時令活魚係原條鯛魚刺身。魚身清爽，有口感，份量亦為足夠。魚身唔會有魚腥味，如果想試吓魚本身嘅味道可以試吓唔點酸汁先，如果唔夠味先加酸汁。生野菜沙律$28野菜沙律可以點麵豉醬食，係幾特別嘅食法。牛肝(串）$34牛肝大大塊，口感偏滑身，餐廳燒嘅時候用嘅醬汁幾好，唔會太鹹。牛肝入口有咬口，唔會好似鵝肝咁入口即化，餸酒一流。牛心(串）$32牛心同牛肝一樣，火口控制得啱啱好。牛心口感同雞心差唔多，鐘意食牛內臟嘅朋友一定要試吓。雞翼（串）$34雞翼翻開咗嚟燒，燒得香脆，食雞皮嘅時候脆卜卜，正。 日本青椒仔（串）$28青椒仔唔辣嘅，就算唔食辣嘅朋友都可以試吓。

香港都有幾多唔同嘅居酒屋，今次我同朋友就專程嚟銅鑼灣食呢間專門食牛嘅居酒屋。山芋茸水菜和牛香腸沙律 $78睇個名覺得呢款沙律好似幾特別，就叫黎開一開胃先。以山芋茸去拌沙律比較少見，但配埋酸甜嘅醬汁又幾夾啲清新嘅水菜同埋青瓜。山芋茸嘅口感有啲似溫泉蛋。和牛香腸好特別，食落有啲似臘腸咁有少少鹹甜嘅味道，同時又有和牛嘅香味，我幾鍾意食。橫格肌SET $138呢個set有齊四款嘅橫格肌，分別係Wasabi、蜜糖芥辣、蒜香同埋黑燒，幾款嘅味道都各有特色，我個人就最鍾意Wasabi同黑燒。Wasabi嘅芥末味十足，但又唔會太嗆口。食落口先知黑燒原來係黑芝麻味，相當特別，冇諗過濃郁而幼滑嘅黑芝麻味同牛嘅串燒都可以咁夾，一定要試呢個。月見免冶牛肉棒(串）$58免治牛肉棒入面有少少軟骨，幾有咬口。點埋蛋漿，入口即刻嫩滑好多。牛沙瓜(串）$36係牛嘅第四個胃，係比較罕見嘅部位，特別矜貴。食落好彈牙，好味。燒飯團(咸牛肉）$38同平時嘅飯糰好唔同，呢個飯糰外層係類似飯焦咁香脆，食落外脆內軟。上面配上一塊咸牛肉，再加埋紫菜，咬落去味道豐富，值得一試。巨峰梳打 $48同串燒都幾夾，又唔會太甜。

講左好耐話要食日式串燒，終於有時間食到喇！朋友一早就book左呢間位於銅鑼灣既串燒店，雖然係大廈入面，但一推門入去就見整面清酒牆，相當震撼。呢兩年無得去旅行，一入到去以為自己真係去左日本既居酒屋，非常興奮。一坐底就嗌左2杯佢哋自家制嘅清酒分別係咖啡同無花果，我自己就比較鍾意無花果，酸酸甜甜好開胃。刺身盛盒(四款)用料新鮮，最岩鐘意食刺身既朋友芝士燒牛油果呢個十分有驚喜，兩樣都係我鐘意食既食物，夾埋一齊更加綿滑。芝士年糕平時都食得多，但呢個加埋醬油燒，味道更加突出，而且外脆內軟，非常好吃。之後就到今日既重點———串燒呢間餐廳主要係食牛，所以好多牛嘅特別部位都有得食，除咗比較普通牛舌、牛柳粒之外，仲有牛心、牛小腸、牛膀等等。全部都好香好juice，鍾意食內臟嘅朋友一定要試。另外因為驚串燒唔夠飽，所以就嗌多咗兩個飯團。呢個係鹹牛肉燒飯團，因為燒過嘅關係所以外層食落好似飯焦， 十分香口。總括而言呢餐都好好食，仲有好多其他串燒冇嗌到，一定要再嚟，下次同朋友嚟嘅時候一定要試晒其他款式。

同老婆去銅鑼灣行吓街，行到餓就去咗登龍街搵野食，咁樓下有啲姐姐派傳單，我哋就照住去。1出𨋢已經覺得好有日本風味。我哋選擇咗坐喺吧枱前嘅位置，打算一邊望住入面嘅師傅工作，我哋一邊食，更加有日本居酒屋嘅味道。2我哋先叫咗2杯舖頭自家製嘅酒，分別係無花果味同咖啡味。老婆喜歡無花果味嘅酸味，而我就中意咖啡味，加上咖啡味飲落感受唔到酒味，到吞下嘅時候先感覺到，令我覺得驚喜。3另外叫咗份海鮮盛盒作為前菜，有三文魚、帆立貝、油甘魚同赤蝦。當中我最滿意嘅係赤蝦，非常鮮甜爽口。4,5,6,7嚟居酒屋當然要食串燒、燒物。我哋大部分都係點咗牛肉。而我覺得最出色嘅就係芝士牛肉同牛油果芝士燒。可能我中意芝士，咬落個芝士牛肉時啲芝士半溶咁流入口中，感覺好滿足。8牛油果芝士燒都令我眼前一亮，滿滿嘅芝士熱溶咗鋪滿喺半個牛油果上。用匙羹食，牛油果嘅鮮甜，芝士嘅咸味配合得好好。9怕剩食串燒會唔夠飽，我哋仲叫左個咸牛肉燒飯團。不過因為燒過，飯嘅外圍有少少硬，似飯焦咁，但係都仍然好好味同飽肚。我認為如果係就咁咸牛肉飯團會更好食。

朋友介紹呢間居酒屋，話食串燒幾好，放假就去咗食晚餐。一開始有個生野菜沙律，點麵豉醬一齊食，幾開胃。首先食刺身盛盒$288，有四款刺身：三文魚、油甘魚、帶子、赤蝦。幾新鮮，三文魚幾肥美，帶子鮮甜，赤蝦都好大隻。我哋叫咗10款串燒，其中試咗啲內臟串燒，都幾好食！金錢肚串燒$36：呢個平時飲茶食多，串燒真係第一次，幾爽唔靭。牛舌串燒$58: 厚切多肉汁，。雞心$28：正常，冇腥味。雞肉大蔥串$28：味道唔錯，雞肉都嫩，配燒汁同埋燒大蔥。雞軟骨串$28：好有咬口，爽爽脆脆。岩手縣雞皮串$32：好香，好脆，越肥嘅嘢越好食。燒芝士年糕$48: 有兩件，用紫菜包住食，煙靭軟糯，咬開裏面有邪惡忌廉芝士。燒飯團$38: 我哋揀咗鹹牛肉，紫菜包住焦香外脆內軟嘅飯團，配上厚厚嘅咸牛肉，加上飯混入左芝麻同埋調味，好香。牛肝串$34: 第一次食，估唔到有啲似鵝肝入口即化嘅感覺。日本青椒仔$28: 青椒仔燒得好香，有木魚鋪面，惹味。飲品方面，我哋叫咗青檸梳打$35同埋巨峰梳打$48，朋友第日返早冇飲酒，下次要再嚟飲過食過。

知道銅鑼灣永光中心入面有好多唔同食肆，所以就先約左朋友係呢到等，打算到時再揀下想食啲乜野🤣🤣一路睇一路聽到門口嘅姐姐好落力咁叫‘廿二樓 牛惣 有串燒 酒～’，聽到我同我朋友都好心動，於是就比個機會佢❤️-一坐低店員就會比個野菜沙律，好fresh。當晚就好滿座，所以店員安排左我地坐bar枱，可以望住店員整串燒，另一翻風味💝-1.蘆筍豚肉卷 $64蘆筍咬落去好多汁，而且完全冇渣😍😍外面有一層薄薄嘅豚肉，燒得好香脆，調味唔會好鹹😋-2.時令活魚-石池 $398店員推介我地試下活魚刺身，話今晚條魚叫石池，因為未食過又覺得唔算太貴嘅關係，叫左一條黎試下。佢嘅魚肉比較有彈性，仲分左兩款食法。一個係食佢嘅魚身，另一個係炙燒過佢嘅魚皮，食落好香口🤟🏻🤟🏻-3.金錢肚 $72金錢肚串燒真係未食過，估唔到一啲都唔韌👍👍而且上面加左少少蜂蜜芥末汁，令金錢肚多一翻味道😆-4.牛筋 $72平時食開嘅牛筋都係偏淋～而呢個牛筋食落去係爽口嘅😋原汁原味咁燒，只係加上少少黑椒，食落滿滿骨膠原🤫-5.牛骨髓 $80最特別嘅一款串燒💝平時多數係打邊爐先至會食牛骨髓，串燒真係未試過😋而且我覺得CP值好高，因為佢都算好多，燒到好

星期日去咗食呢間居酒屋，一坐低店員就俾咗個生野菜沙律俾我哋一路睇Menu一路食，可以點麵豉醬一齊食，幾清爽開胃。刺身盛盒（四點） $288有四款刺身：三文魚、油甘魚、帶子、赤哈。款款新鮮，其中我最鍾意食油甘魚，魚味豐富；赤蝦都唔錯，好大隻，肉質結實爽。串燒方面，我哋一共叫咗10款，當然唔少得特別嘅內臟串燒啦，一路飲嘢一路食，幾正！金錢肚串燒$36：外面脆脆，少少爽爽地。牛舌串燒$58: 超級厚切，好有肉汁。雞心$28：爽爽的，冇腥味。雞肉大蔥串$28：雞肉啖啖肉，消毒剛好，配上燒汁同埋燒大蔥，好惹味。雞軟骨串$28：雞軟骨爽脆，好有咬口。岩手縣雞皮串$32：燒得好香，油脂嘅香味充分散發出嚟，而且金黃香脆，好邪惡。燒芝士年糕$48: 一份有兩件，用紫菜包住食，年糕燒得好香，煙靭軟糯，一口咬下裏面綿綿嘅忌廉芝士咇出嚟，好正。燒飯團$38: 有鹹牛肉、三文魚、明太子三款，我哋就揀咗特別啲嘅鹹牛肉，估唔到味道幾夾，大大塊嘅紫菜包住燒得外層焦香裏面軟熟嘅飯團，出邊嘅脆脆有少少似食窩巴嘅感覺，配上厚厚嘅咸牛肉，鹹香鹹香，加上飯裏面混入左芝麻同埋調味，食呢個夠飽又好香。牛肝串$34: 第一次食，望落

識飲識食嘅朋友都知銅鑼灣有好多日式居酒屋，今次經朋友介紹就嚟咗呢間喺永光中心嘅餐廳🍴餐廳坐位有分普通枱同埋吧枱，餐廳燈光暗暗地咁好有氣氛，適合情侶嚟談情說愛💑首先嚟嘅係生野菜沙律，食返啲菜感覺健康啲🤣之後送嚟嘅係刺身盛盒，入面有赤蝦、帆立貝、三文魚同油甘魚🐟每件刺身都好新鮮肥美，甜蝦都好大隻🦐野飲方面我地就叫咗Fig Liquor同Suntory Red🥃酒係鋪頭自家制作的，超級有心機一定要叫返杯試吓😍牛腸都係其中一樣我勁鐘意食嘅野😆估唔到喺度可以食到，咬落去好爽口，正過平時街邊食到嗰啲好多🤫下樣就係平時比較少食到嘅牛肝🤩店主叫我地盡快食，因為啱啱新鮮出爐先係最正😯月見免治牛肉棒一定要試，大大條好足料🤩好多唔同部位嘅肉混合埋一齊而成，油脂均勻，加埋個月見汁食落更加正🥳牛沙瓜，其實就姐係牛肚，係比較少有得食嘅部位嚟嘅，咬落好爽脆同煙韌😋明太子燒飯團做到外脆內軟，出面啲飯燒到焦焦地勁香🤤出面塊紫菜都好脆，成個配搭超有水準的！！！再嚟就係我最鐘意嘅牛舌😛厚切牛舌勁正！都做到外脆內軟嘅效果，而且好有牛香，一定要試😛最後就係橫格肌Set，由左至右分別係蔥燒、Wasabi、蜜糖、黑芝麻醬牛個人最鐘

第一次食一間專食牛各種部位，包括大量不同牛內臟嘅居酒屋，真係好有特色。好 impressive. 原來牛嘅內臟係有咁多可以食用嘅部位，係完全聽都未聽過嘅。日式居酒屋，除咗牛，都有各式日式食品的，先來一客雜錦刺身，厚切新鮮，不會失望。呢個叫做牛心管～ 煙煙韌韌， 好似橡筋甘我中意呢個 免治牛肉蛋 哈哈，撈飯一流 撈完蛋漿之後，更加香滑燒牛肉飯團🍙～ 非常嘢未，飯團燒得外面脆卜卜裏面熱辣辣軟綿綿萵筍卷 ， 呢度嘅串燒真係好特別，唔會係一般嘅金菇牛肉卷。

牛式主義居酒屋銅鑼灣可以話係講到的美食集中地而日式餐廳更加不勝其數，牛惣是當中風評不俗的一間，所以早1星期便一早預約慶祝加人工。蘿蔔煮牛筋雖然說是主牛筋，但是牛腩量都不少，2者都煮到非常腍，入口一咬即開。整碟牛味都很重，全賴背後的湯汁，湯汁店家條調配得非常好，牛味濃度超高，配上蘿蔔入口，甜而不漏👍🏻刺身日式居酒屋食材新不新鮮，可以單看用了就知道就知道，刺身便是最易認證的一環。點了刺身四點當中有帆立貝，油甘魚、三文魚、同赤蝦，刺身新鮮而有帶甜在同類居酒屋中，吃過比較上乘數的一間。串燒我認為串燒是店內最出色的必點之選！蘆筍豚肉卷簿燒豚肉會透出綠色的蘆筍，賣相好睇，豚肉香口帶點脆，一口咬落蘆筍時汁量滿瀉寫，蘆筍汁又甜又Juicy👍🏻蝦夷蔥牛肉卷香蔥味令牛肉更滋味。萵筍牛肉卷萵筍切成長方形，用牛肉包上後有種工整感覺，跟蘆筍不同的是萵筍汁量不多較乾，入口爽脆感更高！牛大腸x 燒牛舌平時豬腸吃得多，牛腸質感其實差不遠，腸燒至脆口，油份似牛脂感覺，有另一種體驗。牛舌2面燒得香脆，入面有韌勁但不難咬開。牛腱簿燒x牛肋條2者剛好型成一個不錯的對比，前者肉質實而嫩口。後者，油份相對較多，入口油脂感滿滿，肉

Blue Monday，放工最適合去飲杯嘢，食幾串串燒，放鬆下。銅鑼灣呢間串燒店感覺唔錯，燈光昏暗，令人感覺放鬆；食物價錢合理。一開始先飲啲酒啦，佢哋呢度有自家製嘅水果酒，我哋要咗雜莓酒，味道酸酸甜甜，酒精濃度唔算好高，幾易入口。串燒有幾款唔錯，值得推介。 蘆筍豚肉卷幾好味，兩者幾夾，有菜有肉感覺又好健康！雞肉大蔥串都好好食！牛肉方面我哋要咗横格肌set，一份有四串燒牛肉，配搭不同調味，各有特色。我自己最鍾意Wasabi，清新惹味😋 黑燒都好特別，牛肉配黑芝麻醬真係第一次嘗試，其實都幾好食。朋友鍾意食刺身，我哋點左幾款，食材都幾新鮮呀，而且係厚切嘅刺身，正！最後再食一客燒芝士年糕，口感QQ的！好飽好滿足！

朋友都推介牛惣嘅串燒正，啱晒同朋友聚會飲酒！生野菜沙律做前菜，味道甜鮮，配串燒肉正！蘿蔔煮牛腩牛腩煮得非常入味，而且肉質非常軟腍，蘿蔔入味又清甜！刺身四點分別有三文魚、油甘魚、帆立貝同赤蝦帶子鮮甜，隻蝦超大隻！萵筍牛肉卷（中）薄薄嘅牛肉燒香包住爽脆萵筍。蘆筍豚肉卷（右）個人最喜歡呢款，蘆筍非常多汁，同豚肉非常夾。蝦夷蔥牛肉卷（左）啖啖葱！燒牛舌牛舌超好味，外面燒得香脆，入邊好似軟腍又有牛香。推介！牛大腸大腸多汁！牛腱肉唔韌，肉味濃。牛肋條油脂豐富,口感軟嫩但又些嚼勁。鹹牛肉燒飯團飯團外燒香有飯焦嘅感覺，上面放上煎過嘅鹹牛肉，再用紫菜包住，幾好食！無花果自製果酒餐廳有多款自製果酒提供，包括有荔枝、菠蘿、士多啤梨、梅酒、桃酒等，見到有無花果味都幾特別，所以試吓，入口香甜，幾啱女仔飲～

原本諗住試下伏既心態去試 心諗食評咁多好評得4個負評 負評嗰啲係咁啱唔好 點知….一開始佢會拎個前菜係收錢28 佢一手就放係你台 如果個下你唔知就要比多28 食物味道2/5服務係1/5 好似吹人埋單送客咁 我都算有禮貌 都有講唔該 某女員工連一句唔該都無 可能我期望錯左環境3/5 中規中矩價錢3/5 偏貴一啲 串燒每款一叫要兩串起 唔可以一款一串咁整體 試左一次就算 如果你想要服務就真係無咩 味道就一般一般……😔😕😕😕👋👋

星期五晚同女友book左，諗住食下野，飲吓嘢輕鬆吓。我地一坐低，第一件事侍應就係放低碟沙律。提出同佢講話唔要沙律，跟住佢就攞走左。轉頭另一個高級嘅職員又放番低，就話星期五六日冇得吾要沙律，公司規定。之後已經冇晒心情食👎🏻。跟住又有職員喺手機俾我哋睇吓d魚, 有呢d,呢d, 呢d…. 我地都吾知乜魚，佢都好似吾係好知…所以算啦，no thanks。跟住點串燒，要兩串起wor… 所以吾係叫到好多…刺身盛ok, 有口感, 但海膽味道偏淡。其餘食物都冇乜特別，味道較linear，口感冇太大驚喜。整體串燒上菜速度較慢😕。飲品有職員介紹燒酎。職員都了解d酒，可以介紹得到。叫咗兩杯帶有番薯味嘅燒酎，都幾獨特。另外叫多杯梅酒同highball, highball 淡如水😕。埋單$12XXCP 3/10(串燒偏貴，仲要人打孖兩條計。唯獨燒酎較為獨特)職員都算友善，但係公司嘅規定就令人失望。吾會特別推薦。