牛川日本和牛專門店 (已結業)

同助手食生日飯，一年一次，要食好的啦，拣左好耐，又睇左若干食评，拣呢间啦，去到环境正常，都有日本feel🇯🇵店员即时讲咗好多餐厅安排，因为太多，转头已吾记得😭先上一板各部位和牛，不过有的失望，吾系signature楼梯版本，个个版本系有教由淡味开始食到濃味次序，一板真系按自己顺手啦，和牛雪花好夠，但牛味吾濃，只可以讲正常冇乜特别😅至于其他大堆头食物，可以吾试，十分一般，尤其海鲜类，最好可以吾使试啦！完全明白……一分钱一分货嘅体验！

[ 牛川日本和牛專門店 ]放工嚟到銅鑼灣呢間主打日本A5和牛嘅日式燒肉店，120分鐘任食和牛部位&一系列放題食物😋✿ 尊貴A5日本和牛放題套餐成人$458/位、小童$258/位（另收加一服務費）餐廳有3款放題套餐選擇，其中呢款有得任食多款日本和牛。入座後店員會提供頭盤和牛沙律&和牛美人玉子，及以下兩個拼盤：（1）海鮮拼盤大元貝、大蝦、魷魚&蟹肉蟹膏甲羅燒。大元貝口感軟腍，肉質鮮甜；蟹肉蟹膏甲羅燒嘅蟹膏味濃，撈飯食一流😍（2）日本A5和牛拼盤和牛盛合會以8層架呈上，分別有A5熊本黑毛和牛&A5牛匠岩手黑毛和牛嘅唔同部位。牛小排入口即溶；牛五花油花豐富，啖啖油香；牛肩梅花肉味濃郁；牛頸脊&牛冧肉質有嚼勁；稀有嘅千本筋肉香有彈性🤤食完以上咁多款日本和牛，可以按個人口味encore任食😝 一系列嘅放題食物仲包括海鮮燒烤、刺身、壽司、炸物等。海鮮燒烤個人就推薦清酒煮蜆，蜆肉鮮甜；刺身種類好多，有三文魚、吞拿魚、赤蝦、帶子等，全部都質素唔錯👍🏻 食到最尾每人仲有一杯雪糕，好滿足呀😝總結🫦$458有得任食多款日本A5和牛部位，仲有海鮮、刺身、壽司等食物，性價比高，而且上菜速度都快，食足120分鐘無停

Bookmark左呢間和牛燒肉好耐，一直覺得佢嘅攞盤超靚、超吸引，今日終於可以見實物。餐廳先上一個海鮮拼盤、和牛沙律、牛美人玉子、仲有主角和牛併盤。🐂和牛併盤真係擺得好靚，一個多層小木架上面每層擺一款，清楚寫明牛嘅部位。總共有9款牛:A5稀有汁燒千本筋、A4壺漬牛肋條、A5牛肩胛、A5牛頸脊、A5牛五花、A5牛小排、A5牛冧、A4牛肩梅花、A4後腰肉。牛冧最有質感，咬落有嚼勁牛小排最腍，油脂最豐盈、最有油香牛肩胛同牛肩梅花嘅肉味較濃，好香牛頸脊無論油脂、質感、肉香都唔錯各款和牛嘅油脂都有靚靚雪花紋，完全唔肥膩，如果燒得啱啱好，仲有入口即化嘅牛油香同口感。靚靚和牛都係任食，牛肩胛同牛頸脊我地都有再叫，只係上菜唔會再用小木架。而肉質同第一輪都係差不多嘅質素，正!🥚牛美人玉子，係燒牛點生蛋食，牛肉夠軟腍，入口唔油膩，點唔點雞蛋都好食，不過點過雞蛋就入口就更滑捋捋。🐙🦐海鮮併盤非常豐富，有扇貝、蝦、墨魚、仲有甲羅燒配蒜蓉包。最鍾意食甲羅燒，d蟹膏極鮮甜，混埋日本雞蛋食就更香甜。蒜蓉包微燒一會，讓蒜蓉醬融化後，再配埋甲羅燒一起食，口感、味道多層次，滋味無窮。🥗和牛沙律係薄切嘅烤香牛肉片伴沙律菜，

和朋友吃生日飯，一心諗住試新既燒肉，誤打誤撞揀左呢間。我地點最貴既和牛放題。質量其實不錯，只是坐下點餐時獲告知點餐時間只有90分鐘，可以坐兩個鐘。大佬，最後半個鐘如果我點得快，你黎得快既話，我應該仲可以食好多野，點解逼我埋單半小時前就截order唔俾點呢？算，咁我地又要提早半個鐘點雪糕，想試多款雪糕都唔得，只可每人限一款。食到就住就住，仲係俾最貴既錢，真係谷住囉。點單時見到有梅酒，冇諗過唔包啦，點左兩杯，埋單先知每杯四十幾蚊，哇！完全搵笨喎！真係冇下次！做放題做得咁姑寒，邊有返頭客！

牛川日本和牛專門店銅鑼灣謝斐道496號金利文廣場3樓今晚去咗間日本和牛放題餐廳，食到好高質嘅和牛真係好開心。一坐低店員就會送上一盤日本A4A5和牛拼盤，有晒唔同部位嘅和牛可以是，每一款都好高質，肥瘦均勻。店員仲會附上和牛美人玉子，即係會將日本蛋黃放喺和牛旁邊，燒完啲肉就可以沾下蛋漿再食，非常滑口。和牛之中，我就最推介A5黑毛和牛牛冧同埋A5黑毛和牛牛頸脊，油脂分布平均，好有牛味。除咗和牛之外，仲有海鮮拼盤，包括甲羅燒，帆立貝，同埋墨魚，甲羅燒好香嘅蟹膏味，稍為燒一燒就可以連同牛油法包一齊食，餐廳好細心，一早已經將牛油挳搽喺帆立貝同墨魚上面，所以燒完之後已經夠晒香，唔使點其他醬汁就已經可以即刻食。咁高質嘅放題又點止咁少嘢食，喪叫刺身係基本啦，三文魚好肥美新鮮，仲有北寄貝、赤蝦、赤貝、帶子、希靈魚等等。仲有唔同種類嘅壽司、炸物、燒物等等...推介食品有吞拿魚蓉脆脆、炸雙皮奶、熊本黑毛和牛漢堡、黑松露牛油金菇、黑松露雞髀菇飲品係任飲，可以隨意出去雪櫃度拎，而甜品就每人可以有1份雪糕或者雪條，選擇都唔少同特別。

以前中學成日為咗慳錢食啲平價放題，所以一直對放題嘅認知都係食物質素唔係幾好，今次發掘到呢間黃牛放題完全顛覆咗我對放題嘅刻板印象🫡今次同朋友食嘅係尊貴和牛放題套餐，$458就可以120分鐘任食 A4 A5熊本黑毛和牛🐮入座無幾耐，店員就會上和牛頭盤九式同埋海鮮拼盤，包括各種A4、A5嘅牛匠岩手黑毛和牛及熊本黑毛和牛，上枱就可以望到佢哋款款油花分佈細膩均勻，絕對係上等和牛，餐廳真係落足重本🤑食勻咁多隻，自己最鍾意嘅就係A4 牛匠岩手黑毛和牛後腰肉，牛味最濃郁，A5 牛匠岩手黑毛和牛牛冧都好少見，A5 熊本黑毛和牛牛頸脊同牛肩胛口感都唔錯，嗌多咗好多件🫶🏻除咗基本嘅和牛，佢仲有好多放題食物可以選擇，自己特別鍾意牛肉他他，用安格斯牛配葉洋蔥同埋黑松露真係超香🤤飛驒牛刺身亦都好特別，食落去口感軟滑，牛味香濃，真係必試😛和牛漢堡入邊仲煎到粉嫩，放入口好似一個咕臣咁軟綿綿🥰呢度除咗牛之外，仲會上一盤海鮮拼盤，整體質素都唔錯，帶子夠大粒同新鮮，蝦肉同埋魷魚都夠爽口彈牙，仲要有埋甲羅燒😆 老實講，淨係食拼盤都已經抵到爛🫢 其他放題食物仲包括廿幾款唔同嘅雞、牛、豬肉，沙律、燒烤蔬菜類、刺身、壽司🍣、火炙壽

今日晚餐嚟咗呢間銅鑼灣嘅牛川食和牛放題，入邊裝修好有日式居酒屋feel，夠闊落，有好多卡位，坐得好舒服😌一入餐廳職員非常熱情地招呼我地，再幫我哋開定個爐，今次我哋食「尊貴A5日本和牛放題＄458（成人）」，每位送海鮮拼盤，A5和牛拼盤，和牛美人玉子，同埋和牛沙律😍QR CODE落單，menu內見到有10幾款和牛，餐廳提供嘅和牛全部都係A4、A5級別，超多選擇🤩A5和牛拼盤擺設好有心思，全部和牛都超鮮嫩，油花好靚❤️牛肉味濃郁，油香味重，口感嫩滑，重點係全部和牛都係任食㗎😍海鮮拼盤有大隻虎蝦、焦香甲羅燒🦀，扇貝，最中意食甲羅燒，好creamy，職員好細心指導我地點燒，蟹籽同蟹膏一齊食超鮮甜，好正呀🥰刺身都係任食㗎，超級新鮮同厚身，入口鮮甜，仲好多刺身款式選擇㖭😋放題仲包括飲品無限任飲，壽司、燒烤、熟食、小食等等任叫，CP值爆燈，推薦一試👍

銅鑼灣真係超多美食，今日同壽星女慶祝生日，走上呢間樓上店，一入門口個種日本燒肉風情一撲而來！除咗飲品自取之外，全部QR code落單，有專人送上，2小時都好夠傾計～今晚主角除咗壽星女，我地一坐低無幾耐唔洗order就有今晚嘅主角日本A5和牛拼盤、和牛美人玉子、和牛沙律、海鮮拼盤（有甲羅燒～🥰）。擺盤吸引，和牛部位多，要纖維較多較有口感可以食牛頸脊、牛冧、牛腰肉，呢幾種都係油脂同纖維感兼備嘅部位；要食濃味嘅真係要食壺漬牛肋條！又淋又濃厚醬油味，燒返熱少少就食得；我食就鍾意入口即溶嘅牛五花，油脂燒香肉味濃郁，入口即化，超級好味呀！牛肩梅花、牛小排都係肉質較軟腍之選，我地幾個各有所好，可以滿足哂鍾意唔同口感呀！海鮮、沙律、刺身都係高質嘅。甲羅燒攪均燒2-3分鐘再攪一攪均燒多一兩分鐘好香蟹膏鮮味！虎蝦好鮮甜，花之戀同吞拿魚軍腩我最like，媲美壽司店質素；飲品任飲包括酒類，仲有雪糕一款，高高興興又好味嘅一餐！

今日同朋友去咗銅鑼灣食燒肉 餐廳是和牛專門店所以我哋都選擇了最貴嘅套餐可以食得多d和牛🤣放題總共可以食120分鐘而餐廳座位也非常闊落, 油煙不會太重牛肉拼盤非常多款式, 有d 部位都未試過😂每塊牛的油脂分怖都非常平均燒起上來非常香口😋再加埋蛋汁, 肉香同蛋香配搭得宜另外套餐亦附送了海鮮拼盤, 和牛沙律, 還有牛美人玉子海鮮非常新鮮，特別喜歡甲羅燒約燒5分鐘後便可之點蘸上法包蟹肉非常香濃, 夠晒鮮甜同時亦有多款小食, 刺身, 壽司可選擇其炸物也非常出色, 尤其是榴槤波波外層香脆，但內裏有淡淡榴槤肉整體來講, 食物款式選擇夠哂多🤣上菜速度又夠快, 真係CP值勁高

牛川和牛質素非常高質，可以食到擁有黑樺牛農場專利、熊本和飛驒牛產地證明書嘅和牛，當中有部分更達A5級😋✦ 和牛拼盤擺盤極吸晴，有10款來自熊本及牛匠岩手黑毛和牛，每款和牛脂肪分布平均，肉味濃郁，好食到停不了。更有較稀有部位千本筋、非常肥美。又有燒肉必食嘅牛小排加牛肩胛等等，牛脂極香，口感綿密。✦ 海鮮拼盤有脹卜卜嘅扇貝，巨型嘅虎蝦，仲有甲羅燒😍我哋先燒扇貝，由於火力較猛，店員會細心幫我哋翻一翻扇貝，慎防燒焦，店員服務質素亦不錯👍🏻甲羅燒係海鮮拼盤重點，蟹膏濃郁又鮮甜😋✦ 刺身 / 壽司 / 其他肉類除咗有由日本直送和牛，仲有提供多款刺身、壽司、美國牛肉、西班牙豬肉等等。超級100多款食品，性價比極高👍🏻✦ 飲品有冷泡茶、紙包飲品、韓式汽水、啤酒🍻✦ 甜品放題每位送一款甜品，推介大家必試「Kojimaya檸檬芝士雪糕」芝士味濃郁但同時又帶點清新嘅檸檬香，好食都停唔到，就連雪糕都好驚喜😆120分鐘和牛放題，真係抵食過去食酒店自助餐，和牛質素極高，食物及飲品款式選擇極多，絕對會回訪嘅餐廳！

🍽 牛川日本和牛專門店📍地址: 銅鑼灣謝斐道496號金利文廣場3樓💰只供參考💰人均$300-$500😋2x 尊費A5日本和牛放題$458（成人）頭盤👉🏻 海鮮拼盤(位）份量巨大，扇貝鮮味十足，口感滑嫩啖啖肉，但要注意燒烤時間⚠️！蝦2隻同樣岀色，蝦肉爽口煙韌，亦算彈牙推介‼️甲羅燒絕對係畫龍點精之作，蟹膏飽滿足料，味道鮮甜濃郁，用黎撈飯真係一流！👉🏻和牛美人玉子（頭盤）和牛質素一貫高水準，重點係肉沾蛋液食法！炙熱和牛配上滑蛋黃，令牛肉鮮味更突出爽滑。👉🏻和牛沙律(頭盤）推介‼️酸甜沙律汁，口味清新，配搭和牛口感滿而不膩，極度開胃，建議可以先食用才進食燒肉。👉🏻日本A5和牛拼盤（位）推介‼️梯級式擺盤極具觀賞效果，氣勢先聲奪人，每種和牛部位都有紙牌仔列明名稱，方便再叫，服務相當貼心。肉眼可見，每一種和牛部位都有相當高嘅降霜程度，肉質色澤就好似大理石花紋咁靚，和牛質素相當之高！口感方面真係無得彈，由於脂肪同肉嘅交錯程度高，每一個部位都係燒幾秒內就巳經食得，入口即化，油脂味濃郁，肉質細緻亦嫩，食落每一啖都有種上天堂嘅感覺！個人十分推薦牛五花，因為呢個部位油脂高，肥瘦肉隔層堆疊，入口果下容易食到層次感

約埋成班女仔fd 食野梗係要食餐好d甘岩牛川仲有四人同行 送龍蝦刺身就叫左個 "尊貴和牛放題"一開始已經擺左勁多野食，成張台都係龍蝦刺身船龍蝦刺身好彈牙爽口～同平時d 蝦刺身口感唔同三文魚厚切甘滯，好肥又夠鮮帆立貝北寄貝依d 都唔錯海鮮拼盤事先已經沾左d 牛油落去，燒起上黎更加香同埋 同埋令d 火更加旺估唔到仲有甲羅燒，已經有蟹膏，雞蛋，蔥混合左，燒熟左可以沾多士食！扇貝記得定時翻下，燒得岩岩好既話口感好嫩滑和牛美人玉子店員建議燒到七成再沾蛋汁食沾蛋真係另一層次，口感滑d到重頭戲～～A5和牛拼盤見到d 油花都好吸引肩梅花 牛味香濃，而且口感唔算好油，反而係嫩牛小排脂肪比例較高，會帶入口即溶既感覺牛頸脊牛肩胛都十分推介！ 牛味濃郁！我地都有再encore 和牛～食番夠本仲可以再點生菜包肉食！有種韓燒味道明太子薯條好好食！新鮮炸起，好脆卜卜牛油金菇同粟米依d 都有得叫燒肉唔少得既燒菠蘿～～壽司我地都點左幾款火炙火炙三文魚，燒完個味好香，帶完三文魚鮮味野飲選擇都幾多，仲有自家製烏龍茶白桃烏龍好香桃味雪糕作為甜品真係估唔到cocoberry 仲有其他牌子名！！Ganto~仲以為係日本牌子～食落

想食日本和牛燒肉朋友推薦左呢間比我特登打電話黎book位4人同行仲有龍蝦刺身送勁正日本45和牛拼盤每人都有既和牛拼盤可以試晒所有部位鍾意食既可以無限encoreA5岩手黑毛和牛-牛冧呢個部位好正有咬口得黎唔會太韌，牛味濃郁A5熊本黑毛和牛-牛頸脊超重油香入口即溶，加上玫瑰鹽更加出色海鮮拼盤超級新鮮既拼盤特別有甲羅燒提供有一片蒜蓉包比你配甲羅燒真係超正勁濃郁蟹膏另外牛油帶子都好味，又彈牙鮮味十足和牛美人玉子好特別呀，燒到8成熟再點生蛋增加厚重感，個玉子我地仲點埋其他和牛👍🏻刺身船除了龍蝦刺身唔可以encore,其他都可以估唔到質素咁正三文魚好肥美，又厚切龍蝦刺身新鮮爽口記得黎食一定要提早book位就有個咁正既刺身送呢間餐廳除了A5和牛任食，仲有唔少其他壽司，炸物任食，飲品自取選擇十分豐富❣️

【Overall 評分】食物質素：★★★★☆環境感覺：★★★★服務質素：★★★★★衛生指數：★★★★☆抵食指數：★★★★☆打卡指數：★★★☆回頭指數：★★★★☆🔜 「牛川日本和牛專門店」$458 2小時任食 A4 A5熊本黑毛和牛，必定滿足到大胃王食肉獸嘅你，仲食到吾少稀少部分，絕對值回票價架🥳────────────────────🔜 【晚市最平$298】。晚市分別有三種任食套餐。特選放題，極上放題及尊貴和牛。最抵食的就是尊貴和牛放題。比起「極上放題」都只係加多$110。可以食勻A4，A5和牛。仲有過百樣款式。如豚肉，雞，熟食，炸物，刺身，壽司等.🔜 【和牛頭盤九式】。主打牛匠岩手黑毛和牛及熊本黑毛和牛。A4 牛匠岩手黑毛和牛後腰肉。A5 牛匠岩手黑毛和牛牛冧，牛小排。A5 熊本黑毛和牛牛五花片，牛頸脊，牛肩胛。A5 熊本黑毛和牛稀有汁燒千本筋。A4 熊本黑毛和牛壺漬牛肋條，牛肩梅花。由味淡食到味濃。食岩隨時可透過QE code再次encore。牛味最濃：牛後腰肉，脂肪含量最高。口感問佳：牛小排，牛肩胛，牛頸脊。稀有部位嘅千本筋更係期間限定的，值得一試.🔜 【有甲羅燒嘅海鮮頭盤】。海

《極尚A5和牛放題🐮》———————————————-#牛川 🐄-🇯🇵 尊貴和牛放題梯級造型好搶眼，擺盤好靚，主打唔同部位嘅A5/A4和牛🔥每款和牛牛肉都會寫明部位，想encore 都唔洗靠估，好貼心🥰 牛肉油脂感爆發，肉味濃郁．款式都幾多，例如有牛肩胛、牛頸脊、牛五花、牛小排、牛冧、牛肩梅花、牛後腰、牛五花油脂同壺漬牛肋條☺️-跟餐仲會送海鮮拼盤，包咗牛油帶子同海蝦🦐 另外亦有和牛沙律開下胃，水準唔錯～最特別嘅係有埋甲羅燒，口感creamy，蟹味濃郁，撈埋放喺烘過嘅法包上咁一齊食，口感豐富😚-飲品都係任飲，除左常見既汽水之外、仲有自家製冷泡茶，清熱解膩🥰最後仲可以揀個雪糕食，好滿足😋例如有movenpick、Kojimaya 檸檬芝士雪糕、熱情果乳酪雪糕同埋 Ganto Tiramisu 雪糕等，都幾抵～-⭐ 參考價錢︰（另收加一）尊貴和牛放題：$458🍌 抵deal 指數：8/10