牛川日本和牛專門店 (已結業)

[ 牛川日本和牛專門店 ]放工嚟到銅鑼灣呢間主打日本A5和牛嘅日式燒肉店，120分鐘任食和牛部位&一系列放題食物😋✿ 尊貴A5日本和牛放題套餐成人$458/位、小童$258/位（另收加一服務費）餐廳有3款放題套餐選擇，其中呢款有得任食多款日本和牛。入座後店員會提供頭盤和牛沙律&和牛美人玉子，及以下兩個拼盤：（1）海鮮拼盤大元貝、大蝦、魷魚&蟹肉蟹膏甲羅燒。大元貝口感軟腍，肉質鮮甜；蟹肉蟹膏甲羅燒嘅蟹膏味濃，撈飯食一流😍（2）日本A5和牛拼盤和牛盛合會以8層架呈上，分別有A5熊本黑毛和牛&A5牛匠岩手黑毛和牛嘅唔同部位。牛小排入口即溶；牛五花油花豐富，啖啖油香；牛肩梅花肉味濃郁；牛頸脊&牛冧肉質有嚼勁；稀有嘅千本筋肉香有彈性🤤食完以上咁多款日本和牛，可以按個人口味encore任食😝 一系列嘅放題食物仲包括海鮮燒烤、刺身、壽司、炸物等。海鮮燒烤個人就推薦清酒煮蜆，蜆肉鮮甜；刺身種類好多，有三文魚、吞拿魚、赤蝦、帶子等，全部都質素唔錯👍🏻 食到最尾每人仲有一杯雪糕，好滿足呀😝總結🫦$458有得任食多款日本A5和牛部位，仲有海鮮、刺身、壽司等食物，性價比高，而且上菜速度都快，食足120分鐘無停