牛川日本和牛專門店 (已結業)

以前中學成日為咗慳錢食啲平價放題，所以一直對放題嘅認知都係食物質素唔係幾好，今次發掘到呢間黃牛放題完全顛覆咗我對放題嘅刻板印象🫡今次同朋友食嘅係尊貴和牛放題套餐，$458就可以120分鐘任食 A4 A5熊本黑毛和牛🐮入座無幾耐，店員就會上和牛頭盤九式同埋海鮮拼盤，包括各種A4、A5嘅牛匠岩手黑毛和牛及熊本黑毛和牛，上枱就可以望到佢哋款款油花分佈細膩均勻，絕對係上等和牛，餐廳真係落足重本🤑食勻咁多隻，自己最鍾意嘅就係A4 牛匠岩手黑毛和牛後腰肉，牛味最濃郁，A5 牛匠岩手黑毛和牛牛冧都好少見，A5 熊本黑毛和牛牛頸脊同牛肩胛口感都唔錯，嗌多咗好多件🫶🏻除咗基本嘅和牛，佢仲有好多放題食物可以選擇，自己特別鍾意牛肉他他，用安格斯牛配葉洋蔥同埋黑松露真係超香🤤飛驒牛刺身亦都好特別，食落去口感軟滑，牛味香濃，真係必試😛和牛漢堡入邊仲煎到粉嫩，放入口好似一個咕臣咁軟綿綿🥰呢度除咗牛之外，仲會上一盤海鮮拼盤，整體質素都唔錯，帶子夠大粒同新鮮，蝦肉同埋魷魚都夠爽口彈牙，仲要有埋甲羅燒😆 老實講，淨係食拼盤都已經抵到爛🫢 其他放題食物仲包括廿幾款唔同嘅雞、牛、豬肉，沙律、燒烤蔬菜類、刺身、壽司🍣、火炙壽