牛大人台灣火鍋吃到飽 (大鴻輝(荃灣)中心)

营业中

休息中

一直都知道難book位～上網訂咁岩book到5:30照殺！5點鐘上到去，已經見到好多人係門口等walk-in如果無訂到枱真係要早少少上去排提早左上去都唔洗點等，直接入得去果然！期待咁耐都係值得首先衛生方面都幾好、配菜區啲野食都係用盒裝感覺乾淨企理～位置方面兩個人比卡位我地坐相當之闊落！掂我地揀左澳洲和牛set識揀一定會揀呢個‼️‼️‼️‼️湯底鴛鴦要加50$、一個台式麻辣一個養生湯底養生個個好一般、好淡味麻辣個個就水準之作好惹味調味料我試左兩款左：芫茜+蔥+酸汁（幾開胃、食多幾舊牛都唔會好膩）右：台式秘製醬汁（係已經調好既、個人覺得用呢隻都夠哂）再叫左少少台式小食合理、無特別澳洲和牛係抵既呢個價錢任食、正啲牛真係好好食、好入口即化就算烚耐左都唔會好似紙皮咁鞋咁韌一定係揀和牛set!!!佢送個4粒和牛牛丸都真係好juice 再叫就要加錢💸💸雪糕係帶movenpick ,但揀左期間限定既台式仙草甜度適中Btw!! D staff服務真係超水準個個好好禮貌之餘、佢地竟然可以係我跌左對筷子🥢之後個幾秒就同我講拎對新既比我😱😱我叫都未叫佢就有反應真係好超水準！從來未覺得服務費俾得抵今次堅係抵比

最近好多人食嘅牛大人火鍋有9個唔同湯底比你揀我地就選擇左麻辣鍋同埋阿嫲養生濃湯鍋2個鍋都各有特色麻辣鍋唔係果種死辣 加鴨血食超好味養生鍋唔會淡茂茂 唔洗點配料豉油都完全冇問題 好好食鴛鴦鍋加50蚊 但係可以加入會員拎九折優惠～落單可以用QR code落單好方便 另外丸類菜類菇類飲品就可以係自助區自取平時食其他火鍋總有幾樣火鍋配料係好難食 但係牛大人嘅火鍋配料 每一樣都好好食特別推介係魚腐, 滑類甜品有movenpick雪糕 有一款期間限定揀

牛大人個朵非常響，多人到不得了，今日我地食5點個轉都要等一陣位，人氣超強。店內環境骨子，裝修古色古香，食客亦有私人空間，疫情下都安心d。湯底叫左台灣鳳梨雞鍋。大大隻雞脾做湯底，加上苦瓜，湯底味非常濃!而餐方面，叫左澳洲極上和牛肥牛脂肪分布好平均!入口即溶仲有牛柳粒，牛板腱等等非常豐富。海鮮方面叫左大海蝦同沙白大蜆海蝦非常新鮮，灼熟後一d都唔痴殼，肉質爽彈!大蜆乾淨無沙，encore左兩次!土魷又係encore之選，新鮮彈牙。而鯛魚片都係我喜愛之一，鮮味而有口感。仲有小小油炸鬼，過下口癮。台灣邊爐仲特有滷肉飯，送海鮮又係另一種風味!而飲品係要再加分既，呢個白桃烏龍色香味區全，食完邊爐消清滯最岩!而喜出望外仲有仙草食! 甜而不膩。

優質食材，舒適環境，細心服務，值得一試再試的養生火鍋店。餐廳大部份食材都是台灣直送，品質有保證。我們點上了 最貴的 澳洲極上和牛餐 每位送上澳洲M9和牛丸兩粒， 質感重，牛味濃吃火鍋湯底當然最重要牛大人紅燒牛骨濃湯底鍋底一上檯，已散發濃郁燒牛骨香味，飲下湯頭濃郁, 入口敦厚，有微微藥材味， 再用湯羹舀起，還有幾嚿大牛骨，絕不馬虎。飲品專區包羅萬有， 一般的可樂雪碧 外還有多款台式飲料， 洛神花茶， 白桃烏龍清清甜甜， 吃火鍋絕配。任食的食材包羅萬有 ,火鍋名物皇帝菜也有提供 . 十分欣賞 食物箱. 不知是一向都是用獨立食物箱還是因應疫情下之改變 , 非常衛生，食得更安心我們點上了此餐才包的三款牛澳洲m5牛肩卷安格斯牛板腱美國srf 極黑牛肩胛肉質不同，但全部都入口融化，質素高配上台灣直送即食伊麵，自家製了一碗牛牛濃湯麵墨魚滑非常新鮮，咬落還有粒粒魚粒鮮炸魚皮脆口飽住個肚結帳時還有驚喜，滿滿誠意十足的甜品呀！ 炎夏吃完熱 熱騰騰火鍋最適合不過

今日同女友人黎左荃灣行下, 發現疫情真係放寬左好多,條街明顯回復左當年假日人頭湧湧既境況.. 行到又熱又攰既我地選擇左去大鴻輝中心揾任食醫肚子..我地去到發現多左間任食牛肉既台式火鍋任食, 我地二話不說排隊入去食.. 我地揀左$288 既澳洲極上和牛吃到飽任食套餐.. 貪佢包羅萬有，多不勝數既肉類可以點.. 鍋底我地點左個鴛鴦鍋。 分別有牛大人紅燒牛骨味同阿嬤養生濃湯味湯底.. 肉類我地揀左澳洲和牛M5 牛肩肉，佢呢隻肉油花好均勻，好香濃牛味，值回票價的說！ .美國SRF極黑牛下肩肉，手切封門柳 <- 兩姐都唔錯，由其係個封門柳就有d 似本土手切牛肉既咬感, 同埋荃灣分店先有既牛胸油好creamy 好爽口..之後我地都加左d台灣地道小吃，即炸午餐肉，魚香皮蛋豆腐，梅甘酥脆薯同爽脆炸魚皮... 我想講佢呢度既食物選擇真係多到試唔晒，因為佢本身個餐已經送多左4 粒澳洲M9 和牛牛丸... 真係超多野食.. 飲品方面佢太多選擇我地只試左佢既自家製菊花普洱茶，白桃烏龍茶，麥香紅茶同埋麥仔茶， 佢所以自家茶都無糖好健康又幾好飲.. 最後我地真係吃到飽， 女友人仲食多左個台灣先有既王子麵佢

聽同事講呢間牛大人好好味，於是約埋d朋友去試下。我地叫左鴛鴦湯底，分別系牛夫人秘方麻辣鍋同台灣鳳梨雞鍋，兩款都好好味。特別係麻辣鍋，好有台灣既味道。牛肉我就叫左中間個隻-美國SRF極黑牛。d牛肉牛味好重，忍吾住食左好多碟。配料方面都好多選擇。特別推介:芋頭貢丸，真系好好味。如果大家想去食，一定要book位。如果walk in，應該要等好耐。另外，值得一讚，佢系用qr code落單，好方便又環保，吾洗下下都叫職員黎落單。

聽同事講呢間牛大人好好味，於是約埋d朋友去試下。我地叫左鴛鴦湯底，分別系牛夫人秘方麻辣鍋同台灣鳳梨雞鍋，兩款都好好味。特別係麻辣鍋，好有台灣既味道。牛肉我就叫左中間個隻-美國SRF極黑牛。d牛肉牛味好重，忍吾住食左好多碟。配料方面都好多選擇。特別推介:芋頭貢丸，真系好好味。

終於食到牛大人，啲牛同埋湯底係幾好食，其他配料就同平時個啲咁上下，唔算驚喜不過有一個失望位就係 每次叫啲牛都係黎一半我地total 6個人食，每次叫5盒牛，但都淨係黎2-3盒。每盒得2-3片 其實真係唔係好夠。120分鐘任食，竟然有唔滿足嘅感覺。

牛大人位於荃灣知名嘅邊爐大廈大鴻輝16樓，由於人氣太旺嘅關係，所以今次提早喺5點就過黎幫襯。唔好以為5點會冇乜人，樓下要排長龍等𨋢之餘，上到16樓一樣人山人海，堆滿了等候安排入座的客人，場面壯觀！我地嗌咗 $288 每位嘅澳洲極上和牛吃到飽，120分鐘任叫任夾任食任飲，諗起都爽！醬料區同埋夾野食區喺第一輪都一樣大排長龍，可以落單烚住其他嘢食先，人龍都消散得好快！用手機刷QR Code落單，簡單清楚準確快捷！流水落花 $48牛大人精釀嘅手工啤，聞落有好重嘅櫻花味，入口後有口甘，配麻辣湯底啱晒！冬瓜茶甜度適中，質素比得上坊間茶飲舖的冬瓜茶，解辣一流！牛大人秘方麻辣鍋（小辣）又香又麻，夠辣夠刺激，但完全唔會蓋過食材本身的味道！辣度相當於某知名米線的小辣，要食得辣下嘅人先可以挑戰！澳洲M9和牛牛丸本來要另加錢先有嘅牛丸，嗌和牛Set嘅話每位送兩粒！牛丸爽口而且極為Juicy，牛肉味和牛脂味都十分突出，係我食過最好食嘅牛丸，正！澳洲和牛M5牛肩卷油花漂亮，切得夠薄，烚幾秒就食得！入口有超濃香嘅牛脂香味，瘋狂Encore！其他食材如手切封門柳、牛胸爽、餃子、花枝膠等都非常出色！不過為咗可以回本，當

當日由於休假，所以可以跟太太試一試最近很火的台式火鍋店牛大人當日4時半到店外，5時才開店但已經大排長龍我們最終也成功5時計入座，食90分鐘的火鍋放題$208一位我們點了鳳梨鮮雞煲湯底，湯很鮮甜，但店員之後加的只屬清水級別的湯由於最廉價的那個套餐只有四款肉類，我們便選了第二款的套餐首先，這家店自取的食材明顯不及下單的，所以慢慢自取區的人流變得疏落另外，值得一讚的是那款頂級牛板腱，既新鮮亦不會韌其次推介的是手打丸類及鴨血，很有台灣特色且很新鮮另外，特別推介台灣空運到港的水蓮菜，我們追加了3次呢飲品方面，自取飲品櫃除了一般汽水外，還有自製的冷泡茶，但老實說，我試完大家推薦的桂花烏龍後，我只覺得太淡，而且是用茶包直接衝熱水進塑料樽內，還是少跟為妙至於其他食物，本人覺得不過不失，被人吹噓大了而海鮮類不算新鮮，可以集中食牛肉當店員指示付款時，會附上一張甜品紙，我跟太太也選了Movenpick冰淇淋，味道好性價比高整體來說，這家餐廳算是性價比高，當然有好味道亦有不太好的，但以此價格來說，有台式感覺的火鍋店實屬超值，絕對可以一試

依個商場不嬲都有好多火鍋嘅選擇，而且間間嘅質素都唔差，所以好難搵位，最近見新開左依間台式火鍋，一樣都係好難bk位，但我地十點左右黎walk in就唔洗等位，有好多湯底比你揀，今次揀左台灣鳯梨雞湯底，清清地但又有雞湯嘅鮮甜，而且好足料，有半隻雞係入面，生料未黎之前都可以食住啲雞肉先！雞肉唔會好鞋好似煲左十年咁。火鍋生料黎講大部分都好新鮮，上菜速度亦都夠快，分量夠足，不過令我意外嘅係啲熟食都相當唔錯，平時食火鍋任食一般都唔會叫熟食，但黎依到就可以試試。飲品都幾高質，各款茶飲都做得唔錯，唔洗驚中伏，店員都好有禮貌，唔怪得想bk位都咁難啦！

牛大人火鍋店位於荃灣大鴻輝，成間店非常有台灣嘅感覺。環境非常寬敞，感覺乾淨舒適，座位與座位之間都非常鬆動，可以坐得耐啲同朋友傾嚇計。同埋入面嘅擺設都相當有台灣嘅元素，令到我覺得喺疫情當中都好似可以去台灣旅行。而佢嘅食物都有別於一般嘅火鍋店，有好多台灣嘅食材同埋台灣嘅飲品。其中我最鐘意佢嘅冷泡茶，我飲咗洛神花茶真系好飲到停唔到，有點酸酸甜甜既味，但又不會太甜反而愈飲愈開胃。一嚟就揀咗個極上和牛套餐，因為價錢十分公道可以瘋狂任食，而食物來講佢嘅牛肉真系非常好食，夠淋又夠滑而且又唔會太多味精。今次仲有花膠，食落去爽口彈牙，煮耐d仲可以吸收湯底精華食落去仲好膠口，骨膠原仲好豐富添。仲有其他特別嘅食材，就算要試曬咁多款食材就已經覺得好飽， 啱曬牛魔王，以及希望可以好多選擇嘅朋友。最後仲有好好味既movenpick 雪糕作結尾，朱古力味濃又唔會太甜而且好香滑，系真材實料既雪禚。

最近食到最滿意嘅放題，牛魔王必到嘅一間牛主題嘅餐廳，連名稱都係用牛作首，叫做牛大人。開咗無幾耐已經有幾間分店，今次去呢間就位於荃灣無人不曉嘅大鴻輝內，幸好預先有訂位，上到去咁岩聽到店員同啲剛到嘅顧客話walk in要等到幾多點，都有啲愕然！但呢個就係大鴻輝會出現嘅句子，因為實在太多人會嚟呢度搵食啦！今次揀咗個清淡嘅湯底，就係台灣鳳梨雞鍋，感覺比較有台灣風味。湯底入面雞嘅份量都幾多，仲有苦瓜塊清下熱。而我地個餐係極上和牛餐，牛肉嘅款式都好多，真係夠晒豐富。每款都試咗碟就最滿足，但估唔到我更愛嘅竟然係西班牙豬五花片，食落唔柴仲幾嫩。另外牛胸爽都好正，涮一涮之後口感好好，有油脂外仲帶爽口。而朋友係名乎其實嘅牛魔王就最愛手切封門柳，佢真識食，原來呢個部位係牛橫隔膜肌肉，好罕有呢！除咗肉類，我仲好鐘意食鴨血同花膠佢地鴨血大大塊仲超滑溜呢！另外蟹籽墨汁漿同埋干貝鮮魚漿都好特別，兩款都幾重原味。仲見到一絲絲干貝呢！墨汁漿更唔係得個樣，仲有墨魚粒係裡面呢。行入啲仲有自助區，有各種配料同埋飲品。其中嘅芋頭豬肉丸都好正，入面嘅芋頭粉粉的，幾香！而本身我地已經叫左台灣製造嘅掌門啤酒，配火鍋好爽！但都被外面嘅

經常到荃灣區開餐，經常跟一大班朋友到大鴻輝打邊爐聚舊，樓上樓下不同的餐廳都已經試過，今次乘住有新店就一齊試試新野。食完先講結論，呢間牛大人以打邊爐來講非常高質，食物質素比附近火鍋店高好多，而且可以自助既食物種類亦更多，環境相對乾淨，最重要係通風抽氣做得幾好，超重要。飲品自助，可以試下佢地呢隻白桃烏龍，非常香濃鼓油碟可以自己裝，基本上沙嗲、辣醬、蒜蓉、馬拉盞之類既都一定有，甚至仲有台式肉燥可以添，種類多，唯一麻煩係人多要排隊。自助食品就有各式丸類、蔬菜、菇類，同埋我最鍾意既蜂巢豆腐＆皇帝菜，唔係到到都有～肉類例如牛柳粒、安格斯牛小排、牛肩排、豬肉卷等等，就要用qr code 點菜，簡單快捷唔洗擧手再擧手，good必食推介脆肉鯇新鮮爽口有部份即叫即煮既台灣特色熱菜，推薦呢個皮蛋豆腐，冰冰涼涼岩晒打邊爐用來中和一下重口味當日好似話咁岩有個新出既涼粉可以叫，份量超級豐富，而且剛好非常喜歡椰汁，食完好滿足

一早book mark左呢間台式火鍋店星期六5:00到達餐廳都已經排滿了人餐廳座位相對闊落環境舒服湯底有九款可以選擇亦可選鴛鴦湯底或可單點我地揀左牛骨藥膳湯底除左有大量既牛骨 仲有不少杞子丶紅棗所以湯底味道都好濃郁 非常惹味之後就可以選擇肉類有三款唔同嘅套餐我地見到和牛雙眼發光 而且價錢唔算貴 一於要試下-極上和牛吃到飽凡惠顧呢個餐會每位送澳洲和牛牛丸和牛牛丸牛味香濃而且咬落更Juicy 好吃另外仲有多款牛肉和牛M5牛肩卷、牛小排、一口牛等等最特別係荃灣分店獨有既牛胸爽薄薄一片 非常爽囗而且牛脂味香濃 推薦選點菜主要是用QR code 非常方便 請上菜效率亦非常高另外更可到自助配料吧有唔同款式火鍋配料用膠盒裝上如如菇類丸類蔬菜任君選擇另外仲有飲品櫃除咗有普通果汁汽水之外仲有好幾款台式冷泡茶除咗牛肉仲有可以豬肉片、海鮮、台式小食等等包你一定食到飽最後仲有movenpick 雪糕食完真係又飽又滿足