牛大人台灣火鍋吃到飽 (加拿芬廣場)

营业中

休息中

牛大人台灣火鍋吃到飽今次試下午市定食。牛大人紅燒牛骨鍋入面堅有牛骨，有d香料，有濃濃既牛味，好食既！呢個湯底唔係度度都有，值得一試！台灣鳳梨雞鍋入面有幾塊蛙蛙菜、苦瓜，有舊雞脾肉，整體係好清，無乜味，感覺得水加少少味精。唔推介！上腹牛五花 $88上腹牛五花比較韌，牛味就少d，一般啦～安格斯特選牛板鍵、西班牙豬梅肉片 $118牛板鍵比牛五花嫩滑，牛味亦都較香較重！好味！豬梅肉片都滑既，有豬既香味，唔會太肥。配菜自己去拎，硬豆腐、腐皮、豆卜、魚腐、金菇、木耳、蕃茄、菜、各台灣丸、寬粉、王子麵、響鈴等等都有。最有驚喜必夾既係芋頭貢丸，好食！口感好特別，一咬有粉粉既芋頭，再加彈牙既貢丸，好食！魯肉飯香料味重，冇乜豬肉碎，偏咸。野飲有驚喜。包裝精美，有4稱唔同既茶，雖然用茶包，但有清清既茶味，唔甜又解滯，絕對唔錯！📍尖沙咀午市無鴨血，晚市先有。📍下午1點幾就已經差唔多派完飛，會截單，所以要早少少黎拎左飛先！

如圖 $388二人餐嘅份量係超大😂 我仲要不知天高地厚咁加咗喺右邊嘅鴨血($52?)同埋牛筋($39) 結果湯都淨咗一桶 仲留返好多料第二晚再嚟多個火鍋湯底加菜加魚滑加牛筋先食得哂...但係味道係好味嘅 啲牛幾高質 牛夫人秘製麻辣湯小辣都唔算真係好辣 反而好似有少少蕃茄味😮 豉油成支俾你方便保存 芫荽蔥乾蒜同蒜又每樣滿滿一盒獨立包裝加$30速遞費就好多區都可以送上門 唔止係有分店嘅區域 私心覺得如果套餐嘅花雕醉雞件可以換成麻辣鴨血就最開心喇😳 但總括而言 抵食又好味 我自己覺得如果食量唔大嘅三個人都夠

呢次係第二次食牛大人，第一次係食旺角果間，因為朋友一直未食過想試，就決定左試吓新開尖沙咀呢間。.有上一次旺角既經驗，所以今次諗住早少少去等位，我哋大概1600左右就到，已經有3-4組人排緊隊😱一齊以為同旺角一樣1645先派籌，點知原來尖沙咀1615就開始派籌，第一輪係1645-1700入座。好彩我哋有早啲到，可以食第1 round😍😍.本身諗住叫朋友早定會員可以送一多個湯底點知原來尖沙咀係新開做緊88折😍我哋揀第三個套餐，2個人埋單500有找食足2個鐘真心抵食👍🏻.尖沙咀店感覺上乾淨啲又大啲，成個舖頭分2邊，自助區就係中間，收碟同上菜都好快！而且啲嘢食既質素都唔錯。.湯底既部分我地揀咗紅燒牛骨湯，雖然加多個湯底只要50蚊，但我地冇加😂因為我哋覺得最後只會碌一邊😅牛骨湯一開頭其實真係幾好食，但大概15分鐘之後就開始好咸🤦‍♀️即使加左湯好似都冇淡到咁，然後我哋好快就覺得好飽，因為個湯有啲膩😨所以其實建議揀啲清啲既湯底會好啲。.仲有一樣野我哋好鐘意既係有好多款冇糖既冷泡茶可以飲，我最鍾意❤️既係洛神花茶同桂花烏龍真心👍🏻👍🏻👍🏻.總括嚟講都好推介嚟試吓，不過記得要早少少嚟排隊😅😅

牛大人最近在尖沙咀的分店開幕了，我當然要去嘆一餐brunch，三個任食90分鐘的套餐，慳家的我，當然要選擇最便宜。 148元加一服務費，新開張期間有88折優惠，每位只需145元。環境夠大，坐得也舒服，自助吧食材豐富。套餐包括3種肉，牛五花，豬梅肉，及雞。一如既往這種價位，豬一定牛更好食，雞亦不錢。除此之外，亦有不少台灣直送材料，值得推薦的有台式蝦餃，芝士腸，香芋貢丸。可以即食的雞粒，及台式香腸亦不錯。滷肉飯，就有點失望，太瘦了。飲料的選擇亦不少，除了有平常的可樂，亦有不少台式飲品，最特別莫過於自家制的冷泡茶，不甜，茶香味濃而不苦。推介，菊花普洱，消脂解膩一流。唯一問題，係90分鐘有點趕，不能享用玄米雪糕，可惜，唯有下一次試。牛大人台灣火鍋吃到飽 (尖沙咀)尖沙咀加拿分道20號加拿芬廣場2樓

今日去了食午餐，之前看過其他食評話好多人排隊，所以都11:00am 去到排隊，原來我是第一位，之後 陸續有人來到，到了11:30am 可以安排入座，原本以為可以坐窗邊卡位，因為枱會大些，我是食90 分鐘放题，但 竟然安排了坐一些好細的枱，那麼我當然要求安排坐卡位，但 侍應生話要再安排座位， 所以我就企咗響度等，大概八分鐘後才能安排到卡位， 現在有疫情下，不是要求餐廳要枱與枱有1.5米的距離。但餐廳 職員安排食客坐埋一齊， 十分擠迫。 因為不是太多人，所以有一部分嘅坐位沒有開放給食客。只為方便他們送餐。所以我覺得好有問題，我們早來排隊，但餐廳没有安排一些好坐位给客人，但到後來客人開始多，才開放窗邊的卡位，那麼遲來的客人景然可以坐到有窗的卡位，十分不公平，餐廳在這方便安排不 妥當。我叫了 $198 極上和牛食到飽，但和牛質素都比較一般，沒有牛味，到最後 那一轉的和牛，肉色更差，而且 比較瘦， 食落口都好鞋，原全沒想到食和牛的質素那麼差。而那些墨汁槳，牛肉槳等等。都好差，好似 溝了粉，不是手打，没有味道。就連 響鈴，都唔脆，唔好食。我想去了這一次已足够，下次唔會再去，因為食物質素只是一般，

最近超人氣的牛大人在尖沙咀開了新分店，更有88折優惠🤩(至9月13日為止)，任食火鍋分為三種不同的套餐，這一次小編選擇了晚市中間的套餐，主打美國SRF極黑牛肩胛肉眼😍晚上7:30前離座收費為$208(未連加一)，以下餐品為任飲任食！#美國SRF極黑牛肩胛肉眼雪花分佈十分平均的肉眼😍牛味濃郁而且沒有筋，放左鍋內煮十至二十秒就可以享用~ 肉質嫩滑不會韌，而且每一份的質素也十分平均，不會第一批以後質素便會逐漸下降🥰味道小評分：😋😋😋😋😋/5#安格斯特選牛板腱另一款在第二款套餐主打的牛肉，比上一款的牛肩胛肉眼較有口感，不過肉味較淡，小編較為推薦上一款的牛肉🤣不過這款牛肉也十分不錯！味道小評分：😋😋😋😋/5#鴨血怎可能不嚐嚐近來爆紅的鴨血！一份大約有三至四塊鴨血，不會腥或者煮到一半散開，即使鴨血很軟但也有口感，咬開外層便是軟軟的鴨血😍很值得一試的鴨血，不可以錯過！味道小評分：😋😋😋😋😋/5#台式蝦餃必食之選之一，小編十分推薦的一款配料，蝦餃皮不會太厚，最有驚喜的是蝦餃的餡料，十分彈牙而且味道特別，亦是很值得一試的一項👍🏻味道小評分：😋😋😋😋😋/5#各式漿類跟平常的蝦滑等以同一種方式上菜，由於湯底

今日要推介嘅就係全城熱捧嘅牛大人啦，11:30嚟到已經場面墟冚，真係名不虛傳啊。聽聞晚市勁恐怖，所以尖沙咀店一新開就嚟試吓午餐啦，新店開張仲有八八折啊。餐牌如下， 135就可以90分鐘任食。因為同行嘅人唔係好食大腸之類嘅咁所以我哋就揀咗最平嘅$138餐啦。如果因為抗疫期間驚打邊爐會互相感染呢，其實都可以揀一人一鍋餐，不過呢就冇得任食一啲台灣直送嘅牛肉漿或魚旗漿等，同埋其實就唔可以任食鴨血囉。所以我最後都係揀咗138任食。湯底方面我揀咗香港獨有嘅起司鍋啦，但係我超級唔推介，因為其實我覺得麻麻地，所以令到我覺得牛大人失色不少。不過自助食物入邊呢就會有醬料你可以揀啦，另外都其實有唔少自助食品例如貢丸啦芋絲等等呢其實你都可以隨便食嘅。咁入到去因為我傻更更唔知原來係用QR code點餐啦，所以呢隔咗一陣先開始點返牛肉啦同埋一啲特色小食囉，所以大家記得呢系用QR code點餐啊，如果唔係你就剩係得湯底㗎喇。咁啱啱都講過啦138嘅套餐呢其實會包含一啲台灣直送嘅手打漿，而我個人最推介嘅呢就係澎湖花枝漿呢個真係好好食我encore咗2round。另外仲有好多台式小食例如鹽酥雞、皮蛋豆腐、台灣小香腸、甘梅

最近人氣好高嘅牛大人喺尖沙咀開新分店，呢一晚我大約六點去到，餐廳都差唔多坐滿人，本身諗住打電話預約，都book唔到🙈好彩可以準時放工！我哋揀咗中等價位，美國S R F極黑牛放題套餐，每位$248。牛肉主要包左安格斯特選牛板腱美國S R F極黑牛肩胛肉眼。其他配料、飲品任食任飲！通常一坐低打邊爐，就會去拎嘢飲，呢度嘅飲品選擇十分之多，有呢款好有心思嘅樽裝茶飲，樽上面印咗品牌名牛大人！叫咗雙拼湯底，香濃牛乳起司鍋、牛大人秘製麻辣鍋（小辣🌶），牛乳起司鍋，越食越濃郁，真係會食到有芝士味。依個麻辣鍋我哋嗌小辣，估唔到都好辣🌶🌶我喺出面自助配料區，有好多選擇，而且當中有好多台灣特有嘅小食，我想講佢出面嘅配料吧嘅雪櫃好夠凍，啲食物都好新鮮，見到有人不停refill，抵讚。其他食物就用手機落單 。講吓佢呢兩款特選牛肉先，望落都真係好靚，肥瘦均勻，唔會得啲肥膏，而且佢有一定厚度，食落口肉質好掂，唔會一食落口咩都冇嘅感覺。講吓啲海鮮，主要有蝦，沙白，鱸魚片，都好新鮮，估唔到啲沙白咁大隻，我哋叫咗幾次😆另外要推介佢嘅手打魚漿，蝦膠，牛肉，墨魚滑等等。佢有一款叫做干貝鮮魚漿，粒粒干貝好好食！自助配料吧出面，

真係第一次食 本身諗住去睇下有無位 點知一上到去即刻可以入座 如果吾即時入座的話要去到1845 但可以先取定飛 難得有位就一試 點知我地個位係門口位 基本上我地個邊係滿哂 另一邊又未開 唯有照坐 點知坐左無耐另一邊就開左由於真係第一次食 完全吾知點運作 員工都好悉心咁講解要點用手機落order 食物方面 好快就有食物 我地叫左紅燒牛骨鍋同尖沙咀限定牛乳起司湯底 個人覺得牛乳起司麻麻地 尤其牛下肩胛好味 就算再order之後質素都係一樣 吾會話頭一轉好靚 之後就好差咁 另一款牛板腱就普通 魚滑都好味 仲有幾款台式飲品揀 我就覺得茶味濃 甜品都不錯

一直都想試，但由於實在太難book，一直的唔起心肝去食。呢日決心4:30pm去到拿籌食5點既頭輪！去到已經排28籌，唔到5點已經人山人海。5點鬆啲就被安排入座，好好彩有窗邊位，好闊落同舒服！我地叫左最貴果個澳洲極上和牛set，order左紅燒牛骨鍋。個set奉送每人兩粒和牛牛丸！粒牛丸真係好好味，爽得來多汁！到依家都回味緊！牛肉方面隻隻牛都試過，其實已經分唔到邊隻打邊隻。但最好味既係和牛牛肩卷（轉登問左個職員）！整體啲牛都好高質！個鴨血都好滑😋而另一樣我好鐘意既係佢啲飲品款色好多！好鐘意佢既茶！同埋蜂蜜寒天碧螺春！另外仲有好多熟食選擇，但因為今次主攻牛，未有試好多熟食。整體來講，會encore！

台式火鍋放題「牛大人」一直喺我口袋名單內，之前見過好多正評介紹，但見到booking同walkin都長期爆滿情況下，完全找不到機會試。尖沙咀店係最新開的，還在試業階段，亦唯獨係呢間分店做埋午市（暫時全日不設訂座），就即管碰碰運氣。去到差不多2點，雖然有人等，但都唔駛等15分鐘就可以入座，但注意last order係3點，最遲4點要離座。午市有兩種點餐方法：60分鐘定量套餐，肉類只提供一碟，丸類菜類飲品等等可以任攞，如果想加其他食材，可以另外加錢。90分鐘唔只肉類，其他餃類、小食等等都可以任食。第一次試，而且自問食量已經唔及以前，所以試左60分鐘。湯底一人一鍋，分別選養生濃湯同麻辣湯（小辣）。講真比預期差少少，唔係話唔好味，而係唔似熬煮好耐的質素，亦冇層次感。麻辣湯叫小辣都越食越辣。我點左上腹牛五花套餐（$88），牛肉只得三片，仲要薄到近乎透光，肉味唔濃亦唔夠滑，質素好似仲差過日式涮涮鍋嗰啲，有點失望。不過任食的配料反而幾有驚喜，呢度丸類特別多，仲要部分係幾特別未見過，我唔逐樣詳細講，特別不俗的有虱目魚丸、芋頭貢丸、龍蝦沙拉丸、雪枝楊，最必定要拎嘅係王子麵，麵條爽身，配麻辣湯好正。仲有一

之前去過旺角店印象唔錯~見尖沙咀新開張88折就幫襯啦~可惜今次不太愉快……【入座安排欠效率】新開張不設訂位，11:30開門，我地11:08到達，門口已經逼滿人龍……拎35號飛，雖然望住店裡面大把位，但唔知點解11:55先入座？【服務非常離譜】坐低即刻開始計時90分鐘，但掃QR code五次以上都未入到單，叫唔到嘢食……11:55入座，但竟然過咗30分鐘先上爐！！！期間問咗三個服務員，第一個話問問其他人；第二個話幫手追追；到已經忍唔住發火，第三個貌似年輕經理來到先話補返半個鐘俾我地，即刻上鍋……新開張未上手都唔好咁離譜啊！！枱上寫住fb和IG讚好追蹤會送檸檬寒天茶，讚好完，第一個服務員姐姐:『er……er…sir』上身（斷線數分鐘呆咗係度）之後話問問第個；第二個姐姐：喔~係吖~我叫另一個幫你；最後第三個年輕服務員終於識做啦……唉……其實貴店做緊的優惠係咪應該每個服務員都有責任要識呢？！杯嘢飲質素都ok，只係比較甜，但贈品而言係唔錯~【食物質素唔錯】趁有開張優惠88折就叫咗最貴的澳洲和牛餐，比中間價位貴30蚊，其實只係多咗和牛、牛筋、墨魚滑和干貝滑，掃QR code落單，除咗收費飲品和酒之

牛大人尖沙咀新店推出 Lunch 60min 一人一鍋， 90min 任食套餐$138 $168 $198三種選擇👍 仲有88折優惠到13/9， 唔食真係對唔住自己😋有折更係食M5和牛餐啦，可以食M5澳洲和牛， 秘制滷牛筋， 蟹籽墨汁滑， 干貝鮮魚滑呢幾樣係其他餐唔包架。+$50鴛鴦鍋， 揀秘制麻辣湯及尖沙咀限定嘅牛乳起司湯， 麻辣唔夠麻，胡椒味較重， 相反牛乳湯真係好香濃cheese 味， 值得一試。M5牛都大塊較厚， 食出牛味； 安格斯牛板腱都好濃牛肉味， 不停encore牛肉；西班牙豬普通， 可能啲牛實在太出色比下去😔 四樣滑中， 個人比較鐘意墨魚滑，好夠墨魚個種鮮味， 其他三樣滑都好食。牛大人比好多出面啲台式火鍋真係多好多特色嘅台灣食物供應又有熟食揀喎：台灣腸，鴨血，特級花枝丸，風琴豆腐， 魚腐👍👍，寬粉，虱目魚丸， 乳酪蛋腸，海膽丸，萵荀，凍豆腐......啲丸真係樣樣都好食。飲品都好多選擇，有罐裝、紙包及自家特製茶： 白桃烏龍，洛神花茶，桂花烏龍......最可惜個肚位置有限，牛大人比好多貴價火鍋更高班，難怪每間分店日日爆多人！折完都係$222/位👍👍👍👍👍（5/5）

一個人打邊爐其實都係好事，可以專心地食，又可以食多D.除非你主攻食肉(任食牛、豬、雞$138)，否則一個人食一人一火鍋套餐都已經夠。建議劃返條排隊線，因為大家都唔知邊度龍頭隊尾，可避免凌亂及員工被責(雖然大部分香港人都好有秩序排隊😊)叫左牛五花套餐，肥牛都多筋，自助吧都夠食，白桃烏龍同桂花烏龍都正。新張期間88折，抵食，最好食第一輪(11:30)，預早排隊。我係第一個又一個人，拎野食唔使迫，慢慢望，真心推介👍🏻PS員工有禮貌

係6點後禁堂食的情況下，想打個邊爐都可能要選擇午市時段了。在朋友推介下，話牛大人係佢食過的任食邊爐之中，又扺食又好食的一間。暫時只有新開的tst分店有午市任食火鍋堂食供應。呢間上午11點半已開，好快已經坐滿。90分鐘的任食有3款，我地選左$168，無加海鮮，要左中辣麻辣湯底。下次應該會選其他養生湯底食下，因麻辣湯越食越辣越咸。牛方面都新鮮，最中意食牛五花卷，仲有台灣腸同鴨血食。飲品選擇都多，白桃烏龍好香白桃味但一d都唔甜～最後，仲有一碗台式甜品逢送，鮮草凍。新張期間仲要做緊88折，只收現金。值得黎打個邊爐同朋友聚下。任食火鍋黎講，呢間真係唔錯。