牛大人台灣火鍋吃到飽 (加拿芬廣場)

营业中

休息中

上個星期經過尖沙咀加拿芬廣場，😳樓下已經排滿晒人，原來大家喺度等緊食🐮牛大人。嗰陣已經心諗係唔係真係咁好食，🧐所以一早已經book mark左呢一間餐廳。😍之後比我發現咗原來佢有午市90分鐘放題，所以我就約咗朋友一齊食。諗住應該冇咁多人，😂咁都啱嘅的確係冇晚上咁多人但係都唔少人。👭🏻佢有⭐️定量同埋⭐️食到飽兩款。定量顧名思義就係只係限你食1️⃣指定肉類150g，再加2️⃣自助火鍋配料吧。而我就叫咗🤤90分鐘午餐吃到飽，一諗到都等咗咁耐，咁梗係試吓佢嘅最高級嘅牛肉，午餐照理應該係平啲。⭐️90分鐘午餐吃到飽有三款，1️⃣精選嫩牛、2️⃣特級安格斯、3️⃣極上和牛吃到飽。一開始我哋揀咗湯底先，我哋叫咗個⭐️鴛鴦湯底。首先要一個招牌⭐️牛夫人秘方麻辣鍋-小辣，佢呢個麻辣鍋有🌶大中小辣，我哋叫咗小辣，又香又易入口。我自知已經唔太食得辣，但係呢個小辣都可以入到口！😋好正！⭐️白玉酸菜鍋呢個酸菜鍋唔差嘅，材料好夠。⭐️極上和牛吃到飽比起其他嘅set多咗以下嘅嘢食：⭐️安格斯特選牛板腱❤️⭐️澳洲和牛M Five牛肩卷❤️佢啲牛肉真係好好食，全部都好高質，之後再追加嘅牛肉都可以保持質素！$200左右就可以食到真係好抵食！⭐️蟹子墨汁漿😍⭐️干

有時任食邊爐相對地抵，因為選擇多，一次過可以食好多款唔同嘅食物。牛大人係台式火鍋，任飲任食，仲有台式小食。湯底揀咗台中蒜頭雞鍋🐔🍲▶️極上和牛吃到飽 （午市$208/位）我覺得要叫就叫最貴嗰隻肉，性價比高啲～🔹澳洲M5和牛牛肩卷🔹安格斯特選牛板腱🔹西班牙豬五花片▶️多款火鍋配料🔹真味牛肉漿🔹澎湖花枝漿🔹牛丸、墨魚丸、海膽丸、芝士丸、蔬菜、響鈴、炸魚皮等等多不勝數▶️ 台灣小食🔹鴨血🔹鹽酥雞🔹甜不辣🔹滷肉飯🔹小香腸▶️ 台式茶🔹桂花烏龍、菊花普洱、蜜桃烏龍等等，都相當吸引。▶️甜品：牛大人雪糕

疫情關係，去唔到我最愛既台灣旅行，真係好好好掛住當地既小食，夜市，火鍋老婆知我心意，趁我地放假就帶左我去＜牛大人＞，平伏一下我既情緒，真窩心午餐有2款選擇，包括一人一窩既定量餐或者3款唔同級數既任食選擇，難得一齊夾到Lunch,一定要食好d,所以叫左極上和牛吃到飽湯底都好多選擇呀，加＄50可以雙併最後Order左紅燒牛骨鍋併蒜頭雞鍋先試一試湯底紅燒牛骨鍋，好香濃既牛肉味，仲有淡淡紅棗杞子既味道，好岩我口味蒜頭雞鍋，清清甜甜，蒜味唔算太濃，味道幾迎合大眾2個都各有特色拎配菜時順便周圍參觀下，坐圍分得幾開，坐得好舒服，而且抽風做得唔錯，舖入唔會好大陣味隔版既插畫亦都好靚，仲會教下你d簡單台語，有些小置身台灣既感覺吧配菜，醬料，麵類都好多飲品除左有一般汽水同無糖茶，仲有幾款特別D既花茶，我地就試左呢2款微甜的，茶味幾濃。我成餐瘋狂食牛牛肉幾靚，油脂分佈幾平均特別推介牛肉滑，非常好食，必試台灣美食又點可以少得鹽蘇雞，台腸，滷肉飯鹽蘇雞比市面某間連鎖店差唔多反而炸甜薯同滷肉飯非常有驚喜，滷肉係任加架！！肉碎好多，唔係得D汁甜薯真係做到外脆內軟,甘甜雪糕只有一款味，可可貝妮出品，質素保證，豆腐味很

假日午市都好多人排隊，相當犀利。午市打邊爐放題，我哋揀咗食極上和牛任食。佢有唔同肉類，覺得食貴最貴嗰隻嘅肉質就有保證。除咗牛、豬等任食之外，仲有其他配料🤩出面有多款蔬菜類🥬、粉類、丸類、台式料理：例如滷肉飯等等、仲有好多台式飲品、茶類，相當多選擇。落單仲可以叫鴨血、鹽酥雞、甜不辣等等。台式料理90分鐘任食時間過得真係好快。甜品仲有自家製雪糕是日係豆腐味。點餐後嘢食黎得好快，基本上一定食得好飽！

睇「有碗話碗」youtuber推介牛大人，網上book兩次，第二次終於book到，可以同爸爸慶祝生日！book左星期六晚7點，6:48上嚟排隊等入座，7:07有枱。排緊隊時已經揀定濃湯養生湯底同極上和牛套餐。一入座位置好方便，對正醬料bar同飲品櫃。醬料吧企理乾淨，仲有熱飲。飲品櫃除左平時常見嘅汽水外，仲有樽裝茶我揀桂花烏龍幾清香。和牛，手打魚滑，海鮮，小吃，特飲用手機落單。其他大路平價丸類、麵類，蔬菜就出去大雪櫃拎。叫幾轉牛肉4次有1次漏單，牛肉好鮮甜軟腍，完全冇筋👍🏻👍🏻蝦同沙白好新鮮鮮甜😊第二轉飲品叫冬瓜茶好清甜，唔係求其開嘅糖水味。埋單時送每人一細盒movenpick雪糕一入座職員就提我做會員可以有九折或鴛鴦鍋免費（本身加$50）。我揀九折，怪$61.6。總體服務好滿意，上菜速度快，一落單一陣就送嚟，只係會漏吓牛肉單，其他材料好快上齊，職員好快收走吉碟，任食火鍋嚟講，食材質素同服務極佳🥰🥰🥰

之前已經食過一次牛大人晚市時段, 覺得好正, 但迫爆情況相當震撼! 想再食多次, 一於去食午市, 等待時間相對較短, 不過都差唔多全場滿坐! 我地11點半左右到, 12點開始安排入座! 午市除左放題, 而家仲有60分鐘定量午餐, 除了指定肉類共150G, 自助火鍋配料吧都係任食, 好抵!我地選擇 極上和牛吃到飽 每位$198, 可以任嗌澳洲和牛M5牛肩卷 及 多款肉類! $198就可以任食和牛, 超值!我地選擇左鴛鴦湯底, 另加$50!台中蒜頭雞鍋有成隻雞脾, 仲有大量蒜頭及蟲草花等, 真材實料!牛大人秘方麻辣鍋 (小辣)麻辣度十足, 好過癮! 麻辣愛好者必試!澳洲和牛M5牛肩卷肉味香濃, 肉質嫩滑! 自助火鍋配料吧非常推介丸類, 有好多款都係出面食唔到, 而且好味道!飲品選擇非常多，當中必試4款牛大人自家製冷泡茶!台灣小食都好正, 吃到台灣嘅味道!

第一次來，朋友介紹鴨血牛肉任食，結果勁失望。聲稱台式火鍋，鴨血任叫。第一次上左三塊，個磅勁大，等左成20-30分鐘先黎一轉，一份有時兩塊，有時三塊，勁簿。限時90分鐘，無論叫幾多份都係一轉先畀兩三塊，成枱人食，一人一塊都無。個半鐘只可以食三四塊，千祈唔好諗住係真任食。勁催佢幾次就畀多一次你，無晒mood食。其他材料個人覺得好唔掂，牛肉成枱人只叫左一份就止步，得幾塊仲食唔晒⋯可想而知。豬肉同雞肉還可以。

今日同朋友試咗60分鐘定量午餐，order了花雕酒雞件$78同上腹牛五花$88，每份肉的重量足足有150克，火鍋底叫咗廚師推介嘅紅燒牛骨鍋，牛骨味道香濃加上清香嘅藥材味與雞件同肥牛真係好夾，另一個牛乳起司鍋配蔬菜同豆腐類更濕獨特自助吧提供多款新鮮蔬菜、菇類、豆腐類及台式肉丸，並供應多款飲料，我最喜歡無糖的洛神花茶及白桃烏龍茶最後食了1杯不太甜的牛大人豆腐雪糕

牛大人剛到港時， 經常大排長龍，晚市連5:00pm 或 11:00pm 時段都爆滿，相當誇張！唔想等到天昏地暗嘅話，可以試午市，唔洗等位之餘，仲有啲定量午市Set，價錢實惠！11:45am 到場，12:00pm 左右就被安排入座了，Very Good！大量丸類和蔬菜，整齊衞生的放在盒中！會爆漿嘅龍蝦沙律丸同埋芝心丸係高度推介之物，夾幾多都一定清得晒！整潔的醬料Bar，仲有數款麵食可供選擇！飲品選擇也極多，除咗有出名嘅凍茶之外，仲有台灣直送的仙草蜜和蘋果西打，必飲！極上和牛吃到飽 $198/位可以任嗌澳洲和牛M5牛肩卷，$198有和牛吃到飽，咁嘅價錢真係好難抗拒！和牛肉香滿溢，任嗌和牛認真超值！牛大人秘方麻辣鍋既香且麻，後勁十足，最重要係唔會辣到掩蓋咗食材嘅原味！愛刺激的必選！台中蒜頭雞鍋香郁鮮味的湯底，能帶出食材的鮮甜味！小食也是相當出色的，同樣也是任嗌吃到飽，爽！

牛大人一直都好難book 真係想食都未必食到今次係四點幾嘅時候 我專登行上去諗住碰下運氣點知真係俾我攞到7點3嗰一輪嘅飛跟住我就離開咗 周圍係尖沙咀行吓 到19:15先返上去雖然都排咗一陣 但大概10至15分鐘 就已經可以入座😌當時條隊長到超級恐怖 但係都幾有秩序即使臨時決定食都食到 算係解鎖咗一個攞飛攻略😎😎今次嗌咗個鴛鴦鍋 一邊係麻辣湯底(小辣) 一邊係蒜頭雞麻辣湯底雖然係小辣 但辣味都足夠如果唔係好食得辣 嗌小辣已經非常足夠🙈至於蒜頭雞 就正正常常啦 但去到最後因為啲蜆呀肉呀煲埋一齊 所以就好鮮甜入面嘅雞好大舊 本身以為實會鞋颯颯啦點知又幾甜幾滑喎😳火鍋料我就唔多講啦 今次只係揀咗$208嗰個餐可以選擇嘅肉類唔多 但係個人嚟講覺得好夠食因為仲有好多其他嘅火鍋配料可以選擇個人最推薦就係沙白同埋鴨血沙白好鮮甜 粒粒都大大粒 又冇沙鴨血就好大舊 夠晒口感我同朋友係不斷refill再refill😍😍😍😍飲品方面 我推薦白桃烏龍清清地解膩得嚟 又有桃嘅淡淡香味好味好味 次次去我都飲成兩支🤤

全城效應～ 所以排足一個鐘都要黎試牛大人啊！🤩小弟在星期日4點鐘walk in排5點食，未幾後面已經有3x幾個人排我後面，真係佔位既重要性！book位都book唔到架，真係一位難求😇😇😇好啦一開閘既時候我就戰鬥格去攞野食，呢樣野真係大!錯!特!錯!! 事關小弟揀既係中價SRF餐，本身已經好多野食，到我攞左好多乜丸物丸，友人話唔食🙄🙄 淨係食要點既野都夠。飲品區好正，有佢地自家飲品，力推洛神花茶／桂花烏龍／白桃烏龍，無糖的放心飲😁至於肉類, 美國SRF牛肉錄落去紅燒牛骨鍋湯底，冇得輸，唔駛混醬都好好食😚 重有必食鴨血，聽講7點後晚市成日都俾人食哂，又係好好食。整體食物上有驚喜，你係一定食唔哂入面既所有野🤭 假如可以重來，我只會食要order的食物。重有入面staff好快手，落單好快有得食，唔會甩單，又收野好快手。Really正😊 係張格細得滯，不過是咁的，土地問題，你知我知。台試火鍋真係少食，牛大人係有將火鍋個standard 提高。吖重有，download佢個apps有9折，食評完畢科科😋

星期日未夠12點出到尖沙咀，已經見到條長人龍，好彩第一轉都入到，唔使點等。由於眼闊肚窄既關係，都係簡左60分鐘定量午餐。牛五花$88(假期加$10)西班牙豬腩肉$78(假期加$10)定量既好處係可以一人一鍋，所以試到兩個湯底，分別叫左麻辣湯底同鳳梨雞湯底。麻辣湯底好香，少少麻，唔會死辣。反而鳳梨雞比較淡，搵唔到鳳梨，但有苦瓜同大大隻雞脾。個人比較推介麻辣湯底，配王子麵，響鈴，勁吸味，辣得過癮。豬腩肉肥瘦均勻，大大塊，食完都好飽。牛相對肥，都有肉味，唔錯。蔬菜類都好多，夠新鮮，反而丸馬馬地，無咩驚喜。飲品最深刻係冷泡茶，一樽樽，試左白桃烏東，都幾重茶味，食咁濃味野，配番無糖茶平衡下幾好。雪糕得一隻味，豆腐，無咩味，可以skip.

【瘋癲試食】｜牛大人駕到🙇🏼‍♂️🙇🏼‍♂️話說我就好少會幫襯什麼什麼任食火鍋既餐廳 覺得質素一定麻麻地 而林小姐就食過尼間牛大人好幾次不斷同我講係長期長龍店 一位難求咁樣 仲要係好高質咁禾 咁我地難得放假佢就帶埋我一齊去試吓😬原本我都諗住上網訂位嫁 12點鐘開放訂座 12點15分 已經Full哂訂唔到位 洗唔洗咁誇張呀😤😤 咁到當日我就唯有早少少去拎位 睇下運氣點啦 當日我地就食星期五夜晚 我就下午四點已經去到拎位 一上到去已經見到條人龍由二樓排到落一樓 真係好誇張😅 咁我當然唔執輸啦 拿拿臨搵個靚位就排入去 好快就有店員出黎派飛仔 咁因為我地係食7點鐘個輪 店員派完飛仔 就只需要係指定時間再返黎排隊入座就得👍🏻 咁既安排我當然非常滿意啦 唔洗傻下傻下咁企幾個鐘😂😂仲有時間可以去Shopping下🤭到入座時我地就揀左美國SRF 極黑牛套餐(HKD$248)而湯底就揀左麻辣火鍋同埋紅燒牛骨鍋 再拿拿臨用手機落單就即刻可以打邊爐啦😍😍 首先當要就要瘋狂叫個美國SRF 極黑牛肩胛肉眼 牛肉黎到我一試第一口就明白佢點解係長期長龍店啦😳 肉味非常濃郁 雪花分布又好平均 食落完全唔會覺得難咬 我就不

好掛住好掛住台灣，掛念台灣一切的美好，尤其是台灣的美食🥺🥺🥺短期內暫時都去唔到台灣旅行，唯有喺香港食下台灣火鍋去止止心癮最近最Hit的莫過於來自台灣的牛大人火鍋，最近尖沙咀仲做緊限定午市優惠， 90分鐘任飲任吃到飽可以低至$138！！今日一於同食肉獸〈獅子老公〉來放縱一番嚟到先知原來湯底都有10款咁多，淨係諗湯底都已經相當頭痛樣樣都好想試，結果我哋就選咗雙拼湯底。〈獅子老公〉選了非常獨特的〈牛大人紅燒牛骨鍋〉湯底，本小兔就揀了較低脂又不失美味的〈台中蒜頭雞鍋〉湯底。湯底嚟到都嚇咗一跳，真係有成隻脾比係入邊！！值得一讚係爐火好猛，湯鍋好夠滾，肉片輕輕焯幾下就食得，用電話落單又快又準確，根本全程就喺度密密食冇得停任食打邊爐放題除咗個湯底同埋啲肉之外，外面任取嘅配料同埋飲品都好重要。第一眼首先比飲品櫃嚇親，一字型排開，闊到我電話都影唔晒除咗有好多罐裝飲品之外，最特色嘅係有幾款自家製嘅茶飲，打邊爐熱辣辣飲就最啱！！另外配料，丸類同蔬菜嘅種類都非常多，出去攞到咁多嘢真係非常開心入咗嘅時候心大心細究竟要安格斯定係極上和牛套餐好，最終都係決定開心啲，叫個最高級嘅〈極上和牛〉大吃一番一落單當然係無論

要數香港現今排隊最誇張食肆應該非壽司郎跟牛大人莫屬，前者要提早兩個月預約，後者原本都要提前一個月訂座，不過早排疫情關係之前停業，暫時只提前一星期開放預約，而我親自見證秒殺黃金時段！而Walk in亦大概要預兩小時輪候，到底香港人有幾愛壽司郎同牛大人呢？牛大人兩小時任飲任食台式火鍋，湯底有十款選擇，鴛鴦鍋加$50，咁偶然食一次都會想試多個口味，牛大人秘方麻辣鍋有後勁，食到後期吃油條等吸味食材都幾辣！牛大人紅燒牛骨鍋味道香濃，好味。而任食有三個價錢選擇，最平$208有4款肉任食，上次第一次就試中間價位，$248有12款肉；今次則試最貴價錢，$298再多5款肉共17款，另外一人送兩粒澳洲M9和牛牛丸，係兩粒！唔係瀨尿牛丸但味幾濃，而且有肉汁，口感又彈牙。而今次食貴價餐目都無乜點叫中價或平價錢可選的肉。眾多肉類之中，我最喜歡澳洲和牛M5牛肩卷，油脂分布均勻；其他肉類亦新鮮，沒有未溶雪的硬身肉質。海鮮選擇唔算多，但鱸魚，脆鯇都厚切，肉質爽口。沙白都好大隻。而其他火鍋配料有多樣台灣直送及即時享用的台式小食，雖然近期鍾情即炸午餐肉，但鴨血，花膠都不停Encore，滷牛肚滷牛筋亦出色，另外多款水餃都皮