影片
更多
2020-08-30
2775 浏览
台式火鍋放題「牛大人」一直喺我口袋名單內，之前見過好多正評介紹，但見到booking同walkin都長期爆滿情況下，完全找不到機會試。尖沙咀店係最新開的，還在試業階段，亦唯獨係呢間分店做埋午市（暫時全日不設訂座），就即管碰碰運氣。去到差不多2點，雖然有人等，但都唔駛等15分鐘就可以入座，但注意last order係3點，最遲4點要離座。午市有兩種點餐方法：60分鐘定量套餐，肉類只提供一碟，丸類菜類飲品等等可以任攞，如果想加其他食材，可以另外加錢。90分鐘唔只肉類，其他餃類、小食等等都可以任食。第一次試，而且自問食量已經唔及以前，所以試左60分鐘。湯底一人一鍋，分別選養生濃湯同麻辣湯（小辣）。講真比預期差少少，唔係話唔好味，而係唔似熬煮好耐的質素，亦冇層次感。麻辣湯叫小辣都越食越辣。我點左上腹牛五花套餐（$88），牛肉只得三片，仲要薄到近乎透光，肉味唔濃亦唔夠滑，質素好似仲差過日式涮涮鍋嗰啲，有點失望。不過任食的配料反而幾有驚喜，呢度丸類特別多，仲要部分係幾特別未見過，我唔逐樣詳細講，特別不俗的有虱目魚丸、芋頭貢丸、龍蝦沙拉丸、雪枝楊，最必定要拎嘅係王子麵，麵條爽身，配麻辣湯好正。仲有一
尖沙咀店係最新開的，還在試業階段，亦唯獨係呢間分店做埋午市（暫時全日不設訂座），就即管碰碰運氣。去到差不多2點，雖然有人等，但都唔駛等15分鐘就可以入座，但注意last order係3點，最遲4點要離座。
午市有兩種點餐方法：60分鐘定量套餐，肉類只提供一碟，丸類菜類飲品等等可以任攞，如果想加其他食材，可以另外加錢。90分鐘唔只肉類，其他餃類、小食等等都可以任食。第一次試，而且自問食量已經唔及以前，所以試左60分鐘。
湯底一人一鍋，分別選養生濃湯同麻辣湯（小辣）。講真比預期差少少，唔係話唔好味，而係唔似熬煮好耐的質素，亦冇層次感。麻辣湯叫小辣都越食越辣。
我點左上腹牛五花套餐（$88），牛肉只得三片，仲要薄到近乎透光，肉味唔濃亦唔夠滑，質素好似仲差過日式涮涮鍋嗰啲，有點失望。
不過任食的配料反而幾有驚喜，呢度丸類特別多，仲要部分係幾特別未見過，我唔逐樣詳細講，特別不俗的有虱目魚丸、芋頭貢丸、龍蝦沙拉丸、雪枝楊，最必定要拎嘅係王子麵，麵條爽身，配麻辣湯好正。
仲有一款任拎的熟食就係滷肉飯，但睇到賣相都估到唔好食，似普通肉醬飯，冇質感亦冇滷水味，只宜淺嚐。
醬料方面就值得一讚，選擇甚多，亦有專蘸牛肉豬肉的醬汁。飲品除咗常見款式（仲有蘋果西打），比較特別係佢提供自製冷泡茶，我選的白桃烏龍茶幾清新，帶淡淡桃味。
甜品只得一款，係玄米茶雪糕，我太飽冇食。
其實午市黎講都算抵食，都不能太多要求，下次都繼續集中食丸類好啲。
张贴
