牛大人台灣火鍋吃到飽 (加拿芬廣場)

营业中

休息中

我哋揀咗鴛鴦湯底，分別係阿嫲養生濃湯鍋同埋牛大人紅燒牛骨鍋。感覺上阿嫲養生鍋相對清啲，而牛大人紅燒牛骨鍋就比較濃郁啲同甜啲。掃一掃QR Code自助落單好方便，睇下個menu，品類繁多幾齊全，豬牛羊雞海鮮菜類，仲有小食同特飲，酒類就要額外收費。既然係食牛嘅火鍋專門店，當然係要主力試下佢嘅牛牛。澳洲和牛M5牛肩卷，肉質爽口，大理紋油花分佈均勻，入口融化，油而不膩，甘香回味。安格斯特選牛板腱，牛嘅肩胛部位，脂肪相對較少，但非常有嚼口得嚟又唔韌或者鞋，肉味濃郁。至於安格斯牛小排，油筋油脂就多啲，肉質厚實，鮮嫩多汁。除咗牛肉，豬肉都唔錯。西班牙豬梅肉片，豬身最嫩嘅肉，冇筋且肥瘦均勻，肉味香濃，食落爽口，令人忍唔住加單。仲有一個瓜仔雞水餃，都係推介必食嘅，外皮Q彈爽口，餡料飽滿juicy，食到微微嘅甜味，雞肉混豬肉口感好特別，味道都唔錯。自助區仲有好多嘢揀，包括各種丸類、蔬菜、豆品等。飲品種類都幾多，除咗各種汽水，仲有自家出品嘅洛神花茶，菊花烏龍，白桃烏龍等任君選擇。

朋友同我都鍾意打邊爐，咁緊係帶佢去試下台式牛大人啦，知道尖沙咀店限定火鍋鍋底有香濃牛乳起司鍋，我地就相約去食個午餐吃到飽！ 香濃的牛奶加上芝士，湯底滾起後先嚐一啖湯頭，綿滑得黎濃而不膩，我覺得配蔬菜或豆腐類吸晒湯汁特別能夠提味，用以打邊爐我還是第一次試。 牛大人以手機掃瞄二維碼下單，方便且節省人手，自取食物必需佩戴口罩，所有食品都以器皿蓋好，有員工好留意食物份量和衛生情況，一見有醬汁溢出便會馬上清理，也見到專責員工著上小背手作執枱專員，咁就唔怕交差感染，顧客食得放心又安心！ 我地點選極上和牛吃到飽套餐，限時90分鐘，因為同朋友傾計關係我地都食得比較慢，也沒有留意到時間，店員亦好細心提示用餐時間已到，問是否需要再點食物？如沒有可以先埋單再坐一會，食埋鍋裡的食物，令客人聽到也覺得舒服，沒有很催逼的感覺！ 食物方面 #澳洲和牛M5牛肩卷 和 #瓜仔雞水餃 最好食，兩款食物都有再Encore！澳洲和牛M5牛肩卷滾幾秒就可以入口，入口即溶回味無窮，第二轉都一樣咁好味！而瓜仔雞水餃我都係第一次食，應該是台灣獨有的水餃，口感爽甜，味道不錯！ 最後因為太飽的關係無食到甜品，有點可惜，唯有下次再去食多次

跟兩位好姊妹去食，因為佢哋對食都好有要求，所以揀咗牛大人，仲要食最貴嘅套餐，因為有牛肉飲食，同埋他們都比較喜歡吃台灣火鍋🍲係開頭喺門口排隊嘅時間比較耐少少，而且都好多人等位，安排好座位之後可以到外邊揀嘢又唔同配菜出邊嘅配菜都唔少有丸類、菜類等等，不過最吸引我的是嘢飲區，因為我見到有唔同味嘅茶，一樽樽好精美。點菜的時候有不少熟食，如鹽酥雞台灣腸花枝丸....好多款好豐富而火鍋方便，我們跟點了不少唔同款式的牛肉，大部份都很好食😋，而當中有兩款我們很喜歡的我們便瘋狂地叫.....餐廳位置非常整齊同乾淨，整體而言非常之滿意，一定會再食，因為性價比非常之高，價錢唔算太貴但係食物質素一流，有喜出望外

牛大人 @masterbeef.hk 打邊爐，香港人真係一年四季都鍾意打邊爐😆嚟到尖沙咀，想食牛，當然要試下佢嘅牛大人自助放題啦！今次叫得最豪爽，試咗最貴嘅極上和牛火鍋放題😋.放題嘅品種好豐富，而我就最鍾意佢嘅澳洲和牛M5牛肩卷同瓜仔雞水餃。.🐤瓜仔雞肉水餃唔點醬直接食，都可以食得出微甜嘅醬瓜味。.🥟而且餃子整體味道都好唔錯，食完一粒之後又忍唔住食多兩粒。.🥩M5牛肩卷同樣好高質，油花分佈均勻，而且肉味鮮甜，用嚟打邊爐就真係最啱啦。.品種好多，任食邊爐嚟哩度，都係一個好選擇。

自從呢間台灣人氣火鍋牛大人嚟咗香港之後😌人氣一直都冇減過😜人龍更加一直冇短過🤪，今日終於有幸輪到我吃了，開心開心😍環境: 7.5/10店內以木裝修為主，場地好大，座位都頗為闊落，方便客人出出入入拎嘢食都唔會撞到👍🏻食物: 7.5/10澳洲極上和牛食到飽任食套餐 $298位1️⃣牛大人秘方麻辣鍋🌶今次呢個麻辣鍋我揀咗小辣，係台灣食到嘅麻辣味偏麻嘅同埋越滾越辣，唔係好食得辣嘅朋友要留意喔🤫2️⃣香濃牛乳起司鍋🧀呢個係尖沙咀分店嘅限定，點都要試吓嘅💁🏻‍♀️，好濃嘅芝士味😚，滾起咗會結咗一層薄薄嘅芝士衣，好足料😍3️⃣澳洲和牛M5牛肩卷呢個價錢估唔到仲有和牛食😍見到佢個油脂分怖係好平均，入口即溶，高質👍🏻4️⃣瓜仔雞水餃第一次食呢個餡料嘅水餃🥟，佢係雞肉加一啲好似青瓜咁嘅瓜仔撈埋一齊🤪好爽口，幾特別😛5️⃣威士忌冬瓜茶台灣最出名嘅冬瓜茶配上威士忌就係一杯屬於台灣嘅Cocktail🥃，甜甜地中和左威士忌嘅酒味，雖然好少酒精但係都記得18歲以上先好點喔😉💰性價比 :8/10 ($350人)，除咗等候時間有點長之外，無限可擊！性價比超高食物質素又高，所以結論係都值得等待😌

📍牛大人成日見到咁多foodie post我又要去試吓，今次去試咗牛大人嘅 👅澳洲極上和牛90分鐘($298)，呢set已經係牛大人最貴嘅套餐，呢個價錢已經有和牛食啦😳😳，性價比超高，仲有好多唔同台灣嘅小食添😋😋，湯底仲有差唔多10款選擇🫕，照顧晒食得辣同唔食得辣嘅你，但係建議大家最好打電話book定位先，費事去到冇得食啦 🥲，想知係咩就繼續留意睇落去啦👇 —————————————-————👅 牛肉我個人覺得最好食係👇👇1️⃣澳洲和牛M5牛肩卷 2️⃣安格斯牛小排3️⃣ 手切封門柳🐮澳洲和牛M5牛肩卷，口感嚟講係最好食呢隻，但當然就梗係唔會入口即溶啦🙈，入口半溶，牛肉味都濃嘅，不過如果講牛味我就更加鍾意安格斯牛小排😍🐮安格斯牛小排，牛肉味嚟講最濃一定係呢隻，油花都好靚分布平均，入口好淋，勁鍾意❤️❤️，反而覺得佢比M5嗰隻更加肥🤣哈哈🐮手切封門柳，如果要食牛嘅質感，就要食呢隻，呢隻好有咬口又唔會好硬，牛肉味唔係太濃，不過我鍾意好有出邊手切肥牛嘅感覺🤩，覺得叫手切封門柳好過牛肉粒😬😬—————————————-————👅麻辣鴨血除咗牛肉第二樣一定要食嘅嘢一定係鴨血，出邊買一盒鴨血得嗰三丶四舊都要五六十

如果你鐘意食牛，點可以唔去試下牛大人?環境無得輸，座位闊落坐得好舒服，打邊爐除咗好味，坐得舒服係最緊要!嚟到牛大人，必選牛肉是常識，2小時任食我就揀咗澳洲極上和牛吃到飽，要食牛當然要揀最上盛的是滿足到我，掃一掃個QR CODE慢慢揀，無侍應吹你落單無壓力，火鍋配料選擇多，澳洲和牛M5牛肩卷當然要一叫再叫三叫，成餐飯的精髓之處，肥瘦紋理分佈均勻，一上枱睇個樣都知係靚野，入口又嫩滑牛味香，輕輕淥一淥就食得，好味到唔覺唔覺你會發現食咗好多碟! 湯底選擇好多，加$50可以雙併～老公鐘意食麻辣，出名麻辣的台灣風味，一試就知係正，每樣野淥一淥都已經有哂麻辣香，我揀咗小辣麻香而不會過辣，剛剛好! 澳洲極上和牛套餐每位仲送多兩粒澳洲M9和牛牛丸，一咬落去就知佢同一般牛丸有何其大分別! 和牛牛丸肉味濃，鎖住肉汁，在口腔內滲出的牛味真係同一般牛丸係天與地之分! 必須一提那瓜仔雞水餃，見餐廳推介又夠特別試下先，台灣特產，皮薄餡靚，口感十足，用料上乘，雞嫩肉滑，入口汁多味美，鐘意食台灣野真係必須一試! 最估唔到的是牛大人食火鍋之餘仲可以點埋台灣小食，鹽酥雞，皮蛋豆腐，珍珠奶茶，冬瓜茶等任君選擇，款式如此多元化

食過好多間任食火鍋，發現都係牛大人最抵食！之前食過一間台式火鍋又貴又伏🥺，所以今日想食火鍋都係揀左去牛大人！為免夜晚食得太飽訓唔著，我地食5點果輪 早啲食完早啲消化！😎加上參考以往嘅經驗，既然揀咗澳洲極上和牛plan，個肚嘅capacity又有限，真係齋食澳洲和牛M5牛肩卷都夠哂滿足🤪今次湯底揀阿嬤養生濃湯鍋，唔會肥膩，但又夠哂味👍🏻加埋自助醬吧，可按自己喜好配醬料！上次推介左蛋餃同蝦餃，今次食瓜仔雞水餃都覺得幾特別！帶點甜瓜味，配上豬肉餡，個味道同口感都係第一次試！台灣直送嘅真係要試吓😋尖沙咀分店有Mövenpick雪糕，正呀！ 仲有好特別嘅仙草味雪糕🤩呢到嘅服務態度真係相當不錯，有足夠人手招呼你之餘，由⼀開始入座有人介紹你點落單，不時為你加湯，上菜速度快，訂單準確率高，高效率收碟，主動幫客人拍照等等，服務態度良好，值得嘉許👍🏻⚠️like 社交平台送黑糖珍珠奶茶🧋⚠️會員有折 記得入座30分鐘內登記#jagalai #hkfoodie #foodie #牛大人 #masterbeef #台式火鍋 #吃到飽 #hotpot #打邊爐 #和牛 #wagyu #うまい #早食早享受 #澳洲和

.牛大人台灣火鍋吃到飽 (加拿芬廣場) (尖沙咀)聽過咁多次牛大人 今次終於食到 TGIF!本身收工去到已經6點零跟住排隊竟然要排到8點半先有位本身好頹廢因為要等咁耐就諗住算啦唯有食其他但係個靚仔話可以比枱我 得一張但係只能夠食到八點真係好好呀 咁我梗係話OK啦因為真係勁想任食鴨血！我地就嗌左勁多鴨血 沙貝沙貝勁新鮮 抵呀鴨血我覺得都係譚仔好食 有蛋花味～但係因為任食我都食咗好多舊哈哈！除咗呢兩樣 牛肉真係唔少得 我哋揀咗中間嗰餐 $248加一啲牛肉真係好食 呢個價錢嘅牛係真係好抵食湯底我哋就嗌紅燒牛肉同埋牛乳紅燒牛肉幾好 但係牛乳嗰個就因為期間限定所以叫 我覺得還好啦仲有一杯moovenpick雪糕~有機會下次會再去！！但係建議大家早啲攞定飛先～📍 牛大人台灣火鍋吃到飽 (加拿芬廣場) (尖沙咀)尖沙咀加拿分道20號加拿芬廣場2樓#6merho尖沙咀

冬天天氣寒冷就鍾意咗打邊爐趁着lunch下午茶嘅時間就相約朋友一齊再去食 #牛大人火鍋🍲 之前食過旺角嘅分店確實性價比好高特別幾款嘅牛肉質素真係好高#牛魔王🐮 一定食返夠本！【 #90分鐘吃到飽套餐 】中我哋就揀咗「 #極上和牛吃到飽」超級抵食價錢都只係$198 任食和牛又任飲又有好味甜品雪糕食💗而家疫情咁緊張呢個用QR code手機📱自助下單就夠晒方便又安全！仲附送口罩袋俾客人裝住口罩😷真係夠晒貼心呢💗⊰⊹════════════════⊹⊱✎ 食後感 ：✨鍋底有八款口味選擇之前食過 #牛夫人秘方麻辣鍋是這裏的招牌湯底今次一於試吓鴛鴦鍋「牛大人紅燒牛骨湯」「台灣濃香蕃茄鍋」香濃嘅牛骨湯味道配上酸酸美味開胃的蕃茄鍋一次過可以滿足兩款火鍋味的享受👍🏻就連牛肉都有三款選擇我最鍾意❤️「澳洲和牛M5牛肩卷」因為呢款牛肉肥瘦均勻 入口即化 口感一流而且牛味非常香濃簡直覺得口福滿瀉☺🤗然後我們點了台式蛋餃🥟餃子都用料新鮮 皮薄餡靚而且蛋香四溢充分滿足我朋友「 蛋餃迷」的需要😜👍🏻手打滑包括有鮮蝦 墨魚和鯪魚肉等多款選擇全部都幼滑彈牙當中的蟹籽墨汁漿好足料墨汁確實好香濃 手工不錯！👍🏻😋花雕酒雞件

又來到牛大人啦，人氣依舊高，排晒長龍吖！但當然有佢吸引食客再次光臨嘅原因啦～揀咗鴛鴦鍋 （牛大人秘方麻辣鍋 X 阿嬤養生濃湯鍋）同埋 “極上和牛吃到飽”套餐 - $308澳洲和牛牛丸超讚!!!  送幾粒吊住條癮，所謂少食多滋味啊嘛😣😣 另外，必叫之選有章魚珍珠漿同埋鴨血!!!章魚珍珠漿好出色，入面有墨魚粒，而且上面加咗嘅魚子更加帶來口感～鴨血真係唔係個個地方都有架，而且要整到韌度剛剛好嘅口感真係好難🙃啤酒 - 威士忌冬瓜茶 味道好特別，甜甜地又苦苦地，最啱哩個天氣飲好少打邊爐有得任叫花膠講真熟食對於我來講係加分點，無論有冇我都已經覺得牛大人好抵食。依家仲要有甜不辣、鹽酥雞同台灣腸真係好抵食。雪糕有movenpick!!地方企理，大堂夾食物嘅地方乾淨衛生，而且店員不斷添新嘅食物，唔會話無晒啲咩食物（好重要架）店員好友善，留意到佢哋一見到用完嘅空碟就會好自覺咁收起，非常高效率係牛大人打邊爐嘅價錢本來就合理，加上以上各種優點，小編認為屬性價比高嘅台式火鍋店吖！唔係唔試吖嘛

長假期前夕，同男朋友諗住食餐飽，又要黎幫襯牛大人啦！排早輪晚市，以為d人未收工，點知都係人山人海😅。湯底仍然揀左我地最愛既紅燒牛骨湯底😌之前外賣試過濃香蕃茄同阿嬤養生濃湯湯底，都係牛骨最得我心😋，湯底夠濃，唔使點醬料都已經覺得夠味！我地揀左最貴既澳洲極上和牛😌口感果然唔同D，油脂分佈平均，入口一啲都唔鞋！一分錢一分貨除左牛之外其他配料既分量都好細，唔會浪費食物☺️台式蛋餃同瓜仔雞水餃🥟味道都唔錯！Like FB / IG 贈送既黑糖珍珠奶茶，幾好！晚市係movenpick雪糕，但每人只限一款甜品，同午市任食既自家豆腐雪糕唔同。仙草有幾款唔同口感，呢排熱辣辣食返碗消下暑都幾正！7:30前離座只係$258/位，抵！

牛大人越開越多分店，之前好難訂位，而家就容易左，最近就去咗尖沙咀店。湯底方面選擇了牛大人紅燒牛骨湯底，味道非常濃郁，吸引。附送的牛丸係和牛牛丸，口感特別彈牙好吃，是加錢的項目，不過其實每人兩粒已非常足夠。入咗時見到枱面有寫住Like送黑糖珍珠奶茶，質素不錯，絕對需要點！ 除了這個飲品之外，也有一些不同的包裝茶及自家製的冷泡茶，任君選擇。喜歡台式食物必定要整台灣小香腸，而且這裏的鴨血也非常彈牙，味道特別，放湯需要3分鐘後開始食。最高級數的套餐有四款不同的牛可以任點任食～ 澳洲和牛M5牛肩卷、手切封門柳、安格斯一口牛肉粒、安格斯牛小排各有各特色。如果喜歡吃薄片的可以考慮澳洲和牛M5牛肩卷及安格斯牛小排，有不同的好吃之處，牛小排感覺比較肥美，另外M5牛肩卷花紋分布平均，入口易化。手切封門柳花紋比較粗身，但質感仍然嫩滑，安格斯一口牛肉粒就要小心時間，口感上會較好。新品章魚珍珠漿非常特別，有章魚的彈牙及鮮味，非常吸引。另外也非常推介台灣菜：水蓮，口感爽口小清新，不是很多地方可以吃到。（已經encore了超過五次）其餘高麗菜水餃、花膠、豬血糕、滷水大腸、手工川丸子等，均有質素也有台灣風味，值得下單

-同老婆大人行街行咗好多粒鐘去食牛大人"120分鐘澳洲極上和牛🐮吃到飽"🤩二個鐘意食牛嘅化骨龍😈餓左甘內終於開餐🤩有成十款湯底選擇選擇困難症嘅我哋諗左好內叫左個🐓台中蒜頭雞鍋🐮澳洲和牛m5 牛肩大愛❤️❤️❤️一定要叫，我最鐘意喪食因為口感同鮮味十足✨其他仲有勁多款牛上腹牛五花、安格斯特選牛板腱、美國SRF極黑牛肩胛肉眼等等都好正仲有好多魚片選擇🐟🐟🐟台灣鱸魚片、真台灣鯛魚片、脆肉鯇魚片等等啱晒都鍾意食魚嘅老婆D 魚片都好新鮮🤩佢d 新鮮白沙好大隻佢個🐙章魚珍珠漿好特別平平無奇甘但食落有章魚入面好有口感😍仲幾彈牙😍😍😍😍佢個特飲金枱椰果幾好味 ✨✨✨呢餐我同老婆食到好滿足甘走🤩🤩

這家台式火鍋店即使是平日中午經常都排長龍， 所以我地專程提早在店開始營業就來吃。我地在入座前就要先選好套餐級別及鍋底， 所以坐好就開始等吃， 十分有效率。嗜辣的我地當然揀台式麻辣啦。除了任吃的牛跟豬之外， 還可透過點餐app選擇多款台式小吃。另外其他火鍋配料、丸類、蔬菜類及飲品等都是自助， 種類都算多， 而且質量高。雖然我地已經選了大辣， 但佢個鍋底其實唔辣， 而且欠了花椒香味。飲品我最喜歡台灣嘅apple sidra同桂花烏龍, 配辣野最啱。任食牛肉質素出奇地高， 新鮮嫩滑， 就算encore幾次都仍然keep到質素， 愛牛者必試。