牛大人台灣火鍋吃到飽 (加拿芬廣場)

营业中

休息中

之前一直上網見好多人都講牛大人諗住疫情期間可能冇咁多人但每一次去到都要大排長龍難得今次男朋友book好晒時間限時兩個鐘任食吃到飽入坐前需要揀咗湯底先我哋揀咗鴛鴦鍋（養生濃湯及麻辣鍋）送咗澳洲和牛牛丸兩粒食落真係勁Juicy又彈牙，牛味幾濃郁，但係如果仲想食就要另外額外收費😂所以我哋就試吓佢其他嘢食依度其實好有台灣嘅特色，包括有（甜不辣、米血膏⋯）極度推薦要食水蓮，佢係一隻台灣特有嘅菜嚟到呢度梗係要食盡佢啦，咬落口非常之爽口。另外不得不提，個個人大力推介當然係佢嘅牛肉最貴嘅套餐包左有封門柳及M5肥牛封門柳肉質非常之鮮甜，而M5既油花非常之充足真係食極吾停，任食罪惡咁真係好大🤩🤩飲品亦是自助既，佢多咗好多自家製嘅冷泡茶包括桂花烏龍、菊花普洱、洛神花茶⋯⋯總括來講，性價比非常之高

終於有機會嚟到呢間大熱嘅火鍋店，牛大人嘅尖沙咀店，朋友一直都講到好好食，終於有機會會一會佢哈哈。我哋揀咗澳洲極上和牛吃到飽套餐餐廳座位都好舒服，而且燈光好光猛，成個環境都好好。我哋加咗$50雙拼火鍋湯底，分別揀咗麻辣鍋同台灣鳳梨雞鍋。牛大人係用上QR code點餐的，另外出邊都有配料區，自助醬料，同飲品區自己去攞。醬料區嘅選擇都好多，而且每樣都擺放得好好，有密封盒更加衛生。另外仲有白飯同埋滷牛肉，打邊爐之前食返一碗感受下滷肉飯嘅風味都幾好。配料嘅選擇都好多，特別鍾意佢哋嘅芋頭，真係好綿好香，而且丸嘅選擇都好多仲要好高質！佢哋嘅牛肉都好高質！牛味好香而且油脂分布好均勻！除咗火鍋配料之外仲可以叫一啲小食，所以我哋都叫咗皮蛋豆腐，台式香腸，甜不辣同埋炸番薯嚟食。特別鍾意佢哋嗰炸番薯！揸到外脆內軟，而且入邊好綿好甜，加埋梅粉真係不得了！呢個真係必食！另外當然唔少得牛大人另一樣必食嘅鴨血啦！每個都大大嚿而且好滑！同佢個麻辣湯底真係超級襯！呢個係佢哋最新推出嘅18禁冬瓜茶，其實就係冬瓜茶再加上威士忌，飲落先會感受到啖啖酒香，然後冬瓜茶嘅香氣就慢慢飄出，呢個真係有驚喜！估唔到冬瓜茶同威士忌咁夾，而且

公眾假期前夕嚟到牛大人尖沙咀分店，已經提早未夠5pm就到，晚市未開始門前已經有好多人排隊，🐮牛大人嘅魔力真係好強大，就好似我咁，隔一排就會好掛住佢嘅味道。第一次嚟尖沙咀分店，服務都好似其他分店一樣咁好。我最鍾意呢度嘅冷泡茶，囡囡就鍾意黑糖珍珠奶茶，like 社交平台就有一杯送。點咗［極上澳洲和牛吃到飽］套餐， 湯底揀番茄湯，入邊好多蕃茄🍅，有蕃茄蓉同埋蕃茄塊，好足料。叫得呢個餐一定要不斷encore 澳洲和牛M5 牛肩卷，因為實在太好食啦，前前後後都幾叫咗幾轉。睇個樣都知道好食，紋理細緻，肉色又靚，食落真係嫩滑，又充滿肉汁。餐廳仲提供好多台灣小食，好似台式香腸，麻辣鴨血，仲有瓜仔雞水餃。水餃細細隻，唔會食幾粒就飽曬，食唔到其他嘢。皮夠薄，餡料幾鮮甜，juicy😋最後仲可以揀食雪糕或者台式仙草凍，我就梗係揀台式仙草凍，有特色，仙草凍嫩滑清涼。

自它香港開業起，我一直都很想去朝聖。終於等到今天，我終於來到這裡，拜訪大名鼎鼎的「牛大人」。去牛大人，第一件事就當然要先訂座。我們一早訂了晚上7點正，所以去到很快就可以入座，不用再等侯。牛大人的環境相當不錯，間隔分明，好適合和朋友聚會傾偈，疫情期都能食得放心。而且每個座位與自助區的距離都相約，十分方便。◉ 澳洲極上和牛套餐來得牛大人，就當然要食澳洲極上和牛套餐。◉ 香濃牛乳起司鍋先要選湯底，我們今次去了尖沙咀的分店，就不如嚐嚐尖沙咀店限定的香濃牛乳起司鍋。湯底非常重奶香氣味，而又帶陣陣清香，我就貪圖這個湯底不會搶走食材的味道，喧賓奪主。◉ 自助區先介紹一下自助區，牛大人的自助區皆是以蔬菜、菇類、肉丸為主。不得不讚的是其衛生程度非常高，每樣食材都有獨立容器盛載，加上雪櫃會噴出陣陣冷煙，整個環境做的非常舒適。自助區的食物，我會推薦黑木耳、冬菇、魷魚、皇帝菜和各式各樣的丸類，將材料放進火鍋，煲煲後湯底會使得更入味。◉ 澳洲和牛M5牛肩卷牛肩卷厚薄切得恰到好處，比較其他肉類之下，就明顯分辨到M5和牛牛肩卷的不同之處。牛肩卷位於牛的後頸，油花分佈均勻，牛香味濃郁，放進火鍋3-5秒後進食就最佳，完

牛大人真係一個去完會想再去嘅地方！先講環境，餐廳闊落，座位之間有足夠嘅空間！再講食物，牛肉選料上乘，火鍋配料選擇好，有唔少都係一般火鍋店比較少見到嘅食物（例如我至愛嘅芋頭貢丸同埋王子麵）！湯底選擇多，加$50可以雙併～ 有辣有唔辣，任君選擇！飲品最正係有自家製嘅冷泡茶，食飽消滯一流～最後仲有甜品！除咗雪糕，仲可以揀仙草凍，成件事真係好台灣！！！今晚湯底雙拼咗麻辣鍋同埋養生鍋，兩樣都好味！麻辣鍋一定要配鴨血，夠晒滋味牛肉當然係樣樣都要試！澳洲和牛M五牛肩卷、美國極黑牛肩胛肉眼同埋安格斯特選牛板腱好正，一定一定要無限encore🤤各種魚滑蝦滑都要食，章魚珍珠漿係必食推介，食落好足料，爽口彈牙😋甜品揀咗仙草凍，配料都幾豐富，凍冰冰咁食好好味！

吃到好飽的🐂極上和牛餐果然無改錯名 🤤飽到你唔信呢個價位食到呢個質素 🤑物超所值了牛大人🛖分店愈開愈多，排隊唔洗排咁耐！👍🏽推薦大家叫最高質既"極上和牛吃到飽”＄298，有最軟綿綿既澳洲和牛M5牛肩，油脂香濃，仲有安格斯特選牛板腱，肉質較結實有嚼口，牛味最重。QR code自助點餐 menu 一目了然 大家唔好掛住食牛唔記得叫其他野食呀，佢地有好多選擇架！🐃薄切牛肉🐖豬肉 滾兩滾就食得🥢正！瘋狂食肉。肉質好新鮮肥美。呢到上菜好快，🤳🏾點完幾分鐘就有，可以每次食完再落單，咁就唔怕叫太多食唔哂啦。餃類 墨魚滑 響鈴 鴨血 魚等等樣樣齊 全都是打邊爐既好拍檔 😍😚湯底：🍍台灣鳳梨🐣雞湯 經研究後 呢款好似比較清淡 火鍋配料：🥇澎湖花枝漿 ⭐️漿類都有好幾款 私房鴨血 安格斯牛小排 台灣鯛魚片🐟地道小吃：炸午餐肉，鹽酥雞，真豬小香腸，🥇梅甘酥脆薯台飲：🥇冷泡茶，冬瓜茶 ⭐️加錢有珍奶🧋🫖白桃烏龍茶平時打邊爐小見，陣陣既白桃清香，用黎消滯解油最岩，茶類無加任何糖，可以放心喝🤭。最後，仲有Movenpick雪糕🍨，係一個好滿足既晚餐呀😆咁多人排隊🚶🏻‍♂️真係有原因的！小編食完都覺得值得推介！好味指數👅

😋《牛大人台灣火鍋吃到飽 🐂》I▪️🅘🅝🅣🅡🅞想試左好耐嘅牛大人，終於終於終於比我去到朝聖喇😹😹好感動吖～因為的確好難book位😆😆❗️今次去咗尖沙咀加拿芬廣場嘅牛大人分店，book左夜晚7️⃣點～早左小小到，職員就安排我地坐陣等候區等入座❗️一到7️⃣點就入得👍🏻👍🏻👍🏻一黎點咗個火鍋湯底，我地加錢$50點左「#帝王食補薑母鴨鍋」❗️點餐亦好方便，掃掃QRcode🪄自助點餐就得喇❗️🤎環境環境闊落，又幾舒適，重點餐廳整體衛生程度都好好❗️只是厠所衛生就普普通通，有待改善❗️🤎服務有執枱專員幫手執走啲空盤，令枱面keep住整齊唔亂👍🏻🤎食物《#澳洲極上和牛吃到飽套餐》120分鐘任食❗️🎈先講講我點嘅湯底「帝王食補薑母鴨鍋」，湯底帶點人蔘味，鴨件亦好嫩滑👍🏻🎈當然唔少得佢送嘅每人2️⃣粒和牛牛丸，超級彈牙、超級Juice❗️一吃便愛上了❗️🎈另外，當然唔少得係介紹一下最出色嘅牛喇～#澳洲和牛M5牛肩捲，一睇啲雪花就知脂肪比例平均，食落當然係肉質鮮嫩、牛味濃郁👍🏻🎈#牛媽秘製滷牛筋牛肚，亦唔可以錯過，超級香濃彈牙🎈最後甜品係MOVENPICK雪糕🔅醬料區：有啲出面唔會見到嘅醬，例如：特調豬肉醬、台灣甜辣醬❗️超有台灣風味❗️

打邊爐，我鍾意任食！唔洗逐樣計住，食都食得開心啲！放假又約咗朋友出去食野，今次帶佢食牛大人，朋友都話正👍🏻位於尖沙咀加拿芬廣場嘅牛大人分店，地方舒適寬敞，抽風做得好，現場食完無殘留打邊爐氣味。任食餐牌有3個級數嘅套餐，任食120分鐘，時間非常充裕。我地揀咗 #澳洲極上和牛，CPI極高！送咗四粒澳洲M9和牛牛丸，口感彈牙非常juicy。必叫鴛鴦湯底，試多個口味。牛大人秘方麻辣鍋，可選大中小辣。台灣鳳梨雞鍋，清甜有鳳梨味，夠曬特別。澳洲和牛M5牛肩卷無限量供應，食幾多叫幾。牛肩卷位於牛嘅後頸，油花分佈均勻，肉味濃郁， 用嚟打邊爐一流。必食麻辣鴨血，大大件好夠厚。本身已用麻辣汁醃好，放入個鍋到淥返熱就食得。好滑好彈牙，麻辣味不算重，怕辣人士亦食到。仲有無限量台灣直送嘅丸、菜、瓜類食品供應，每樣都新鮮好味。飲品櫃種類驚人！一定要試下唔同嘅台灣茶飲，每樽都用茶包沖泡，茶味香濃，凍凍地飲好夠fresh! Like 牛大人FB/Ig 更送黑糖珍珠奶茶，呢趟「台灣之旅」好滿足。尖沙咀分店有MOVEPICK 雪糕，每人一杯做飯後甜品，真正吃到飽！

尖沙咀呢間牛大人開咗咁耐都未去過，今日終於有機會嚟試吓。趁天氣未熱返，揀個牛大人秘方麻辣鍋食吓先。雖然揀咗小辣但都食到成身汗，辣得好過癮。今次另外加錢嗌咗兩杯18+冬瓜茶飲吓。飲落味道唔係好甜，入口有少少酒嘅回甘味好特別。台式飲品每樽都用獨立茶包夠濃味。喺嘢食嚟之前點咗啲前菜食住先。鹽酥雞炸粉夠薄雞肉結實唔嚡。真豬小香腸好煙韌有嚼口。澳洲和牛M5牛肩卷肥瘦均勻，肉質好嫩牛味好濃。必嗌私房鴨血好嫩滑又juicy，encore咗幾次。章魚珍珠漿爽口彈牙，再加埋粒粒章魚肉更有煙韌口感。寬粉煮熟咗晶瑩剔透，每條夠厚身食落韌韌地有嚼勁。第一次食玄米茶雪糕，口感好滑入口有淡淡茶甘香味幾特別。

💁🏻‍♀️ 牛大人台灣火鍋吃到飽 (加拿芬廣場) (尖沙咀)🥑-終於約齊班朋友去試牛大人啦, 極上和牛吃到飽 (90 mins)  $208一位可以任叫唔同既火鍋配料同牛肉CP值極高!阿嬤養生濃湯鍋 - 果然夠養生, 湯底係雞湯再加埋D藥材, 飲落個身暖曬推介配料: ✅私房鴨血 - 係咁encoreeee🤩 鴨血建議加埋辣油更加惹味✅真味牛肉漿 + 澎湖花枝漿 - 好爽口，食落好新鮮✅牛媽秘製滷牛筋 - 食落好腍，充滿骨膠原✅澳洲和牛M5牛肩卷 - 幾重牛味，油脂分布平均✅威士忌🥃冬瓜茶 ($98) - 清熱一流！！冬瓜味好濃再加少少whiskey 味，好特別啊.📍 牛大人台灣火鍋吃到飽 (加拿芬廣場) (尖沙咀)#尖沙咀 加拿分道20號加拿芬廣場2樓#小丸子搵食記 #小丸子銅鑼灣-#hkig #hkigfood #hkfoodblogger #hkfoodie #食好西 #香港美食 #香港 #hkfries #hkiger #852 #hkfoodlover #hkfood #hkfoodstagram #hkfoodporn

終於試到講咗好耐嘅牛大人最吸引一定係佢仲有普通火鍋冇嘅 台灣小食仲有鴨血！鴨血係必定要食！超入味加埋湯底好濃郁～佢最後仲送兩個甜品 有movenpick 雪糕同 台灣仙草 超滿足～～

打邊爐最緊要啲肉，對於我呢個肉肉愛好者黎講，真係要豐富高質先滿足～～～牛大人最好食當然係啲牛！ 多款牛比你揀，我地叫左最貴嘅極上和牛！ 任食真係好正！ 牛一碟唔會太多，食到先叫，咁就避免浪費！我地都叫左8碟左右，清哂😂牛雪花真係好靚，牛味又香！除左牛牛🐮，仲有豬肉、雞肉、鴨血、丸、餃、滑、菜等等嘅火鍋配料～～～～台式小食、台式茶都是任點。豬大腸、油炸鬼、鴨血都好吸引！ 章魚珍珠漿彈牙，幾正！食到捧腹！

牛大人尖沙咀都有分店，好彩一早book定先至有得食！價錢真係好合理，二百幾蚊可以食到勁多款式嘅嘢，湯底選擇也很多。 我哋就揀咗最高質素嘅套餐 - 極上和牛吃到飽，湯底選擇台中蒜頭雞鍋，蒜頭味都幾清香，雞嘅香味落晒落煲湯度，我哋係咁飲！一開始見到枱面讚好社交平台就有黑糖珍珠奶茶送，即刻一人拎咗一杯，質素都唔錯幾香甜。肉方面有澳洲和牛M5牛肩，脂肪分布平均花紋靚靚，可以不停encore；另外送上的兩粒牛丸也令人很有驚喜，以澳洲和牛製成，極具口感，原來是加錢項目，不過食少少都夠啦👍🏻真有其他特色台灣美食，例如台灣水蓮菜，熟食的話也有小香腸、鹽酥雞等等，去唔到台灣都可以食到台灣美食，小香腸同個雞嘅味道真係似去咗台灣夜市。自取位置有很多不同款式的配料可以自由選擇，也有飲品，包括自家製冷泡茶，沒有糖分，小清新比較美味。食到最後仲有甜品，除了movenpick雪糕之外，也有限定新品台中仙草凍，裏面有紅豆、珍珠、仙草、花生及蒟蒻等等配料，非常豐富，很推薦呢！

聽好多朋友講都推介呢間牛大人吃到飽火鍋，之前疫情擱置咗呢個念頭，今日終於有機會一嚐牛大人。正所謂：食好嘢嘅機會係留俾有先到嘅人！未夠4點50分上樓梯已經見到大排長牛，好彩好彩可以入座！長話短說，總結此行有幾樣必食之選推介：牛大人秘方麻辣鍋：愛辣啲人必選這個，辣度任君選擇之外，最重要是沒有太多紅油，而且辣而不太麻痹。每樣食材吸收麻辣鍋湯底特別惹味！台灣鳳梨雞鍋：絕對冇花假，大大粒菠蘿拼鮮雞做湯底，又鮮又甜的確特別。澳洲和牛M5牛肩卷：最貴套餐可選菜式之一，牛肩卷大片過手掌，牛肉呈鮮紅色非常新鮮吸到，肥瘦均勻，除了牛肉味重之外，入口滑溜溜！牛魔王必點食品。秘製招牌鴨血：鴨血厚身大件，非常多汁，滑溜程度可以媲美豆腐一樣。建議越早放入麻辣鍋越好，令鴨血完全吸收麻辣湯的精華，入口即化。其他好食推介包括：鮮淮山、萵筍、鮮腐竹、蟹柳、炸響鈴、麻辣丸等。火鍋過後最好就係食一杯透心涼的雪糕，每人都有一杯moverpick 小雪糕，飲飽食飽非常圓滿！勁正Like 社交平台優惠：簡單一個動作：比讚👍🏻即送一杯牛大人黑糖珍珠奶茶。甚少火鍋店贈送特色飲品，飲飽食飽非常圓滿。

Huge thanks to their invitation, I got to re-visit this super famous Taiwanese Shabu Shabu restaurant and try out their Australian Wagyu set! It’s Master Beef!!!My constant pick is always their signature spicy soup base, with a secret spices and herbs recipe. The set includes beautifully marbled sliced beef chuck and short rib parts with a M5 Wagyu rating! Delicious as usual were huge clams, lamb slices, and the minced shrimp paste. This time we also enjoyed the cuttlefish paste which is a new i