牛匠石燒 (已結業)

難得最近放寛4人堂食，終於可以同爸媽出街食飯🤗Daddy鐘意食肉，所以帶佢去食日式燒肉😆今次試左最近好hit又好味嘅石燒牛！叫左三款石燒牛同三款小食：牛舌 -有厚切同薄切，兩隻都好味，厚切有口感啲，薄切就淋身啲！鐘意牛舌唔好錯過🤗牛小排-睇相都見到啲雪花好均勻😍肉質好嫩，肉汁多，牛味都唔錯！燒幾燒已經好好味👍🏻呢款口感無牛小排咁嫩，但感覺牛味更濃，肉汁同樣不錯👍🏻雞泡魚干-呢個推呀！燒得啱啱好，唔會太干，調味都好好！明太子玉子燒-明太子係我最愛，加埋燒玉子，好夾好有口感！炸雞軟骨-炸得唔錢，火喉剛好，好脆！粒粒好大粒！好有咬口，送酒一流😬員工服務好好，教曬點先又會留意到無火！細心❤️

今日去開尖沙咀行街，又想食牛🥰見到呢間主打以石燒牛嘅餐廳，就一於試吓先！裝修好有日式氣氛，環境舒適，夠寬敞～呢度肉類款式選擇多，就算唔食牛都可以揀其他嘢食㗎💕落單都非常方便～只需要自行掃QR code就可以落單喇！每位客人都有即棄嘅圍裙、消毒紙巾同餐具，咁自然食得更加安心啦！我哋叫咗一個薄脆石燒吉列牛 $168 +$28 要多份蒜片同埋生菜～自己燒幾過癮😂外層脆卜卜，跟住輕輕咁燒一下側邊嘅肉就食得～唔使點汁都已經好惹味喇！另外就叫咗個蒲燒鰻魚定食，有埋麵豉湯、飯～鰻魚好香好滑～啖啖肉，唔乾身！食唔到有骨，幾好！嘢飲都好清新解渴～如果可以多啲奶蓋仲好😂

石燒定食第一次自己用石燒，都幾得意，不過就唔太識燒。風門柳石燒定食風門柳都算有牛味，我自己就仲意加鹽點黎食，咁就更加食到個牛味。佢都有燒肉醬同生薑醬俾你點。特選羊肉石燒定食朋友叫嘅set,小小肥，燒起黎幾香，羊味都幾重。定食配既味增湯偏重口味，白飯就比較普通。另外，我地加錢叫咗兩個小食。炸牛舌肉質係好軟，完全唔似牛舌。炸雞就幾好食，調味岩岩好，肉質都好嫩滑。驚喜嘅係飲品選擇多，芝士奶蓋都有得選，都可以。

🔥厚切牛舌拼牛五花定食 $108 🐮石燒 A3和牛西冷定食 $230⁣店員都好貼心同我哋解釋石燒的食法❤️⁣牛舌跟牛五花的脂肪比例比起A3和牛西冷少🤍～所以食落比較重牛味，感受到一塊塊牛肉嘅肉質😆⁣A3和牛西冷相對較肥，石燒完之後放入口有滿滿的油脂感，帶點牛香🐂。⁣佢地提供比我地點嘅醬汁同肉類超夾，完全係佢地嘅靈魂黎😎！⁣⁣🍯熱蜂蜜生薑茶+$10（8/10）⁣終於薑味的人一定會喜歡！有滿滿嘅薑絲～熱熱濃濃嘅薑味再加埋好溫和嘅蜂蜜～飲完個人好舒服。⁣⁣🥤雪芝茉莉蜂蜜 +$12 （7.5/10）⁣奶蓋比較普通，偏甜少少。蜂蜜茉莉比例啱啱好，唔算好甜～可以幫忙解膩😝⁣

現在生活慢慢穩定下來，開始可以享受不同美食!🌮🍟🍕每星期一定有一次外出食飯🥢可以一齊享受美食既同時，又可以傾下偈，享受二人時光!🥂-這晚來到尖沙咀，看到牛匠石燒!🔥🥩這間已經不少人在輪侯了! 看到也好想試一試呢!🥳而且都好耐無食過日式燒肉!晚市也有好多不同選擇🙌🏻有不同類型的燒肉，以牛來說也有不同的部份，當然都有牛以前好多的選擇!📖而且當點了肉類後，更可加配一些飯同烏冬，價錢都好驚喜同相宜呢!😍😍-看到五花百門的燒肉，真係好難選呀!🍴最後還是選了牛肉呢!🐮🥩🥩我們分別點了厚切特上牛舌同鹽燒特選牛肉，另外也加配了$38 有加配味素飯，湯，温泉蛋🥚🍚🍱所以連同燒肉份量十足，價錢也充滿驚喜!🍬-燒肉方面，會配上一個小小的燒肉鍋，好精緻，🥢讓你慢慢料理!厚切特上牛舌的口感係好JUICY 及厚實😋每一啖口感都好豐富呢!但由於肉質較厚實，都需要多少少時間料理呢😘-而鹽燒特選牛肉剛較薄身🔥而且有較豐富的調味，好惹味呢😍而且肉身較薄，相對都好易處理!值得一題是肉類份量也不少，即使男士食應該都好足夠! 所以更加分!💯-而且味素飯🍚就禁食都好好食呀! 好鍾意!溫泉蛋蛋我個人好喜歡可以沾一些肉類或者飯一齊食

環被肉香包圍，裝修有烤肉特色，咁啱有coupon就試試！佢有一大優點，就係QR Code落單，環保方便 先上飲品，熱柚子蜜，不過呢下又令我心情回落，因為佢用膠杯上飲品，一邊環保一邊又浪費返。。。。杯野都好大杯，所以我地連杯都拎埋走，環保重用日式和風汁豚肉炒拉麵配唐揚炸雞 $58炸雞配青芥末沙律醬👍有4件，拉麵炒得乾身唔油，調味適中，配料同份量都好足本格香煎餃子伴醬油烏冬 $48餃子皮薄餡靚，仲要煎到外脆，內裏濕潤又熱辣辣，烏冬個湯底就淡少少，不過可接受咖啡就比杯即溶咖啡你，呢點又一大缺陷，就算快餐嘅大快樂同八份八都已經係即磨咖啡

一人一爐的石燒料理真的很吸引，尤其是有人見人愛的和牛💗看著和牛在赤熱的石板上燒至吱吱作響～瞬間轉化為人間美食～感覺超棒的。午市時段這裏超旺場🥳屬日式居酒屋風格，好有Feel的，有各類型的燒肉套餐供應，配以前菜丶白飯丶味噌湯和2款醬汁～麻醬和燒汁。💗除了和牛，還有來自其他國家的牛，還有羊丶豬丶雞肉等的選擇…◼️ 石燒A4鹿兒島牛肋骨肉定食$248來自日本鹿兒島的和牛粉嫩嫩的～油花分布好細密又均勻🤤 服務生說把它燒至5至6成熟就可以了💗我就比較喜歡燒至3至4成熟🤤放上石燒，和牛每面燒幾秒鐘～看樣子已經差不多了🧐肉質好軟嫩，那入口即溶的油脂香～實在太滋味了。◼️ 厚切牛舌拼牛五花定食$98牛舌切成小小的長方體，石燒後口感軟脆有彈性💗肉質香醇又Juicy ，而牛五花相對油脂較少而肉味鮮濃～同樣燒幾秒就食得了👏🏻◼️菠蘿乳酸+ $ 15 味道唔錯👍🏼唔會太甜，解膩解渴。

🐂尖沙咀新開日式石燒料理，今日突然想食牛，於是晏就衝左入去試，好彩坐到卡位，位置好闊落坐得好舒服，叫左兩個石燒牛lunch set，牛肉色澤好靚，價錢由88-288不等，幾抵食，百幾蚊左右就食到😋😋壺漬果味牛肋條定食 $88 色澤同賣相都好靚，肉質好實在，食落好多肉汁好有牛肉味，燒個時都唔洗點落油因為本身牛肉都有d脂肪，牛肋條下面係蘋果，感覺好新鮮，因為每條牛肋條都幾大件所以自己剪開會比較易燒d🔥特選牛肉定食 $98呢款牛肉都厚身，配埋石燒汁同薑味芝麻汁都幾好味，不過肉汁同脂肪相對牛肋條就少d，個人覺得呢款可以燒短d時間，口感會係最正，有驚喜位係味噌湯入面有朵好靚既花形玉子豆腐，成個湯唔會太咸岩岩好😋- - - - - - - - - - - - - - - - - - - - - - - - - - - - - - - - - - - -環境舒適度 8/10食物好味度 7/10影相打卡度 8/10 牛匠石燒📍 尖沙咀金馬倫道34-36A號福僑大廈地舖

因為疫情冇得去旅行，突然好想食燒牛肉，喺OpenRice見到呢間燒牛肉店高評分，滿懷希望去食⋯⋯點知⋯⋯超級中伏！首先，一行入去餐廳，地下看似乾淨，但係跣到冇朋友，店員表示店舖抽氣系統欠佳，正在改善中。至於牛的質素，賣相唔錯，入口尚算即溶，但係。一。D。牛。味。都。冇！！我哋嗌左一盤牛肉盛品，真係冇一舊係比到我牛肉的味道。我唔知道餐廳嘅好評中，有幾多係打手寫的，但係呢間燒牛肉店，係我食過嘅餐廳中，都算係數一數二的差。不過值得一讚的是，服務員的服務態度不錯。

我同朋友去尖沙咀行街，經過呢間主打石燒牛嘅餐廳，外面企滿人，仲隱約聞到肉香😌 我哋都要試吓。 餐廳裝潢行和風🇯🇵，座位寬敞舒適。打開餐牌，原來唔止和牛，仲有其他肉類、海鮮🦐、小食等，好多選擇。飲品（沙冰、芝士奶蓋、乳酸等）選擇亦是出奇地多🤩整體價錢都好抵食🤩石燒A4 和牛肉眼定食 （$248）牛魔王嘅我見到個塊，顏色粉嫩，油花靚到爆嘅A4和牛，已經流晒口水🤤。 仲好大塊😍 每人一個石燒鍋，睇住和牛嘅油脂慢慢燒出嚟，好香🤤 和牛肉質嫩滑，濃郁牛肉味，仲入口即化😋 厚切牛舌拼牛五花定食（$98）燒厚切牛舌口感軟脆有彈性。 牛五花色澤紅潤，脂肪肉比例分明。牛五花食落口感Q彈，味道香濃，油脂豐盈。定食包前菜、白飯及味噌湯，而湯入面竟然有一大粒玉子豆腐，仲切成水母咁😆 好味又得意🔥桂妃美顏茶（紅棗桂圓） （+$10）🔥暖心蜂蜜生薑茶（+$10）估唔到石燒牛餐廳入會提供咁養生嘅飲品，可見真係對客人好有💗 飲完成個人舒服😌又暖笠笠

三月頭去尖沙咀扮靚靚前本想往嘉寶漢寶朝聖，可惜到達時人龍太長的關係而亂入了這間牛匠石燒，求其吃了一頓不太合心水的午餐！人哋話財不入急門，計我話美食不入急咀才真！！其實一踏進餐廳我已經後悔不已！因為一是忘記這間吃燒牛肉的餐廳內裏會充斥著牛肉的味道！但已坐下又不好意思起身走人唯有硬食吧！餐廳以電子餐牌來點菜是很方便的做法，有減低員工跟客人的接觸帶來的風險，現在敏感的時間我挺為喜歡這安排。而餐廳亦有供應口罩、酒精搓手液等防疫設施，感覺上堂食也令我很安心！！不吃牛肉的我也有其他選擇，選了我喜歡吃的蒲燒鰻魚飯定食，零食包括有前菜、味噌湯及鰻魚飯，看上去也挺為豐富呢！首先介紹全個套餐中我最欣賞的味噌湯，味噌湯鹹道恰好，最有驚喜的是那一個浮於湯中菊花造型的豆腐，令平凡的味噌湯加添了不少趣味。而前菜的漬牛蒡從來也是我喜歡吃的美食，當然盡會受到我的寵幸吧！！我的主菜蒲燒鰻魚飯多來是心裏有點兀突，首先份量絕對不是我預期的模樣，吃下去那蒲燒汁偏甜之餘鰻魚亦凍冰冰的，淋身得更是毫無口感可言！可幸是那碗珍珠米口感尚算軟熟，令整體吃下也不致十分差，但我覺得以這個收費質素可以進步多一點。

抵食石燒。行過見到呢間新開石燒， 所以就黎試下。🌟厚切牛舌拼牛五花定食 $98追加左個鹿兒島一口牛 $18同埋巨峰乳酸 $15先黎有個牛脂肪開爐， 好好玩， 原本我以為係半熟個d, 原來係全生ga.有得食又有得玩。各有四片牛舌同牛五花。其實都夠食。個湯有個玉子cut 到水母咁 都幾有heart! 朋友叫左🌟柚子醬豚肉combo定食 $98溫泉蛋沙律 $18芝士奶蓋四季春 $12豬要d 時間先熟所以叫個沙律頂住先就差唔多！都係每樣四件。燶左都有人換爐， 幾細心！

尖沙咀一向都有好多餐廳選擇💭今次就去咗「牛匠石燒」食燒肉😬.鮮果壺漬牛肋條(升級定食)🐄先用牛脂放喺石板上作油🔥將牛肋條剪開就可以放上石板燒✂️牛肋條牛味重，帶少少果味🍎有咬口😆味噌湯順口🥣入面仲有花狀嘅豆腐同海帶😉將溫泉蛋連同味素飯攪拌食用🥚🍚.特選牛五花🐂由於牛五花本身油脂比較豐富💁🏻‍♀️只需將牛脂肪輕輕燒即可😌牛五花肉質滑嫩肥美，入口即溶😋另外亦可點生薑芝麻汁同果味燒汁🥢.炸芝士年糕🧀芝士味濃郁🤤.牛匠彩虹水果茶🍹茶底清香，又多水果🍊🫐.草莓菠蘿(茉)🍓🍍草莓味香甜又fresh

假期又係時候拍拖吃好西，老公係牛魔王，但食牛扒西餐已經有D厭，所以今次揀咗間日式石燒，來個自己動手，自己控制熟度~座落尖沙咀，地鐵站出口向前行便搵到，路痴的我也覺是不難找，因為日式燒肉，行日本風格，有吧枱，有卡位，風味各異。避開咗午餐時段，可以坐得舒服且不用急趕，可以好好亨受。午餐有套餐叫，雖然主力牛燒，但都有雞丶豚肉同拉麵定食惠及各方客路，唔怕揀唔到嘢食～點餐係自己掃QR code落order，可以自己慢慢揀，一目了然~我哋都揀石燒定食，老公揀小吉列牛肉眼，而我揀咗風門柳定食，仲加配咗兩個小食添。轉頭就已經有店員過嚟擺石燒爐，不一會就上菜了，所有石燒定食都配有前菜丶白飯和味噌湯。首先係風門柳，風門柳是近期才興起的牛部位，見到有又不妨試下，有六片，厚度適中，油脂均勻。先用牛油塗抹燒板兩回，便可放肉，燒時＂炸炸＂聲好治瘉，再來香氣撲鼻，先食原味，牛味香濃，風門柳較有咬口，但不是柴，既軟也爽滑。再來可以沾釀佢地嘅燒汁同芝麻生姜汁，個人中意燒汁，甜甜地~而吉列肉眼就係外層炸好脆面，內裡預熟一成，再根據個人喜好煎熟度。以前也有食過，感覺牛匠勝過其他，肉眼有返一定厚度，外皮炸得好酥脆，肉眼好軟腍

牛匠石燒環境唔錯，每個卡位之間有靚靚燈飾同間隔衛生方面都做得好好，入座嘅時候見到職員執枱，不單止枱面，連櫈都會用清潔劑清潔石燒定食除咗牛肉外，仲有雞豬羊可以選擇用QR code網上落單📱今次叫咗嚴選風門柳定食同埋吉列草飼牛肉眼定食，每個餐都有白飯、味噌湯、前菜同埋2款醬汁食物質素唔錯，風門柳一份有8塊，薄薄一片，所以好快熟，脂肪比例低，燒嘅時間會有肉汁流出，肉質嫩，口感佳 不過風門柳數量偏少，未能餸晒一碗白飯至於吉列牛，外皮薄酥脆，肉質嫩，燒完都唔會太柴，不過太生的話有少許難咬服務員態度友善，見我地燒得唔太正確，會主動教下點樣燒，服務好好👍🏻味噌湯味道中規中矩，採用玉子豆腐而唔係豆腐，有花心思切成花般樣式，感覺唔錯小食叫咗日式餃子同和風芥末脆牛舌餃子味道不錯，但建議熱既時候就快啲食牛舌有5小舊，芥末沙律醬略為普通，粉比較厚，不過牛舌本身肉質唔差，唔會太熟太乾 特飲係桂花果釀四季春同芝士奶蓋四季春2款都有芝士奶蓋，茶味濃，甜度都剛好不會太死甜，芝士奶蓋濃郁，喜歡奶蓋的話千萬不要錯過🤤