牛匠石燒 (已結業)

假期要吃好西一向很喜歡日式燒肉本來和朋友打算吃燒肉放題但朋友表示不想吃太飽就來到了位於尖沙咀的牛匠石燒🍴石燒A4和牛肉眼定食肉的份量頗多和牛肉眼油脂分佈均衡 燒至五分熟 配上醬汁同吃入口即化 牛味濃郁🍴石燒A4鹿兒島牛肋骨肉定食牛肋骨肉的油脂比牛肉眼更豐富肉質嫩滑一咬下去 和牛的油香在口中爆發然後很快就融化在口中兩款牛肉的價錢不貴油花分佈非常平均入口即溶非常好吃疫情關係已經近兩年沒有到日本旅遊不知明年今日能否在日本吃燒肉呢？

叫左外賣, 店員話係即叫即製, 所以等了大約15~20分鐘, 一定一定要早D打電話去落ORDER店員仲比左張卡片我, 話下次早D落ORDER啦雞扒丼好似三十幾, 另加溏心蛋十蚊左右外賣外貌係變型溏心蛋, 個餡流流地質感可接受 雞扒丼飯既份量好足夠, 反而醬汁唔算好多, 將雞扒D汁倒埋落去飯度就OK~~~雞扒丼雞扒大大舊, 都幾滑既, 最重要係夠熱!!! 拎到返公司仲係熱架!!! 唔係暖喎! 右邊係好健康既蘿蔔絲

Kausumisu is a Japanese restaurant in Tsim Sha Tsui that serves stone-grilled beef. I made a reservation for two to celebrate my friend’s birthday.The menu was really comprehensive, as in you can choose any part of a cow that you want to try. To make life easier, we chose this platter set so that we can try a bit of everything.The cook-it-yourself stone grilled experience was superb! Staff were very friendly and helpful, they would let us know how to grill the meat best — to start with, we shoul

疫情最耐冇食過嘅就係燒肉，因為屋企冇燒板所以真係好掛住燒肉呀❣️早幾日去咗尖沙咀嘅牛匠石燒燒肉店，一入到去員工服務態度超級好，而且都有因為疫情每個食客都有配備口罩套同埋酒精消毒餐具包🍴叫咗鹽燒牛肋條($98) 同埋 脆薄石燒吉列牛($168)，仲有加配味素飯，湯，溫泉蛋($38)燒肉配上果味燒汁，生薑芝麻燒汁👍🏻同埋勝在份量夠晒大，男仔過嚟食都完全冇問題。薄脆吉列牛有別於平時食開嘅吉列，佢個皮係偏脆，燒完都仲係脆卜卜✨飲品我哋叫咗橘子乳酸($28)同荔枝鮮檸($28)，又係超大杯，味道酸酸味味咁，啱晒食完燒肉飲，一啲都唔膩～

近年開左唔少石燒店，將牛肉放係石板上面燒，過癮得嚟仲可以按自己想要的熟度，燒肉時間自己控制！牛匠石燒  的牛肉🐮確實高質，今次點了兩款牛唔同部位，分別係石燒A4和牛肉眼、厚薄切牛舌Combo，兩款肉燒的時間好唔同！👍🏻👍🏻👍🏻A4和牛肉眼：雪花超多，油脂分布都好平均，肉片份量都好足！放係石板燒幾秒，啲牛油極快溶化，再反咋一邊又燒幾秒，熟度大約五成，已經即可上碟食！因為和牛比較多油，食少少都會覺得好油膩，所以都加左碗白飯！果然一食入口即溶，牛味好重，肉質好鬆軟！👍🏻👍🏻👍🏻厚薄切牛舌Combo：因為牛舌本來就冇咁多脂肪，燒之前先燒溶少少牛脂肪，等石板面有足夠油份慢慢煎，厚切牛舌每邊大約前30秒，就差唔多做到五成熟！至於薄切每邊燒10秒左右就可以！牛舌都唔會好硬，少少爽口都算係幾軟腍！🏮店舖環境都好舒適，位置都好闊落，裝修好有日本居酒屋feel，好似都返左日本食野咁！而防疫措施都做到好足！

廿幾年前重係小屁孩個陣，媽媽帶過我去九龍灣食石燒，個陣覺得神奇又好玩，不過價錢都好神奇🤑🤑絕對唔可以成日去🤣最近發現石燒又興起返，重要幾抵食，我當然唔會放過呢個有得食又有得玩嘅機會啦！非繁忙時間去到，安排到坐卡位，夠哂寬敞👍🏻午市重未完，我地叫左兩個抵食set之餘，重叫多左份單點🤭定食包埋前菜、白飯同味噌湯，燒之前要先用舊肥膏掃一掃個石面，等佢鋪左層油喺面之後就可以開始喇😍嚴選封門柳定食 $98封門柳平時比較少見，因為一隻牛得一條架咋，出名脂肪唔多但係肉味非常濃！識食之人一定會試封門柳！之前打邊爐就試過，燒嚟食真係第一次，除咗肉味濃之外仲多咗一份香口嘅感覺！壺漬果味牛肋條定食 $88呢個係一條過喺個壺入面，要夾出嚟用✂️剪開一舊舊再燒，因為已經醃好咗，燒完好入味，撈飯食一流！個醬汁入邊仲有啲蘋果，我哋最後拎埋嚟燒😆😆極上一口牛(單點) $88我哋兩隻大食積怕唔夠食，所以單點左一份一口牛，份量都算多，全部大大粒，比起其他牛肉，一口牛就要花多少少時間逐邊去燒，平日出街食一口牛好怕煮得太熟，又或者燒到出面熟哂裡面重好生🤪自己燒就可以控制返，食落口一啲都唔un👍🏻定食跟餐會有埋熱飲，又或者可以加

1. 我地book咗7點9，但都要等到8點先有的坐低2. 用餐時間80分鐘3. 餐廳環境：非常擁擠，地面，檯面油膩膩，非常吵，要大聲講嘢4. 落單scan QR code，餐廳入面座位電話訊號收的差，好難落到單，最後都係同waitor落單5. 服務：比較差... 覺得係因為太多人食而太小服務人員造成，所有侍應都忙到不停咁跑來跑去上菜，收碟，換板6. 食物：普通，略貴總體感覺：其實食日本燒肉，主要係食原味和牛，除此之外就主要是環境，服務，除咗燒肉之外的小食，酒水等。但這間餐廳，並無令人覺得值得再試的點。如果這樣，其實不如自己去donki買幾塊和牛+醬，自己燒好過。

是日得自己一個人食，唯有自己出去搵外賣再買返黎食啦呢間既外賣好優惠 唔小心就買左，仲加左隻溏心蛋...外賣燒汁雞扒丼份量都幾足夠，雞扒即叫即燒幾香噴噴，size 又夠大，肉質軟腍，唔錯！香飯帶有醬汁同埋用日本米製作！有誠意！即叫即燒所以一等耐少少，店員話可以早d打黎落定order 20分鐘左右喎～加配$10溏心蛋溏心程度可接受，係一隻變形溏心蛋😂😂😂😂原來裡面有埋燒肉，呢間外賣都幾抵食！下次叫其他試下先

晚市沒有定食 見到餐牌有張名為 薄脆石燒吉列牛既相 相當吸引 隨即點餐 點知來到時 原來同午市吉列草飼牛定食一樣 賣相不好同相中有出入 好失望 加左38蚊set 未計野飲 埋單已經要226 質素普通 性價比低 比多少少去食香港京都勝牛好過 當然唔排店鋪除有其他質素高既A4/A5牛 但我地無叫 另外叫左份牛小排set 正常質素 幾好食 有野要讚既係職員服務幾用 有需要會幫你換板或額外比牛脂你 可惜比我覺得開響大街金馬倫道 好似d錢用左來交租 質素麻麻 試過一次就算 大家都不妨試d高質牛牛 再響度評論下

520呢個日子，要食餐有氣氛嘅預訂咗呢間石燒牛，入到去初時冇乜人，可以坐到闊落卡位，但食到後期已經全滿lu～食物新鮮，員工人手充足，衛生情況良好同埋所有餐具都係獨立消毒包裝，俾到食客信心～牛舌combo爽口彈牙豚肉combo，上面嘅豬粒要啲心機燒，中間較易唔熟滿滿飯素嘅飯，跟餐加20蚊就有，雖然唔難整，但份量滿到瀉，加分位對面嘅食烏冬，冇問到咩評價，起碼見到上枱夠熱用固體酒精，最尾如果唔夠都可以要求添返啲

位於尖沙咀金馬倫道嘅牛匠石燒主打日式燒肉。客人只需要Scan QR code就可以點菜～ 既方便又衛生👍🏻🤣身為牛魔王嘅我哋，都係點牛為主🤤 特上牛舌Combo ($156) Combo有兩款牛舌，一隻較薄身，另一隻厚身呈長方條狀，略嫌薄身嘅太薄太細塊，好似比較喜歡厚切的，唔需要點醬都好夠味👍🏻 海膽生牛肉 ($108) 賣相吸引，海膽、青瓜同生牛肉係好配搭，可是牛味欠奉。 安格斯牛小排 ($196) 及鮮果壺漬牛肋條 ($130) 兩款牛都以芝麻汁、果汁燒汁及青芥醃製，味道不過不失。雖然整體嘢食一般，但值得稱讚嘅係店員服務態度超好！店員會耐心解釋每種肉點燒同不時會換吓火🔥 非常貼心❤️📍 牛匠石燒 尖沙咀金馬倫道34-36A號福僑大廈地舖☘️ 👣 @myeatingstep 👉🏻 #MyEatingStepHK #MyEatingStepTST #MyEatingStep尖沙咀 #MyEatingStepTsimShaTsui

見到8點半有9折又有石板和牛食，book左夜晚8點半食呢間野。去到就安排左門口個四人卡位俾我地，但隔左1分鐘就話其他人book左(我都有book枱㗎😥)，就要我地行到入面既一張雙人枱，ok 既，咁我得兩個人無所謂啦！再坐低之後就掃QR code落單，野食我覺得性價比算高，牛既選擇都幾多，特色飲品又好多又大杯，如果飲得既可以叫成tower啤酒！咁我地就叫左吉列牛同一份A4鹿兒島牛肩肉，加左杯波蘿乳酸同荔枝鮮檸。隔左一分鐘塊石板就到左，然後過多陣野食野飲就上齊曬，係幾快手既，又俾左塊牛脂俾我地用黎防痴底，去到呢一刻，成個體驗都幾好！我地個plan係食完個吉列牛之後先燒塊A4，食完吉列手塊石已經燒焦曬(食最後一塊已經好大陣焦味)。咁我見隔離枱都有咁既情況然後叫左人幫佢換，咁我地都照樣叫人幫我地換塊石。一叫就即刻用一種唔耐煩既語氣叫我地等陣，等左幾分鐘，突然係我右邊窄位伸左隻夾出黎，咁我咁窄當然即刻褪開，費事等陣掂到塊熱石。點知佢鬧翻我地問我地郁夠未。。。cls究竟佢有冇common sense 㗎，突然之間喺個客背後經過個客膊頭位想夾塊熱石，個客避開仲要鬧翻過客，其實係咪想特登攞發熱石熨一熨

Bookmark左呢間＜牛匠石燒＞好耐🤩，食物選擇款式多，牛肉質素高，價錢更比其他石燒的餐廳相宜🤑！Menu上石燒牛是單點品，只需額外附加💲38 就可以配上 前菜、味素飯 和 味憎湯，更可以以優惠價換購小食👍🏼。個人認為石燒牛最好的地方是可以因應個人口味，去自行決定牛肉的生熟度，又可以動手"下廚"。.🐂薄脆石燒吉列牛💲168吉列牛兩邊經過處理，有一層吉列的表皮包圍，只需要煎另外兩面牛肉面便可以，保留吉列的香脆，亦都吃到牛肉香軟的肉質，肉味香濃，配上醬汁味道更上一層樓😍.👅鹽蔥薄切牛舌💲108薄薄嘅牛舌只需要燒20秒左右便可，牛舌牛味香濃，油脂豐富😋.🍱汁燒牛肉溫泉蛋丼💲82牛肉份量超多，肥瘦均勻，燒汁和牛肉味道非常搭配，好食到停唔到口🤣💯

尋日去尖沙咀行街，夜晚肚仔餓，諗起之前有間燒肉家姐一路都好推薦我去試下，咁岩就行到果到附近，即刻打去預約，唔係假日都唔晒等好耐就可以入座😌裝修都幾精美，卡位會有D日式布簾，幾有去到日本燒肉既Feel架~ 打卡影相記得向牆入面影效果會好D 📸🤣。入到去打開餐單，見到個晚市精選2人餐($568)，哇‼️唔睇由之可，一睇發覺超級正，包左超級多野，每個人都係講緊284蚊，即刻帶你睇下有咩先🧡。『睇下有咩食之前提一提大家，成餐飯既體驗我同朋友都覺得非常好👍🏻店員服務都令到會有賓至如歸既感覺，唯獨係上菜而係一次過將所有菜品一次全上，令到部份熱食變冷影響味道🥺當時同店員反映，佢都即時反饋唔好意思，下次可以叫佢地分上🥳 (PS:店員超Nice 抵讚！) 👍🏻建議大家 有機會去到又叫餐既時候都叫返店員幫幫手分上體驗會再好D！』😚。🥦前菜-香煎吞拿魚去黑魚子醬沙律吞拿魚都幾鮮甜，點埋黑魚醬，酸酸地好開胃😋。🦐小食-鹽燒大虎蝦蝦夠大大隻，燒得入哂味，加埋d檸檬汁，蝦鮮味即刻提升了😚。🦪小食-日本清酒大蜆d蜆大大隻，重點係無沙，清酒煮完，鮮甜😚。🥩主食-和牛肩肉拼極上一口牛和牛肩肉望落油花十足，分佈均衡，燒一燒

石燒牛最正既地方係將肉肉放上熱石板上燒，根據個人喜好控制熟度，而愛吃肉肉既我見到呢間石燒日式燒肉點可以放過佢🤤雖然餐牌選擇多，但為左解決我呢個有選擇困難症既人，就索性叫左個咩都有啲既牛匠極上組合 ($468)，包括有極上一口牛、安格斯牛小排、鹽燒牛肋骨肉、精選牛胸腹肉、嚴選封門柳、鹽燒薄切牛舌、厚切特上牛舌、特選牛五花、日本A4鹿兒島牛肋骨肉同日本A4鹿兒島牛肩肉。除左肉肉之外，仲會附上兩舊牛脂肪，店員話等石板加熱後放上去搽3圈就可以開始燒肉，而且好貼心介紹食法，基本上燒十秒已經食得，牛味好濃郁😋亦提醒極上一口牛同厚切特上牛舌都比較厚，需要燒耐少少🤏🏼雖然另外配有果味燒汁同生薑芝麻汁，但我覺得唔點任何醬汁，食返牛既原汁原味都好夠，當然如果可以配埋鹽比我自己加就更好😗我最中意食A4鹿兒島牛肋骨肉同特選牛五花，充滿油脂香，又有入口即溶既感覺🥰另外加左$38要個味素飯+溫泉蛋+麵豉湯，味素飯佈滿櫻花蝦，撈埋溫泉蛋好正😋特別要讚麵豉湯幾好飲，而且入面個玉子整得好靚🤍飲品方面叫左杯藍莓🫐巨蜂 ($28) 同菠蘿🍍乳酸 ($28)，解膩又解渴。值得一提既係店員服務態度好好，而且舖頭好貼心地提供即棄