牛匠石燒 (已結業)

點了一個二人套餐，有3款牛，只有第一張相的和牛好味，入口即溶。其餘的兩款牛都好硬同超多筋，輕輕燒一燒沒有太熟也很硬，食唔到。唔知係咪因為硬燒得太生嘅關係，夜晚肚痛嘔返曬d牛出黎。所以唔推介選擇二人套餐，點和牛就可以了，其他牛都不建議試，會中伏😩另外，前菜開胃沙律味道幾好，蜆肉湯都冇沙，幾鮮甜，蝦都好味，飯有紫菜同其他調味料，味道比起正常白飯好味。最後，價錢方面，二人套餐的燒牛不算貴，但如果計埋原來只有和牛食得入口的話，整體黎講就十分不化算啦

越黎越多燒肉店, 我本身冇特別鍾意韓燒個種, 人大左, 食唔到咁多肉。反而呢種有D肉, 配埋湯同飯既鋪頭就岩我D。 貪佢肉之餘仲有好多其他野揀, 唔會太飽!牛肉有好多選擇, 豐儉由人, 另外仲有好多小食同其他肉類添~~明太子脆豆腐 ($42) ❤️❤️❤️係幾特別, 成個豆腐裡裡外外都真係好脆, 配明太子醬幾得意, 鍾意脆脆類可以試下特選牛五花 ($98)❤️❤️❤️❤️比較瘦D既款, 用石炞好得意, 不過唔好著白色呀~~加餐 (+38)❤️❤️❤️有個湯同飯素飯, 如果唔鍾意太多飯素要叫店員輕手D喔澳洲和牛肋條 ($138)❤️❤️❤️❤️呢款就油D香D

因趕住上堂，同學仔介紹不用行太遠可以到「牛匠石燒」食晚餐🥣，小店除石燒料理之外，原來都有多款日式定食及拉麵🍜提供，小店裝修以日本風格為主，而店員又服務周到👍照燒原隻魷魚🦑伴一口牛定食$138Menu上有很多不同種類牛扒供石燒用，見到都流晒口水，不過今晚因時間問題，就點一口牛定食啦😂定食已包括小食日式蒜味螺肉，麵豉湯及白飯，照燒魷魚係日本餐廳好常見嘅菜式，最鍾意燒汁甜甜地好開胃，再配上一口牛，肉質鮮嫩多汁😘😘和風芥末脆牛舌$32牛舌炆得好腍滑又大件，外層脆脆哋，配上和風芥末沙律醬，做居酒屋菜式一流😋😋炸芝士年糕$38每次食日式料理必食小吃，炸得金黃軟糯外層包住香滑芝士，食極都唔厭😍😍藍莓乳酸$28+菠蘿柑桔（茉）$28放滿原粒藍莓🫐加乳酸，酸酸甜甜好開胃，放滿菠蘿🍍粒嘅柑桔茉茶，唔太甜，好自然👍

最近黎到TST同舊同事食飯, 佢帶左我黎間食石燒牛肉既餐廳~~真係唔錯, 好想紀錄一下~位於金馬倫道, TST 站行2分鐘就到, 地點方便!!我同舊同事一人點左一個定食~所有定食都有前菜、白飯及味噌湯!! 石板需預熱3-5分鐘，預熱後放上牛脂肪，預防黏肉！侍應準備了兩款特製醬汁比我地：生薑芝麻汁、果味燒汁。叫左個招牌鹽燒牛匠特選牛肉，牛肉口感厚實，唔韌唔痴牙，而且份量都幾多~ 配上醬汁，別有一番風味~另外叫左個西京比目魚伴吉列炸蝦定食，比目魚肉嫩滑，食落啖啖肉～炸蝦非常大隻+彈牙!!最後仲叫左杯凍炭燒烏龍解解渴~OVERALL 價錢真心唔貴, 性價比高!下次會再黎~

之前係日本神戶食過A5和牛，就開始對和牛產生一種咗情意結🥰而家冇得去日本，唯有喺香港尋覓高質和牛食🐂前排經過尖沙咀就去食咗呢間——牛匠石燒 @kausumisu ，一入到餐廳已經聞到好香嘅燒肉味🍖·—·我哋點左個：｜🐂牛匠極上盛合🐂包括：極上一口牛、安格斯牛小排、鹽燒牛肋骨肉、精選牛胸腹肉、嚴選特上三筋、鹽燒薄切牛舌、厚切特上牛舌、特選牛五花、日本A4鹿兒島牛肋骨肉、日本A4鹿兒島牛肩肉·肉質脂肪比例好平均，脂肪感好適中，唔會有一種油膩嘅感覺👍🏻燒完之後出啲脂肪出曬黎，口感更香濃⚡️令牛肉嘅味道更出，肉質口感真係好正😋·｜🍜和風汁冷稻庭烏冬🥗，烏冬麵條幼身，口感非常爽口，配埋芝麻紫菜嘅小配料，係我喜愛嘅冷烏冬味道😋·｜🧀芝士奶蓋四季春🍵鍾情於芝士嘅我，芝士奶蓋必點😍芝士唔會太膩嘅感覺，口感輕盈，配埋清清地嘅四季春茶底，味道好夾好飲👍🏻

一黎到食飯時間見到入面得果幾丁友，門口個女staff仲問有冇訂位室內環境污煙瘴氣，眼見中間有部空氣清新機…唔係好夠力睇左一陣叫左2人精選餐前菜 沙律 2客得果「$1大小」既吞拿魚4塊牛3款， 和牛肩、一口牛，牛小排都叫係正常（如果你唔睇個價）我問個經理大約幾多g 佢竟然答「我地都係同圖一樣共12塊」咁你其他餐就唔好寫大約110g啦黎到果12塊如果你係10歲以下應該就夠食杯奇異果沙冰甜到癲..仲要個味真係好「奇異」個大蜆一d都唔大， 全部好似小兒麻痹咁仲要乜Q野都加芝麻….個湯烏冬就都係烏冬味喇….虎蝦都係偏細營養不良咁最搞笑係全單95折但最後只係杯沙冰95折 原來精選餐係無折，咁點解唔早講？如果你未試過咁樣明火石燒我覺得可以試下但叫平餐好啦….

今天與友人到訪位處尖沙嘴的「牛匠石燒」品嚐石燒牛。餐廳提供牛的不同部位，有西冷、牛肩胛、牛肋骨等，讓人期待。店鋪乾淨企理，裝飾及傢俱採取日式風格，燈光柔和，讓人放鬆。我與友人坐在卡位，卡位之上有布簾，為我們提供私隱，可以舒服且安心地品嚐石燒牛。石燒定食提供各式各樣的選擇，豐儉由人。除了牛肉，還有雞肉、豚肉等選擇。飲品選擇也是多不勝數，切合不同客人的需要。飲品有茶品、水果乳酸、沙冰等等。我選擇了「嚴選風門柳定食」（$98），而定食附送了前菜、白飯以及麵豉湯。封門柳的色澤緋紅，油脂分佈平均，而每塊肉的厚度適宜，適合用作石燒。每份定食又附上了數塊牛脂肪，用作滋潤石燒的石塊，防止牛肉沾在石上，並增加牛肉的香味。我隨餐點了「凍檸茶」（$5）。麵豉湯的豆腐彰顯了餐廳的心思 — 豆腐的上半部份被切成細條，繫著豆腐的下半部份。豆腐放在湯中，像花一般散開，為視覺上的享受。友人則點了「吉列草飼牛肉眼定食」（$128），定食附上的配菜與其他一樣，但主菜就是吉列牛肉。吉列牛外層雖然金黃酥脆，但內心卻是未經烹調，需要把吉列牛肉眼放在發熱的石頭上，將其燒熟，即可品嚐其酥脆及爆滿，享受充滿肉汁及油脂甘香的牛肉。另跟

一到食飯時間周圍都排大隊，剛好與上不用排隊的，店舖非常熱鬧，衛生環境唔錯，冷氣比較凍，要食的朋友要留意這一點。以一人一石板燒的方式，並以QR CODE 落單，每人都提供一塊圍裙，同埋獨立餐具套裝，絕對係細心位。燒之前需預熱石板至2-3分鐘並查上牛油便可燒肉。今次一人前，所以點選左風門柳及牛五花。風門柳厚薄適中，牛味濃郁，肉質軟滑，油香豐富 （$108）牛五花相對肉質結實，牛味濃郁，當然油香不及風門柳，但味道唔錯($98)

成日經過金馬倫道好多次都未食過呢一間餐廳🍴專食日式石燒，好吸引甘入面環境係超舒服，座位亦都好闊落仲有埋靚靚圍裙餐牌呢度係scan QR code落單既然後喺電話度揀你要食嘅嘢叫咗兩份定食、小食同飲品份量大概係一個女仔嘅食量一份定食有嘅基本野：前菜、湯、飯、主菜都齊啦炸雞好多汁，不錯配經典嘅沙律醬好正脆牛舌厚切，牛肉味重，唔會韌有驚喜兩都係手搖茶飲唔晒都可以拎走兩個石燒爐，唔怪得知要咁大張枱燒肉直接放上石板就得，佢已經整好咗調味同朋友一邊傾計一邊燒下燒下，都幾舒服未試過朋友真係要體驗下

二人餐▪️香煎吞拿魚飛魚子沙律吞拿魚用了煎封做法，半生熟的口感令鮮味更佳，配上飛魚子醬和油醋汁味道豐富▫️鹽燒大虎蝦嚴格來說是汁燒，因為表面淋上了一層燒汁。非常欣賞廚師保留了蝦頭，大家可以把裡面的蝦膏挖出來吃，非常鮮美。肉質彈牙，略嫌燒汁會搶了蝦肉本身的鮮甜，但整體性價比高👍🏻▪️清酒煮蜆份量上會扣了一點分，因為不算太多顆，但勝在每一顆都很大隻。醬汁用上清酒配牛油，在清甜上多了一層油香。▫️和牛肩肉/極上一品牛柳粒/汁燒牛小排和牛肩肉油脂分佈平均，有一定的厚度所以入口很有嚼勁、入口即溶而且牛肉味很重🤤牛小排蘸上燒汁再燒多了一種甜甜的，令這個味道提升牛柳粒需要多一點時間把所有面燒熟，但也不會很鞋，牛肉味相對最弱卻最有口感💡大家記得先用牛肉肥膏塗在鐵板上，並有蘑菇把燒焦的吸去▪️醬油湯稻庭烏冬非常喜歡這個醬油湯底，很濃的醬油味卻又不會過鹹，而且麵的軟硬度適中，就算浸了一段時間也不會很軟，令人驚喜😚▫️飯素飯滿滿的飯素令平凡的白飯不再平凡，配上牛肉一齊吃也不會搶了牛肉的風頭▪️櫻花漬拼焦糖布甸和菓子本來對和菓子沒有什麼口感（雖然我是煙韌控🙈）我比較喜歡焦糖布甸，焦糖味道適中又不會過甜。相反櫻花的我不太能吃

今日同男朋友嚟到尖沙咀食呢個石燒牛咁嚟得食石燒牛 咁梗係要食下個吉列牛啦除此之外我哋仲加咗個味素飯個吉列牛嘅吉列皮 好薄而且好酥脆咁再放舊牛上去個石燒板度來回煎幾下就可以了咁我覺得牛嘅質素正常 而且肉味都幾濃郁咁除咗叫吉力牛之外我哋仲叫咗呢個厚切特上牛舌combo咁呢個除咗有厚切嘅牛舌之外 仲會有幾塊薄嘅牛舌個厚切牛舌非常之滿足除此之外我哋仲叫咗個鮮果壺漬牛肋條咁牛肋條經過唔同嘅水果醃製過之後有一種鮮甜味

朋友帶路去咗呢間石燒牛晚餐，餐廳位置幾方便，位於金馬倫道，而且餐廳嘅菜式選擇好多之外，價錢仲幾抵食。.特選牛五花 $98牛的賣相顏色鮮艷，加上脂肪分布平均，不會太肥膩，牛味濃厚，不會韌，肉質滑嫩，咬落好juicy，幾好食。.嚴選封門柳 $108封門柳是成隻牛，肉味最濃的一部分，只因全隻牛只有一條，緊貼着橫膈膜，此肉與內臟較接近，脂肪不多但肉味濃，入口滑溜香甜。.加$38 有麵豉湯、味素飯、溫泉蛋麵豉湯不會太鹹，而且玉子切得很靚，可見廚師用心製作。味素飯表面鋪滿飯素，非常惹味，增加了硬脆的口感。溫泉蛋的蛋黃剛剛凝固，而蛋白口感就像豆腐花般。另外，餐廳仲提供兩款醬汁：燒汁、生薑芝麻汁，俾你點d肉食，兩款醬汁都唔錯。.菠蘿柑桔 $28炎熱的天氣，配上這個酸酸甜甜的菠蘿柑桔凍飲，開胃又解渴。

吉列牛都出現左一排一直無機會試今日又去食自助燒牛竟然再一次見到決定試試佢～吉列牛表面有已經炸好金黃外層如果喜歡好似面書上某某燒肉群組咁三成熟嘅朋友，相信就咁就食得😂不過我就喜歡五成熟所以都要煎一煎不過一開始唔識整，不停翻黎翻去搞到吉列層散晒店員見到我地搞到一頭煙都好主動黎幫我手教我地正確嘅燒法原來唔駛不停翻而且只係燒生肉果邊就得真係大鄉里😛用左正確燒法之後成品正常好多終於可以享受到吉列牛滋味！外脆內嫩！果然滋味！朋友要左個燒鯖魚定食鯖魚肥美炙燒過後香噴噴！另外仲配上左清酒煮蜆蜆肉鮮甜唔知點解清酒湯有種好香嘅牛油味😂😂養生飲品桂妃美顏茶一啲都唔hea食到清清地啲紅棗味仲有桂圓食添！臨食完侍應仲話可以like ig 有甜品送我地當然唔會錯過～係好滑滑嘅牛乳布甸面層仲有健康嘅奇亞籽增加口感添！

因為個人比較懶 所以今次直接叫咗定食 懶得自己燒🤣炸蝦雞排定食比我想像中好食！雞排皮好脆，亦都好夠味，份量都啱啱夠一個人份量！所有嘢嘅調味都適中，再加埋個人覺得佢嘅價錢喺呢間鋪頭算係抵食！如果大家都係懶得自己燒肉都可以叫嘅🤣🤣另外都食咗幾舊frd叫嘅燒肉🤣覺得豚肉片點佢比嘅兩種醬食真係好夾～肉亦都好juicy ～

邪惡指數: 🐽🐽🐽🐽好食指數: 🙆🏻‍♀️🙆🏻‍♀️🙆🏻‍♀️🙆🏻‍♀️ 平時韓燒就食得多，日式嘅石燒就真係第一次。見呢間喺尖沙咀嘅「牛匠石燒」嘅lunch menu好似幾抵食，價錢都係$100左右，worth a try🙋🏻‍♀️石板先預熱3至5分鐘，再用牛脂塗匀石板就可以開始燒，邊傾偈邊燒邊食幾過癮🙃⭕️ 厚切牛舌拼牛五花定食：牛五花油脂比例均勻，燒完再點埋佢嘅果味燒汁或生薑芝麻汁，夾埋一啖飯食，感覺好幸福的呢🥰 而牛舌就切成厚條狀，鍾意佢夠爽口，好好食👍🏻⭕️ 吉列草飼牛肉眼定食：都幾新奇，外層炸到脆卜卜但係入面就生嘅。將兩邊燒至變色，入口都仲留到少少吉列個種香脆，而肉眼口感厚實有嚼勁，肉味濃郁🥩⭕️ 炸嫩雞 & 鹿兒島一口牛：貪心嘅我當然跟餐加咗小食啦🧏🏻‍♀️ 炸雞外皮脆身肉質嫩滑，香口得嚟唔會太油膩。一口牛就用咗果味燒汁去整，食落juicy，一啲都唔韌。以呢個價錢食到咁嘅份量同質素嘅日式石燒，真係抵食🤑