牛之鍋

营业中

休息中

之前食開荃灣果間，呢間第一次食，食早場兼經openrice買餐飲卷扣埋d優惠係超級抵食荃灣食過就好滿意，真係平靚正，好彩呢間都一樣係環境暗d，兩個人坐二人枱比較辛苦，點完d野無位擺，又唔似其他果d可以疊起慳位！QR落單，零漏單，黎野黎得好快刺身好食，新鮮👍炸野熱辣辣，滿意壽司、燒物都好味甜品真係無得輸，以呢個價位，有咁既質素甜品，真係一定翻曬本唯一美中不足係軟雪糕比較溶但窩夫，抹茶雪糕都好高質，薑汁湯丸薑味好濃郁，芋丸楊枝甘露都好正整體甜品分分鐘比糖水舖更好味食物類別好多，又火鍋又炸野燒物刺身壽司，雖然每類別不是超級多款果種，但樣樣都有d；整體都有水準！服務都唔錯，收碟快，收碟果幾個都好有禮貌

阿媽就嚟生日 就成家去食放題 呢間嘅放題都好高質 見到人流都唔少 就知佢好多fans一坐低可以揀個邊爐湯底先 我哋揀蟲草花松茸湯 想到枱見到湯底顏色好深 睇得出幾足料 後來用來鹿肉類都食到佢嘅甜味食放題令人最興奮嘅不外乎魚生 我哋就叫咗好多次三文魚帶子等等嘅刺身 凍冰冰 食落好新鮮 有種好fresh嘅感覺邊爐方面我哋主要食生蠔 肥牛同豚肉片 全部都係高品質 生蠔肥美得嚟唔會腥 肉類油脂分佈平均 望落紅噹噹 睇見就開胃熟食質素都好好喎 有常見嘅燒菠蘿 金菇肥牛 亦有比較香港色彩嘅涼拌海蜇 亦有我最愛嘅炸物 炸芝麻雞翼 榴槤球同天婦羅 而且每款都炸得好夠火候 脆脆的 好味道😍🤩而我最中意呢度嘅係佢好多好好味嘅甜品🤩 藍莓芝士杯同食濃cheesecake有同一感覺 珍珠伯爵茶凍食落又好似飲緊珍奶🤣 有驚喜🙉

一個價錢食到放題+打邊爐+甜品放題！而且價錢唔貴！湯底方面可以揀每人一鍋或者share一鍋，我哋就揀咗兩款唔同嘅湯底，因為可以試多啲唔同嘅味，我個人就幾鍾意壽喜燒湯，味道都幾濃！火鍋配料選擇都好多，當中唔少得嘅就咁解牛肉，另外都會有海鮮，整體來講都幾多嘢揀日式放題有刺身同埋唔同種類嘅壽司，刺身新鮮新鮮外面仲有好多個唔同嘅飲品供應，當中生啤都係任飲㗎博最後重點就係甜品放題，每一款嘅份量為好多，等大家可以試多幾款，我自己就鍾意榴槤甘露同埋雪糕b芭菲仲有榴槤pancake !回本真係冇難度

★ 90分鐘晚餐放題 ($228) (另計算加一).♡ 火鍋+湯底𓂐 我哋選擇左沙嗲、胡椒豬肚同埋豬骨湯底，胡椒豬肚湯有濃郁嘅胡椒味，配埋火鍋配料好惹味，牛肉唔會太肥，雖然比較薄但有牛味！𓂐 配料而言，黃金麻吉燒裡面是煙煙韌韌既年糕，必叫！牛筋丸牛味濃，芝士腸細細粒好味，整體配料質素不錯🔥.♡ 炸物+刺身𓂐 榴槤炸彈有超濃郁嘅榴槤味，炸香芋球同炸榴槤都超脆口，有驚喜呀🥰 芝麻雞翼都唔錯啊～𓂐三文魚帶子唔會有冰味或者腥味，幾肥美，希靈魚就有些少苦，但整體係新鮮嘅，大份啲就仲好😗.♡壽司𓂐芒果蝦卷、芝麻鰻魚卷都唔錯，配搭有層次，食落去有驚喜！黑松露帶子、三文魚親子軍艦、火炙三文魚壽司都新鮮、紮實、好味😋.♡ 甜品𓂐抹茶紅豆芭菲唔會太甜，但有茶味，白玉有咬口，而且底下有唔同嘅食材配搭令到成樣嘢好新鮮，推薦🥰 窩夫脆口，有surprise🌟 其餘甜品都好impressive，例如芝士蛋糕、糯米飯、芋圓都好出色，建議留肚子食甜品～ .整體評價：🌕🌕🌕🌗🌑.📍牛之鍋

晚市火鍋丶日式料理丶甜品放題，入座起計，用QRcode自助落單，90分鐘內任點，用餐時間共120分鐘，呢度食品種類都算多；平日晚市，全場滿座，上菜速度快。蟲草花松茸湯丶清甜椰青湯極上牛肉 (大)海鮮類首選海蝦，大隻，新鮮自助醬料區自助蔬菜區，超過20款刺身丶壽司炸物丶燒物首推鷄泡魚乾，雞軟骨丶章魚燒日本蕃薯仔都唔錯甜品類，首推榴連pancake，其次楊枝甘露，宇治抹茶芭菲嘅抹茶雪糕亦唔錯；矮嗰杯係扭紋抹茶新地；榴蓮甘露，味道ok，但點解要加珍珠 🤔飲品區港式汽水啤酒丶韓式汽水丶生啤丶熱茶丶咖啡

今日又約咗朋友傾偈🤪唔知食乜嘢嘅時候最好就係食放題打邊爐🍲，一來保證食得飽 二來又多款式👍今日就試吓呢一間係銅鑼灣嘅放題打邊爐我哋揀咗$248 包埋日式料理🍣係用QR code落單嘅 一來方便 二來又唔會漏咗張單 非常欣賞🤩有刺身丶壽司丶海鮮丶肉類丶小食丶串烤等等 落完order嘅時候亦都可以出去揀飲品～🧋🥤🧃最驚喜嘅竟然有生啤 仲有好多茶丶汽水等等應有盡有 亦都有好多醬汁 包括芝麻醬丶柚子醋丶豉油等等 當然火鍋必備嘅蔥丶蒜等等都齊備啦❤️仲有一個蔬菜🥬枱可以自己任夾想食嘅嘢 有芋絲丶雞蛋丶生菜丶菇類 非常多選擇！湯底我哋分別叫咗清甜椰青湯同壽喜燒 而家食得出食材嘅新鮮度等咗一陣QR code落單嗰啲嘢就上菜啦 😁首先有刺身拼盤 擺位擺得好靚～三文魚肥美帶子鮮甜海鮮叫咗生蠔 🦪同埋大蜆全部都非常鮮甜牛肉就唔會太肥、食多兩盤都得😘特別推介係茄子串燒🍢🍡非常多汁～醬汁又調校得好好 👍其他每樣野都非常有質素～最後甜品有極多款選擇！我哋叫咗個宇治抹茶芭菲🍦，估唔到放題都相當有質素！賣相超級靚之餘，仲要抹茶味充足，必食推介！呢個火鍋放題每人都係二百幾蚊～又坐得舒服食物又質素高，真係強烈推介！🍭

終於找到放題又有刺身又有火鍋了！還要在鵝頸橋附近，十分方便到達後發現有很多食客等待，幸好早有訂座就座後獲發一個二維碼點菜，湯底一人一鍋，既衞生又可迎合個人口味九洲豬骨湯香味濃郁麻辣湯辛香味濃美國極上牛肉肉質柔嫩，油花均勻美國牛肉厚薄適中，肉味濃郁刺身選擇多元化，有三文魚、八爪魚、鮑片、帶子、北寄貝、赤貝、甜蝦、希靈魚等海蜇沙律爽脆可口味付螺肉口感厚實全場任飲任食、生啤任飲，更有Morpho提子清酒

✿╮❤╭✿✿雜感女生   好味日記✿˚*•✰。牛之鍋．靚牛肉正芭菲！。✰•*˚✿✿小資女的Dolce Vita✿✿❤餓底飯聚．食勻全世界❤❤吾係POL - Peggy On Line．Proof Of Life❤  ❤話說朋友好久沒行銅鑼灣特別是時代廣場就她放工後，走去行街街再食個開心放題  是夜我們選了牛之鍋朋友說：牛之鍋超抵食聞說有好好食的抹茶芭菲  今次一吃，果然不錯啊！ 我們點2個小鍋吃我要藥膳湯底，朋友要了椰子湯底我的濃香滋補，她的清甜甘香  小鍋的好處是熱得快又可以食自己中意的肉不用影響其他人的味覺就如我愛的羊肉，不是朋友的那杯茶所以分小鍋吃更好今次以食牛肉為主朋友大點極上牛肉肉質好靚，薄切易熟新鮮又肉味濃 我愛的羊肉非常有水準是新鮮，又夠羊香氣的加入藥膳湯底非常滋味此外，豚肉帶強烈的香氣質地好，令人一吃再吃 任食的刺身與壽司沒有欺場本人點了最愛的松露帶子、花之卷等壽司味道很好 燒物與炸物都是即點即製所以熱辣辣，口感叫人讚不絕口特別是炸雞翼、南瓜、小太子水準一流呀甜品選擇與質素都令人心歡喜抹茶芭菲是甜品專門店的水準級非常好食而伯爵茶奶凍、布甸、軟雪糕都是引人流口水的還有那榴

牛之魔集合左五大不能抗拒既賣點，加上相宜既價錢，一定好快full 到book唔到位！首先講飲品： 有多款飲品加上啤酒任飲。同行朋友飲左七種飲料。好爽其次： 用電話落單好方便，又可以朋返自己落過咩食物同環保d第三： 刺身質素佳！ 第四： 湯底可以一人一鍋又得，用左鍋又得。我地一人一鍋，麻辣好香有花辣，壽喜燒都好香。第五： 炸物經典雞翼，天婦羅蝦好正。叫左三次都係即炸。第六： 極上牛超高質，豬同羊都係靚野。呢度碟碟都可以維持質素好正。最後： 一定要食每枱必點 雪糕窩夫同綠茶芭菲除左有位侍應上菜時會有d亂之外，其餘既價錢食物質素環境都滿分。同晚食飯聽到歡呼聲知道港隊獲得奧運金牌，恭喜恭喜！

今晚帶媽咪使日本料理+火鍋+即製甜品任飲任食放題，就是位於銅鑼灣的牛之鍋。坐低立刻叫宇冶抹茶芭菲和扭纹抹茶新地， 好香嘅抹茶味，又有大大粒嘅紅豆，還有脆脆嘅朱古力粒。頭菜叫了海蜇沙律同埋蟹子沙律， 刺身有三文魚，鮑片，帶子，北寄貝，赤貝，甜蝦，希靈魚和八爪魚，甚豐富。 壽司選擇頗多， 經過取捨選擇咗三文魚腩壽司，燒鰻魚壽司，黑松露帶子壽司，火焰三文魚壽司，芒果吉列蝦卷和貝柱甜蝦軍艦。我喜愛一人火鍋分別叫了清甜椰青湯和胡椒豬肚湯，自己可以控制和加添食物，始終較為衛生。 食火鍋肉類一定唔可以缺少， 有美國極上牛肉，紐西蘭羊肩肉和特選豚肉， 感覺肉質新鮮，冇雪味，而且牛肉感肉味濃，绞理均勻， 脂肪比例均勻，故再三添加，羊肉唔會有騷味， 豚肉有膠質，口感不錯。 海鮮點了日本廣島蠔，紐西蘭青口，半殼帆立貝和生猛海蝦，感覺新鲜有甜味。揚物叫了媽咪喜愛的榴槤炸彈， 榴槤味十足， 黃金炸生蠔和紫心香芋丸很香口，真是即叫即炸。 還有選物特別推介千島燒蟹蓋，加上沙律醬， 非常開胃， 追加燒雞泡魚乾，串燒日本雞軟骨，串燒茄子和燒菠蘿， 食到停唔到口。女人始終有兩個胃，最後再叫即製甜品，選擇咗藍莓芝士杯，OR

鵝頸橋打完小人有啲攰有乜嘢好做，對面啱啱好有間放題大樓間間層層都是放題，又有雞煲食又有牛之鍋。雞煲我食得太多，今次就食下其他放題。感受到咩係人流就是任性，啲嘢食好多而且質素OK，重點係keep住新鮮，又有刺身又有燒物又有優質肉肉，雪糕機都有。叫咗個皮蛋芫荽湯底，以為佢係普通味精湯底點知佢真做，有晒湯料，豆腐都有，真心佩服。打邊爐最緊要係咩，除咗湯底之外當然係醬料啦！呢度又係咩醬料都有而且味道唔會淡茂茂。我最鍾意呢度嘅炸物，例如炸榴槤波，炸紫薯波，炸芝麻雞翼，樣樣都好出色啲榴槤jam 係滿到溢出來，炸芝麻雞翼真正嘅做到皮脆肉嫩，強烈建議大家咩都唔識食咗啲炸物先，因為你絕對會encore。嘢飲方面呢就唔使擔心，汽水啤酒連提子清酒都有。最後個價錢一啲都唔貴$198一位有咁多嘢食享受而且地段極度方便絕對超值。

現在不少火鍋店都有放題在內，或者主打養生、新鮮材料，方式層出不窮。今晚在一間不起眼的火鍋店吃晚飯。位置：在唐樓的二樓，沒有電梯可搭，但這不是問題。問題是周遭的環境衛生不太好。環境：一踏上二樓，就看到二樓的大堂堆了一些垃圾，雖然不是店舖的範圍之內，但真是有礙觀瞻，幸好沒有異味，其實店門前應該收拾乾淨。店內面積頗大，有蔬菜、醬料、飲料自助吧台，最厲害是竟然有啤酒任飲，木地板配白色的桌椅，簡潔乾淨，室內光線亦足夠。服務：可以一人鍋或雙併鍋，安排了四人卡座給我們，住得舒適。下單用QR Code，正常情況應該是不會漏單，但偏偏遺漏了我的甜品。晚市：我們選擇了一人一鍋，各自碌自己喜歡吃的東西，方便又衛生。蟲草花松茸湯：湯底一開始較淡，隨時間不停地翻滾，菌菇的香味愈來愈濃郁，吃大白菜時最能品嚐到湯的精華。草飼牛脷比美國極上牛肉更有牛味，肉質感較韌，而美國極上牛肉質感更軟，二者皆是切得相當薄，滾十秒就可以吃了。燒茄子和燒菠蘿：普通千島燒蟹蓋：有點被騙成份，因為完全吃不出有蟹肉，全是麵粉。串燒雞軟骨：是當晚好吃的串燒，其他串燒未試過。八爪魚魚、甜蝦和三文魚刺身：不錯，是新鮮甜美，可惜不能吃太多，否則沒有

銅鑼灣放工，同事話帶我去一間咩都有得食嘅鋪頭到730PM入座每位$228蔬菜區特色飲品站而湯底可以每人一小鍋，鍾意咩味就可以揀咩味，唔需要顧及到其他人種類繁多，全程用手機落單，仲可以睇返自己嗌過咩野食🎆極上牛肉🎆薄薄一片，不會過卡肥膩，沒有筋部，味道唔錯🌌羊片🌌羊騷味道重，薄薄地一片🌠海鮮🌠有花膠、虎蝦、土魷、墨魚、牛栢葉、鮑魚片🎇雜類🎇丸類及豆品類的選擇都唔少，叫哂我諗都已經飽到要抱住個肚🌅日式料理🌅芝麻八爪魚勁大隻，食得好過癮蒜味螺肉都係好大粒，不過略有少許沙🎇燒物🎇燒雞軟骨個人認為相當出色，燒到有少少微脆，但又不會乾，味道好好燒雞泡魚乾好少放題有得食，呢到燒到暖暖地，幾好食燒菠蘿夠甜夠多汁🌌炸物🌌榴彈炸彈榴槤香味及甜味一流芝麻雞翼都相當出色，好香口🌠甜品🌠最後係甜品，甜品種類都超過10種，款款都係自家製呢個抹茶雪糕茶味好濃，中間夾雜紅豆及脆米，大家一定要試下楊枝甘露、綠豆沙、珍珠伯爵茶奶凍個奶凍整得幾出色，不會太甜又有茶味總括而言，呢間任食嘅食物種類真係超多，我諗要食幾次先可以每樣都試哂，非常抵食！

疫情之下，少左出街所以都冇乜機會約朋友食火鍋放題。趁疫情放緩就慢慢約返朋友出嚟食返夠本。去咗呢間性價比好高嘅餐廳，晚市放題都只係$228，已經可以食勻全部火鍋食材、串燒、日本料理、飲品同甜品，而且質素仲唔錯。餐廳開咗無耐，環境都算大，坐落唔會太逼，比人有足夠空間涮火鍋。火鍋湯底我地揀左雙拼，兩個都各有特色。胡椒豬肚湯味道好夠，胡椒味好過癮，仲有豬肚本人係湯裡。麻辣湯底就辣味十足，反而麻味唔算太勁，我個人唔食得辣都覺得接受到。食物種類選擇都好多，除左牛、豬、海鮮呢啲基本火鍋食材。餐廳準備左好多唔同嘅熟食、刺身同甜品，一次過滿足你所有嘅要求。肉類雖然比較薄身但肉香不減。串燒方面，芝麻雞翼皮脆多汁，非常值得一試。刺身壽司嘅種類雖然唔多，但係幾唔錯都值得推薦。唔好以為食親放題甜品就一定係軟雪糕，其實仲有好多吾同款式，呢度無論係中式嘅腐竹糖水到西式嘅窩夫都有。正所謂小朋友先選擇，大人嘅我全部都要。榴槤同抹茶嘅甜品都不少，啱晒我呢個榴槤同抹茶控，特別係抹茶雪糕好濃郁啊！