牛之鍋

营业中

休息中

「牛之鍋」有打邊爐+壽司+小食咩都有，岩哂每人唔同既胃口🫶🏻喱度係每人一鍋乾淨衛生，又可以食唔同口味湯底好貼心😆🥢食物🥢A餐$248湯底有10款選擇，朋友揀了🍅濃香蕃茄湯，我就揀🐟花膠荳香魚湯，味道有少少胡椒香味，入面有一條大花膠✨牛肉有4-6款選擇，薄切可以叫多幾碟先夠喉😂另外還有豬肉/雞肉/羊肉。🍣壽司款式都幾多，火炙壽司都會有，當然少不了有刺身啦，特別於泰式生蝦都有，全部都新鮮！海鮮🦐大蝦/蜆/蠔🦪魷魚等….仲有蝦滑同埋墨魚滑😋炸物和小食是我其中一樣favorite❤️炸物係熱辣辣的，天婦羅炸粉亦唔厚，仲有榴槤愛好者嘅榴槤波波🤣我咬咗一啖都覺得榴槤味好勁！仲有燒菠蘿，雞軟骨，雞翼等等…..款式都好多選擇。甜品都幾多又特別😍有宇治抹茶芭菲/鍋夫/錦錦冰/楊枝甘露/泰式芒果糯米飯等等……另外特別於仲有熱食甜品，我都叫咗木瓜雪耳糖水👍🏻唔鍾意食凍嘅嘢嘅人都啱！自助區仲好多🥬🌽蔬菜類，可以中和一下邪惡感😆

心血來潮想食放題，試咗呢間同時有火鍋、日本料理同甜品嘅餐廳，真係一次過滿足哂3個願望。🤣 火鍋方面，一共有10款湯底，港式嘅皮蛋芫荽清湯到日式壽喜燒湯底都有，我就揀咗花膠荳香魚湯，湯底幾夠味，同時食得出胡椒嘅辛辣，整體魚湯味道唔算強烈，有一兩舊花膠。友人點嘅椰香沙嗲湯底幾香濃，味道唔錯。另外幾喜歡呢度可以揀要大鍋一齊share，或者一人一小鍋。 餐廳用QR code 落單，落完好快就上菜，而食材選擇由肉類、丸類至海鮮都有。牛肉偏薄身，正常發揮，抵讚係啲大白蜆好飽豐，encore咗幾次，另外試咗蝦滑，入面加咗馬蹄所以豐富咗口感。☺至於蔬菜、菌類可以係自助bar攞，種類都算多，有我打邊爐至愛嘅萵笋。 💖日本料理有刺身、炸物同燒物，每樣都有5～8款選擇。刺身同平時放題餐廳質素差唔多，試咗帶子同甜蝦，都ok。炸物唔錯，炸廣島蠔幾好食，最特別係有榴槤炸彈，但我不是榴槤愛好者。🤣🤣 必須要讚下呢度嘅甜品幾有驚喜，窩夫烤得脆卜卜，甜度啱啱好，配埋軟雪糕好爽呀！另一甜品推介係宇治抹茶芭菲杯，香濃抹茶雪糕加上朱古力脆脆同紅豆粒，係滿足既。同時飲品選擇亦唔少，啤酒都可以任飲，啱哂打邊爐呀！ 😋晚市放題兩小

揀左晚市A放題，有超過200款日本料理+火鍋配料+即製甜品，任飲任食😋刺身有三文魚、帶子、甜蝦，泰式生蝦、八爪魚、北寄貝、赤貝等等，仲有各式串燒、天婦羅、壽司例如花之戀、黑松露帶子壽司、加州反卷等等 🍣火鍋湯底有十款可以揀，揀左蟲草花松茸湯同香檸藤椒金湯，一人一鍋，湯底好香濃👍🏻火鍋配料有美國牛肉、極上牛肉、紐西蘭羊肩肉、八爪墨魚滑、蝦滑、台灣鴨血等等，不能盡錄。除左QR Code落單，仲可以去自助區揀火鍋配料🍲甜品相當有驚喜🤩特別係宇治紅豆芭菲杯，賣相靚之餘仲好好味，可媲美甜品店食嘅芭菲杯 🍧芒果綿綿冰同雪糕窩夫都係推介，另外仲食左珍珠伯爵茶奶凍、芒果布甸、泰式芒果糯米飯，食到肚仔都突左出黎🤰🏻飲品方面除左一般嘅罐裝同紙包飲品、罐裝啤酒之外，仲可以任飲生啤，係超值之選，好岩一班朋友黎飲飽食醉🍻🍻

放工非常之肚餓，太太就搵咗一間滿足到小編所有願望嘅餐廳，又可以打邊爐、又可以食刺身、又可以任飲任食！呢間就係位於銅鑼灣嘅「牛之鍋」😋晚市A放題 $238/位 非常之多種類可以揀！除咗打邊爐嘅配料、日式料理、刺身 同埋 甜品等等……真係多到你估都估唔到！食到非常之滿足呀！😋太太就最滿意甜品方面，有超過10款選擇！食到太太心花怒放！😂最適合一大班朋友黎聚腳嘅好地方☺️加上職員服務態度有善 及 工作相當有效率！👍

開番晚市就梗係要滾一滾佢朋友揀左間係鵝頸橋巴士站對面2樓牛之鍋 地點好就腳 餐廳用日本竹簾裝飾 舒服唔錯4人台非常寛倘 有5個爐位1個大爐加4個細 自私打又得 嗌多個湯一齊打又得野食好多款 牛豬羊壽司剌身冷熱盤都齊晒最正係佢仲有好多甜品揀 以下係推薦之物鴨血（熱食）麻辣底鴨血 食完仲想食榴槤炸波 一咬入面d榴槤bid晒出黎好多枱都嗌 實無死榴槤無死魚滑 蝦滑 正常發揮 打邊爐不可缺旁邊飲品bar有“友”啤酒 出名手功啤 可試下2小時任食價錢$248 （A餐）有咁多野食 抵值

接完男朋友收工決定去食餐好 呢間餐廳有火鍋任食 日式放題 好多野食😯😯 有得揀一個大鍋同一人一個細鍋 我地叫左沙嗲湯 好香濃😋枱面都有碗比大家出去攞野食~晚市套餐A ($248/p.p)食物: 食物真係好豐富 牛肉唔洗講啦 唔同款式都食得出唔同口感🤤 除左肉類仲有海鮮 不得不讚大白蜆好鮮甜又大隻 我地最後叫左十幾隻😂🤤 可惜位係冇哂我最愛嘅魚皮😫 放題方面 炸物都好出色 尼到係熱辣辣又香脆 特別係芝麻雞翼 仲有榴槤炸彈都好香😍😍 而刺身壽司都幾新鮮 數量都比足🤩 仲有台灣腸 同好小見嘅邪惡雞皮餃子😈 好滿足!記得留肚食甜品呀! 飲品同甜品選擇都好多 啤酒 茶 果汁 咖啡都齊哂😍😍 特別係甜品 真係好多款又好食 仲有榴槤款架 我地就食左一堆😂 建議抹茶雪糕芭菲 抹茶味夠哂香濃 仲要細細杯都有好多層 雪糕 粟米片 cream 紅豆 啫喱 齊哂😋😋 仲有仙草芋圓 布甸等等 有好足料嘅珍珠😍服務: staff服務都好好 好有禮貌 上菜速度都合理 數量都啱哂 會主動幫我地加湯👍🏼 如果收碟都可以密啲就好啦!

晚市終於重開，迫不及待約朋友放工後去銅鑼灣行街和食飯。我們在網上做足了功課，並提早Open Rice 買了牛之鍋82折早鳥A餐優惠券。 來到餐廳只見店內寬敞，店內日式主題的裝潢簡潔企理，座位舒適乾淨。店員殷勤有禮動作十分麻利，清理檯面上空碟極為快手，客人會覺得檯面幾時都有夠地方擺新點的火鍋食材。值得一提的是這裡通風系統做得幾好，大火打邊爐時唔會覺得煙霧瀰漫， 掃描店內的Barcode後，食客就可以在手機裡點餐。menu上所提供牛肉、羊肉，雞肉，豬肉，海鮮刺身等食材，真係琳瑯滿目，應有盡有，讓人目不暇接。店內的自助吧為食客提供各種新鮮的時令蔬菜，自助飲料機有各式各樣的飲品和啤酒，任君自取。 首先我們選擇牛之鍋的紅燒牛骨鍋和三鮮豬骨湯底，一人一鍋冇爭拗。這些湯底肉香味飄飄，色澤誘人。A餐的放題里以美國牛肉為主，切的大小和厚薄均勻，色澤新鮮，食落細膩嫩滑，牛肉味香濃，回味無窮。牛之鍋所提供的各式海鮮刺身和魚滑更是真材實料驚喜十足。盡情享受各種美食之餘，切記留肚嘗試牛之鍋的甜品，我極力推薦他們的揚枝甘露和芒果糯米飯。 銅鑼灣食肆林立，今時今日各食肆之間競爭頗為激烈。咁樣的價錢，在牛之鍋可以任食

行到去門市有通告寫停業至3月31號但係4月1號四點去到都仲係閂門，又冇得book位，打電話過去都冇人聽，門市喺隱蔽嘅位，仲要淨係可以行樓梯，做開運動嘅我都行到氣喘，唔建議大家行到過去運吉

牛之鍋出名抵食，午市一人鍋，連加一只需$61。.午市套餐有幾款，配搭好得意，係肉類+海鮮類，出面好少見。最推薦牛+青口套餐，羊+鮑片套餐無咁正，羊片太肥。麻辣湯底味道正宗，淥餸好好食。.價錢咁平，竟然仲包一罐飲品+一個甜品 ❤️ 甜品同放題客種類相同，有5款可以揀。推薦伯爵茶慕絲、抹茶雪糕，味道好好～

👉於OpenRice 買了餐券，早鳥優惠下提早晚餐！一入座店員隨即放下枱號QR Code手機點餐，方便快捷。📌即食🈶️：各式刺身、壽司、沙律、炸物⋯刺身新鮮冰鎮上枱。壽司🍣飯身軟綿，不會雪至硬實，比某些酒店自助餐做🉐️好。📌炸物出色，全部即叫即炸，雞翼肉汁豐富。榴連炸彈外脆內軟，小心熱辣辣榴連蓉在口中爆發💥📌一人一爐，十款湯底任選，乾淨衛生👏。除了豬牛羊雞、海蝦🦐、廣島蠔🦪、鮮魷魚🦑、大蜆等海鮮⋯也是任點任食👍📌甜品絕對不要錯過，其實很多款也非常🉑️口，《軟雪糕窩夫》🧇微暖脆口有質感，跟軟雪糕很搭配🤤✅早鳥17:30 - 19:30 限時2⃣️小時，$186 + $23（原價加一）實付$209。✅上菜快，款式多，用料新鮮，性價比高🤩

喺銅鑼灣突然想食放題。research完發現呢間放題價錢好親民。的確上到去都好多人食。放題有3個set豐儉由人。最後揀左日式料理+火鍋+甜品set。飲品區有汽水啤酒茶類選擇。仲有部咖啡機。應該要有嘅都有齊。啤酒仲要唔止得一款。😝一開始先叫日式料理。有刺身/壽司/串燒/炸物/日式小食好多選擇。刺身俾得足唔會切到細細件。最欣賞帶子夠甜夠厚肉。👍 另外炸物值得一讚即叫即炸。有少見嘅蝦多士。仲有芝麻雞翼炸得香脆肉滑。燒物當然一定要食燒菠蘿。😋火鍋有好多款湯底可以揀。仲要鴛鴦鍋唔使加錢。肉切得偏薄。牛肉肉味夠。有唔係好多任食火鍋有嘅牛舌。豚肉夠香唔會硬。仲有好多火鍋配料可以點同埋有蔬菜吧。真係食到捧住個肚。🤪仲有最最最重要嘅甜品。泰式/港式/西式好多款。超推介軟雪糕窩夫。雪糕好重牛奶味。配埋溫暖嘅鬆軟窩夫。絕對有驚喜。🤩呢個價錢可以食2個鐘。仲有咁多野食選擇。性價比真係幾高。👍

📍 牛之鍋 冬天小編最鍾意打邊爐🤫 所以早幾日小編就同朋友去咗銅鑼灣呢間日式放題😛呢個放題嘅甜品有超多選擇🤤 大家記得留肚食甜品啊！-晚市套餐A包括有自助蔬菜盤、飲品、串燒、刺身、火鍋、壽司、炸物同埋甜品選擇😍首先火鍋湯底已經有好多款可以選擇😬我同我朋友就揀咗一人一鍋～分別係花膠荳香魚湯同埋香檸藤椒金湯 因為我朋友係食肉獸 所以一黎就叫左好多碟肉😝另外佢哋嘅刺身船打卡一流🙆🏻‍♀️ 而每款刺身都有兩舊～ 啱晒我同我朋友一人一塊share另外壽司嘅款式都有幾多 而且每一舊都係細細舊 唔會驚叫幾舊就飽哂🤣另外炸物都有幾款可以揀 小編最愛都係炸蠔🤫食落好脆又唔太油串燒都有多春魚、雞粒、軟骨、羊肉等到咗最後！小編極力推介大家食抹茶芭菲🤩打卡好靚之外 口感都好豐富😍 食落抹茶味都香窩夫都好味！但係就焗得有啲燶😢 大家有興趣可以去試下～✏︎✏︎✏︎✏︎✏︎✏︎✏︎✏︎✏︎✏︎✏︎✏︎✏︎✏︎✏︎✏︎綜合食評📝外觀：★ ★ ★ ★ ☆回頭率：★ ★ ★ ★ ☆抵食指數：★ ★ ★ ★ ☆✏︎✏︎✏︎✏︎✏︎✏︎✏︎✏︎✏︎✏︎✏︎✏︎✏︎✏︎✏︎✏︎想睇相關食物？！？😋可以參考🙊⇊ ⇊ #loeyfoodies火鍋 想睇相關地區？！？🤤可以參考🙊⇊ ⇊#loeyf

.‼️❤️ 記得CLICK我PROFILE關注我呀 ❤️‼️.🥘 𝘼𝙡𝙡-𝙔𝙤𝙪-𝘾𝙖𝙣-𝙀𝙖𝙩 𝙃𝙤𝙩𝙥𝙤𝙩 𝙎𝙚𝙩 @ 🌟 牛の鍋《👽食神大媽打邊爐》.👽 大媽作為邊爐怪，冬天就當然係不停出動打邊爐啦！今次就黎到呢間位置超方便嘅日式任食火鍋店試下。.👀 餐廳有幾款任食套餐選擇，今次就選擇左A餐。只需要 HKD 238，唔好以為淨係比妳食雞食豬，佢照樣俾你食牛，仲要係其他餐點甜品都無少過架 😬.🐂 而家做緊推廣，惠顧套餐即送優質牛牛一碟。不論係咪送嘅，全部牛牛都完全鮮嫩無筋，亦都唔會係黑色好核突嗰種。除左牛牛仲有豬同雞，款款都好嫩滑。重點係，D肉類完全無雪藏臭味！.🍡 肉類以外配料都好多選擇架，有多款丸類，仲有好多自助自選配料、蔬菜等等。.🍗 更驚喜嘅係，呢間火鍋店，竟然有好多日式放題餐廳嘅食物供應！多款炸物、全消、甚至乎壽司、刺身！天呀，呢個價錢，食到咁多種類嘅食物，簡直難以置信！🤤.🍰 甜品就更加係隱藏大佬，估唔到有咁多款選擇，連窩夫同芭菲，甚至芒果糯米飯都有！個雪糕非常濃郁㗎，一定要試！🍦 飲品成個雪櫃任你攞，款款都幾好味。.🌟 咁呢幾日天氣轉冷，非常適合打邊爐。呢間咁抵食，大家一定

🌸銅鑼灣火鍋🌸牛之鍋🍲適逢天氣轉冷，臨近聖誕佳節，想一次過滿足火鍋、日本料理和甜品放題❓今天一於相約好友到一間位於銅鑼灣集日式料理、火鍋及甜品放題於一身的餐廳-「牛之鍋」吃餐飽❗餐廳鋪面非常寬敞❗裝修簡約，有日式壁畫點綴❗火鍋店的座位舒適寬闊❗店員殷勤有禮，會不時替客人執拾碗碟，餐廳客人主要透過二維碼自助點取配料，方便快捷❗火鍋店還設有飲品、醬料及蔬菜自助吧❗🍽我們惠顧了以下火鍋火題套餐：👉🏻A餐 $248@包括：火鍋肉類、海鮮、配料、甜品、刺身、壽司、炸物、燒物、沙律及料理而放題套餐包括：🍲 湯底👉🏻香檸藤椒金湯香檸藤椒酸中帶椒香，湯底呈金黃色，味道略帶藤椒辣味及酸味，十分開胃。👉🏻花膠荳香魚湯是一款滋潤的花腸荳香魚湯，充滿新鮮魚湯味，味道香濃。🥗前菜及小食有味符螺肉、麻辣鴨血、蟹柳沙津等小食及沙律供應作前菜。🍲火鍋肉類有多款嚴選牛肉、肥牛、肥美豬肉及嫩滑雞肉，牛肉肉質粉嫩新鮮，淥煮後口感不會韌！ 豬肉片肥美鮮嫩，雞肉肉質嫩滑！🐟海鮮有多款新鮮時令海鮮如鮑片、蜆肉及魷魚等。🥩手工丸類、餃子有多款彈牙爽口手工肉丸、新鮮彈牙蝦滑、墨魚滑及皮薄餡靚的手工雲吞餃子。🍣刺身放題有多款刺身任點任

最初朋友講都唔信，食完就真係要講正正正！估唔到銅鑼灣鬧市中有間咁抵食火鍋放題😍😍應有盡有，簡直係日式放題加任食火鍋，絶對驚喜滿足，長話短說入正題 🤩首先餐廳地方寬敞，有卡位，出面自助區有火鍋配料、醬料同飲品。A餐已經有齊各種選擇，刺身、串燒、炸物、火鍋配料，仲有生啤同即製甜品😮😮仲送升級刺身拼盤同澳洲手切牛各一碟。一開始已急不及待要食剌身，決定先冷盤，再熱食，後火鍋😋😋😋 再壓軸甜品😍推介：鮮甜帶子同赤貝👍🏻👍🏻👍🏻推介：鰻魚天婦羅，黃金蝦多士👍🏻👍🏻👍🏻推介：串燒雞軟骨，多春魚👍🏻👍🏻👍🏻推介：麻辣鴨血終於嚟到火鍋階段，鴛鴦湯底有蟲草花松茸湯x 重慶麻辣湯。出面配料主打蔬菜，丸類，豆品。推介：炸魚皮，牛筋丸，八瓜墨魚滑，美國牛肉必食即製甜品👍🏻👍🏻👍🏻👍🏻👍🏻榴槤甘露好足料😍好濃嘅宇治抹茶芭菲🤩🤩誠意之作！有甜品舖咁有質素，太飽食唔落😿 仲想試榴槤班班戟！連生啤都有🍺🍺總括而言，一定會再嚟😆😆