牛の鍋日本料理

营业中

休息中

記得對上一次食牛之鍋係一月嘅時候。比起某間日式火鍋連鎖店黎講，只係比多少少錢，就有埋刺身同海鮮食！今次再去牛之鍋見到佢轉左型做火鍋放題，多左好多野食！就連甜品都有，而且部分係即刻製造，保證新鮮！美國極品牛肉我encore左三次！脂肪分佈係肉之間，唔肥但又唔會鞋！而刺身又係每次必食！最愛甜蝦、三文魚同帶子！新鮮之餘亦都大大舊！唔似日式放題咁，份量小之餘又唔俾足你小失望係清酒煮蜆，諗住應該唔會伏，點知D蜆好多沙！無下次而榴連炸彈都係一般般！因為榴連味唔濃，外皮亦好厚其實齋食牛肉同刺身都可以回本，仲可以點下壽司同燒物、天婦羅等等小食！二百蚊左右食咁多野，真係無得輸！好抵食

`` 牛之鍋~火鍋海鮮刺身甜品任你食！一坐底就見到枱有依張纸，上面寫曬有咩食，幾清晰，唔錯一枱朋友對食咩湯底有異議，鴛鴦鍋必定係明智之選，只需加$18，咁就解決左問題刺身幾新鮮，所以甜蝦既頭我都敢吮，蝦膏甘甘甜甜，帶子一味兩食都得，除左生食重放落鍋烚一烚黎食，口感爽彈！西洋菜拼生菜，菜洗得幾乾淨！羊肉色澤鮮紅，脂肪分佈均匀任點火鍋料之海蝦，上枱雖然無彈彈跳，但都算新鮮！食飽到食甜品時候，白雪雪既雪糕有點兒單調，行出去自助區加配料粉飾下佢先最欣賞佢依到有好多雪糕配料選擇，連紅豆蓉都有，撈埋一齊好好食呀！依到既卡位座幾寬敞坐得幾舒服，環境唔錯，成間店用金色做主調幾有氣派！

荃灣區真係巨多火鍋、雞煲店，各有賣點，不過大部分位置集中，週四晚同男朋友試左呢間牛の鍋，睇過食評冇乜期望，但質素唔錯喎牛の鍋就喺悅來坊熊貓酒店餐廳嗰層，自成一角，位置便利。有別於一般火鍋放題，並冇以肉類嘅級數劃分價錢，反而簡單啲，一個價錢包括：日本料理、火鍋、甜品，任飲任食2hr，只係唔同時段入座價錢有別。例如週一至週四，7:30pm前/9:30pm後埋單係 $168/位；平日其他時段則收$208/位。火鍋店位置闊落，座位間唔會好逼狹，自助區喺餐廳中間位置，方便客人取菜。我地係週四晚8pm入座，揀左包括日本料理嘅放題餐，收費係$208/2hr/位。店員會先問客人揀邊款火鍋湯底，而火鍋配料例如牛肉、豚肉、蝦、蠔等，連同其他日本料理例如刺身、壽司、天婦羅等，就同日式放題一樣，係畫紙仔。另外丸類、蔬菜等火鍋配料一律喺自助區自取。湯底可選：九州豬骨湯/ 黑松露龍蝦湯/ 鮮蕃茄濃湯/ 北海道牛乳湯/ 麻辣冬蔭公湯/ 干貝昆布清湯我地就揀左平時少食到嘅麻辣冬蔭公湯，聽個名會以為好辣，食落都唔會嘅，湯底其實只有香草、辣椒、少量花椒、蒜等，辣度比較溫和，亦都唔會好麻，會有少少酸辣。當然同泰國嘅冬蔭公湯

在悅來酒店參加完一個會議 老公來接我。為了慰勞我用了全日的腦袋 要食返餐好既先得～ 經過悅來坊二樓的牛の鍋 餐牌好吸引喎 又有火鍋又有放題仲有即製甜品 都是二百幾蚊 一於入去測試下性價比有幾高。湯底揀了黑松露龍蝦湯&蕃茄濃湯（+$18就可以雙拼）特別喜歡蕃茄濃湯 好香蕃茄味 酸甜度又剛剛好 配菜或者肉都perfect! 黑松露係老公杯茶 都不錯的 不過我個人喜好蕃茄多點。刺身超推甜蝦 帶子！甜蝦幾新鮮 帶點甜味 口感粘粘的 正～ 帶子都彈牙架 唔食刺身既朋友都可以叫黎淥3秒 一樣咁好味～火鍋配料好豐富 肉類有豚肉 羊肉 牛肉兩款。海鮮有廣島蠔 海蝦 鱸魚片等等。雖然海鮮都是冰鮮 但質素不錯架 冇腥味 海蝦大隻得來都幾彈牙 所以encore左好幾次。牛肉粉絲 我主力食牛肉和極上牛肉 肉質Ok 牛味都唔遜色！豚肉都不錯 肉味頗濃～ 出面任夾既火鍋配料多不勝數。除了常見丸類 仲有魚肉豆腐 脆皮芝士丸 年糕丸等等。蔬菜類都幾新鮮 種類又是數唔曬 淨係菜都五六種。粉麵唔少得烏冬 仲有芋絲薯粉粉絲等 烏冬係手打架～ 烏冬配蕃茄湯 絕對冇得輸。我覺得最出色 真是甜品～放題呀火鍋呀 點會有即製甜品

平時好喜歡食日式火鍋既我，今次興起又去左shabu shabu！之前去過既日式火鍋店就係得日式火鍋，但依間係有埋放題添，真係滿足晒你所有願望。食物同肉類質素都不錯，而甜品更係一大亮點，太令我驚喜了！仲要訂價只是$208/位！中間既自助吧仲有蔬菜類，調味料區等等而肉類同其他食物就用order紙去點。有成八種食品，燒物炸物刺身壽司等等，應有盡有。雖然係有其他吾同種類既野食，但佢地主打既日式火鍋係比較吸引我。正正因為佢地主打係火鍋，另外既食物我都只係蜻蜓點水一試而已。其中榴槤炸彈及芝士年糕都不錯。前者外層較硬但富酥香，內餡係濃郁既榴槤蓉，一啲都吾假。仲有薯絲蝦～入戲肉係佢既火鍋，湯底我地加左18蚊享用鴛鴦鍋，揀左牛乳湯及麻辣冬蔭公湯。一清一濃，恰好！肉有美國牛，極上美國牛，羊肉，豚肉，仲有海鮮類極上美國牛少啲脂肪，較腍嫩！薄薄一片，吾覺吾覺又食左好多片。而美國牛肉附邊有肥肉，但肉感實在啲！羊肉同豚肉都不俗仲出去拎左啲蔬菜～食到差不多我地就點了幾款甜品，真心嚇一跳。因為質素高過我碰過既所有放題店，更可以媲美到坊間既甜品店，一問之下先知原來佢地請左酒店級既師傅～榴槤甘露有一小球榴槤肉，係好濃郁熟

牛之鍋荃灣荃華街3 號 悅來坊2 樓202 號喺荃灣區一間放題食店星期一至四 只需228 蚊就可以任飲任食2 小時包括有唔同既打邊爐料 肥牛 特級牛肉 豚肉 羊肩肉 各種可以喺出面拎既丸 菜 菇 蛋 麵 等等日本放題 刺身 赤貝。帶子 三文魚 希靈魚 北寄貝 魷魚 八爪魚等等 全部新鮮大件仲有自製既各式甜品 好似生果奶凍 宇治抹茶新地同芭菲 軟雪糕 等等飲品 有汽水 綠茶 啤酒 各式紙包飲品 應有盡有如果加28 蚊仲可以asahi生啤任飲 生啤設有自動斟酒機 會幫你斟到酒而不倒瀉酒 同泡 好正 以呢個價錢 可以任食到優素唔錯既牛肉邊爐 各式日本放題既刺身 串燒 一品料理重點甜品店級數既日本甜品 好似抹茶芭菲 窩夫雪糕等真係平靚正 !

今晚放工同事帶我食好西荃灣出左名食市林立，但悅來坊呢邊真係未黎過。原來呢度新開左間日式Shabu-Shabu. 住荃灣既同事仔急不及待帶我試試。店內環境相當寬敞，自助火鍋料區有三張長枱既食物供選擇。分別有丸類，蔬菜類，粉麵，及其他配料等。除左自助區，仲有其他熟食，火鍋豬/牛/雞/魚/羊，刺身等，都可以係火鍋紙上點選。款式多得很心大心細下，問左服務員，加$18可以黎過鴛鴦湯底合哂我心意～我地揀左超濃蕃茄同埋黑松露湯底。個蕃茄湯底真係好香濃，單睇顏色同聞到陣鮮茄味已經流哂口水飲落更加係重蕃茄味，鮮甜無比。黑松露湯底就不過不失吧，如果可以再濃味點會更好。場內有綠茶 烏龍茶 汽水 啤酒等自助任飲。不過如果你喜歡飲Asahi就岩哂！加$28就可以任飲Asahi Draft!!!真係抵到喊金菇牛肉卷。日式燒汁勁好味牡丹蝦刺身蝦肉新鮮鮮甜，蝦肉彈牙。我一個人食左兩round!!停唔到口新鮮肥牛。顏色靚，而且脂肪分佈均勻，重牛味牛魔王既朋友必試喔！**** 甜品時間 ****呢度既甜品超多款式。係我食過咁多放題 最有誠意 最多甜品既一間！佢既甜品部分係即叫即整，非常吸引軟雪糕窩夫。窩夫質地外脆內軟，而

呢排成日黎呢個場開餐, 貪佢泊車方面又唔多人😆今日原先想食另一食店的😝點知經過呢間火鍋店經理有禮地介紹. 又見到其他台食緊既牛牛都幾靚仔就試下喇☺️可以選唔食刺身就有八五折, 今日唔太肚餓選左要八五折😆食物區都好乾淨企理. 選左極上牛肩脊肉牛, 牛牛都幾靚仔唔錯. 第二碟牛牛. 豚肉好肥但食落又唔會太油膩. 唔錯.另外有海鮮蝦蠔青口選擇, 蝦幾新鮮, 但蠔係完全無解凍架😳另外有好多配料選擇, 有我喜愛既芝士丸同年糕丸, 多款疏菜都乾淨新鮮👍🏻👍🏻野飲都有好多選擇🍻唔少得飯後甜品乳酪雪糕🍨而且仲有多款配料添. 服務方便幾好, 員工有禮, 坐得舒服. 下次可以試下和牛😋

星期五休息閒逛，午飯突然想食火鍋，想起呢間火鍋店一直想試。於是走左入去試下。同老公叫左個set B。美國極上牛肉真的唔錯，雖然只是俾貴一級錢，但牛肉質素就有其他同類火鍋連鎖店貴兩級的質素。而最抵讚就是清酒雞，真係醃得好入未，食到有酒味，絕對不是白拾雞。雖然一開始送來的雞只有兩件，但是任食的，可以繼續叫。而這家店的好處是，當recall時可以recall 大碟或細碟，那就不怕一次來太多食唔晒做成浪費。唯可惜是龍蝦湯底不是太有龍蝦味。但整體食物確實不錯。

食過牛之鍋好多次，貪佢次次都唔洗等位，加上牛肉優質，好過食其他以食牛肉為主嘅日式火鍋店。今次叫左B set 配蕃茄湯，仲有刺身食。肉類都唔錯，其實叫貴少少啲牛更加好，不過同行朋友唔係特別好牛，就平平地叫呢個。配料自助，選擇都幾多！湯底同牛肉上得好快，90分鐘就算慢慢食都得～最抵讚係有供應乳酪雪糕，次次都要留肚食一杯

食左一次已經唔想再去食第二次！😕一入到去坐底就已經開始計時，睇下餐牌，落下order，再等湯底，等食物，都起碼冇左20分鐘！之後再落order的話，食物每次都只會黎得2件！呢頭叫完，食物黎到又再叫過，真係好浪費時間同人手！食左一陣，就有個職員超準時咁走黎話夠鐘啦！心諗：唔係掛，咁快~我雪糕都未食咼😑。🌟價錢又唔係平過人！根本都冇時間去感受這頓晚餐有幾好食，已經要比人趕住咁離開🌟

雖然天氣好熱，但熱愛火鍋的我仍然會選擇火鍋，我冬天常來的，今次再來竟然中伏，令客人食得不愉快，還會有下次嗎? 這是做生意之道嗎?牛肉質數跟市道一樣每況越下，難道是將貨就價?豬肉質數保持一貫水準海鮮種類加多了，魚片及假鮑片略有異味蔬菜類明顯退步了，又黃又碎濕濕，相信於其他食肆，絕不會用來奉客烏冬是預先已煮過，放得過久生硬骨了丸類竟然全都軟軟淋淋的

星期五即晚預約八時入座，準時入座後發現入座率不太多，約有七成滿。兩人叫了188任飲任食， 90分鐘，包括牛肉豚肉海鮮雞，任飲jolly sandy，還有乳酪雪糕。牛肉擺盤很好，肉質不錯，雖然牛味不太重，但個人應為質素比牛陣等日式火鍋店的牛肉高；豚肉很有驚喜，豬味不太濃，眼見很多客人不斷追加。自助吧的蔬菜款式很多，也很新鮮；丸子吃起來質素較低，類似是佳寶的質素另外，店內提供少數日式火鍋店的配料，響鈴山根薯粉午餐肉等，種類繁多。任食海鮮共有五款，包括海蝦青口鮑片鱸魚廣島蠔。除了蝦蠔外，其他也不太新鮮。甜品是乳酪雪糕，topping共有十多款，叫人驚喜值得一讚是，侍應有求必應，主動有禮。

這天打算去Aeon買東西，所以來到悅來坊已經有一段時間沒來，眼見餐廳也有點變動看著餐廳列表看看有甚麼好吃，見到這間，作為一個火鍋控的我立即很心動我們來到餐廳前，內裡只得小貓兩三隻，老婆馬上說會否中伏作為火鍋控的我，覺得伏也要試一次這間餐廳是任食的，有不同價錢的套餐給選擇坐下後我們點了$188的餐，包上級牛肉、豬肉、清酒雞、蠔、蝦等等，當然也有出面的自助bar湯底上我們選了龍蝦湯不用一回就上了湯及食物，有兩碟牛，一碟豬及一碟是雞、蠔及蝦眼見牛及豬都很大碟，不像平時那些只是少少一碟先試過牛肉，牛肉雖然眼看沒肥膏感覺不會很滑，但吃過後馬上發現不韌，軟得來也有肉的纖維咬口，最重要是有牛肉味！牛肉對我倆來説真的很surprise，估不到有這樣的品質，因大多任食的都是超肥的肥牛，吃到成肚油接著是豬肉，看下去很多肥感覺會很“漏”，但吃下去是爽口的，也是很不錯接著雞就比較普通，但也有清酒味蠔是冰蠔，但味道也不錯蝦也給了我們驚喜，因為估計是冰蝦，但吃下不霉還很彈牙我們當然也在出面的自助bar拿了不少東西有午餐肉、各種的丸、響鈴、烏冬及菜菜也有很多種選擇，連平時少有的西洋菜也有，真的很滿足如果有機會，也會

湯底多名堂，豬骨湯、和牛清湯（和牛但又清？）、味噌地獄湯、波士頓龍蝦湯等，實質味道不濃，龍蝦湯都沒特別味道，還是靠荵、蒜、豉油。 牛肉質素不錯，雪花得來不太肥，每碟牛肉的質素平穩，不像牛涮鍋牛陣那麼參差（每每第一碟很好而越來越差）。涮一涮可入口，化而具牛香，好吃。年糕餅、芝士丸均多餡料，年糕餅煙韌而不膩，很好。另有獅子狗、腸、丸等丸類。 海鮮算多，還可添吃，蝦隻鮮活大隻，煮一煮不要太久，仍新鮮肉彈，質素不錯。蠔也算太隻，但熟的我不太喜。 自助飲料吧的冬瓜茶是原枝膠樽裝倒進去，但太甜，欠健康，寧可喝果汁先生蘋果汁。加$28可任喝asahi 跟somersby 。員工埋單慢，卻老是不耐煩的看著客人為何遲遲不結帳離場；員工繼而不斷說夠鐘要交枱了，有客人等緊之類。 $210左右per head不算特別便宜，本人較偏愛牛涮鍋，但這店比牛陣優質。