牛の鍋日本料理

营业中

休息中

呢間之前好耐之前都試過了，最近發現佢哋平咗仲多埋好多款甜品添啊，今日終於約咗爲食友一齊去試出面自助位置仲有好多菜同丸攞番埋位打邊爐，其本上都好新鮮先叫了食咩餐價錢，見168蚊個餐都唔錯，湯底都幾多款選擇，而牛肉有美國肥牛都好肉嫩唔會好多肥膏，最正係個極上牛肉，好夠牛味又夠咬口而羊肉就有點so勁，豚肉都不錯最後見隔離枱啲甜品真係幾吸，叫咗個雪糕窩夫，外皮好脆口，入面都仲香軟，個綿綿冰好濃芒果味又夠冰冰，好啱夏天食

朋友話請食飯，去左一間佢經常同屋企人去既放題食，佢話佢去過十次以上，因為覺得抵同好食。而且佢啲甜品好多款，整到好似甜品店咁靚。可能因為偏遠少少，我地星期五晚去都好多位。可以出去夾丸，菜同整醬汁，好多款簡。我覺得辣蘿蔔蓉同柚子醋好正。牛肉簡左極上牛（雪花肥牛），好過另一隻普通肥牛（好多肥膏）。跟住咩都有試既，佢啲刺身好新鮮好甜，加多幾十蚊就可以食。甜品佢個抹茶芭樂好靚。榴槤班cake要食。佢串燒牛舌係汁煮嫁，好淋好好食。值得再黎。

星期日晚一家人食飯，成日食中菜都食到厭，今次突破一下試吓一家人食放題，見到呢度嘅食評唔錯，周末家庭聚會就選址呢一度。火鍋有好多種唔同嘅湯底選擇，我哋要咗龍蝦湯底，龍蝦湯底味道好鮮，好有龍蝦味，味道就好似酥皮龍蝦湯個種味道咁。本來入邊冇咩材料，我哋就響出邊加左好多材料落去，加埋啲豬肉落去烚，成煲就變得好甜。呢度就係出邊選火鍋材料嘅地方！真係有好多唔同嘅嘢食揀！豚肉同埋特上肥牛。味道還可以。不算太肥，入口都滑。另外呢度嘅刺身都唔錯，頗新鮮肥美。鮑魚、三文魚、甜蝦、八爪魚、螺肉都唔錯。除咗火鍋同刺身之外，仲有好多好多唔同嘅熟食。黑松露粟米都幾特別，蟹子沙律食落幾新鮮，青瓜絲好爽脆多汁。呢度嘅炸物亦都唔少，炸雞翼好好食，外脆內軟，鹹鹹香香。另外齋墨魚餅亦都好彈牙。最特別係有炸榴槤！壽司嘅飯唔會太大，有𡁻口！我哋食咗蟹柳同埋鰻魚都唔錯。另外甜品我哋要咗抹茶芭菲同埋榴槤甘露。雪糕又香又滑，不過略嫌茶味超級濃有少少苦澀。但喜愛飲茶嘅朋友就覺得非常之好！楊枝甘露係朋友食嘅， 佢話質素都算OK！細細個份量唔會太多，又唔會過甜，食完咁多火鍋放題後，嘆個甜品都十分唔錯！

正當我哋諗緊食日本野好定打邊爐好，朋友就帶我地去左呢一間放題火鍋甜品餐廳度晚飯。冇諗過原來一間餐廳有咁多款食物， 仲要係任飲任食。呢度雖然係任飲任食， 但原來都係大約＄200一位。一點都不貴。飲品係自助嘅，除咗有汽水之外，啤酒都係任飲。選擇不少！火鍋嘅材料都係自助嘅！蔬菜，肉類，丸類菇類，各式其色，應有盡有！肉類我哋主要係食極上肥牛，普通肥牛同埋豚肉， 以放題來說，肉類質素不錯，有肉味，又不會太韌。除咗火鍋之外，手卷同壽司都唔錯，雖然選擇唔算好多，但刺身尚算新鮮，軟殼蟹手卷外脆內軟。另外小食都幾好，清酒煮蜆幾鮮味！蜆肉頗大，帶子裙邊沙律幾特別，蟹子沙律食落感覺好開胃。其實食完火鍋同埋小食已經好飽，不過呢度嘅甜品選擇亦都好多！我哋要咗綠茶雪糕新地同埋榴槤班cake，綠茶雪糕好滑而且綠茶味好濃，唔會太甜，好好食！好少有茶味咁濃郁嘅雪糕！榴槤班cake亦都不錯，香香滑滑！呢度食物嘅選擇好多，而且質素亦都算不錯，如果諗唔到食咩黎呢度就最好！

上網睇到呢間任飲任食嘅放題推介，我連甜品都係任食架。不過甜品就唔係求求期期比個雪米池你果種，而係真係一個一個你平時係甜品店食嘅嗰種甜品。聽落都覺得吸引，即刻約咗朋友去食。你到連啲名都用牛做主打，牛肉嘅質素絕對唔差得去邊，整體都滿意。牛肉輕手一煮就食得，肉質都幾滑滑，又唔會剩係得啲肥高，點埋豉油一齊食，好味！價錢仲有包多款肉類，好抵！不過我就專攻牛肉！芒果綿綿冰，有埋我最愛嘅爆珠呢！仲有芒果粒，1d都唔馬虎。味道就同平時街到食嘅一樣，冰好綿呀，芒果味都重，爆珠好卜卜脆！芒果pancake入面包住大大粒芒果，嘩！加埋大舊cream，好滑呀，食完又係開心！呢個窩夫無得輸，脆到一個點，感覺勁專業呀！仲有舊雪糕點黎食，冷熱交融，好正，推介呢個比大家！甜品絕對無得輸，好開心，食完飯連去食點品嘅錢都慳反，喺呢到搞掂呀！仲要味道好好，yeah！黎食記得留肚食甜品呀！一定要！

今晚約左幾個朋友去食牛肉火鍋😋😋對上一次食 已經係幾個月前 好懷念任食唔嬲既放題大餐 朋友話牛之鍋係一間唔錯既餐廳 食物款式又多 質素都唔錯 咁我地就決定今晚去試下～餐廳好闊絡 非常開揚 亦都好通風～ 唔洗驚焗住一身火鍋味 睇落可以容納好多食客 而且餐廳內既軟座椅幾舒服 大家可以慢慢享用放題晚餐 😍食物既款式的確係好多😋 淨係呢啲紙 都已經有7、8 張 仲未計出面既buffet bar 枱 我地分頭行事 有啲人負責睇呢啲餐紙 有啲人出去拎野飲 同埋拎野食 😎好快店員就為我地端上火鍋豬骨湯底 我地都迫不及待想放啲鍋物落去 首先黎左兩個烏冬 可以充飢飽肚 😋 另外仲自己出去自助bar枱拎左各種丸類、香腸同埋餃子 😍重頭戲牛肉出現喇 呢碟係美國肥牛 切得好薄 所以非常易熟 我地放左佢落鍋五分鐘 就已經食得 😋 牛肉既味道好鮮美 食到我地lam lam 脷 👅再黎一碟精選豚肉 同樣好薄身 睇落幾新鮮 質素好唔錯～😍 豚肉冇肥牛咁重油香味 反而食落比較清新 怕肥膩既人 豚肉係一個唔錯既選擇 🐖再黎點少得刺身！只要加多少少錢 大約$40 就可以食到日本料理 有多款刺身同壽司任君選擇 我地揀左三文魚

又去到荃灣探朋友，心大心細都唔知食咩好！原來荃灣悅來酒店附近有好幾間唔同嘅餐廳！其中呢一間有齊放題、打邊爐同甜品任飲任食！選擇超級多！我哋又試吓！入到去都好寬闊，唔係好似平時放題咁迫。開始點嘢食，我哋要咗一個冬陰公湯底！十分之香辣！我哋仲加左好多粟米同蕃茄落去增加鮮味！放題嘅熟悉係用只仔去點嘅，而打邊爐嘅就係出邊自己選擇！無論蔬菜、丸類嘅供應都十分多！選擇應有盡有！打邊爐梗係要叫極上肥牛同埋豚肉啦！肉味OK，兩種都唔會太韌！熟食嘅選擇亦都超級多！其中黑松露粟米好香又多汁！蟹子沙律都好新鮮！帶子裙邊沙律我第一次食，原來將帶子裙邊加上芝麻醬都好開胃，味道好夾。除咗沙律炸物之外， 呢度仲有串燒！食咗好多肉，所以選擇食日本番薯同埋燒菠蘿，菠蘿好多汁又香甜！炸物要左雞翼、炸榴槤同埋墨魚餅！雞翼正常無咩特別，但炸榴槤好香又滑，外層又脆！食完咁多美食，原來呢度嘅甜品都有超級多選擇！響點菜單上要咗一個雪糕， 就可以到外邊嘅自助toppings再整色整水！小朋友超級開心！我就試咗呢度嘅榴槤甘露，有啲大西米喺度增加咬口， 旁邊嘅榴槤奶好香好滑，中間嘅榴槤肉亦都好香好甜！味道好夾！其實呢度食物嘅選擇真係超級

星期日同屋企人一家七口有老有嫩去荃灣行街， 行到攰屋企人又話要食日本嘢有啲又話要食火鍋， 點知畀我喺熊貓酒店到搵到呢一間隱世日式火鍋放題，呢個地方都唔錯座嘅地方都好舒服而且又容易搵位泊車。飲品選擇都有好多種加$28仲有日本生啤火鍋配料同出面中式火鍋店嘅差唔多而且仲好新鮮啲刺身仲好新鮮壽司啲size就細咗啲不過唔夠食可以再叫豚肉同牛肉尤其係美國極上牛肉全部都好新鮮而且仲唔係凍肉舖好肥嗰啲燒物重有牛舌，番薯仔，蝦，雞腎，雞軟骨同菠蘿， 選擇都幾多。芝麻雞翼同榴槤炸彈幾好味食完之後，記住留番個肚，因為啲甜品都非常之得， 宇治抹茶芭菲，榴槤班戟同芒果綿綿冰值得推介， 楊枝甘露，軟雪糕窩夫都可媲美出面啲糖水鋪。以我個人嚟講我覺得咁嘅價錢可以推介畀大家

無意中找到牛の鍋地點很便利，正正就在熊貓酒店樓下悅來坊之前台灣朋友來，剛好就在這酒店，發現了牛之鍋這天平日，等朋友下班要約8點，人也不算很多湯底我給朋友選，因為朋友有病，不適合海鮮她選了鮮蕃茄濃湯208，其實配料多到一個點不能吃太多的人，可以減少不要魚生這些配料都是在外面可以自取很方便記得可以到FB讚好一下呀！另外可以考慮跟朋友來慶生呀雖然2-5人都不是免費，但Discount也不錯呀本來他們收費已經很相宜~本來朋友是衝著甜品來的款式看起來不錯出去走一圈配料雖然不是很特別的款但很齊全連雪糕的配料也很多可惜我現在才發現我當時太飽，並沒有吃雪糕飲料除了有熱茶外就只有這個雪櫃總算有我喜歡的蕃茄湯一來已經聞到濃濃的蕃茄味！熟蕃茄是很有營養因為蕃茄要熟了很才會產生茄紅素會抗氧化魚生來了，應該還記得朋友不能吃海鮮蝦的確她是沒吃，不過還是忍不了吃了點赤貝超級鮮爽滑！帶子跟蝦也是我最愛，肥美~戲肉來了，牛跟豬，我朋友不吃牛，我一個人清了，不錯至少豚肉，不要看好像肥肉好像很多，但吃下去我覺得挺爽口我...挺喜歡壽司是小小一件，不過我還是比較喜歡魚生ORDER第一轉，我朋友吃了所以我自己再ORDER一轉我

讚好面書就有和牛送，梗係未食先LIKE啦。可惜得兩個人，只係送澳洲和牛肉一碟，有四個人就好，可以有多碟日本黑毛和牛肉。不過個澳洲和牛肉都幾大碟，有六大片，而且仲要厚切，份量足。雪花脂肪同牛肉肥瘦相間，大理石紋分佈平均。先灼幾秒，唔駛灼太耐架，口感非常嫩滑，肉汁豐富。一定要講先嘅就係呢度嘅甜品，有17款好有特色嘅甜品選擇。食完主食雖然好飽，但女士仲有另外一個甜品胃，馬上可以開動。第一次食放題有D24榴槤班戟，真係一見到就變心心眼，未點之前以為係普通料，點知一切開就好濃郁嘅榴槤香味，入面係爆多榴槤蓉，落重料。榴槤蓉又香又甜又滑，雖然班戟好飽肚，但都要即刻叫多件，回味無窮。質素絕對比得上知名甜品店嘅榴槤班戟，最重要係任食仲有榴槤甘露，西米加大珍珠加榴槤奶漿加榴槤蓉，細細碗，唔太甜!講返主題，呢度二百零蚊就有齊刺身、日本料理、火鍋同特色甜品，食完可謂大滿足，唔駛再搵甜品舖食宵夜。如果唔食日本料理，平日只係$168，加埋一都唔駛二百蚊，好抵。選擇都幾多:出面仲有三張大長枱可以拎火鍋配料同醬料，真係好震撼吓。火鍋配料必食嘅日本廣島蠔，隻隻都好大隻，鮮甜美味。難得係無論叫幾多件，都會俾足數，絕不手軟

幾個月前跟朋友來過,之前還是主打吃火鍋的, 今天再來已經搖身一變成為日式Shabu Shabu放題!雖然價錢比之前貴了$20-$30左右, 但食物選擇多了好多!! 除了之前有的火鍋配料任食, 更有刺身、壽司、沙律/一品料理、燒物、天婦羅等選擇!更Amazing的是有十多款甜品可選擇! 而且甜品不只是普通去吃火鍋或放題的杯裝雪糕或是一口雪米糍, 而是在糖水店才吃到的, 例如芭菲、綿綿冰、雪糕窩夫這些甜品! 單是甜品的選擇已經令我心花怒放!他們的火鍋牛肉質素非常不錯, 並不是那些平價貨色 (即全部都是肥膏如橡筋般的口感那種)豬肉亦Q彈~ 不會覺得很肥膩~ 不錯吃~點了些剌身, 感覺也是新鮮的甜蝦很鮮甜, 帆立貝也不錯, 三文魚是厚切的啖啖肉!  外面還有超多款火鍋配料自取, 連飲品的選擇也眼花撩亂最後點了幾款甜品, 必點宇治抹茶芭菲!! 雪糕入口微甜, 帶有一點抹茶的甘香, 甜而不膩! 而且還有紅豆、白玉這些配搭, 吃到底層還有抹茶啫喱, 層次豐富, 一點也不馬虎! 買單每人二百元左右, 可以一次滿足任吃火鍋, 日式料理, 還有甜品的願望! 性價比超高!

嚟到呢間晌荃灣悅來坊嘅餐廳，試咗$228一位嘅日本料理+火鍋+甜品放題，另外仲有比較平嘅火鍋+甜品放題，限時係兩個鐘，唔同時段收費都略有不同。自助火鍋料有生菜、番茄、冬瓜、南瓜、粟米、冬菇等。另有仲有啲比較飽肚嘅烏冬、即食麵等。飲品都係自助嘅，當晚有常見嘅汽水、韓式飲品同道地紙包飲品，酒精類嘅就有jolly shandy等。另外仲有個toppings corner，放滿咗朱古力豆、彩針、迷你棉花糖、朱古力漿等，可以自己幫啲甜品裝飾一下。拎完同叫完嘢食，就起動喇！精選豚肉嘅脂肪同肉嘅比例平均，口感鬆化，日本廣島蠔蠔身算脹卜卜幾鮮味。自助火鍋料嘅火炙芝士丸質素幾高，烏冬就煙煙韌韌咁。刺身有十款左右，我哋試咗三文魚、八爪魚、墨魚同甜蝦，三文魚幾肥美。燒日本番薯仔一啖一口味道幾甜，串燒日本雞軟骨微鹹脆口，串燒菠蘿就又甜又多汁。鹽燒牛舌爽嫩有牛味。最後仲食埋甜品，軟雪糕係用雪糕機唧出嚟嗰種，等侍應拎到嚟之後就可以自己去自助吧加toppings，質感軟滑。楊枝甘露嘅密度比一般糖水舖高，入面仲有西米、鮮芒果粒、柚肉等等，酸酸甜甜都唔錯。

如果大家有睇開我，應該知我好少介紹放題，但今次不得不介紹這店此店開業快3年，終於被吸引去試，荃灣站行商場跟天橋行去都好便利餐廳內環境跟座位都幾寬敞先選了$168火鍋+甜品任食2小時，如果早鳥或宵夜仲平少少添鍋底由朋友選了北海道牛乳跟麻辣冬蔭功來個鴛鴦湯底在等湯底其間先出去沙律吧，攞蔬菜跟丸類，款式都幾多，仲有款飲品同啤酒選擇仲有我最愛嘅枝竹跟菇，都好新鮮湯底上場，牛乳濃滑奶白，而麻辣冬蔭異常地夾，冬蔭功的香氣帶麻辣味道肉類選了肥嫩美國牛肉，嫩腍帶點油香而極上牛肉好有咬口感，加上牛味都幾重羊肩肉跟豚肉都不錯食一陣狂風掃美食後，就到下一個焦點了，就係甜品時間，聽店員講所有甜品是出自酒店師傅手藝下榴槤甘露入面有一大舊D24的榴槤肉，好香好濃厚味道，朋友食完讚口不絕軟雪糕窩夫真係水準之作，外脆內軟蛋香味夠，連軟雪糕都係自家製滑滑的宇治抹茶芭菲都係用上自家製抹茶雪糕，奶滑回甘的抹茶味，好滿足啊如果想食埋日本料理，多刺身，燒物，壽司，天婦羅，手卷沙律等等多60-70款都係比多$40咋整體真係勁平靚正，連甜品都咁出色，出現在放題內實在少見