影片
更多
2017-05-19
746 浏览
荃灣區真係巨多火鍋、雞煲店，各有賣點，不過大部分位置集中，週四晚同男朋友試左呢間牛の鍋，睇過食評冇乜期望，但質素唔錯喎牛の鍋就喺悅來坊熊貓酒店餐廳嗰層，自成一角，位置便利。有別於一般火鍋放題，並冇以肉類嘅級數劃分價錢，反而簡單啲，一個價錢包括：日本料理、火鍋、甜品，任飲任食2hr，只係唔同時段入座價錢有別。例如週一至週四，7:30pm前/9:30pm後埋單係 $168/位；平日其他時段則收$208/位。火鍋店位置闊落，座位間唔會好逼狹，自助區喺餐廳中間位置，方便客人取菜。我地係週四晚8pm入座，揀左包括日本料理嘅放題餐，收費係$208/2hr/位。店員會先問客人揀邊款火鍋湯底，而火鍋配料例如牛肉、豚肉、蝦、蠔等，連同其他日本料理例如刺身、壽司、天婦羅等，就同日式放題一樣，係畫紙仔。另外丸類、蔬菜等火鍋配料一律喺自助區自取。湯底可選：九州豬骨湯/ 黑松露龍蝦湯/ 鮮蕃茄濃湯/ 北海道牛乳湯/ 麻辣冬蔭公湯/ 干貝昆布清湯我地就揀左平時少食到嘅麻辣冬蔭公湯，聽個名會以為好辣，食落都唔會嘅，湯底其實只有香草、辣椒、少量花椒、蒜等，辣度比較溫和，亦都唔會好麻，會有少少酸辣。當然同泰國嘅冬蔭公湯
牛の鍋就喺悅來坊熊貓酒店餐廳嗰層，自成一角，位置便利。
有別於一般火鍋放題，並冇以肉類嘅級數劃分價錢，反而簡單啲，一個價錢包括：日本料理、火鍋、甜品，任飲任食2hr，只係唔同時段入座價錢有別。例如週一至週四，7:30pm前/9:30pm後埋單係 $168/位；平日其他時段則收$208/位。
火鍋店位置闊落，座位間唔會好逼狹，自助區喺餐廳中間位置，方便客人取菜。
我地係週四晚8pm入座，揀左包括日本料理嘅放題餐，收費係$208/2hr/位。
店員會先問客人揀邊款火鍋湯底，而火鍋配料例如牛肉、豚肉、蝦、蠔等，連同其他日本料理例如刺身、壽司、天婦羅等，就同日式放題一樣，係畫紙仔。另外丸類、蔬菜等火鍋配料一律喺自助區自取。
湯底可選：九州豬骨湯/ 黑松露龍蝦湯/ 鮮蕃茄濃湯/ 北海道牛乳湯/ 麻辣冬蔭公湯/ 干貝昆布清湯
我地就揀左平時少食到嘅麻辣冬蔭公湯，聽個名會以為好辣，食落都唔會嘅，湯底其實只有香草、辣椒、少量花椒、蒜等，辣度比較溫和，亦都唔會好麻，會有少少酸辣。當然同泰國嘅冬蔭公湯爭好遠啦。
火鍋肉類有美國牛肉、極上牛肉、羊肩肉、豚肉，另外想食靚少少嘅可以追加澳州和牛肉 ($118/200gm)或日本黑毛和牛肉 ($178/200gm)，臨走見到隔雜枱點左，幾靚仔架碟牛。事後我地先見到原來喺fb讚好、分享，可以送澳州和牛肉…
極上牛肉切成薄薄一片，唔會太多肥脂，淥一淥食得，冬蔭公湯底滲哂入啲配料，食落都幾夾。
美國牛肉比較大片，食落帶嚼勁，以任食而言，質素不俗呢
豚肉肥瘦佔半，如果唔鐘意食肥豬肉嘅人或許會有啲抗拒。
我地就覺得幾好食，唔會韌！
自助區嘅火鍋配料都有唔少，各式丸類、餃子、腸仔、豆腐等，特別餘意呢度嘅炙燒芝心丸、年糕魚蛋，丸類新鮮冇雪感。
蔬菜類選擇豐富，油麥菜、菠菜等，瓜類、芽菜特別配合冬蔭公湯底，超入味，酸酸辣辣
我地呢個餐係包括日本料理，如果唔食嘅話，8pm入座包火鍋、甜品，只需$168，咁我地見價錢唔係相差好遠，梗係試埋。
日本料理一律畫紙仔，共有六張紙點菜，款式都接近一般中價日式放題，其實都算幾抵食。
刺身有10款，我地寫左幾片試試，當中北寄貝、赤貝、墨魚、鮑片比較新鮮
三文魚雖然係腩位，但並未完全切開，一抽野咁；吞拿魚、八爪魚色澤較暗沉，我地都唔係好敢食。
壽司、軍艦共14款，手卷4款，我地點左幾粒壽司試下，火炙芝士大蝦壽司、火炙三文魚壽司、花之戀、黃金魷魚壽司。
飯粒較硬身，但唔會好大粒，食幾粒ok嘅，唔洗擔心會塞飽左。
蟹籽沙律、清酒煮蜆、帆立貝裙邊沙律比較普通，幸好唔會好大份。
燒物有牛舌、蕃薯仔、海蝦、雞皮、雞腎、雞軟骨、雞脾肉、菠蘿
蝦肉唔會霉，牛舌味道唔錯，但雞皮、雞軟骨燒得唔夠，比較油膩，同唔夠脆。
天婦羅、炸物選擇頗多，而且幾好食！天婦羅蝦、蟹棒炸粉唔會好厚，雖然唔係新鮮熱辣，但都唔會腍bat bat。
炸物我試左流心一口芝士，可以一試呢，芝士流心，而且味道幾濃。
芝麻雞翼炸得比較厚硬，一般般啦。
食完火鍋，本來都飽飽地，但見到有甜品，都想試少少，點知相當有驚喜呀
第一轉點左3款試下，見味道唔錯，我地即刻追加多幾款！早知留番少少空間食甜品啦！
講真，去甜品店食，當平極都要二、三十蚊份啦，款式算好多，而且唔似一般放題嘅甜品喎，唔係攞貨嗰啲，部分仲係即做
甜品一共17款，有啲味道會不定時轉換~
荔枝奶凍：唔會好甜，味道唔假，奶凍食落唔會太硬
京都豆腐慕絲：慕絲質地唔夠滑，但豆腐味好突出。
先唔好講味道，淨係個賣相都呃得下人啦仲要味道真係唔錯！
宇治抹茶芭菲：見到呢個芭菲我地真係O左咀喎，咁有誠意。
抹茶雪糕唔係攞貨，已經拍得住甜品鋪嗰種，抹茶味道少少回甘，雪糕質地幼滑，溶得有少少快，中間墊有可可脆脆、忌廉、啫喱，口感一流，點會諗到火鍋店有呢啲甜品放題呀…唯獨粒白玉較腍身，煙韌度一般。
可惜我太飽，否則會試埋宇治抹茶新地！
精選綿綿冰：味道不定時轉換，今次食到芒果味，呢個又係小驚喜，冇試過放題有咁認真嘅甜品。
綿綿冰都打得幾碎，夠綿滑，芒果食落就冇甜品店咁甜，旁邊只有少少芒果粒，合格有餘啦
軟雪糕窩夫：又係好有誠意之選！窩夫即時製作，外脆內軟，唔會好厚實，好食過好多甜品店出品，而且食一件唔會太飽。
面頭有少少糖漿，所以食落會甜甜地~軟雪糕似係乳酪嘅質地、味道，較為輕身，好食呀
因為前面幾款甜品出奇地有誠意，我都點多幾款試埋。
芒果班戟：班戟唔會整到好大件，欣賞呢度嘅甜品，全部小小一份，客人樣樣都試到啲。
班戟皮唔會好厚身，以任食黎計，交足功課，忌廉唔會好甜膩，芒果肉雖然比較細粒，但十分香甜，又係可以一試
梳乎厘蛋多士：外形似多士，脆脆地，切開就似梳乎厘，沾上少少花生粒、煉奶，都幾特別！
楊枝甘露、紫米糕：楊枝甘露較為遜色，味道唔係好出；紫米糕雖然質地少少實，紫米唔會太硬，可以接受！
飲品
飲品都係大路野，紙包道地飲品、罐裝七喜、芬達等。
整體黎講，我覺得牛の鍋嘅放題都有少少驚喜。
日本料理方面就不過不失，唔係特別出色；火鍋配料、牛肉、丸類等一律都不俗；最特別就係甜品部分，令我印象幾深刻
本來食完飯都諗住同朋友去食糖水，居然喺呢度食埋，仲要味道唔錯 (笑)！
自助區：
餐牌：
张贴
