牛の鍋日本料理

营业中

休息中

朋友係外國返嚟話一定要食放題，原來外國無咩放題食，有都唔夠豐富，香港都算多款多選擇呢到刺身壽司都好新鮮，算叫有初步驚喜，三文魚肥美又夠鮮，甜蝦都好美味朋友最鍾意食肉，叫齊4款豬牛羊，牛肉嘅極上好好食，牛味好濃又夠實肉，唔會好鞋口，而豚肉都好嫩好淋身，如果唔太愛肉喜歡蔬菜嘅，呢到都好多款揀，菜同瓜仲有豆類製品都有另外佢仲有好多甜品叫㗎，好鍾意佢個榴蓮，好白好濃郁，大大舊榴蓮肉，仲有抹茶都唔錯，夠奶滑之餘仲好夠抹茶甘味，窩夫都要試，外面勁脆入面仲好夠蛋香軟綿綿

平時放假都會四出搜索美食，自從搬左黎荃灣之後, 發現依到真係勁多好野食! 值得推介嘅係近排係悅來坊食左間火鍋+放題餐廳 - 牛之鍋，甜品仲要係即製，款式都幾多。我地今次去食仲咁岩遇正佢地有”3週年大放送”，like左佢facebook就送左碟澳洲和牛俾我地，超級好味，唔會太過肥膩, 必食值介! 和牛個紋路好靚，油脂分怖平均，油香四溢！甜蝦好新鮮，食落幾鮮甜，無腥味！菠蘿好juicy多汁，咬落好甜好好味！芝士年糕必點！入面勁多芝士，流哂出來。豚肉都唔錯，肉香幾濃，唔會嚡！火鍋配料都幾多幾齊全, 另外我地仲食左好多刺身, 同埋基本日式料理都有好多選擇，岩哂鍾意食放題既我，同埋又滿足到至愛打邊爐既媽媽。最後，當然食埋甜品先夠滿足, 我地揀左宇治抹茶芭菲同埋D24榴槤班戟，估唔到依間火鍋放題店連甜品都製作得咁認真, 係即叫即製, 味道都冇得輸!!抹茶芭菲好滑,抹茶味好濃,個味道好清新,非常高質!D24榴槤都好出色,榴槤肉都唔少,陣味好香好重,推介呀。

喺荃灣接男朋友收工之後就準備去搵食男朋友想打邊爐，但我好想食刺身同甜品......之後男朋友就帶左我黎呢度，話可以滿足晒我地，仲叫我放心留肚食甜品，話呢度既甜品好有質素因為我想食刺身，我地就叫左HKd$208+10%既set，火鍋、刺身、甜品......都可以任飲任食2hrs火鍋料無有太大特別，但新鮮齊全有我中意既各款菇菇講到明想食刺身，咁就緊係要先黎一盤先啦各款刺身都幾好，但大推甜蝦同帶子超級鮮甜呀，我encore左三round而火鍋既肉肉都唔差，自己就幾中意佢地既羊上肩燒物炸物都有淺嚐，平均質素都ok最後當然要食甜品啦男朋友係芒果控，楊枝甘露同芒果pancake係佢至愛個窩夫好有驚喜呀，外脆內軟佢地既抹茶新地同芭菲都不容錯過呀忍唔住encore再encore今晚好滿足呀，人均二百幾蚊可以咁滿足今次男朋友真係無介紹錯

說到底大夥兒聚會還是離不開放題（笑）想食牛但覺得90分鐘不夠可以試一試牛の鍋（這個名字，不能輸入日文字在openrice就search不到…）我覺得價錢挺合理，最棒的是一次過可以滿足吃牛shabu shabu+日式放題+甜品的朋友！吃足兩小時，有「吃回票價」的感覺啊！（笑）半自助型式，和一般日式shabu shabu一樣。一般丸類和蔬菜都有，refill速度OK，衛生程度一般，我意思是食客弄得一枱是食物和醬料…飲品有罐裝和紙包，也有照顧我的玄米熱茶（對，老人家不愛喝炭酸飲料～）個人覺得牛の鍋有一點稍為不足的是湯底選擇不算多，大路的有豬骨，蕃茄和牛乳，而我們點了麻辣冬蔭功，因為我們愛辣，但也有想過和牛肉好像格格不入？至於受大眾歡迎的壽喜湯底則沒有提供啊啊啊啊啊（掉到深淵）平時吃甜豉油湯底可以好味得牛肉不用沾醬料嘛…（而牛の鍋醬料bar沒有胡麻醬也是另一個問題…）任食火鍋配料除了牛還有豬肉和數款海鮮，但我們一班牛魔王就沒有點其他肉類（笑）這款是美國牛，就是一般肥牛，看得出是即刨出來，挺新鮮的。美國肥牛入口就比較嫩滑，脂肪較多，牛味一般是常識，不過我們也吃得很高興～極上美國牛也是任點的，兩款

見廣告賣這裏火鍋放題任飲任食兩小時都係$188咁抵，又黎試下佢。八點來到，有不少人等位，場面墟撼。再細細睇下餐牌，原來放題分兩種，一係淨火鍋+甜品$188，二係日本料理+火鍋+甜品$228，其實兩個價錢都抵食，不過朋友唔食刺身，咁食火鍋甜品算了。湯底有六款，是晚選了麻辣冬蔭功湯，香味十足，湯底有濃濃的香茅味，越食越辣，打到後尾菜都把辣油吸光十分刺激。飲品雪櫃自取，一般汽水，韓式飲品，紙包裝茶都有，雪櫃旁仲有茶包同滾水，不想喝凍飲可自行沖茶。一般火鍋料也是自取的，各式丸類，腸仔，雜菇，蔬菜，烏冬，薯粉等都有，款式繁多。打邊爐最愛食牛，先來個極上美國牛試試，色澤不錯啊。不叫極上的話，亦有一般美國牛叫，這款較大塊，口感好點，但較肥。兩者比較下還是極上好味，番叫了很多次，賣相每次都不一樣。入口嫩滑無筋，雖然牛味不重（可能係湯底太濃味了），但食落口感也很好，四個人好似叫左廿幾次牛，正正正。甜品方面亦是必食的，這個抹茶芭菲賣相靚又好味，綠茶味甚濃，中間夾著卜卜米同紅豆蓉，再加上cream同綠茶啫喱，比不少甜品店好味。榴槤甘露亦是十分正，賣相雖不好，但勁重榴槤味，內裏一絲絲的榴槤肉絕不馬虎。店員推介

夏天熱，真係唔知食咩好！唯有食放題，咩都可以食到！之前每次經開呢度都會聞到陣陣牛肉味，都會想去試下！今次係荃灣，就行去熊貓酒店食呢間啦！坐低之後店員就問我要咩湯底咁我就揀咗九洲豬骨湯底。寫好咗啲紙仔比佢地，好快就送咗啲火鍋料過黎。以為只得紙上面嘅嘢食，點知原來仲有個自助吧，超多選擇，睇到花多眼亂，貪心嘅我梗係會每樣夾啲！牛肉有兩款：美國牛肉、極上牛肉！油脂分布都幾平均！當然極上牛肉入口嫩滑，比美國牛肉好味啲啦！豚肉豬味唔濃郁，所以較易入口印尼海蝦同日本廣島蠔超大隻！好新鮮！就算蠔係急凍嘅，但煮熟左之後食到蠔嘅鮮甜味！炸物中，男朋友話炸蝦天婦羅好食，因食到係新鮮蝦！而我就覺得係芝士年糕！壽司方面不過不失，當中帶子黑松露幾特別！食到最後，一定要叫甜品食啦！我叫左抹茶新地，男朋友叫咗花旗參雪梨茶！仲叫咗個窩夫！呢個最好味，可能係即叫即整，窩夫仲係脆既！加埋雪糕一齊食，真係完美作結！

好耐都無食過放題係咁滿足了，今日同同事ot到成8點，放工時已超級肚餓，就去咗公司附近呢間打邊爐，食肉獸嘅我哋係呢到食真係會好開心首先好多款新鮮蔬菜，就算食多了肉都要唔驚，飲品都算幾多選擇刺身壽司都不錯，最愛肥美三文魚同鮮甜帶子肉類有極上牛肉，超級美味，牛肉味濃，又夠嫩滑，仲間仲有D雪花紋，都幾靚仔豚肉都係必食的，半肥半瘦又夠香，肉質都好嫩又有一點咬口，就算烚耐咗都唔會好un另外仍仲有好多款甜品都唔錯，榴連好香好濃郁，仲有抹菜雪糕甜中又有一點甘甘地都係200有找勁抵食

今日返工好似打仗咁，我好想打邊爐氹吓自己；另一邊嘅A姐，今日返工好似攻心計咁，佢話想食放題放縱一下！兩者似乎不可能並存嘅日本嘢，因為工作嘅壓力，我哋今日都各不相讓，仲差啲大打出手添！到我話讓步喇，佢又話唔駛，話點敢喎！費事為咗食餐飯都傷感情，不如搵吓有無一間餐廳可以一次過滿足我哋所有嘅願望啦！特登走入嚟荃灣悅來酒店商場悅來坊嘅牛の鍋，聽講種類多之餘，食物品質都唔錯，即刻出發！由港島線再轉荃灣線，好彩只係2個站就氹掂我個A姐！呼……一額汗……好彩今日係平日，唔駛點等位就有得入座，而食物嘅款式真好多，除咗7張放題紙，仲有1張火鍋紙，同埋出面嘅火鍋配料Bar！如果想免費食到和牛？依家只要2個人like餐廳嘅Facebook就會送你澳洲和牛一碟；而4個人like餐廳嘅Facebook就會送多碟日本黑毛和牛俾你架喇！各就各位，120分鐘START！今日嘅湯底選擇咗黑松露龍蝦湯，上枱一刻已經聞到香濃嘅龍蝦味，唯一嘅敗筆係refill只係用上清湯，而唔係用龍蝦湯。首先上枱嘅係有Like先有得食嘅澳洲和牛，薄薄嘅和牛淥10秒就食得，油脂分佈細密，牛肉味夠晒香濃！至於任食嘅牛類選擇有美國肥牛同極上牛肉，

表姊由澳洲來香港旅遊，住在荃灣悅來酒店，當然要過去聚一聚，放工去到已經是晚餐時間，我們就在酒店商場找餐廳吃飯，去到悅來坊2樓見到有火鍋刺身放題食，店名是牛之鍋，放題有成2小時，正合我們一邊食一邊傾，所以我們就入座了！餐廳設有自助區，有飲品、蔬菜、丸類、飯等等。我們選了九洲豬骨湯底火鍋配料多款又新鮮！因為表姐吾食牛，所以叫了豚肉，薄切的豚肉鮮甜，不靭不肥，很嫩滑！刺身新鮮，尤其我的至愛，三文魚肥美，甜蝦鮮甜，食多轉已回本！其他還有壽司、炸物、天婦羅等等都十分美味。還有甜品師傅為我們即叫即做的甜品！

一向好中意食放題既我, 總會周圍發掘下D隱世放題食下。今日同同事去開荃灣見客, 見到附近有間火鍋+日本料理任飲任食, 平時好少可行開呢頭, 所以擇日不如撞日就直接同同事食返次放題。店內設大量卡位, 坐得都幾舒服。呢度有兩個價錢之分, 火鍋+甜品放題平日都係二百蚊有找, 如果想食埋日本料理刺身等等, 都係每人加多HK$40, 都幾抵!價錢相差唔太多, 而且見日本料理款式都幾多, 所以我地決定比多幾十蚊食埋日本野!湯底我就揀左"黑松露龍蝦湯底", 不過呢款湯底味道就唔太食得出有黑松露味, 但就有淡淡既清甜, 由於一開始個湯底已經比較少, 一滾之下, 職員已為我地加湯 (其實同水冇咩分別), 令個湯底更淡....丸類、蔬菜類、混醬區、烏冬麵食等等...都係自助出面拎, 款式都幾多。飲品方面, 以罐裝為主, 汽水、啤酒都係任飲。就連自助啤酒機都有, 不過我唔飲酒, 味道如何就唔清楚!我地click紙order既野食, 上檯都幾快, 所有都以人頭份量分配, 不過主打既牛肉, 就可以揀大細size (圖中為細size), 唔會每次幾片幾片咁上, 可以食得更暢快。美國牛肉、極上牛肉兩款既色澤都顯新鮮

好開心呀今日同好朋友一齊去食打邊爐放題！佢哋話呢度有得打邊爐之外，仲有仼食甜品，百幾蚊就可以狂食抹茶甜品啦！去之前心諗價錢咁平，會唔會唔好食架，但竟然非常之唔錯，令人意外呀真係！兩個鐘，狂食，食左好多野，都冇時間好好咁影相唯有放一兩張俾大家睇啊。壽司都幾好食，款式都幾多，呢個三文魚腩壽司都好有三文魚嘅香味，帶子仲好味，好鮮甜，上面有黑松露醬，成個味道勁香，正到呢！小妹食到勁開心。甜品更加唔使講，有成得十幾款甜品，抹茶雪糕我最愛，真係有抹茶香架，要試下！

今日約好好耐無見面嘅舊同學聚一聚，大家都好怕諗食乜終於去咗佢屋企附近到食放題，種類夠哂多可各取所需叫咗個208蚊嘅餐，真係堅多嘢食，刺身都算係咁，有齊大路款，甜蝦同帶子好鮮甜，而馬刀貝好爽脆花之戀三文魚肥美，而海膽三文魚軍艦都唔錯，海膽幾甜幾滑仲有海膽手卷壽司方面火灸過嘅黑松露帶子好濃松露味，其他都正常到火鍋了，牛肉分極上或肥牛，各有喜愛，朋友愛肥牛嫩淋，我就比較愛上的有咬口牛味重甜品方面榴蓮甜品真係要食，勁度邪惡又足料，仲有抹茶系列都要試

呢間日式放題火鍋其實已經開咗一段時間，但因為次次想食嘅時候都好多人排隊，結果就食唔到，今晚因為係閒日時間又比較夜，決定黎碰一下運氣，結果等左15分鐘就有位我哋入到去第一時間 like 咗佢Facebook, 結果換來澳洲和牛肉一碟，呢碟澳洲和牛份量不少，而且牛肉味好濃郁，肉好淋身，雖然佢任食既牛肉本身都唔差，但係呢碟牛肉真係好吸引另外我哋仲叫咗好多款刺身，估唔到佢嘅刺身種類都好多，有帶子而且甜蝦亦都係大隻嗰一種，感覺款式多到不得了，最開心係居然有海膽手卷，味道幾鮮甜除此之外原來火鍋嘅醬料亦都係好多選擇，而火鍋嘅蔬菜都係係出邊自助吧枱拎，夠晒方便最後我見到隔離好多人都食抹茶雪糕同埋榴槤班㦸，估唔到呢兩樣甜品都係可以任食，而且水準亦都好好，下次真係要留肚食佢其他甜品

My friend recommended this all you can eat restaurant to me! Only $168 included all you can eat shabu shabu and dessert !!!!!!Or the beef, It's nothing special for me actually. All kinds of shabu shabu are similar, so the main focus of this buffet should be the dessert !The desserts were very yummy !!!for example the French toast below:The toast was sweet enough, taste was good. The outter layer of the toast was crispy, I love it ! And condensed milk added on the surface, make it tasted much bet

有時候覺得做人最苦惱就是決定每天吃甚麼，特別當身邊總有些人咀巴說沒所謂，當你提議後原來是有所謂的，就會覺得做決策的那位好痛苦，幸好悅來坊有牛之鍋，一個收費可以吃盡火鍋、日本料理及甜品放題，真正一餐滿足3個願望～自助火鍋配料有很多選擇，丸類、蔬菜類、飯粉麵全部分類排放整齊湯底分別有九洲豬骨湯、黑松露龍蝦湯、鮮蕃茄濃湯、北海道牛乳湯、麻辣冬蔭功湯及干貝昆布清湯6種，我們選了九洲豬骨湯火鍋配料除了自助形式外，還有部份是填火鍋紙的，大大隻廣島蠔精選豚肉肉與脂肪比例接近完美，而且口感細滑極上牛肉是必食的，單看賣相已經滿分，牛味重，肉質鮮嫩美國牛肉相對極上牛是另一口感，美國牛肉較多油脂，較為爽口刺身當然不能少，有我最喜歡的北寄貝，還有爽口的赤貝，帶子鮮味，鮑魚片是我第二最愛，另外是必食的三文魚刺身，Yummy﹗揚物方面選擇也很多，我們點了薯絲蝦、芝麻雞翼、芝士年糕、黃金墨魚餅、日本南瓜薯餅和蕃薯天婦羅，全部香口食物，味道雖然好，但份量大件，建議大家2個人Share一件，讓肚子空間可以試多一點食物，因為牛之鍋的食物款式有200款啊﹗當然不能少壽司、手卷、軍艦等日式料理加$28可以任飲朝日生啤啤酒機分