牛の鍋日本料理

营业中

休息中

不得了，不得了，點解呢間火鍋放題可以咁抵架！雖然地點係有d唔就腳，係悅來坊入面，但勝在性價比高晚市價錢有兩款，豐儉由人，想200蚊落樓可以揀火鍋加甜品，想食豪dd就可以加埋個日本料理，都只係約二百五十，早d食仲有折添除左價錢吸引之外，食物種類真係好多，靚既牛肉仲係可以任食任食牛肉有兩款，兩款色澤鮮明，呢款就肥瘦分明，本人就鍾意呢款多d，食落口感會好d另一款就肉味濃d豚肉都係肥瘦分明架，確係抵食刺身好鮮甜，冇因為係放題而馬虎了事甜品都係呢間餐廳既重點，一定要留肚食多幾杯，好少可火鍋放題既餐廳可以食到咁精緻既甜品

今天媽咪生日🎂，佢鐘意食日本嘢，見牛之鍋有日式放題又有火鍋食所以前來一試。已預先訂位，早了20分鐘到達但未到齊人，但都可以入座，開始點食物才開始計兩小時任食Good 呀可以坐住等。食物方面：刺身ok新鮮火鍋牛肉質素不錯炸物好味燒物唔掂蝦不新鮮、菠蘿酸的火鍋配料豐富不錯即整甜品抹茶芭菲味濃，芒果綿綿冰夠綿，榴蓮班戟及榴蓮甘露都好味回本位火煱牛肉及即整甜品總括而言：價錢抵食（生日半價），今晚招待我們的職員服務唔錯，值得一試

去到荃灣附近突然好想打邊爐，就去咗位於商場嘅《牛の鍋》試吓。入到去餐廳空間好大，位置寬闊更有卡位選擇，位於餐廳中央有不同種類嘅火鍋食物放係度比客人自己攞，非常方便。點菜形式係自助，兩小時任飲任食，而且加＄28更可以啤酒任飲，好抵食。除此之外，為慶祝餐廳開張三周年大放送，凡於正價時段惠顧放題並在Facebook分享讚好，以人頭計算送澳洲和牛肉。刺身方面叫咗三文魚同甜蝦刺身，食落去三文魚非常新鮮，一啲都唔腥。仲有各款壽司、手卷、串燒同埋炸物等等。一定要試芝麻雞翼，外皮炸到好香脆，而且肉質鮮嫩，好好味。火鍋湯底方面叫咗黑松露龍蝦湯，飲一啖非常濃郁嘅黑松露味道，值得一試。火鍋配料中，牛肉非常新鮮，而且好大片，新鮮牛肉味道好濃郁，咬落去肉質好林，一次過食咗幾碟了。甜品方面非常多選擇，估唔到有我最鍾意嘅抹茶芭菲，食落口綠茶雪糕味道好濃郁，簡直可以媲美外面嘅日式餐廳甜品。除此之外，仲叫咗芒果班cake、紫米糕，同樣地非常新鮮好味。總括而言，食物質素高，而且價錢合理，一次過可以食咁多款式嘅食物，真係超值啊。

其實火鍋係我人生入面真係好重要。同以前男朋友什至會係聖誕節情人節食火鍋⋯就係貪呢d時候夠靜，兩個人係濃濃既火熱中夾下夾下，真係好幸福。呢間牛之鍋係荃灣果頭，似係放題但又夾雜住火鍋，係一個新嘅嘗試。幾特別。野飲多種類有茶有果汁，如果有埋酒既就更好。近睇刺身都好新鮮，三文魚唔算太肥，okay，蝦夠大隻，有彈性，鮮甜。火鍋店黎講既話刺身都算見得人。叫左個牛乳鍋，白雪雪滑脫脫，好香牛奶味呀！男朋友話見個湯咁靚一定要叫返兩隻蠔，仲有生菜，快快咁錄一錄佢，保留返原有既鮮味，靚生菜靚蠔，你話點忍？其實連牛都好靚架。環境舒服，店員做野又快又利落，碗筷都好乾淨，出面自己拎野食，補充都補得好爽，（因為店面好大，客人都比較多），對於服務我比滿分。而食物方面因爲都係以放題形式，要做到非常好都難事，但質素都有保證，大家黎到荃灣不仿一試。

天氣凍凍地 又係打邊爐既季節 今日就黎左荃灣一間cp值超高的日式火鍋店，呢到唔止有得打邊爐，仲有得食日式刺身同埋有好多即叫即做既甜品。不過我地就簡左a餐 。雖然火鍋配料不算很多，但食物質素十分高尤其係牛肉，唔止新鮮，肉質也非常好，而且店內環境衛生，麵類和蔬菜都在餐廳的吧台上自取，飲品選擇都比較多，有我最愛的烏龍茶日式刺身選擇就很多，全部都十分鮮甜，份量也很多。在甜品方面選擇非常多，差不多有20款選擇，我地就試左（宇冶抹茶芭菲，軟雪糕窩夫同京都豆腐幕斯）平時係出面甜品鋪食依3款甜品都差唔多要成100$，仲要唔比甜品鋪食到既差。呢3款入面宇冶抹茶芭菲就最好食，而且外觀都很好看

本身期待甜品多啲(已經重點誤🐸) 但又估唔到火鍋同放題都高唔錯喎🐥甜品好像選擇 抹茶雪糕以任食角度很不錯👍 窩夫正 仲有奶凍,乳酪都唔錯👍火鍋肉類唔算多款 但都有豬牛肉🐷🐮🐑肉質唔差 但有啲薄👀丸同蔬菜就好多選擇 都新鮮嫁🙈放題炸物 壽司 刺身 冷熱盤都多款同好味尤其刺身🐟都算厚同新鮮 有驚喜😎.總括黎講💁食物多款同質素不俗 上碟快亦齊 服務亦好 價錢非常合理👏👏只係環境有啲逼 <6人聚餐較好🙊

先選火鍋湯底，有麻辣湯丶壽喜燒丶九洲豬骨湯等，也可雙拼迎合不同口味的朋友，怕火鍋熱氣要滋補的話也可選牛乳花膠湯或參須杞子火腿雞湯，吃滋補火鍋！除了多款火鍋配料任食外，還有壽司丶刺身丶燒物等任君選擇，當然少不了多款即制甜品。

呢日少有黎開睇醫生，睇完醫生點知另一半遲到，好唔開心咯無奈地周圍行下，又發覺原來都有幾多好野食，荃灣真係一個好地方行行下就黎到熊貓酒店，我都唔知點解吸引左黎呢度，可能我太鐘意熊貓，有朋友都話過我幾似終於等到另一半黎到，餓到肚仔軟，緊係要食餐好叫左個壽喜燒湯底，好惹味嘅牛之鍋D料都幾靚，美國牛肉，極上牛肉都食得出口感係軟滑可口爭D唔記得講羊肉同豚肉，都高質夠新鮮所有配料都係任叫，上得都幾快，唔會想你少D食就拖你單不過惜食都緊要嘅，我地唔會做大嘥鬼食下吹下水，話咁快快樂嘅時光就完啦，最後食埋個甜品叫左日式乳酪，同埋榴槤甘露都幾好味，夠鮮味又唔太甜價錢就兩個人$414，都性價比OK可以再ENCORE

如果有同事飯局我會推介去呢間.價錢又吾會貴.262蚊（計埋加一）已經可以食到放題同打邊爐.食物又上得好快.susai又新鮮.肥牛碟碟都好大碟.坐位又吾會好逼.又多款式既食物揀.甜蝦三文魚都好好味.仲有蠔食.又有海膽..仲有甜品有8-9款.又有芭菲.榴連pancake.綿綿冰等.同埋傾計會好開心.侍應都好有禮貌！唯一吾好係book左位但係上手人食耐左要等多20分鐘.不過大致上都好好.一定會返黎再食.

今天因公事關係回到荃灣走轉， 有位好擦得的朋友介紹近悅來酒店有日式火鍋放題。 價錢唔貴，平日價放題$218已包括日式刺身火鍋及甜品。蔬菜類別 都是任取自助形式， 另外烏冬麵食澱粉質類都在旁邊任取。先來一around次身, 三文魚很厚切,鮮甜, 赤貝完全唔腥兼且很厚肉，爽甜。 甜蝦算是大隻。北寄貝也不錯， 冇雪味。同一時間火鍋已上，我們選了蕃茄牛柳粒湯底。 清甜得來很配合多樣化的火煱材料。肉類我們選了極上牛肉和極上羊肉。 極上牛肉 肉味濃厚， 配蕃茄湯底不錯。 可惜quota有限我們沒有再點其他肉類。壽司方面我們是了海膽三文魚子軍艦和海膽手卷。 放題中的海膽質素算是不錯呀! 紫菜亦脆身。海鮮方面當然是海蝦，生蠔，海鮑片，手打墨魚滑。 手打墨魚滑好彈牙， 細細份幾啱食。 海蝦鮮甜生蠔冰著未解凍。冷盤方面麻醬青瓜很推介。 因為青瓜堅爽脆， 麻醬份量適中唔會太濃味。清酒蜆一般， 蜆味和湯味都不突出。丸類方面唔錯呀，餐肉厚切。推介魚皮餃， 魚皮很煙韌。炸物方面基本上都試勻， 印象深刻有款粟米流心丸， 內有粟米湯餡料， 小心燙嘴呀。 味道唔錯俾，俾現在常見的沙律丸更好味。 榴槤炸彈也做得很好，糯米

天氣漸涼，氣溫越是清涼，就越想吃得暖笠笠的，尤其蝦子餅是一名『食肉獸』，所以，近日 BeautySearch 經選擇火鍋、韓燒等越吃越溫暖的食物。 BeautySearch 喜歡多選擇，所以放題當然是最佳選擇。每月的 2號或 20號，BeautySearch 總會抽空到 AEON 逛逛，順道在附近吃晚飯，而這夜就找來《牛の鍋》。 餐廳環境簡潔，坐位寬敞舒適。甫坐下，看看餐牌，原來這裡推出了全新晚市放題。食客可選火鍋 + 甜品放題；或日本料理 + 火鍋 + 甜品放題，成人價錢由 HK$148起，可食足 2小時。BeautySearch 愛吃日本料理，當然選擇日本料理 + 火鍋 + 甜品放題，每位 HK$218。 蝦子餅這『食肉獸』，當然第一時間點選肉食，有美國牛肉、美國極上牛肉、紐西蘭羊肩肉及特選豚肉，如感到不足，還可加錢追加喔！ 對於肉類，BeautySearch 還未達至瘋癲程度，反之，我較注重湯底選擇。當晚，BeautySearch 選擇加 HK$28 點選了「北海道牛乳花膠湯」，驚喜的是，湯底內有不少花膠，這只是其中一部份呢！ 點選食物，頭盤當然點算我最愛的刺身，上桌時，

對於一個九龍人嚟講荃灣真係遠左少少，不過為左接草根妹妹無法啦🤷🏻‍♀️~睇人地d食評話呢間放題d甜品好正，諗左好耐唔知信唔信得過，終於都係要自己嚟試試伏🙈晚市放題2小時 (成人$218, 小童及長者$128)牛之鍋呢個2小時放題包括日本料理+火鍋+即製甜品，食完後真係要介紹下佢地個即製甜品!! 🍩🍰🥧🍨🍪放題餐廳內食到質素唔錯的甜品，令草根覺得幾有驚喜~~❤️📍即製甜品（宇冶抹茶芭菲、扭紋抹茶新地、軟雪糕窩夫、D24榴槤班戟、榴槤甘露、芒果雪娘梅、日式藍梅乳酩）呢個宇冶抹茶芭菲係呢到皇牌，抹茶有少少回甘🍃芭菲內仲有煙韌白玉、cream、脆脆同啫喱，唔講仲以為自己係出面食緊$50幾蚊嘅質素💚💚雖然唔係大杯，不過係任食，你食得落叫幾多都可以💁🏻‍♀️另外兩款榴槤甜品都真材實料，好香榴槤味😍有驚喜當然有伏野啦🙈，唔太建議大家試日式藍梅乳酩，感覺好奇怪👎🏻📍火鍋（美國極上牛肉、美國牛肉、紐西蘭羊肩肉、豚肉、各式丸類、火鍋配料....）有得自選湯底，肉類有大細分，叫細碟其實已經好多，火鍋配料選擇幾多，都同平日打邊爐差唔多。📍刺身（三文魚、帶子、有頭甜蝦、鮑片、北寄貝、赤貝）唔夠新鮮，冇鮮味感覺好雪👎🏻

荃灣牛の鍋的放題很多元化，除了平日放題吃到的食物，還有任點任食火煱生料，應有盡有。價錢和放題一樣都是二百多元，算是合理。座位舒適不擠迫，煙也不太多，用餐後衣服的氣味不大。刺身有鮮味，質素不錯，選擇和其他放題相若。不過重點都是它們的火煱生料和甜品。火煱生料中普通的牛質素也不錯，個人覺得不太需要加錢要貴的那款牛。其他生料都有那種食物應有的味道。甜品種類很多，質素也很有驚喜。平時甜品店要四五十元的甜品都有這𥚃任點任食。

天氣凍食日本菜真係挑戰極限, 想同時又食熱辣辣的菜式樣樣都想試少少, 所以放題就係不二之選, 大眾化之餘，選擇性又高牛之鍋就是火鍋和日本菜的二合一餐廳一個價錢, 二種選擇, 喜歡熱食或凍食的人都可以各取所未食之前, 可以去醬料吧幫自己調配喜歡的火鍋調味料 醬料及配菜選擇屬於正常, 我就最愛於鼓油內加上大量蔥花.餐廳採用半開放式自取食物, 有關火鍋的配料除了肉類、丸類及海鮮類是填紙入單之外,蔬菜及麵類都可以在餐廳中間的吧台上自選吧枱上有形形色色的蔬菜類, 款式選擇都不少汽水櫃位於餐廳入口處, 可以自己去雪櫃內自取喜歡的口味美國牛肉美國極上牛肉分別點了2款牛肉, 就是美國牛肉和美國極上牛肉,每碟分量不算少, 2個人食會覺得有點多.個人比較喜歡美國極上牛肉多一點, 口感比較有咬感,沒有太多脂肪, 而且肉味也較突出.海鮮方面, 墨魚滑、蠔和海蝦都很不錯.墨魚滑幾爽口, 有彈性, 而海蝦也是我不斷encore的必食火鍋配料.丸類選擇不算多, 但就有唔少特別的丸類款式,例如: 墨汁墨魚丸、粟米流心丸、黃金麻吉燒等等…..試左粟米流心丸, 內面流心的味道似忌亷粟米湯,味道都唔錯架.之後再點了刺身,

凍冰冰嘅天氣最岩當然係去打邊邊 食飽暖笠笠做個肥仔肥妹啦今晚尼到好評唔少 位於荃灣悅來坊嘅「牛の鍋」溫馨小提示 大窩口站對比起荃灣站 會比較近 大家識做呢今晚豬先生豬小姐唔客氣啦 一於大開食戒！We are ready for it「牛の鍋」以任食火鍋 放題 甜品集於一身做賣點 想食嘜就有嘜 包羅萬有而且索價先二百幾蚊 究竟性價比又如何呢？刺身當然要先點先食啦 擺盤算幾有心思 排得整齊美美的 刺身切得薄薄並非厚切影響口感 但以任食嘅質素尼講已經叫比足面尤其三文魚及赤貝 前者肥美 後者爽口無雪氣軍艦及壽司方面 回本之選no.1係三文魚籽海膽軍艦 帶微甜無腥澀味 口感幼滑 配合三文魚籽在口腔內嘅鮮味爆發 必食炸物方面則較為油膩及炸粉厚了點 食得多會易飽滯 我仲要留肚打邊邊架燒日本蕃薯仔及燒菠蘿有驚喜 蕃薯仔溫暖香甜 菠蘿清甜多汁 正呀火鍋湯底我地選擇左蕃茄薯仔牛粒湯底 顏色茄紅 味道淡淡 所以豬小姐再係自助區拎蕃茄放落去 務求令湯底更濃更稠火鍋配料主要分order紙同自助區肉類 海鮮 丸類 餃子為order形式 蔬菜 素類 麵類等則為自助形式海鮮類別有海蝦 廣島蠔 鮑片 青口等等 仲有豬先