牛の鍋日本料理

营业中

休息中

朋友住荃灣，今日就佢過黎食火鍋放題，為左等遲大到既佢，我地八半入座，餓到肚扁。刺身選擇多，朋友一個人都食左好多，尤其鐘意甜蝦、赤貝。火鍋湯底好多選擇，真係選擇困難症，朋友話食好D就簡左兩個較貴既北海道牛乳花膠、杞子火腿雞湯，另外加28＋28蚊，雙拼再加18蚊。北海道牛乳花膠，牛乳味重，仲有大大舊花膠滋潤進補。杞子火腿雞湯就較清，朋友話比較好味，但我兩者都鐘意。部分火鍋配料、飲品，可以自助區自取，其他寫紙仔落單。放題通常會點到一枱嘢食，有三層架夠貼心。肉方面都應有盡有，仲有大碟、細碟之分，兩人叫細碟就可以食多D其他野。朋友鍾意食美國極上牛肉，一個人可以清兩碟，而我反而鐘意脂肪較多既，美國牛肉。今晚最後悔既係，食到差唔多8成飽先記得仲有甜品，明明我係甜品愛好者。而呢度既甜品原來勁好食，肚太飽試唔哂甘多，叫左楊枝甘露、豆腐布甸都幾好食，尤其係榴蓮甘露！每人食左兩杯，榴蓮甘露真係無得輸，仲好食過出面甜品鋪，朋友仲話今晚超值，下次一定叫埋其他朋友再食添。

大陸同事落咗嚟，入住熊貓酒店。佢食力指數高，又要快靚正，一於同佢去佢樓下食放題。約咗佢8點，餐廳人頭湧湧，好彩個場夠大，仲有位，亦都算好坐。食咩好? 仲使問? 梗係 $218 咩都食啦!都話佢食力夠，又猴擒，坐低就即叫嘢食，仲滿場飛。火鍋:-火鍋湯底叫咗九洲豬骨湯。我問佢，點解要帶隻公仔嚟影相，佢話佢哋上面興，影相打卡，然後 post 上微信朋友圈喎 (真係頂你唔順!)。【美國極上牛肉】牛肉味濃，超好食。【特選豚肉】肥、肉各佔一半，口感一流，要嚟兩個 round。【牛柏葉、日本廣島蠔】呢兩個麻麻哋。【其他火鍋食材】選擇都好多，同事話，呢度拎嘢食，見啲人好斯文，唔似得佢哋上面咁狼死。同事唔好生嘢，呢個小刺身拼盤就係我 my favorite。有頭甜蝦、八爪魚、三文魚、帶子，好新鮮。壽司、手卷就開正佢嗰瓣:- 火灸和牛壽司、火灸三文魚腩壽司、蟹籽軍艦、玉子燒壽司、海膽三文魚籽軍艦、芝士炸蝦卷、海膽手卷，食到唔停，讚不絕口，尤其是火灸的兩款壽司。佢話火灸過的無咁生喎。炸物、燒物當然唔會放過:-炸番薯、炸大蝦、芝麻雞翼、芝士年糕、鹽燒海蝦、燒雞軟骨。雞翼和鹽燒海蝦好得，其他一般。其實今晚個主角

荃灣有一間打邊爐嘅嘢，係悅來坊嗰邊，都算幾方便嘅。最特別嘅賣點就係因為佢裏面有得揀甜品，無論係淨係火鍋任食或者火鍋飲食及放題類別，都一樣可以任食甜品，同一般放題火鍋店與別不同。入到去之後首先揀個湯底，因為我同朋友嘅口味有啲唔同，就加＄18叫過鴛鴦湯底，其中一個要沙嗲湯、另外一個要豬骨湯。兩款味道都幾清新，唔會太過鹹，沙嗲湯香味十足；豬骨湯香氣迫人，各有各美味。食火鍋當然唔少得美國高級牛肉同埋羊肉啦、美國牛肉脂肪分布平均口感不錯，羊肉香味十足，估唔到呢個價錢可以食到咁唔錯質素嘅食品。仲有好多海鮮選擇、例如鮮蝦，生蠔等等，都好有鮮味，生蠔就醒啲。因為我哋揀嘅套餐呢係有得食刺身嗰啲放題，所以我哋就係咁叫刺身，啲刺身唔錯，三文魚好肥美，甜蝦都比想像中更加新鮮，仲有好滑甜嘅帶子。壽司嗰啲都唔錯，嚿飯唔會太大size適中味道都清新。燒野嗰啲就推介番薯仔、燒菠蘿同埋黑松露粟米好香～另外我最欣賞佢係我哋叫幾多佢哋上幾多，完全唔會浪費食物，叫幾多食幾多，最多唔夠再叫好過浪費！最後最主要梗係食甜品，朋友已經食到好飽嘅時候我食得落抺茶芭菲，除咗綠茶味雪糕好香滑之外，下面仲有好多層，例如甜忌廉、朱古力脆脆、椰

跟朋友吃生日飯，就到了他家附近的熊貓酒店。這裡食肆不少，在門外看到牛之鍋的食物款式豐富，價錢又不貴，就它吧！先來剌身，點了三文魚，帶子，甜蝦等，都是鮮甜，肉質軟嫩。熟食款式非常多，當中有好幾款值得ENCORE. 黃金炸生蠔及芝麻雞翼都炸得香脆，黃金炸生蠔大隻，外層不厚粉，咬開有濃郁蠔汁，沒有腥味。芝麻雞翼肉嫩入味，咬開有肉汁。金菇牛肉卷燒得肉香入味，內裡的金菇盡吸牛肉肉汁。燒牛舌亦燒出牛肉羶香，厚切口感軟彈。點了牛乳湯鍋底，湯底滾起後開蓋就傳來牛乳香。美國極上肥牛及豚肉，質素不錯，軟腍有肉香。除了點餐紙上的食品，還有自助沙律提供各種大量新鮮蔬果。其實只吃甜品都值回票價，甜品款式新穎而且多種類，不是一般放題的hea做。可惜沒有留肚，未吃甜品已經飽飽了，只選了我愛吃的宇治抹茶芭菲。雖然細細杯，但材料充足，抹茶雪糕軟滑，充滿茶香，是貴價雪糕店的質素。下次再來一定要把其他甜品也吃丟才不枉！

約朋友食飯，最喜歡選擇放題，而朋友今晚又想打下邊爐，就決定到喱間試試👇🏻約好朋友食早段，七點半埋單有優惠FB打卡重有澳洲和牛肉送飲品區，應有盡有配菜區，新鮮豬豚肉好味蠔同蝦都好新鮮最愛炸物，全部熱騰騰㗎墨魚餅好有口感，朋友就最愛雞軟骨我最愛牛舌燒得啱啱好，爽爽地又夠厚身，喜歡牛舌嘅朋友，我極力推薦最美滿嘅一餐，點小得甜品喱度包滿足到一眾甜品迷，佢連少有嘅窩夫，綿花冰都有朱古力，咖啡奶凍都好出色超滿足

呢間荃灣嘅牛の鍋標榜集打邊爐同放題於一身，除咗個邊爐正之外仲可以食到平時放題食嘅嘢而佢嘅最大賣點就係有即製甜品，去開荃灣就去咗試一試。入到去揀左湯底之後，蔬菜同埋丸類就可以出去自己夾。牛肉羊肉等等就要用紙order。啲雪花肥牛脂肪分配均勻最緊要係可以任食佢仲好貼心咁每張枱都有個架方便我哋搭啲食物上去，就唔會令到餐枱滿晒啦當然我都叫咗好多刺身壽司等等，啲帶子好新鮮，甜蝦都好正。仲有芝麻雞翼及芝士年糕等放題必食嘅嘢串燒都做得唔錯架，最鍾意就係食嗰個雞骨腸啦，出邊唔係好多地方有。到重頭戲喇，就係佢嘅即製甜品，我哋坐得近廚房一度食已經望到源源不絕嘅甜品出黎，睇到流晒口水最好食嘅就係呢個榛子朱古力香蕉pancake，榛子醬加埋香蕉真係絕配呀加埋啲cream，我同朋友都忍唔住每人食咗兩塊另外一個雪糕窩夫黎嘅時候真係熱嘅，而且好趣冇令我失望，其他甜品好似綿綿冰，芒果pancake等等都唔會係普通放題店搵到。鍾意食甜品嘅一定要喺度食盡佢啊二百幾蚊有呢個邊爐食放題同埋甜品放題真係好抵！

約左同事喺附近食完晚飯先番屋企，揀左呢間位於悅來坊嘅牛之鍋，十分之多好評，相當期待，特別係知道好多人大讚佢地嘅甜品，我已經準備留定肚試多幾款。平日夜晚都有唔少客人，可能附近有酒店，加上位置都幾方便。餐廳裝修都係一般火鍋放題格局，整整齊齊，大部分係卡位，亦有其他梳化位置，唔會逼狹。呢度分為兩款放題，一款係包火鍋、甜品，星期一至四價錢每位168，優惠時段再平廿蚊位，食足兩小時。另一款係包火鍋、日本料理、甜品，星期一至四每位218，優惠時段係178，性價比幾高。我地見D日式野都幾吸引，所以揀左218嘅任飲任食放題，食到飽飽始終主打火鍋，同一般日本料理放題比較，款式自然冇咁多，但事實上都足夠有餘，平時會食果D款式都有齊。沙律、剌身、壽司、手卷、軍艦，我地都食左幾輪，上菜速度超快，兼且數量準確蟹籽沙律清酒煮蜆蜆肉唔會得個殼，但基本上冇酒味，我當就咁食蜆算。刺身有三文魚、螺片、八爪魚、墨魚、鮑片、北寄貝、赤貝、甜蝦、希靈魚，我地點左兩輪，樣樣試少少，都幾新鮮壽司方面我都要食D，款式都幾多，我特別鐘意火炙系列，有火炙和牛、火炙三文魚腩壽司，仲有芝士炸蝦卷、辣味三文魚軍艦、蟹籽軍艦等。火鍋湯底可以揀一

聽落火鍋再加放題幾特別 仲要好多款甜品 又見評語唔差就一試 點知...先講放題 野食尚可接受 不過壽司就真係麻麻 有別於平時食嘅 因為舊飯團係用白飯 而唔係食開嘅有落醋 變相唔吸引 再試一試最愛的鰻魚 哇 好失望！平日嘅鰻魚會有種香味 但係佢係脂肪又冇又唔香嘅鰻魚再試一試其他小食 個墨魚餅薄身唔緊要 每一啖都係油同油同油 少少墨魚味都冇！小食最好食我諗係個雞軟骨 金菇肥牛 最多加埋個黑松露栗米然後到火鍋 每一片肉都好薄 薄到如果食一片你唔會覺食緊咁....所以每次都一堆咁食 而肉質 真係麻麻再到出面啲菜 感覺有啲唔新鮮 啲菜有啲爛咁 搞到興致不大到最期待嘅甜品 見佢好多選擇滿心歡喜 不過都唔係個個好味...先講班戟 個皮一啲都唔好食 連最簡單嘅芒果班戟都好失望 皮底唔好食 芒果超級細 變相淨係食cream...再試埋個榛子香蕉 食咗一啖就唔想再食唯一好食係覺得窩夫 脆口香身 又有朱古力味 唔錯

天氣突然轉涼，乍暖還寒，本身想今日食放題最後跟左朋友去食火鍋。一見到點餐紙簡直係喜出望外，完來牛之鍋係做緊刺身火鍋放題，生冷野同熱氣野一應俱全。首先叫左刺身，基本款都有，下面有冰托住，都幾新鮮，個人最中意食帶子，夠甜，三文魚肥美，魷魚都好爽，後尾encore左幾輪帶子🤣寿司都有一頁，淨係叫左2款過下口癮，怕食太多好快飽，味道都唔錯，飯係新鮮的，少少暖唔散，如果胃有位會食多d除左刺身同火鍋仲有熱食，天婦羅炸得幾好，粉唔會太厚蝦仲幾爽口，串燒都好惹味火鍋叫了蕃茄湯底，鮮甜就咁飲都無問題火鍋料有好多選擇，最正當然係牛肉，好有牛味又滑，食多多都唔厭。其他食材都好多，丸類響鈴海鮮都有，而且質量不錯菜同麵類要自己係出面攞，好多選擇而且都新鮮，放落蕃茄湯底真係好夾不得不提手打墨魚滑，圖為一份份量，完全可以叫大量，滑得黎又無哥士的味，好重墨魚味，而且煲極都唔硬，值得大量食野飲由熱茶到啤酒都有，想消化好d所以飲熱玄米，係日本餐廳個種大大包玄米呀😛食飽飽都要留返少少位食甜品！好多款而且每款都好出色，芒果pancake入面勁多cream，皮薄，芒果又甜，真心正綠茶芭菲好豐富，又有紅豆蓉又有脆片，好多層好靚。

女生常說甜品是不占任何位置的，身為<為食小肥兔>的我當然非常同意。今天約了閨蜜一齊到荃灣的<牛之鍋>一嘗兩小時任飲任食的火鍋放題。慢著！！今天是要介紹火鍋放題嗎？？那為什麼說女生愛吃甜品？？​聽附近工作的閨蜜說，很多同事都讚他們的甜品。日式Shabu Shabu放題Menu除了有近200款日本料理同火鍋外，仲加入全港獨有嘅「即製甜品」元素， ​專程聘請甜品師為客人即時製作甜品​ ！聽到這裏我已經即時心心眼😍，二話不說就約好今天來吃甜品！而且仲做緊三週年優惠，只要讚好Facebook就可以多一碟和牛食。如果不讚好又要點的話，澳洲和牛盛惠$118,日本黑毛和牛更要$178，現在只需讚好就可以免費吃，好高興。任食火鍋當然也包括飲品任飲，店內有多達十多款罐裝和紙包飲品任大家選擇。當中最欣賞是有<無糖茶>！！吃甜的限額要留待一會兒瘋狂的吃甜品瘋狂的吃甜品前，還是輕輕吃一點火鍋和放題打打底。除了有任點的火鍋點心紙外還可以到外面自取各式火鍋生料。而放題當中我只選了<芝麻雞翼>和<紫心香芋丸>，兩款都炸得夠香脆，好味喔！

一站式 放題火鍋甜品大滿足位於熊貓酒店1樓自動電梯右轉就見到 非常方便枱與枱之間夠空間不會手撞手 唔使排排坐細心預備層架 就唔怕枱面唔夠位擺野貼心又關注到客人既需要大小放題有的食物都有齊份量適中 唔會浪費食物刺身夠新鮮夠凍 唔會淋到唔知食緊乜 你明既蟹子沙律夠凍 新鮮 唔會好似水/變左湯咁而且食到蟹柳唔會淨係得青瓜壽司份量岩岩好 食多2-3件都冇問題 紫菜絕對仲脆食過差放題既都會明白怕怕太多野食 無可能哂所有食物揀左「必食」「推介」選擇牛肉更可以點大碟OR 細碟 放便得多驚喜1 更揀左絕對小有 連火鍋店都未必有既牛骨髓仲可以出去外面夾其他配料驚喜2 除了常見飲品之外 竟然有Somersby有飲過都知OVER $10罐最最最大驚喜! 意想不到 - 甜品絕對不是平時的雪米糍一粒而是有駐場甜品師傅即叫即制宇治抹茶芭菲軟雪糕窩夫棒子朱古力香蕉班戟楊枝甘露 榴槤甘露喂!超好食 質素絕對比甜品店有過之而無不及食物選擇絕對夠多 絕對值回票價欣賞份量岩岩好 寫幾多 就幾多 等你唔洗預多 失預算記得唔好貪心 要量力而為 店員有禮 動作夠快 

因為我返工的關係，我和先生多了在荃灣行街購物，我比較喜歡行商埸，今晚收工後來到悅來坊購物。購完物是時候食飯了。牛之鍋三周年大放送的招牌: 刺身日本放題+火鍋及即製甜品 $218。 任飲任食2小時。十分吸引。於是我們決定试吓牛之鍋。我們要了個豬骨湯鍋底。食火鍋我喜歡自己調味，這裏有個自助調味站，所以我特別喜歡。趁爐未上，我先㸃了放題熟食。海膽三文魚籽軍艦，入口軟滑，海膽香濃。炸雞翼醃得很入味，炸到剛好熟。黃金炸生蠔，肉質軟滑，不過味道稍淡。大蝦天婦羅，外皮帯脆，蝦肉十分爽。美國牛肉，牛肉味比較淡，及外觀稍為欠奉。清酒煮蜆，湯帶太淡淡的酒味，蜆比較多沙。鹽燒海蝦，燒得太乾身，令到蝦肉變鞋。燒菠蘿，酸酸甜甜，味道不錯。

母親大人一向都喜歡吃火鍋和放題，所以我便上網看看，然後再問她意見，最終她選了位於荃灣悅來坊的「牛の鍋」。雖然我們用餐的日子不是假期，但是餐廳也差不多坐滿了客人，相信這裏的食物也不錯。當晚我們被安排坐在卡座，位置寬躺又舒適，我們亦都相當滿意。而我們坐下不久後便點了蕃茄薯仔牛粒湯作為我們火鍋的湯底，想不到不消一會兒他們便立即呈上蕃茄薯仔牛粒湯，效率十分高。蕃茄薯仔牛粒湯湯底甜甜，富有濃郁的番茄味，內裏還有不少蕃茄薯仔牛粒在內，我們都十分喜歡。當母親大人還在選擇吃什麼的時候，我便走到自助火鍋配料區看看有什麼吃。這裏自助火鍋配料非常多，粟米、南瓜、芋頭、西洋菜、唐山菜、蓮藕、白蘿蔔、雞蛋、公仔麵、蕃茄等，真的多到有點眼花撩亂。而醬汁和醬汁配料區一般基本所需的都有提供如豉油、芝麻醬、沙律醬、青檸、辣椒、生蒜、熟蒜、蔥花、莞茜等。另外他們還有雪糕配料區，朱古力、朱古力餅碎、棉花糖等都有。而飲品區的飲品也有不少，百事、蜜瓜豆奶、巨峰提子汁、檸檬茶、芒果汁、烏龍茶、玄米綠茶包、烏龍茶包等，甚至連啤酒也有提供。刺身看完一輪後，母親大人點的刺身已到了。不論是三文魚、螺片、八爪魚、赤貝還是北寄貝也相當不錯，