牛の鍋日本料理

营业中

休息中

好鐘意食放題，久唔久就會約埋朋友仔去食下，貪放題食物種類多，一定有食物啱食，又可以同朋友一邊食一邊聯絡下感情，一舉兩得！呢日嚟到呢間位於悅來坊嘅牛之鍋食日本料理、火鍋、甜品放題晚餐。先嚟點左幾款刺身，帶子、鮑片、有頭甜蝦、赤貝、北寄貝，款款鮮甜味美。我哋叫左九洲呢個火鍋料理有4款肉任食，美國牛肉、美國極上牛肉、紐西蘭羊肩肉同特選豚肉。我哋叫左一份美國牛肉(細)、一份美國極上牛肉(細)同一份紐西蘭羊肩肉(細)，就算叫細碟幾款肉都幾大份，食落都新鮮夠肉味，絕對食得過！同時都有好火鍋配料任點任食，我哋點左其中嘅廣島蠔、牛骨髓、牛栢葉、鷄子、印尼海蝦、台灣青衣魚片……等全部都新鮮味美，絕無欺塲。食落香辣嘅川辣牛丸同凍豆腐等，全部都係任點任食。仲有大大個火鍋配料自助bar，配料種類差不多有三十種，韓式年糕、粟米、蕃茄、鮮菇、金菇、鷄肶菇、生根、豆卜、豆腐、芋頭、南瓜、西洋菜、生菜、津白、菠菜、烏冬、公仔麵……應有盡有，任攞任食。飲品、火鍋調味料同雪糕配料都係任攞架！呢度呢任食即制甜品亦都好有特色同好味，我點左宇冶抹茶芭菲、扭紋抹茶新地、軟雪糕、精選綿綿冰、榴蓮甘露，款款精彩！總括嚟講呢度食物好味

荃灣又係一個好多野食既地方，今日唔去掃街，就去左♥牛の鍋♥食返餐滿足又飽肚！兩小時任食，火鍋，日本料理，甜品放題，想食幾多就幾多。放題分類款式都有好多，火鍋料，一品料理，壽司，炸物，甜品樣樣齊，而且每個類別既選項都有好多比你揀。飲品，雪糕，醬料都係自己出去拎出去整，野飲選擇比出面一般既多，食火鍋有蜜瓜奶飲都係第一次見！！而今天既湯底就揀左最鐘意既蕃茄薯仔湯底，撈一撈都見到有好多蕃茄薯仔粒，仲有牛肉粒提升味道！蕃茄湯有味，烚野食都好好味！等緊個湯滾既時候，就係開始填紙仔落單啦～等食既一刻，當然唔少得食刺身同壽司。三文魚，甜蝦，帆立貝，魷魚出乎意料地所有刺身都無腥味，雖然唔係最鮮，但無腥味已經加左唔少分！另外再叫左幾款壽司，三文魚子海膽壽司都出奇地好食，食完呢轉就忍唔轉叫多一轉，火炙三文魚腩都不錯喔！到左最主食既肉類，分別有以下幾款：美國極上牛肉，美國牛肉，黑豚肉，羊肩肉佢有分小碟同大碟，我地叫既小碟都已經好多，為左唔好浪費，大家按返需要食幾多就叫幾多～所有肉既質素都幾好，冇冰鮮凍肉既味道，配上個湯底幾好食！另外其他野食質素都唔錯，無論係燒物定係其他小食，都值得試下！大家留意返落單落一份其

平時經常久吾久就去食， 之前幾次都質素幾好， 今次去食火鍋配料的廣島蠔明顯吾同平時，好細細隻，仲食到幾隻係苦味的，海蝦撞彩甘，叫左兩論，每一輪叫6隻，但只俾4隻，每次有兩隻梅梅地，吾知係吾係真係甘岩定點，所以冇興趣叫第三輪了，牛肉幾好，同平時差不多，甜品款式差不多，算幾好，幾多款式選擇，整體價錢係算抵吃，化算，係有部分食物質素差左。食呢間時間就要預左好趕，限時2小時，但1點半小時就會叫last order埋單。

趁天氣未到極度炎熱梗係要來打邊爐呢度價錢抵食而且質量好好以前已經試過今次再嚟食多次今次來好似甜品比以前仲要多啲食物嘅選擇豐富對於好鍾意食甜品嘅我來講將甜品紙真係好吸引當然除咗甜品之外仲有刺身壽司沙律等等出邊有唔同嘅醬料可以自己配搭飲品款式都好多仲有我未見過嘅蜜糖梨汁仲有我好鍾意飲嘅蘆薈汁刺身都幾新鮮肥美尤其是係三文魚同埋赤貝赤背非常新鮮鮮甜我都唔知番點左幾多次另外佢嘅燒三文魚都好正同埋佢d飯會好大舊啱晒女仔胃口出邊有唔同嘅蔬菜可以自己夾來食牛肉質素亦都好高脂肪分布好均勻而且唔會太大件亦都唔會太細件分量剛剛好同埋肉味香濃睇得出係鮮紅色嘅代表啲肉好新鮮天婦羅都揸炸好香脆啲蝦好爽口彈牙到我最愛嘅甜品呀竟然有榴槤嘅甜品食！好少放題有得食㗎仲有其他比較少見嘅例如係桃膠同埋麻薯麻薯煙煙銀銀好特別當然唔少得綠茶芭菲綠茶雪糕好香茶味唔會係好假嘅綠茶味而且仲有小丸子同埋啫喱！我同朋友都食咗幾杯淨係食甜品都抵返晒

今日黎荃灣悅來坊地庫AEON買野，掃完貨就搵下有乜好食啦，經過牛の鍋門口，我呢個牛魔王就比佢挑起左食牛肉放題呢個心癮，於是就決定入去大刷一番。呢度分AB兩種放題，A款放題有日本料理、火鍋及甜品，星期一至四成人每位$218，星期六日公眾假期$238。B款放題只包火鍋及甜品，星期一至四成人每位$168，星期六日公眾假期$188。如果7:30前結賑或者9:30後入座每位減$20-至$40不等，價錢都幾抵呀。我就揀左A款連埋刺身嘅放題。再望下呢度點菜紙，沙律、一品料理、壽司、燒物、天婦羅等等任你ORDER，就算係火鍋配料都有30幾款，選擇多到暈呀。蕃茄薯仔牛粒湯，濃濃嘅茄香直撲入鼻，相當吸引。部份火鍋配料放左喺外面以自助方式去攞，牛丸、龍蝦丸、魚皮餃、午餐肉、金菇菜、烏冬等等食幾多攞幾多唔駛做大唗鬼。大大個汽水櫃啲野飲都係任飲架，雖然無紅色可樂，不過好彩雪碧、百事果啲都啱飲啫。如果好酒精嘅人，獅威同JOLLY SANDY都係任飲架。竟然有老婆最愛嘅北寄貝，因為好多地方放題都無北寄貝揀架，所以非常驚喜。至於其他三文魚、帶子、鮑片、螺片等等都係放題必點嘅刺身。對我黎講牛肉先係主菜，呢個美國極上牛肉

又係我同朋友搵食。今次朋友介紹左依間 牛之鍋,朋友沒來到之前,我已經望晒餐牌原本星期一至四 可以$218加一 就可以一位。但今日係佛誕前日 所以都係貴左D $248加一今次個火鍋變左係  次要食物。集中食炸物,壽司,刺身,同埋最重要係 任食甜品。我朋友狂食十杯甜品有窩夫,楊枝金露,多種雪糕

今晚是第二次光顧，當然選擇火鍋、放題加甜品啦！一行六人，內有一位長者，星期六晚食早場，埋單都不用$1200，都很抵。首先，抵是因爲這裡火鍋，又有日式放題，再加甜品，這個價錢邊度搵？！坦白說，火鍋的選擇都一般啦！什麼手打肉丸就沒有了。但值得加單的有肥牛、青衣魚、蠔、羊肉等。肉的質素幾好，薄而不覺肥，也不靭。蠔，是全枱都🙋🏻‍♀️🙋🏻‍♂️，因為算肥及大隻。日式放題就有壽司、刺身、手卷、軍艦、炸物、牛舌、天婦羅等等。壽司有幾多款式，手卷細細，不會太飽，值得讚。刺身都算不錯，起碼不覺不新鮮，種類也算多。天婦羅就一般了，炸粉略厚。講到最吸引的，當然就是甜品。綠茶芭菲，細細杯，味道不會太甜。還有班戟，細細件，易入口。咖啡奶凍，幾好，幾濃的咖啡味。最鍾愛的就是雪糕窩夫，我自己食了兩碟有多😋。由於是新鮮製作，感到微暖及脆的。這店不是專門火鍋，也不是專門放題，所以若用專門來比較，一定會嫌款式不夠多，部分質素欠奉。但若是以，一店能滿足多樣食物要求，又如此的價錢實在很抵。還要讚的是店員很殷勤的服務，雖然忙，但收碟、落單及加湯都照顧周到。食過兩次，比較下，我都是覺得蕃茄牛肉果個湯底最正。壽喜燒是🙅🏻‍♀️🙅🏻‍♀️

在荃灣逛得筋疲力竭，因為太多商場可以逛了行到最後只是走馬看燈!正正是晚飯的時間我和朋友便隨手選擇一間放題形式的火鍋刺身甜品店！順道醫一醫肚！因為真的是太餓了，一整天沒吃什麼！根據地圖走一走這間店只是在悅來坊的2樓非常好找！去到門口比想像中闊落因為是開放式的門面感覺整間餐廳都好大！入到去已經見到有唔少人晚餐中！侍應安排我們二人坐一個好舒服的卡位！食放題類似形式的一定要坐得舒服！因為時間唔短！可以慢慢食慢慢坐！這裡供應一款係包火鍋及甜品的放題或者包火鍋及甜品及日本料理的放題...又可以選擇單純食晒兩種類至嘅放題！我倆選擇付出多少少來一個大滿足！兩樣都試哂！哈哈...點餐紙嘅種類比想像中多！有：「沙律、一品料理」「炸物、天婦羅」「燒物」、「火鍋料」、「日本料理」、「甜品」你可以在點單紙自行點選喜歡的食物或者自己出去自助區取也可以！出面都有好多款式可以選擇！但是蔬菜類為主呢！見到都開心!枱上會有兩個大碗俾你自己出去夾野食的！湯底是免費的！壽喜燒及蕃茄薯仔牛粒  也很吸引...最後還是點蕃茄薯仔牛粒了...沒有加18蚊點雙拼！濃旭蕃茄味，仲有些薯仔粒！點了湯後即刻出去拎醬油發飲料！呢個行為就係預

屋企人想打邊爐，我自己又想食放題，如果兩樣一齊就最好啦🧐 荃灣悅來坊嘅牛之鍋就可以做到兩樣一齊啦😍 八點去到唔使等位，火鍋我哋揀咗豬骨湯底，食物選擇好多，分咗火鍋類同埋放題食物類～ 火鍋類嘅食物我哋食咗美國牛肉、美國極上牛肉、紐西蘭羊肩肉、特選豚肉，四款嘅味道都好好😋，牛同豚肉都好食，羊肉唔會好羶，全部都肉質好淋～ 我哋仲食咗海蝦、青衣魚片、廣島蠔、墨魚滑，都唔錯～ 另外我哋叫咗一啲丸，粟米流心丸都幾特別～ 放題方面，有沙律、刺身、壽司、燒物、天婦羅等，刺身都幾好味，三文魚、帶子、北寄貝都唔錯，我哋都encore左幾次😋 炸物都好好食，例如黃金墨魚餅、炸香芋丸、大蝦天婦羅都好好味👍🏻 阿媽最愛榴槤炸彈，燒菠蘿、燒牛舌都唔錯～ 甜品方面真係即製，而且選擇好多好特別，我哋叫咗一人一杯宇治抹茶芭菲，真係幾正👍🏻😋 又食咗芒果pancake，綿綿冰，榴槤甘露，幾款都好好味👍🏻 食到超飽的一餐，可以滿足唔同屋企人嘅需要同願望，抵食👍🏻

前日母親節一家人出去慶祝食飯，有人就想食放題，另一啲又想打邊爐，所以為咗滿足唔同人嘅需要，我地選擇左一間有火鍋又有放題又有甜品食嘅“牛之鍋”， 一次過滿足曬大家的願望。位於荃灣悅來酒店1樓嘅“牛之鍋” 一個價錢任飲任食，有火鍋、刺身、炸物、日式料理同甜品。火鍋嘅配料選擇唔算多，但係就勝在夠精，我哋主打食肉，有羊肉豬肉牛肉，尼三款肉嘅肉質都新鮮又靚仔又好味，唔似一般任食火鍋店嘅肉質，佢哋嘅質素絕對高，我哋encore都叫咗三四碟。而另外就有唔同嘅丸嘅選擇，比較特別嘅火鍋配料有雞子同埋大蝦，各樣配料嘅質素都好好。日式放題有刺身炸物一品料理等等，刺身夠曬新鮮，佢嘅墨魚同埋帶子就最好食，炸物選擇豐富，媽媽最喜歡食炸榴槤球，而我就喜歡食天婦羅大蝦，墨魚炸餅都好好食，除咗任點嘅放題同海鮮配料，仲有新鮮嘅蔬菜蘿蔔粟米公仔面等嘅配料，都可以自助bar夾。飲品方面有兩個大雪櫃，有不同嘅飲品選擇亦非常豐富，食到好飽都一定要食甜品，估唔到佢嘅宇治抹茶芭菲非常好食，我哋每人都點咗一杯，而另外芒果pancake裏面嘅芒果都好甜好新鮮，但係裡面就比較多cream，食多兩件都肥仔曬，另外喜歡榴槤嘅媽媽就點左榴槤甘露

第二次來牛之鍋，對上一次差不多一年前了，來過都知道這裡特意聘請甜品師傅即場製作各式甜品，所以甜品絕對是亮點，今晚當然又是為甜品而來⋯牛之鍋餐廳開揚，面積不是很大，但同樣設有自助區，價錢相易⋯放題食物種類多，不單是火鍋配料，還有刺身壽司等日式料理，一邊吃火鍋，一邊吃日式料理，最後嘆特式甜品，多麼完滿⋯自助蔬菜吧提供時令蔬菜，整體非常新鮮，另丸類食物也有多種選擇⋯我們選了蕃茄薯仔牛粒湯底，顏色看上去以為是偏向茄膏的假蕃茄味，誰知味道卻是鮮甜的蕃茄味，滲出牛肉的肉香，很有兒時母親在家煲的湯的感覺⋯肉類有四種：(由上至下)美國極上牛肉、美國牛肉、特選豚肉及紐西蘭羊肩肉美國牛肉相及特選豚肉相對脂肪較多，怕肥可以選美國極上牛肉，肉味較濃，口感較軟滑～自助區有多種新鮮蔬菜及丸類食物⋯另外日式料理當然不要少不了各式海鮮及炸物⋯刺身也有十款選擇啊﹗亮點登場，有甜品師傅即場炮製甜品，當然會定期轉換一下甜品的款式，這次我們留肚盡大部份甜品：左上是最受歡迎的宇治抹茶巴菲，光看賣相已吸引，右上是扭紋抺茶新地，抺茶雪糕非常甘香；左下是朱古力味極濃的開心果朱古力慕斯，右下是芒果益力多綿綿冰，鮮甜的芒果味跟酸酸甜甜的

日前與友人相約在熊貓酒店附近碰面，之後就在附近找地方晚餐，見到這間標榜日本料理+火鍋+即製甜品放題，只不過是二百元多些，可以一試，不消一會就獲安排入座。原來除了$218的套餐外，不要日本料理就只收$178，還有早離座或遲入座優惠,與及生日優惠及在fb俾like有一碟和牛送，真是五花八門，只是我們的入座時間不合，雖然沒有優惠也不算貴。店內地方整潔，也有足夠空間，飲品區、醬料間及蔬菜自助吧都是分開的，所以不會逼在一起，飲品及蔬菜也有很多選擇。首先我們從六款免費湯底中選了皮蛋芫茜清湯，很快火鍋就送上，湯底都算濃郁，除芫茜外，還有不少切得頗為大片的皮蛋，另外，還跟了一碟腐皮響鈴、蟹柳及牛丸，原來牛丸有些是辣的有些就不辣。友人去取蔬菜、醬料及飲品，而我就剔訂菜單，分頭行事。日本料理方面，我要了三文魚、鮑片、帶子、北寄貝、有頭甜蝦及希靈魚等刺身，還有黃金炸生蠔、海膽三文魚籽軍艦及松葉蟹棒壽司，當中三文魚、帶子及有頭甜蝦都不錯，尤其是甜蝦很爽甜。海產方面我選了印尼海蝦、日本廣島蠔、台灣東鮑片、及台灣青衣魚片，份量選擇都是每樣少少，可以多試一些不同食品，不過發覺這個鮑片比刺身的那個更鮮甜，而廣島蠔也很

唔洗講都係打邊爐不過今次仲多左樣野就係 放題有冇留意到我既標題係~放題打邊爐~打邊爐唔止係任食仲有日式放題 一雞兩味 夠哂方便要食放題+ 打邊爐就緊係要付出多小小喇~~俾多$50就可以兩樣都試哂 想唔俾都唔得喇真係冇老點嫁...飲品任飲 選擇夠哂多 正~!要咩醬汁同配料可以自己一次過拎哂~有D食物係要落單 有D食物係可以自己出去拎真係好鬼正 食到手忙腳亂🤣點呀點呀點呀... ...+多十幾蚊就可以有兩個湯底我地叫左個沙DAD湯同埋豬骨湯 好香呀😍佢會有兩個大碗俾你自己出去夾野食呢個極上牛 唔肥 唔鞋 都好香牛味<3仲會有個架俾你放多D野芝士腸波波🤩🤩呢個豬岩哂D勁中意食肥既人同埋佢地係即叫即刨 夠哂薄 幾秒就食得~!最後個甜品 真係咩都叫下個芒果pancake同埋chocolate banana pancake我地最中意食(其實得我一個清咁濟...友人們已經戰敗T.T)