影片
更多
2018-04-28
133 浏览
大陸同事落咗嚟，入住熊貓酒店。佢食力指數高，又要快靚正，一於同佢去佢樓下食放題。約咗佢8點，餐廳人頭湧湧，好彩個場夠大，仲有位，亦都算好坐。食咩好? 仲使問? 梗係 $218 咩都食啦!都話佢食力夠，又猴擒，坐低就即叫嘢食，仲滿場飛。火鍋:-火鍋湯底叫咗九洲豬骨湯。我問佢，點解要帶隻公仔嚟影相，佢話佢哋上面興，影相打卡，然後 post 上微信朋友圈喎 (真係頂你唔順!)。【美國極上牛肉】牛肉味濃，超好食。【特選豚肉】肥、肉各佔一半，口感一流，要嚟兩個 round。【牛柏葉、日本廣島蠔】呢兩個麻麻哋。【其他火鍋食材】選擇都好多，同事話，呢度拎嘢食，見啲人好斯文，唔似得佢哋上面咁狼死。同事唔好生嘢，呢個小刺身拼盤就係我 my favorite。有頭甜蝦、八爪魚、三文魚、帶子，好新鮮。壽司、手卷就開正佢嗰瓣:- 火灸和牛壽司、火灸三文魚腩壽司、蟹籽軍艦、玉子燒壽司、海膽三文魚籽軍艦、芝士炸蝦卷、海膽手卷，食到唔停，讚不絕口，尤其是火灸的兩款壽司。佢話火灸過的無咁生喎。炸物、燒物當然唔會放過:-炸番薯、炸大蝦、芝麻雞翼、芝士年糕、鹽燒海蝦、燒雞軟骨。雞翼和鹽燒海蝦好得，其他一般。其實今晚個主角
約咗佢8點，餐廳人頭湧湧，好彩個場夠大，仲有位，亦都算好坐。
食咩好? 仲使問? 梗係 $218 咩都食啦!
都話佢食力夠，又猴擒，坐低就即叫嘢食，仲滿場飛。
火鍋:-
火鍋湯底叫咗九洲豬骨湯。我問佢，點解要帶隻公仔嚟影相，佢話佢哋上面興，影相打卡，然後 post 上微信朋友圈喎 (真係頂你唔順!)。
【美國極上牛肉】
牛肉味濃，超好食。【特選豚肉】
肥、肉各佔一半，口感一流，要嚟兩個 round。【牛柏葉、日本廣島蠔】
呢兩個麻麻哋。【其他火鍋食材】
選擇都好多，同事話，呢度拎嘢食，見啲人好斯文，唔似得佢哋上面咁狼死。同事唔好生嘢，呢個小刺身拼盤就係我 my favorite。
有頭甜蝦、八爪魚、三文魚、帶子，好新鮮。壽司、手卷就開正佢嗰瓣:-
火灸和牛壽司、火灸三文魚腩壽司、蟹籽軍艦、玉子燒壽司、海膽三文魚籽軍艦、芝士炸蝦卷、海膽手卷，食到唔停，讚不絕口，尤其是火灸的兩款壽司。佢話火灸過的無咁生喎。炸物、燒物當然唔會放過:-
炸番薯、炸大蝦、芝麻雞翼、芝士年糕、鹽燒海蝦、燒雞軟骨。雞翼和鹽燒海蝦好得，其他一般。其實今晚個主角係甜品:-
宇治抹茶芭菲、軟雪糕窩夫、芒果班戟、楊枝甘露，每人一份，無須share。樣樣甜品都係大酒店水準，超好味。
雖然佢好有食力，但佢都有小小後悔無留定個肚去食甜品，埋怨仲有十幾款甜品未食。我話，唔緊要啦，反正你未返上去，可以聽晚再來食過，食 $168嗰個餐，專攻甜品，最多我陪你。
张贴
