牛の鍋日本料理

营业中

休息中

火鍋放題多選擇 天氣突然開始凍，好想打邊爐近近地就喺荃灣搵左呢間上網睇見到好似好多甜品就決定去試吓 環境唔係好大，仲有啲侷促添成間餐廳煙霧離漫，如果去食記得帶定個袋收起件羽絨餐廳選擇都算幾多，有刺身、壽司、燒麥仲有甜品，第一次嚟梗係乜都試吓刺身都算新鮮，衰唔講得上係上等刺身 但總算是新鮮爽口，不過未至於食完一轉再加一轉，順帶一提，要食日式係要加錢嘅金菇牛肉卷細細件好得意，一口一件其實味道OK，不過咸咗啲 整體來講，所有熟食都比較重味，偏鹹 出面有好多菜可以自取飲品選擇都算不過不失 牛肉方面都算嫩，切得幾薄最期待係個甜品，不過每件試咗一款之後覺得都係麻麻地咁多款最鍾意個芋圓，如果可以在冰凍一點就更加好味 兩個人食咗五百幾蚊如果為填飽個肚，呢間餐廳選擇都多

冇乜几何来荃灣, 上次試完大鸿輝日式放题, 今次試下openrice 呢個最多好評既火鍋+日式放題, 連加一差唔多300一位, 呢個價真係去返大x 屋好過, 走單走份量嚴重, 最惨全部刺身冇樣新鮮, 真心到此一游就夠, 唔會有下一次, 呢個價, 旺角唔少火鍋比呢度料靓新鲜

打邊爐直落食埋高質甜品吾洗轉場😍😍🎏日本料理+火鍋+甜品$238 （任食2小時）吾單止係日式shabu shabu放題仲請左甜品師為客人即時製作甜品🍦真心超有水準 同甜品店一樣😍 我一個人食曬4款甜品 其實仲有好多想試🤤💓除左火鍋料 仲有刺生手卷天婦羅炸物等等 差不多200款😱又抵食又好食 有甜品吾難 但有好食既甜品就第一次見😋.牛之鍋📍荃灣荃華街3號悅來酒店悅來坊2樓202號鋪🎏🎏🎏🎏🎏🎏🎏🎏🎏🎏🎏🎏#hkfoodieslife🎏#hkfoodieslife荃灣🎏 #牛之鍋 #牛之鍋火鍋放題 #shabushabu #日本料理 #日式放題 #日式火鍋 #日式火鍋放題 #甜品放題 #肥牛 #英國肥牛 #甜品 #荃灣 #荃灣美食 #悅來酒店 #悅來坊

天氣開始凍，就好想食多啲嘢，特別係食火煱，所以今晚就約咗朋友去呢間位於荃灣熊貓酒店二樓既放題加火煱任食店到擦餐勁，一次過可以滿足食放題同火煱兩個願望。一入到店內，環境衛生，坐位寬闊舒服，一坐低，侍應就叫我哋揀湯底。有8種湯底可選擇，九洲豬骨湯、壽喜燒、蕃茄薯仔牛粒湯、椰子北海道牛乳湯、皮蛋莞茜清湯、麻辣湯、胡椒豬肚湯、參鬚杞子火腿雞湯，每款都好吸引，最終我哋揀咗胡椒豬肚湯。等湯底呢段時間，最啱就出去拎飲品、醬料同火煱料。 飲品都有好多選擇，有酒類、茶類、果汁類、汽水類，連枝裝水都有，一定有一款啱口味。蔬菜都有好多選擇，每款都好新鮮，有蓮藕、蕃茄、枝竹、粟米、金菇、冬瓜 …… 除咗蔬菜仲有公仔麵、烏冬、薯粉、韓式年糕……連生雞蛋都任攞。拎完蔬菜、飲品同醬料埋位之後，湯底好快就到。喺等湯滾同淥蔬菜期間，又係時候揀火煱料同放題食物啦！又係有好多款揀，真係花多眼亂，有刺身、炸物、串燒、壽司、沙律、甜品……應有盡有。先講火煱: 湯底好濃胡椒味，辣辣哋，好適合依家涼爽既天氣，食完個身好暖。 湯底內仲有好多豬肚，豬肚好爽脆同淋，好味。火煱配料主角就係肉類，有美國牛肉、美國極上牛肉、紐西蘭羊肩肉同埋特

半年前黎食愛上左，一直keep住有黎食嘎，仲帶埋屋企人黎食添，但係真係越做越差，越做越hea！我真心好失望。帶屋企人黎慶生，d野叫左，寫左單，成日都黎唔齊，成日拖，每次遞單叫三疊牛成日都淨係比一碟，其他d乜串燒當然都係黎唔齊數啦！脆佢就話黎啦黎啦咁，成日都勁慢先出一碟肉，完全冇曬耐性。琴晚帶男朋友同佢屋企人黎食啦，點知都係咁，好失望都係成日黎唔齊野拖住曬，而且d刺身冇之前咁高質了，叫切到長方體一塊好奇怪好硬都唔知係乜部位，都唔知係咪真係專業師傅操刀切，希鯪魚都唔新鮮，壽司更加係d米夾生！！總之水準真係差左！但都仲係做緊200幾一位，以後唔會再光顧。

牛肉火鍋 + 即製甜品放題環境: 餐廳位於熊貓酒店商場, 開業唔係好耐, 不過系區內都幾受歡迎. 餐廳唔係好大, 但店內同廚房都乾淨企理, 侍應服務都很好.食物: 呢間火鍋店主打牛肉, 所以佢肉類比較集中於牛肉, 雖然得幾款肉選擇, 但全部質素都好好, 肥牛新鮮, 肉質嫩滑; 除左牛肉, 佢仲有羊肉同少少海鮮, 比較推介佢既青衣魚片, 好少任食邊爐有咁靚既魚片, 的確值得一叫.講完佢個邊爐, 一定唔少得佢個即整甜品放題, 而呢個先係我比咁高分既原因. 甜品種類多, 大約有20款, 今次試左雪糕窩夫, 芒果斑戟, 宇治紅豆綠茶雪糕, 豆腐奶凍, 楊枝甘露. 甜品全部質素相當高, 同坊間甜品店既甜品有得比, 特別重點推介佢個雪糕窩夫, 窩夫整得香脆可口, 配上雪糕絕對一流. 總括而言, 鍾意食甜品一定要黎試試呢間火鍋店.價錢: 價錢和平時一般既任食火鍋差唔多, 夜晚$188加一, 9:30後$168加一, 晏就都有火鍋放題, 但甜品放題就淨係夜晚先有.

見到咁多好評，當然要來試下啦，得知9點半後仲有特價時段，所以今次就選擇9點半後入座，可能閒日關係加埋9點半後客人唔算多，但職員就好多，坐底好快有人招呼及上菜，牛肉有2款，1款高級肥牛，1款普通肥牛，咁當然食高級肥牛啦，價錢一樣，唔錯，入口即溶，比一般任食質素好好多，另外有大驚喜既，仲有百幾蚊仲可以任食蠔，蝦，青口蠔質素任食來講好好，順帶一提豬紅都非常入味，好味，其他火鍋配料都係跟外面差不多重頭戲來啦，甜品即叫即做，有好多選擇，質素正，同出邊甜品舖一樣，食左幾轉，真係超級回本，總結嚟講：終於明白點解有咁多好評，性價比極高，員工服務好，上菜快，無漏單，兩個人埋單都係$350，超值

去荃灣簡單食，又想打邊爐，又唔想排，就去呢間牛之鍋。佢似日式嘅放題同火鍋店。放題有熟食嘅炸物，串燒同刺食。火鍋都係畫紙，出面仲有啲蔬菜。仲有，呢度好多人講嘅甜品。地樣樣都叫啲食啲，熟同火鍋嘅食物質素差不多。而蔬菜類別選擇多。食物黎講，呢度比較standard，有放題有火鍋，適合乜都想食嘅人。湯底方面，我地叫左個椰子牛乳，牛乳味濃，又有足料椰子。呢度嘅甜品係喜出望外，聽說係即叫即做。我地叫左班cake同芋圓。

天氣開始轉涼, 又到咗香港人好鍾意打甂爐嘅時候. 行開荃灣, 之前食過嘅都摺咗, 上網一SEARCH搵到熊貓呢間試下. 門口寫到明2小時, 雖然係貴價時段都試下.座位算闊落, 唔會太迫.先試下日式刺身, 算新鮮.其他日式前菜上枱較慢, 食到甜品至到. 火鍋配料算多又齊, 蔬果汽水啤酒自助, 肉類就TICK紙仔.豬牛羊雞海鮮, 各款丸類等等都有. 另外, 上FB like&share 佢地專頁, 可得澳洲和牛100g. 甜品係另一推介, 款式多又靚又好食.當然, 閒日甚至食午餐就會抵好多. 餐廳雖然位於熊貓二樓, 但出奇地唔多拖喼客, 以街坊為主. 

今日中午與家人行經悅來坊，見到呢間日式放題，上網有眾多好評，向門口職員查詢午市放題的詳情，但貴 店的職員態度令人難以接受;問了兩次，仍然只顧玩手機，第三次才答我118元，我問會否可加錢有刺身食，豈料竟回答:你俾幾多錢都唔會有得食，午市係唔提供刺身我聽完即時火濃，若非拖住老婆女兒一齊，早就破口大罵;可能貴 公司的食物水準真係好高，但職員咁樣的態度，未入去已經被激嬲!

依排唔知做咩打邊爐心癮起😂😂其實一早有留意依間牛之鍋，因為之前見人地介紹過有抹茶芭菲任食！！琴晚終於試到啦🤩-依到係日式放題形式既打邊爐，日式放題有刺身類、燒物類、天婦羅類、前菜沙律類、壽司類，其實真係唔少選擇，好開心😋剌身係有小驚喜喎，比想像中新鮮，種類都唔少，有三文魚、螺片、北寄貝、有頭甜蝦等，連赤貝都有添呀！仼食兩百幾蚊黎講都真係超水準！真心讚！而其他日式料理水準都唔錯喔，喜歡炸生蠔😍不春婦羅系列就略嫌炸粉厚左少少。講返打邊爐先，我地嗌左個火腿雞湯，火鍋配料有各式丸類、肉類同海鮮，海鮮竟然有廣島蠔👀係咁encore!! 丸類都係個啲啦最特係有未食過既栗米流心丸同川辣牛丸，但唔記得影相🤭川辣牛丸真心幾正，食落好有譚仔麻辣既味道，幾惹味！而肉類有牛豚羊三款，牛肉質素正常，入口韌一點，不過好似加錢有得叫和牛，豚肉睇落好似好肥，但食落又幾好食🤣有種油脂滿滿既感覺！好食過牛個人覺得！其實我心目中既主角係 甜 品❤️❤️依到甜品有抹茶芭菲、軟雪糕窩夫、仙草芋圓、朱古力香蕉班戟、芒果班戟、綿綿冰、揚支甘露等等，甜品控勁興奮😂最中意係抹茶芭菲一啲都唔馬虎，中間夾左朱古力脆脆，夾埋雪糕好食，口感又有層

老公生日，天氣凍左少少， 不如去打邊爐 ，諗起荃灣悅來酒店 二樓 嘅牛之鍋 !嗰度又有和食又可以打邊爐 一次過滿足兩個願望,好開心呀!呢度 卡位 四位坐得好舒服 佢有特有嘅層架 嘢食唔會鋪曬喺枱面 可以慢慢歎特級肥牛又林又或我哋叫咗三碟，大滿足!海鮮方面有鲜蝦，生，鮑片，好多選擇! 生算大隻，食幾隻已回本，hehe~嗰日試咗北海道牛乳湯底真係正! 因為新出所以試下， 一嚟就好香牛奶味， 感覺冇咁熱氣同1埋好濶! 蔬菜同菇類係自己出去夾,種類都算多，健康!呢度一定要食甜品 ，新出右台灣嘅芋圓，分量幾多，好食! 仲有必食嘅綠茶雪芭, 呢個超好食入面有米粒脆脆,即叫即整, 仲有芋圓 ,真係好好食! 日本甜薯,都有得食! 以任食打邊爐嚟講, 又好坐, service唔錯, 抵讚!

今日放工同男朋友去食晚餐。相約食這間同事推介的打邊邊日本放題。在panda 酒店樓上，地方好光猛又開陽，寬敞舒適的環境，唔會好吵！服務員唔錯，見有遊客問打邊爐的資料，佢好細心解釋；上菜及收碟都快手，無漏單情況，服務有禮！坐下來就先選擇湯底（我們選了豬骨湯，好香濃又野味唔咸唔口渴）我們點了豬、牛、羊肉；肉類好新鮮好軟腍，好有口感，豬肉好薄好易熟，肥瘦剛好；羊肉我喜歡，香羊味又唔硬唔羶另外的火爐配料有紙點取，不同丸類，選擇多又特色！喜歡粟米流心丸及流芯芝士包，外面丸好彈牙、內面好香滑，不過就要小心燙口了除了點紙外，還有自助式取蔬菜、菇類及瓜類；蔬菜都有4-5種選擇（菜芯、油墨菜、生菜、香菜、菠菜等）、菇類（冬菇、秀珍菇、木耳、雞肶菇等）；瓜類（南瓜、芋頭、冬瓜等等）唔錯又乾淨熱食、沙律及涼伴有中華沙律、日本麻醬青瓜、八爪魚涼拌等，多選擇又唔差！清酒煮蜆、黑松露粟米：唔會咸、清清的、我喜歡黑松露粟米，粟米好甜，但黑松露味唔重炸物燒物天婦羅、燒菠蘿、番薯、雞軟骨、金菇牛肉卷等等，我們點了芝麻雞翼、紫芯香芋丸及榴槤炸彈芝麻雞翼好脆唔會好油，雞肉唔乾身；紫心香芋丸好香好軟熟、甜甜芋頭芯，好美味榴槤

今晚諗住喺附近睇吓有咩好食，係OpenRice睇睇下睇到有間牛之鍋，我見佢有咁多個like,咁就book咗去食去到見到可以加日式嘢食都係238唔算貴都係放題啲嘢食，還可以，不過就唔覺得抵食仲有d野食叫左幾次都冇黎.....最後都放棄

上網睇食評ok的，所以試下。點知一個鐘先黎得一round......甜品一樣都無黎！牛肉黎左一碟！雖然食物質素還可以，但每人238重要加一咁樣抵唔抵自己決定喇！催左佢一次之後就黎左碟牛肉咁多，甜品幾好食都唔關我事啦！真係好嬲好激氣！催左幾次之後所有單一次過黎曬......明明個職員話一個鐘前嘅已漏單叫我地再入一次，點知幾張重複黎曬!真係除左伏都係伏！有位職員態度重要勁差！總括而言真係絕對無下次喇！