牛の鍋日本料理

营业中

休息中

朋友搬左黎柴灣之後就好少返荃灣食好西,有日佢心血來潮叫我收工配佢去大邊爐.反正天氣涼左,都係好時候!鍋底佢有唔少選擇,但我最想試係椰子北海道牛乳鍋,美顏滋潤嘛XDD等去滾之前,可以出去蔬菜吧度自己夾蔬菜有好多紙包飲品~~醬汁都有幾款,最特別係柚子醋!點牛肉都幾特別架未食shabushabu之前,呢度都有多款食物可以食~~~好似刺身類:鮑片﹑北寄貝﹑三文魚我覺得北寄貝最好食，食到新鮮味道口感都好彈牙，三文魚都幾有咬口，而且唔會有腥味前菜我就叫左基本野：蟹籽沙律﹑芝麻八爪魚﹑味付螺肉Ｄ前菜份量剛剛好，２個人每樣都可以食ＤＤ又唔會太飽～當中蟹籽沙律最好食，Ｄ青瓜絲好新鮮好爽脆，螺肉都好入味好好咬黑松露牛油粟米鐘意重口味的話呢個就o岩曬你啦～～一睇就知道黑松露超級多，入口咸香豐富，不過未必個個接受到黑松露壽司類都不錯，腐皮壽司有驚喜！腐皮好甜，裡面Ｄ飯一Ｄ都唔林唔散，加上size剛剛好一口ＫＯ，食得過！加州飯卷同芒果吉列蝦卷感覺差不多，我自己係比較淡口味的，所以沙律醬我只係食左少少，其實咁樣都已經好夠味～～炸物類又如何呢？佢就完美滿足左我朋友嘅願望！榴槤炸彈朋友表示榴槤控需要叫10粒！首先上台

朋友仔話見到有間火鍋放題D甜品好靚，好好食甘，所以約埋一齊試下，原來係熊貓酒店既悅來坊。坐底選完湯底，出去睇下有咩食先。出面有蔬菜，麵，飲品自取。主食就填紙仔。美國極上牛肉，花紋好靚，可任點。呢個豚肉睇上去好似好多脂肪，但食落好有肉味，而且唔油膩，咬落好爽，我超鍾意。廣島蠔，都算大隻，食落有肉地。其他火鍋料都好好食，尤其係呢兩款丸，川辣牛丸夠辣味，鍾意辣既一定要試。芝心丸裡面既芝士特別濃味，同出面既好唔同。刺身都夠凍夠新鮮，爽！仲有我至愛既榴槤炸彈同芝麻雞翼，唔食榴槤都可以叫香芋丸，一樣炸到外脆內軟。我最期待既甜品黎啦，呢度有十幾款甜品，仲要係自家製，唔係一般既雪糕雪條。抹茶芭菲既雪糕有濃濃抹茶味，芒果班戟裡面有一大舊甜芒果加忌廉，唔怪得朋友仔一啖食晒。無諗過食火鍋，都可以食到甘高質素既甜品，淨食甜品都開心！

阿女最喜歡食放題，因為可以自己揀食物，朋友介紹荃灣牛之鍋放題抵食之餘，甜品仲勁好食，所以就帶女女去食啦😊火鍋、刺身、甜品仲連埋飲品我地揀早食，大人$178，小朋友$118，超級超值啤酒汽水任揀，仲有女女至like 芒果汁自助蔬菜吧刺身都有八款選揀，仲要新鮮喎牛之鍋主菜，其實係甜品🤣有16款任揀，冷熱任君選擇🤣開心果朱古力慕絲～～一d都唔甜，啱啱好榴蓮甘露～～勁香既榴蓮，食完又唔覺漏宇治抺茶芭菲芒果綿綿冰～～平時出街食要成三十蚊架，而家任食，開心死楊枝甘露～～四碗，無錯我一個人食哂4碗😜熱食腐竹旦

今天黎到可以一次過滿足三個願望既牛の鍋，呢到既可以瘋狂食牛肉，又可以放題壽司刺身，仲有勁多甜品揀，每個人都只係218蚊一位，急不及待叫野食啊~火鍋方面，我地揀左參鬚杞子火腿雞湯，湯味濃，帶藥材人參味，牛肉涮完可以唔點醬油就咁食~火鍋配料有好多選擇，肉類有牛羊豬。Like and share facebook送澳洲和牛份量較少，牛脂較多，牛味重。極上牛肉嫩滑唔靱，encore左4碟~羊肩肉，有羊肉香味，但又唔會好騷刺身的選擇都有好多，推介三文魚、希靈魚同赤貝。最正係有海膽手卷，飯不多，紫菜脆，海膽新鮮，惺份量較少。壽司:三文魚腩、海膽蝦、加洲卷選擇都幾多，用材都算新鮮，係沙律醬多左dd lor炸物:榴槤炸彈、香艼丸、芝麻雞翼三樣都有質素，榴槤炸彈好濃味香艼丸、芝麻雞翼都炸到脆卜卜。飲品櫃，選擇都係好多醬料枱

今晚同朋友係荃灣諗緊食咩，就係去商場搵廁所既時候經過牛之鍋，聞到人地打邊爐好香！就入左去試，發現左依間唔錯既餐廳本身以為係打邊爐既放題，點知原來唔止有得打邊爐架！仲有好多壽司同刺身選擇，真係去食日式放題咁，d刺身好厚，壽司都大大件！仲有唔同既串燒同天婦羅等等小食，食得太投入，有d唔記得影相tim！打邊爐既配菜出面有得自己夾，選擇都幾多用紙落單既邊爐配料唔算多，但都以有埋壽司小食尼講，已經好夠！打邊爐既食材，肉質方面都幾好，唔會靭最抵讚既食車糖水都有唔少選擇，中西式都有！比一個價錢，享受放題及火鍋

完全無諗過 會係荃灣.. 比我搵到真正令人滿意既日式放題餐! *v*非常開揚既位置~~ 同埋地方真係好大 ... lol 同平時食開既放題店感覺好唔同呀~~ >v<星期一至四17:30-24:00只需$218🤩係任食火鍋+日本料理+16款即製甜品❣如果想純任食火鍋+甜品既話都可以呀>> 星期一至四價會係$168不過個人推介緊係要埋日本料理啦!! 價錢爭少少,, 個開心程度就差好多喇~!!完全無諗過星期一晚黎都會坐滿晒 ... 可見佢既受歡迎程度我晚上8:30黎到竟然都要等左陣...食物選擇超多!! 但最重要都係你叫既都會比你, 一次都無比漏過~ : )所以真係食得晒 先好嗌 XDD先叫左d炸物試下先😍出乎意料地出色! 連天婦羅都好正!!🍤芝麻雞翼係新鮮出爐架,, 小心辣親口🔥面頭密麻麻既芝麻令佢更加香口呢~仲有黃金墨魚餅,, 雖然墨魚味唔算出 但係炸得好靚, 口感好鬆脆~~串燒日本雞軟骨份量少少的,, 適合一人一串 : ] 幾香而且唔會過濃味而大蝦天婦羅略嫌細隻.. 要叫多幾隻😆 蟹棒天婦羅好好味呀😍😍呢三件入面得 火炙芝士蝦壽司 係我架咋XDD 另外個

同一位好耐冇見既中學同學食飯，中學同學介紹食以間打邊爐，中學同學超推介以間既甜品。星期一至四只需$218加一 就有日本料理+刺身+即製甜品，而且款式還超過200款二小時任飲任食。第一時間先點湯底，湯底有8款，我們點了壽喜燒，湯底甜甜地。自助區有成20-30款新鮮蔬菜、菇、麵類等等。另外我們點了響鈴、午餐肉、墨魚滑、牛柏業、魷魚，打邊爐一定唔少得厚切午餐肉，響鈴索晒湯汁，牛柏業好爽口，一D 都唔韌。牛魔王當然會叫幾碟牛啦美國牛-肉質嫩滑，我比較喜歡這款美國極上牛，切得好薄，脂肪少，牛味濃郁澳洲和牛-凡於晚市正價時段惠顧A-B餐放題，在牛之鍋Facebook 專業讚好分享此優惠，可獲贈澳洲和牛一碟澳洲和牛油脂不平均，比較多油脂，所以食落口感有點肥。刺身-我們點了八爪魚、帶子、甜蝦，刺身新鮮，不錯。飲品有十多款這間餐廳雖然火鍋為主，但甜品做得相當出色，每款都細細杯，可以試到不同款。楊枝金露-好香好好味榛子朱古力班戟-朱古力配香蕉永遠是絕配的，班戟厚薄剛剛好，朱古力醬又不會過多宇治抹茶芭菲-抹茶味道非常濃郁，雪糕口感順滑，一層又一層咁食，非常好味還有中學同學叫的仙草芋圓、京都豆腐慕絲、藍梅芝士

聽聞熊貓酒店個商場開左間Ｄ甜品可以媲美甜品店質素既任食火鍋鍾意食甜品既我，仲要咁近，又點可以唔一試呢？==============================自助吧選擇都唔少最特別係菜都幾多選擇下同埋全部都好新鮮好難得最特別係醬料吧呢到有個雪糕料既吧搞到好期待一陣食甜品既時刻飲品款式就正正常常咁啦另外有樣特別既就係呢到既筷子係特別長咁就唔怕比火鍋既蒸氣辣親啦夠心思打邊爐最緊要係咩呀？唔係個爐呀！而係牛呀！呢個係美國極上牛肉果然真係幾靚下可以見到雪花好分明，而且好平均咁分佈所以入口既口感好好有港人至愛既刺身，又點可以唔一試呢？特別推介鮑片刺身！真係好新鮮！味道鮮味十足，口感夠晒爽口唔會霉令我食完一塊又一塊，之後仲加碼再叫添！登登登登！到今日既重頭戲－－甜品啦！果然名不虛傳！每一樣甜品都真係好有水準！真係拍得住專做甜品既甜品鋪！呢個係宇治抹茶芭菲抹茶雪糕真係好香濃醇厚，入口又柔滑搞到我前後食左兩杯先夠皮！另外叫左個扭紋抹茶新地其實同芭菲都好類似只不過冇左下面Ｄ脆脆同椰果但我就鍾意食脆脆同椰果所以我就鍾意芭菲多Ｄ啦特別推薦必食窩夫！！！！佢做到外面少少脆身內裡鬆軟，空氣感十足仲食到窩夫微

放假約左住係荃灣的friend食飯，佢建議去位於荃灣悦來坊的牛の鍋食，$218/位2小時任食日本料理、火鍋、甜品，呢個價錢有齊咁多幾野真係幾吸引。 飲品種類選擇多，除左汽水同茶之外，連啤酒都有！ 刺身壽司❤️刺身壽司亦有多款選擇，刺身我地揀左三文魚、赤貝、帶子同蝦。全部都好新鮮，唔會話食落口有陣雪藏味。壽司就揀左三文魚、黑松露帶子、鰻魚同海膽蝦，特別要推介黑松露帶子同海膽蝦，前者黑松露味好香，後者味道甘甜鮮美， 加埋蝦的鮮味, 實為一絕配搭。火鍋配料❤️蔬菜同麵食就要自己係出面bar枱拎，肉類同丸就要落單啦 特上肥牛❤️肉色鮮明，紅白相間，油脂分佈平均細緻，食落肉質鮮嫩，好滑唔會靱。 日本廣島蠔 ❤️大大隻，肥美多汁，蠔味都幾濃郁。 甜品 ❤️比其他火鍋店多選擇，仲有全港獨有的由專程聘請甜品師為客人即時製作甜品。我地叫左雪花冰、宇治抹茶芭菲、冰糖雪梨桃膠同藍莓芝士杯。雪花冰夠消暑；冰糖雪梨桃膠夠滋潤；宇治抹茶芭菲料多唔會太甜、抹茶好夠；藍莓芝士杯口感細緻，入口即化。

有句說話是食甜品是另一個胃,所以就算幾怕肥的人都難以抗拒甜品的誘惑,我的女性朋友介紹我去荃灣牛之鍋,說是集火鍋,放題,甜品於一身,有無咁抵?餐廳位於悅來酒店商場入邊,是荃灣區熱點搵食地方,我地兩個八點鐘到達,已經有六七個人在等候,等左十五分鐘就安排入座了點菜紙比起日式放題更厚,有各類火鍋生料,十多款日式刺身,日式小食及即製甜品,即刻點野食先飲品櫃有齊各款汽水,啤酒及茶類飲品出邊仲有個自助蔬菜吧,廿幾三十款蔬菜,中意食乜就揀乜套餐本身包左兩款牛肉,一款豚肉和羊肉任點,要升級就要加錢了美國極上牛肉肉質鮮嫰,牛味夠濃, 質素絕不差廣島蠔都幾大隻, 雖然急凍,但鮮味都相當不錯海蝦大大隻夠新鮮,蝦肉爽甜青口肉質非常鮮甜,有海水味,真係要食多兩隻刺身有成十多款，呢度講得出嘅刺身幾乎都有齊北寄貝,三文魚，赤貝，螺片，希靈魚， 帶子，甜蝦, 鮑魚三文魚超新鮮，魚味濃，油脂亦好夠，甜蝦勁新鮮爽口又彈牙，希靈魚很鮮甜，貝殼類:北海道帶子夠鮮味;赤貝;北寄貝都很爽脆鮮甜味付螺肉質素極高,好味又爽口丸類魚片頭有魚味又彈牙,包心丸,魚皮鮫都好好味,絕對不是平價貨燒物連燒物都有得供應,燒骨腸夠晒惹味吃完放題+火煱

今日朋友請我吃生日飯，來到悅來坊吃火鍋！先看menu,我們叫了蕃茄薯仔牛粒湯作湯底。及後，再看另一張menu,我們叫了美國極上牛肉及豚肉，因可以任叫，所以我們都不敢叫太多，其他蔬菜及飲品都閃自行選擇，款式都多。我們都覺得湯底味道濃，挺好味！其後，我們還點了貢丸、魚蛋等配菜，大家都吃了不少！吃過食物後，我和朋友亦點了甜品，我們點了楊枝甘露及精選綿綿冰。甜品份量較少，楊枝甘露略嫌酸！至於精選綿綿冰味道則不錯，是份量少了一點！整體來說，價錢便宜，而且每人平均不用二百元可以任食兩小時再配甜品🍮，相當實惠！有機會會再去試試！

今天到牛の鍋打邊爐，這裡既可牛肉涮涮，又可食壽司刺身，一次滿足兩個願望，正啊。略野了椰子北海道牛乳湯、參鬚杞子火腿雞湯，兩個鍋味道濃郁，十分足料！參鬚雞湯鍋參味出眾，感覺很滋補。牛乳湯濃厚奶白色，非常rich and creamy。除了放題紙點食物，還有不少自夾蔬葉類。美國極上牛肉，輕輕一涮八秒，入口富有牛肉味，肉質鮮味，雖然不是濃厚脂香傾向，但牛味絕不淡呢。特選豚肉，肉味濃，有嚼勁的脂肪。日本廣島蠔、墨魚滑、牛柏葉、土魷魚，蠔大粒飽滿，味道creamy。牛柏葉爽脆，魷魚彈牙，墨魚滑足料有墨魚碎粒。響鈴、黃金麻吉燒皆是邊爐佳品，響鈴沒有多餘的油，色澤亮麗乾淨，沒有很多放題店存放不當引起的變色壞樣。海膽三文魚子軍艦，飯小小的，可以多吃幾顆，如此平價放題能吃到三文魚子、海膽，非常不錯呢。花之戀小小的一顆，一口剛好，適合眼闊肚窄的人。刺身款式不少，三文魚給腩位，肥美赤貝爽脆鮮美，希靈魚的魚子顆粒鮮明有口感。整體不錯呢炸物新鮮即炸，非常香脆，榴蓮波味道突出，炸蠔外脆內軟，咬下去滿口蠔汁。宇治抹茶芭菲，這個非常讚。抹茶味濃郁，吃罷有回甘之味，沒有劣質雪糕的死甜味。加上朱古力脆、奶油慕絲、寒天、紅

興朋友又來到荃灣找好東西喇，上網看見這裡除了打邊爐外 還有各式各樣的甜品，便決定一來這裡一試。環境上，十分光猛， 讓人感覺整潔衛生。 職位安排我們坐卡位，不會太狹窄太迫， 坐得舒適。這裏除了下單外還可以在自己拿不同款類的蔬菜和飲料。我們點了蕃茄薯仔牛粒湯， 蕃茄湯味道十分清香，不會太鹹。美國牛肉油脂和肉的分部很美麗， 吃起來的時候較juicy。美國極上牛肉與朋友也十分喜歡吃這個極上牛肉， 它沒有明顯的脂肪， 吃起上來的時候，十分嫩滑，而且牛肉的味很重， 配上帶酸的蕃茄湯，更加惹味可口。另外，我們點了一些配料，例如黃金麻吉燒、炙燒芝心包、龍蝦丸、韭菜豬肉餃、日本餃子、蟹柳。蟹柳吸盡了蕃茄湯的味道，酸酸甜甜，很開胃很好吃。日本餃子比韭菜豬肉餃的體型小和尖， 當中的餡料味道很香濃。而韭菜豬肉餃，裏面的餡料很多， 可見韭菜份量也有很多， 韭菜的味道很重， 我很喜歡吃。我覺得打邊爐當然一定要有芝心丸， 這是打邊爐必備的配料吧!在眾多的配料中，我重點推介的士芝心丸， 它有分上下兩面， 咬開的時候，外皮有點煙韌， 然後十分邪惡的芝士馬上爆醬出來。 味道十分濃郁芝士味，很好吃。我們也點了一些熟食。芝麻