影片
更多
2018-12-04
235 浏览
天氣開始凍，就好想食多啲嘢，特別係食火煱，所以今晚就約咗朋友去呢間位於荃灣熊貓酒店二樓既放題加火煱任食店到擦餐勁，一次過可以滿足食放題同火煱兩個願望。一入到店內，環境衛生，坐位寬闊舒服，一坐低，侍應就叫我哋揀湯底。有8種湯底可選擇，九洲豬骨湯、壽喜燒、蕃茄薯仔牛粒湯、椰子北海道牛乳湯、皮蛋莞茜清湯、麻辣湯、胡椒豬肚湯、參鬚杞子火腿雞湯，每款都好吸引，最終我哋揀咗胡椒豬肚湯。等湯底呢段時間，最啱就出去拎飲品、醬料同火煱料。 飲品都有好多選擇，有酒類、茶類、果汁類、汽水類，連枝裝水都有，一定有一款啱口味。蔬菜都有好多選擇，每款都好新鮮，有蓮藕、蕃茄、枝竹、粟米、金菇、冬瓜 …… 除咗蔬菜仲有公仔麵、烏冬、薯粉、韓式年糕……連生雞蛋都任攞。拎完蔬菜、飲品同醬料埋位之後，湯底好快就到。喺等湯滾同淥蔬菜期間，又係時候揀火煱料同放題食物啦！又係有好多款揀，真係花多眼亂，有刺身、炸物、串燒、壽司、沙律、甜品……應有盡有。先講火煱: 湯底好濃胡椒味，辣辣哋，好適合依家涼爽既天氣，食完個身好暖。 湯底內仲有好多豬肚，豬肚好爽脆同淋，好味。火煱配料主角就係肉類，有美國牛肉、美國極上牛肉、紐西蘭羊肩肉同埋特
一入到店內，環境衛生，坐位寬闊舒服，一坐低，侍應就叫我哋揀湯底。有8種湯底可選擇，九洲豬骨湯、壽喜燒、蕃茄薯仔牛粒湯、椰子北海道牛乳湯、皮蛋莞茜清湯、麻辣湯、胡椒豬肚湯、參鬚杞子火腿雞湯，每款都好吸引，最終我哋揀咗胡椒豬肚湯。
等湯底呢段時間，最啱就出去拎飲品、醬料同火煱料。 飲品都有好多選擇，有酒類、茶類、果汁類、汽水類，連枝裝水都有，一定有一款啱口味。蔬菜都有好多選擇，每款都好新鮮，有蓮藕、蕃茄、枝竹、粟米、金菇、冬瓜 …… 除咗蔬菜仲有公仔麵、烏冬、薯粉、韓式年糕……連生雞蛋都任攞。
拎完蔬菜、飲品同醬料埋位之後，湯底好快就到。喺等湯滾同淥蔬菜期間，又係時候揀火煱料同放題食物啦！又係有好多款揀，真係花多眼亂，有刺身、炸物、串燒、壽司、沙律、甜品……應有盡有。
先講火煱: 湯底好濃胡椒味，辣辣哋，好適合依家涼爽既天氣，食完個身好暖。 湯底內仲有好多豬肚，豬肚好爽脆同淋，好味。火煱配料主角就係肉類，有美國牛肉、美國極上牛肉、紐西蘭羊肩肉同埋特選豚肉。我哋豬牛羊每款要咗一碟，每款肉都好新鮮，質素好高，牛肉一啲都唔蘇，豬肉夠淋，羊肉味濃。
放題食物:
三文魚壽司，三文魚肥美、天婦羅粉薄脆口，炸雞翼、炸蠔、榴槤炸彈……新鮮出爐，熱辣辣，好正。燒牛舌、金菇肥牛、燒汁惹味，啖啖肉，好滿足。
最驚喜係呢到有好多款甜品，就算我哋已經食到好飽都叫咗宇治抹茶芭菲、軟雪糕窩夫、鮮草芋圓、藍莓芝士杯、榴槤甘露、冰糖雪梨桃膠。 呢到最好係每款甜品細細杯，可試多啲唔同款式，我最欣賞既係榴槤甘露，好香濃榴槤味，一定滿足到鐘意食榴槤既人。同埋依家好流行食既桃膠，呢到竟然都有得食，連埋冰糖雪梨好香甜滋潤，簡直冇得彈。
呢間店真係價錢合理，食物種類多，服務良好，食到我同朋友棒住個肚走，一定有下次。
张贴
