牛の鍋日本料理

营业中

休息中

正當出面既打邊爐店舖排隊排到火紅火綠既時候，呢度都不用預約，walk in都不用排隊直接入座但唔好以為無人排隊食物質素會好差，no no no no~係有驚喜的除左普通打邊爐放題，呢度亦可加50蚊升級到日式邊爐放題，可以一邊打邊爐，一邊食刺身壽司等日式料理打邊爐亦可選擇一人一鍋或者一大鍋，一人一鍋更可以試不同味道湯底。試過麻辣鍋:湯底夠辣夠麻味夠濃，不過略嫌有啲油。胡椒豬肚鍋:湯底胡椒既麻香味濃，夠哂野味芫茜皮蛋鍋: 芫茜控之選，出面配料有芫茜，加埋更濃更入味打邊爐配料可選擇既食物種類不算太多，不過絕對夠食，極上牛夠哂牛味刺身都夠新鮮除此之外，甜品類種多，令人驚喜

補食朋友生日飯，朋友隨意揀左呢間在悅來坊的「牛之鍋」，咁我地就膽粗粗一齊去試下。雖然疫情緩和，不過我地走去食放題+打邊爐都有啲大膽。餐廳環境一般，我地book左6點，人客唔多，其實到9點幾都唔算多人。佢是任食+一人一鍋，落單開始計。整體來講，食物質素尚可：刺身選擇唔算多，不過味道還可以，是部分雪味重左少少。壽司、熱食、沙律都尚可，不過就無乜特別。食物上得算快，好快成枱都係食物。打邊爐的食物都算ok, 其中美國極上牛肉是值得一試，宇治抺茶芭菲都係值得推介的，蔬菜及其他種類選擇都算不錯。最令人失望的是服務，當晚同我地接觸的3個侍應都好麻麻。得個加湯女侍應好少少。我地個朋友遲來，我地就問可否落單先，個男侍應態度麻麻咁答：落單就開始計時。我地聽到個種語氣，內心都即刻食左一下氣。另外，當晚人唔係多，我地落單、叫人基本上都要搖好耐手，問邊度可以拿飲品，侍應答雪櫃個邊，卻唔指示下邊度是雪櫃。埋單$752，食物可以，服務bye bye.

這間不少人都話好食就去等消夜時段去吃，今日一行2個等到九點半$178一位去吃，最後結帳$414價錢可以但質素比心目中差。入到去首先選擇湯底，我們要了皮蛋湯底都幾濃不錯，牛肉都有分我地各自要了一碟和豬肉，口感可以但肉味吃不到。這價錢再加日本料理，天婦羅凍的又沒有汁，壽司和刺身可以，所以食了一次之後就沒有再叫到。餃子類皮勁厚不好吃，菜可以出面取都多選擇，飲品款式都不錯，海鮮竟然有蠔同蝦，蝦不新鮮，蠔可以但各自食了一隻後再叫四隻只來一隻有點失望，甜品款式都有十多款，不太甜都可以，每款細細都不錯，但食了八款甜品只覺抹茶芭菲好味道，可以講成餐飯最滿意，我們很多東西吃了一輪都沒有再食，所以由十點食，十一點十五就離開了，可想而知味道如何。

今天堂弟帶我來這家吃午市放題，我們各自點了一人一鍋，他要了壽喜燒，我點了麻辣鍋。因為太遲吃午飯的關係，我一開始便下了個公仔麵，配上麻辣湯底，真的辣得過癮。我們非常喜歡這裡的極上牛肉，薄身，非常有口感另外還有不同種類的丸、餃類給大家選擇。不得不提的是這裡有甜品放題，午市的話有朱古力慕絲和榴槤pancake， 喜歡甜品的人士不要錯過堂弟說晚市的甜品質素很高，下次再帶我來試試。賣單兩人才是$260，真的很抵

今日又去左荃灣行街搵食，個肚餓餓地 咁就去左食火鍋放題。午市兩小時任食$118。可以一個大鍋，又可以一人一鍋，非常方便，分開一人一鍋，咁我就可以吃我最愛的麻辣湯底。試完這個湯底沒令我失望，用料十足，值得推介。肉方面有 美國極上牛肉， 美國肥牛和紐西蘭羊肩肉，和豚肉等。沒想到118 都會有不錯的牛肉，推薦 美國極上牛肉，有肉未味夠嫩又不會太肥。醬料方面種類還可以，醬油有，火鍋豉油，柚子醋，芝麻醬。甜品有軟雪糕，不過抺茶雪糕苦了一點。

前幾天去熊貓酒店，經過這裏，發現價格挺便宜的，於是今天與朋友來試試食。埋單一個人50+5元，total55元一份的一人鍋，感覺真的不錯。另外還有甜品一份，有飲料飲

之前一早book咗同屋企人嚟食，都好似有幾個月冇食佢，好彩食物質素依然唔錯。一向最欣賞佢既甜品，腐竹鵪鶉蛋(熱)整得好滑好香，最岩冬天食，暖粒粒好暖心。軟雪糕窩夫我覺得係呢度既皇牌甜品，窩夫鬆軟味香，軟雪糕香滑仲可以加配料。抹茶系列都好正，個芭菲有多重口感，有可可脆，仲有粒小丸子，抹茶味濃滑。仲有仙草芋圓都必食之選，芋圓好有咬口，仙草嫩滑，其實仲有好多甜品值得一試，總有幾樣岩你口味。剌身普遍都新鮮爽口，而壽司都新鮮，之前好似唔多覺有黑松露帶子壽司，今次嗌黎試吓，黑松露味香、帶子有厚度鮮甜，三文魚腩肉質細嫩、口感爽滑。沙律黎講海蜇沙律都唔錯，清爽好食無腥味，口感脆嫩。天婦羅都整得唔錯，唔會好厚粉，推薦大蝦同蕃薯，春卷同雞軟骨都爽脆可口。整體黎講都幾抵食，食物種類又多元化，飲品有啤酒、各類汽水同果汁，值得一試。

今晚食團年飯，我哋就一反傳統，唔幫襯酒樓，反而嚟咗任食嘅打邊爐加放題，大家就可以盡情咁食，唔使就住就住，睇住個荷包做人牛之鍋最特別嘅地方係除咗你可以任食火鍋配料之外，仲可以品嚐到日本料理，同埋即製甜品，呢度嘅甜品大家真係必試，因為全部都係用心製作，絕不馬虎 打完邊撈，梗係要食返啲甜嘢啦，呢度嘅甜品真係唔可以睇少，皆因每款都係用心製作，右邊既係抹茶芭菲，頂層有抺茶雪糕，下面就有可可脆粒、cream、紅荳、啫喱，仲加左粒白色既丸子做裝飾添

朋友約去荃灣食放題，行過悅來酒店附近，見到呢間餐廳都幾多人食，所以就入黎試下。放題點餐紙上見已經有好多食物提供，有炸物,串燒,甜品,菜就可以自己夾，非常吸引。刺身新鮮又大件，壽司飯既份量剛好，唔會太大件食到好飽肚食唔到其他野。 串燒比炸物更出色，燒菠蘿同蕃薯仔都好好食。打邊爐既食物都不過不失，極上牛肉既牛味好香濃，呢個真係可以食到好多碟。甜品都幾高質，比起好多放題店黎講，真係有好多選擇唔係單單得雪糕提供，甜品既份量唔多，細細地一碗，一個人都食到得碗呀真係。滋潤既3.6牛奶燉木瓜雪耳，夠哂薑味既湯圓，芒果糯米飯就硬左少少。順帶一提呢到既職員都好親切，睇得出佢地好忙，但對客收單或者係我地入座到走個時都好親切有禮，而且呢到落單都無漏單既問題，真係好唔錯。

食團年飯成日都去酒樓食，所以今年搞搞新意思就去左打邊爐，今次食嘅呢間牛之鍋主打係火鍋、日式放題同甜品，岩晒一家大細黎呢度嘅食物上檯速度都幾快，而且冇漏過單，值得一讚主打既牛肉, 就可以揀大細size (圖中為細size)牛肉有大碟同埋細碟之分，而美國牛肉同極上牛肉主要分別都係脂肪嘅分佈，美國牛肉較似平日食開嘅肥牛，而兩款牛肉嘅色澤都好新鮮日本嘅炸物都即叫即炸，上嘅時候都係熱辣辣芝麻雞翼外皮超香脆，入面肉質Juicy呢度嘅壽司細細件可以一啖一件，唔怕食兩件就飽呢度既甜品都有十多款選擇賣相同味道都拍得住出面嘅甜品店

荃灣出名多放題火鍋店，之前住荃灣的朋友都介紹過幾間，但今次他帶我來到悅來坊食，同層還有幾間酒樓，住在附近的朋友有口福～——————————🔹刺身/壽司這裏的刺身款式不算太多，但都有我最想食的幾款(三文魚和甜蝦)～三文魚厚切肥美，甜蝦大隻而沒有腥味😋帶子很軟滑😝 整體刺身質素不錯~壽司叫了花之戀、鰻魚壽司、加州反卷、海膽手卷等等，其中花之戀太多沙律醬，對於唔太喜歡食沙律醬嘅朋友，就有點太膩；海膽手卷鮮甜，紫菜新鮮脆口，似係新鮮包🥰-🔸炸物/燒物這裏的炸物和燒物質素不錯，所有食物都是熱辣辣，芝麻雞翼和榴槤炸彈encore三次，芝士春卷算是比較特別，未試過係其他放題店見到😝一咬開入面勁濃郁芝士味，好好食～-🔹一品料理醬汁金菇肥牛卷、醬汁牛舌和黑松露牛油粟米都是我和朋友很喜歡食😋 肥牛卷煮得入味多汁，但牛油粟米太重黑松露味，還有點不夠熱😖-🔸火鍋湯底今次想食得清淡啲，就叫咗清甜椰青湯。這個湯底有淡淡的甜味且不會油膩，啱晒食完炸物再食火鍋！-🔹火鍋料我們四種肉都有叫，每樣都切得薄薄一片，我和朋友特別喜歡美國極上牛肉，牛味濃且脂肪較少👍🏼其他配料質素普普通通，有我最喜歡的響鈴卷😍 還可以出面夾菜，

星期五收工心情特別好，約朋友食飯都唔駛急急腳走人，所以決定同友人打邊爐，可以坐耐d之餘又可以慢慢食、慢慢吹水。今次去既火鍋店，係openrice評價好高，睇食評得知晚市除左可以打邊爐外，仲可以揀打邊爐加日式料理，另外仲有質素唔錯既甜品提供。見到好評咁多，最終係幾間餐廳選擇中勝出。我同友人晚上6點到達，當時入座率大概4成，眼見大部分客人枱上無日式料理，估計只係火鍋放題。我地避免眼闊肚窄，所以揀左齋火鍋，當日收費為$198+1。湯底選擇唔多，連最基本既沙嗲湯底都無，結果揀左蕃茄牛粒湯，但唔好味。火鍋配料紙有三張，一張係新鮮肉類、一張係加工類、一張係海鮮類，另外出面仲有蔬菜配料。新鮮肉類配料 – 美國極上牛肉、特選豚肉牛肉望落幾靚仔，切得幾薄，碌幾下就食得，不過牛味好淡好淡，如果點佐料食完全食唔到牛味，而且口感比較鞋口。豚肉係肥d，但幾有豬味，個人覺得比牛好味。海鮮類配料 – 我點左海蝦、蠔、鮑片、鯇魚骨腩、帆立貝、牛栢葉、墨魚滑海蝦細隻但有蝦味；蠔、飽片正常；鯇魚切得太薄，煮完散哂；帆立貝同墨魚滑無味。加工類配料 – 全部都係入口貨，味道正正常常；友人本身中意食凍豆腐，但湯底唔好味，結果都

此火鍋放題店跟平日的大有不同，美國極上牛肉相當出色，跟高級火鍋比較亦無得輸，最重要係佢ge 甜品，跟甜品鋪的有得揮，尤其是珍珠伯爵茶奶凍，超級特濃伯爵茶味，而且非常香滑，我一口吃食了三個,還有榴連甘露，相當驚喜，很多榴連熔，口感相當豐富，食甜品也足夠回本，相當超值！

今日去左荃灣行街，行完又是時候食晚飯了，又想食打邊爐又想日本料理於是去食放題一次過滿足兩個要求。食物種類有好多：即街甜品，天婦羅，沙律/一品料理，壽司/手卷/軍艦，燒物，刺身，又有三張火鍋料紙。另外外面又有好多火鍋配料丸類和蔬菜，又有汽水任飲真是超滿足。刺身帶子，北寄貝，甜蝦，希靈魚，鮑魚片等。。。全部刺身都好新鮮，螺肉又爽囗又美味。香芋紫心丸必點真是好好香又香又唔會太甜，蕃薯仔又好吃，燒菠蘿又甜。牛肉油脂均匀，肉質嫩滑牛味濃厚。海蝦大大隻又爽彈，又有生蠔生蠔又新鮮。鰻魚壽司和帶子壽司飯好軟熟。甜品又好好味，又有我最鐘意食的仙草芋圓，芋圓好煙韌。

今日嚟到荃灣呢間日式料理加火鍋放題嘅餐廳食晚飯，鍾意呢度嘅食物選擇夠多，而且食材都好新鮮，所以朋友都決定揀呢度聚一聚喺日本料理方面佢除咗有沙律🥗，壽司🍣，手卷，軍艦，刺身，天婦羅，揚物，燒物等等可供選擇，其中特別推介醬汁金菇肥牛肉卷，醬汁特別濃郁，牛肉味濃又唔韌，好好味，刺身都好新鮮，尤其赤貝, 甜蝦等，而天婦羅唔會好厚粉, 黃金炸生蠔，呢款可以話係回本必食㗎🥳🥳基本上佢哋有八款火鍋湯底可以比客人選擇, 呢個季節仲有個椰子雞鍋加錢可以享用，不過我哋就揀咗九州豬骨湯，貪佢豬骨味香濃，而且感覺充滿骨膠原👍🏼👍🏼火鍋配料亦都有超過30多款可供選擇，肉類都係優質嘅，而且仲會有貴價嘅海鮮, 例如海蝦，廣島蠔提供，各款丸類都好好味，而蔬菜類就係自助形式嘅，可以自己出去睇見邊啲新鮮就揀邊啲, 而且都有超過十多款款㗎, 公仔麵, 烏冬等都係自助㗎, 包你食到飽飽的🥩🥬🥒🥕最精彩嘅就係甜品啦, 因為佢哋嘅甜品都係即叫即製㗎，係食到飽飽嘅情況下, 都唔可以放棄用第二個胃食嘅甜品，而其中泰式芒果糯米飯，仙草芋圓， 3.6牛奶燉木瓜雪耳，都係必食嘅推介🍨🍧🥰🥰