燈籠滷味 (登龍街) (已結業)

好友最近新添置了一批抗疫物資，說要分一部份給我，約好在銅鑼灣交收。難得假日早起，辦完正經事後，就順便過來登龍街買外賣。其實近排都幾鍾意嚟登龍街搵食，因為近半年呢條街真係開咗唔少新餐廳。行咗唔夠 3 分鐘，已經即時立定主意，要試下呢間來自台灣台北師大夜市的「燈籠滷味」。餐廳門口放有點餐紙同筆，可以先在門外揀選好食物，然後才進店內下單。先細心研究一下餐牌，單係麵食的餸料就已經有接近 30 款，另外仲有滷肉飯、小吃、台式飲料，甜點及套餐等供應。由於樣樣都想試，所以決定一次過買多啲，點咗個五餸麵、滷肉飯、幾款滷味、香脆地瓜條同綜合芋圓，睇下幾大袋。回到家後，將所有食物都鋪曬喺檯面，嘩，非常豐富。一向愛吃香口炸物，第一時間拿了地瓜條 ($32)  品嚐，番薯條外脆內軟，入口甜中帶糯，沾少許淮鹽伴吃，味道有層次。五餸麵 ($58)  麵底選了冬粉，而配料就揀咗白蘿蔔、杏鮑菇、高麗菜、甜不辣和米血糕。粉絲食落乾身爽口，加上吸滿滷湯精華，味道非常濃郁！甜不辣無論味道或賣相都跟我們平時吃的炸魚餅非常相似，質感煙煙韌韌。米血糕據說是由台灣直送，入口軟糯帶嚼勁。本來想點個綜合滷味拼盤，不過店員話當日只可以散

今日同朋友去咗呢間台式粉面長龍店，試吓一啲台式傳統嘅味道。 我哋大概中午三點去到，好在係平日，唔算太多人，但係入到去發現原來都係坐滿晒好彩咁岩有兩個位。而我哋就叫咗佢哋嘅招牌滷味，包括豬展肉，雞翼，雞腎 等等，而其他配料我哋就叫咗貢丸，花枝丸呢啲具備台式風味嘅配菜。首先講吓佢哋嘅湯底，唔會太濃， 我就覺得屬於少少偏甜嘅滷水味， 識落同一般香港嘅滷水汁唔同，就覺得幾特別。之後講吓佢哋嘅招牌滷味， 每樣配菜都炆得幾入味，份量都幾多🤤🤤而佢哋嘅飲品，都做得幾出色，都符合細細個飲嘅台灣風味飲品嘅味道，甜度適中，珍珠都唔錯。

承接返想食台灣嘢嘅慾望，琴日就去咗食燈籠滷味。我記得佢啱啱開店嗰陣已經好多人排隊，我琴日去嗰陣都有10幾個人排，但係因為翻枱率都好高，所以我最後都係等左30分鐘到就入得去食啦！其實我自己本身對滷味嘅興趣唔係太大，反而好想食下佢嘅蛋餅，好可惜今日賣晒，唯有下次試吓！今次都叫咗一份冬粉，配料我就揀咗豬肉金菇甜不辣同埋蘿蔔，另外都叫咗一個滷肉飯一個鹽酥雞同埋我好想食好耐嘅水蓮菜！好老實講滷肉飯同埋髯鬚雞嘅味道只係不過不失，但係佢始終都係一間主打埋滷味嘅店舖，所以我覺得都尚可接受嘅。反而水蓮菜因為香港好少有，同埋我自己本身都幾鍾意食嘅，所以我覺得味道都好爽脆，而且因為佢有加滷水汁嘅原因，所以入口都有一股花椒八角嘅香味，我個人都幾推介㗎！至於個主打當然就係呢份滷水，其實佢嘅份量都幾多架！冬粉其實即係我哋平時食嘅粉絲，不過呢度嘅比平時嘅厚身，所以吸到更加多嘅滷水醬汁，同金菇同埋蘿蔔一樣變得好入味，而且滷水汁嘅味道唔算太鹹，反而突出到五香嘅味道，我個人比較推薦嘅係佢嘅甜不辣，入口好煙韌好軟糯，都唔錯嘅！另外我哋嗌左一杯豆漿同埋一杯黑糖珍珠奶綠，豆漿嘅味道普通啦，但係佢嘅黑糖珍珠我覺得幾值得推介，珍珠

台式風味粉麵加小食呢度啲粉麵可以好似車仔麵咁任揀我就叫做東粉即係我哋平時叫嘅粉絲碗嘢好大碟好抵食！啲餸都好足料～個湯底呢都好入味，好好味道！另外仲叫咗個鹽酥雞同朋友食唔知點解有啲蘋果片呢度仲有台式飲品

晚市條籠長得驚人，轉到去隔離後巷尾段，排左半個鐘有多🤭本身以為餐廳唔大流動率唔高，入到去先發現原來已經係有兩層😱餐廳裝修感覺偏向復古，牆上貼滿台式海報，仲播住好多熱門台灣歌🎶適逢中秋仲有得猜燈謎，估中三個或以上有獎，我地都估到五六題🤣▪️ 冬粉（粉絲）+ 豬耳朵 + 大腸 + 雞腎 + 白蘿蔔（7/10）💲10 + 12 + 10 + 10 + 9好似港式車仔麵咁自選配料，粉絲索曬啲鹵水都幾入味，份量亦比預期中多🍝豬耳朵腍身但軟骨位有口感，大腸會係清曬中間既肥膏，雞腎爽口得很，白蘿蔔都無咩筋頗為濃味🥕▪️ 蘋果鹽酥雞（7/10）💲38鹽酥雞上檯暖身，炸皮薄身，唔會話好油膩，雞件係一口size偏向輕盈，鹹度亦都適中🐔切片蘋果感覺清新可以中和返，好容易清曬成碟▪️ 香炸花枝丸（7/10）💲26個外皮香脆，入面未有預期中既彈牙，過下口癮🙈▪️ 綜合芋圓（冷）（7/10）💲28個底主要係黑糖，就咁飲會偏甜，不過加上好煙韌夠芋頭同蕃薯味🍠既芋圓、彈牙既細細粒珍珠、紅豆作為飯後甜品一齊食都還可以😚▪️ 黑糖珍珠奶綠（7.5/10）💲24呢間既黑糖珍珠頗出色，雖然細粒但係口感真係好有咬口，個芯亦都幾夠黑糖味，

其實我之前已經食過一次, 感覺ok可以encore. 同行朋友想試好耐, 不過禮拜日, 堂食應該要等好耐. 唔緊要啦, 過去睇下有無運喇! 禮拜日晏晝2點, 依然多人排隊, 轉到入巷仔, 我地起碼要等6張枱.. 👯‍♀️放棄唯有外賣自取, foodpanda過$80就有7折, 仲要只係等15分鐘. GOGOGO!!我揀咗5餸1麵餐, 朋友就揀咗4餸1麵餐.兩個餐都包左台式飲料, 不過大部份都要加錢 🥤外賣餐牌同堂食餐牌大致一樣, 麵同配料選擇非常多, 不過飲料嘅選擇就比堂食少啲啲.食滷味必叫冬粉, 索晒啲滷水汁, 正呀! 朋友就嗌咗台灣名麵 - 王子麵. 不過佢哋無將麵同滷水汁分開, 食嘅時候朋友嘅王子麵就變咗一餅野..佢哋嘅滷水汁帶甜, 可接受但可更進步. 不過每人口味不一, 如果我下次再想食滷味, 都會再翻兜 😊▫️加錢配嘅冷泡桂花烏龍冷泡四季春茶👍🏼▫️整多張有feel啲嘅😂🤣▫️5餸1麵 - 豬耳朵, 大腸, 雞腎, 大陸妹(唐生菜), 大豆皮; 冬粉 (粉絲)▫️4餸1麵 - 大腸, 高麗菜(台灣椰菜), 鴨血; 王子麵

@kan.teen今次介紹呢間台灣菜喺銅鑼灣登龍街嘅燈籠滷味🍗逆市仲大排長龍 真係好生意💛👍🏻我嗰日食完出嚟仲有勁多人排隊❗️食物方面店舖主打台式滷味🍗形式似香港車仔麵同米線店🤣都係自選汁同餸~~滷湯仲係由台灣總店直送 咁好食嘅滷水汁用咗上等桂皮🌼花椒 甘草等等嘅中藥熬成🍲~~另外仲有啲台灣小食同台式飲品架🍹.👅冬粉+豬腱肉+素雞+白蘿蔔+甜不辣 $49我特登叫多少少餸🤤希望同大家分享多~覺得叫冬粉做麵底真係無錯😍爽口得黎又好吸味 每一條都有滷湯嘅味🍜滷水汁嘅味係偏甜 清甜個種 之後有啲鹹咁樣 唔會死鹹🤎餸方面 滷豬腱肉🍖都好入味 成舊肉都滷成係深色 肉質爽口~以我鍾意食嘅就有：🤍白蘿蔔 清甜無根無渣好入味；💛甜不辣 煙韌彈牙 甜甜地 同個滷汁好夾😊至於素雞 就係圓形一塊豆腐 冇乜特別.👅王子麵+大腸+百頁豆腐+白蘿蔔$42王子麵都好索味🤴🏼食到最後會索都冇晒成個滷汁 就會有少少鹹 不過冬粉就冇呢個問題啦~餸方面 朋友個碗我試左個百葉豆腐都好入味◻️但又唔係話有好多層好彈牙嘅感覺🙈朋友形容嘅大腸 冇臭味 比出邊食嘅厚身 一個字 正喎👏🏻🤣.👅九份綜合芋圓 $28估唔到咁細碗 但份量又OK喎

滷味以車仔麵方式落單📝普遍配料同面都係$10一款 今次揀咗冬粉（吸汁必食🤪）、甜不辣、豬耳同埋蘿蔔😋雖然甜不辣係配料中嘅大熱 但嗰日去食就覺得麻麻地 唔知係咪煮過龍 冇乜咬口 食咗一兩條已經唔想再食😕不過蘿蔔就真係煮得好淋好入味👍🏻咬落仲有微微嘅蘿蔔鮮甜味💦🐷豬耳嘅份量都幾多爽口滷得幾入味！

呢間台灣過江龍滷味店夠曬人氣🥳 喺台北已經好出名，每次去師大夜市都會見到門外有長長嘅人龍，黎到香港都唔例外😆 仲要係黃店💛自由是個好東西（王子麵配大豆皮、貢丸、杏鮑菇、甜不辣 $52）王子麵係台灣嘅公仔麵，食落都幾彈牙，撈埋滷水汁簡直一流🤤 大豆皮類似響聆，可以吸收曬滷汁嘅精華，好入味🤤 甜不辣好煙韌仲要勁足料，食落有啲似年糕，超烈推薦💯 貢丸口感都好彈牙呀！杏鮑菇係健康之選～ 自由是個好東西（冬粉配百頁豆腐、雞翼、鴨血、雞腎、金菇 $60）冬粉其實即係粉絲，食落幾煙韌，仲要索曬啲滷汁，勁入味勁正！特別要提嘅係佢嘅雞翼，燜得好淋同入味，鴨血爽口嫩滑，百頁豆腐都要試下，佢有別於平時嘅豆腐，相較有彈性，口感好特別👍冷泡茶（桂花烏龍、四季春 +$13）茶味夠濃，飲返杯可以中和下滷汁嘅重味😚而家午市仲可以用優惠價(+$12)加配半份小食🤩 見到即刻嗌左幾款嚟幾款黎試吓🤣 每款都做到台灣嘅味道，其中香脆地瓜條係最出色🤤！炸到好香脆，食落甜甜地，完全停唔到口😆🍠 #大大力懲罰黃店💛-燈籠滷味 (銅鑼灣)📍銅鑼灣登龍街39號地下抵食指數：😚😚😚😚/5舔舔脷指數：😚😚😚😚😚/5

一放寛番晚市就出現長長人人龍大家都按耐不住想出黎食飯呀一直都想試呢間我自己未係台灣食過原味唔知同台灣個間有咩分別排隊個陣最好睇定食咩 有位就可以落單自己圈想食咩好似車仔面咁，分開肉類、菜、火鍋料同面底仲有小吃、飯、甜品、飲品我揀既鴨血、甜不辣、豬耳、鴨腎配粉絲湯底係無得選擇、是店家既祖傳滷湯根據店家既餐紙上寫是由台灣直送滷湯，由桂皮、花椒同甘草等數十幾種藥材煮成粉絲索滿滷湯，香濃不口渴加埋店家辣椒油 帶出香味又不會過辣滷水拼盤有雞腎、豬耳、豬腱肉、甜不辣滷水味唔咸幾香既八角滷水味朋友叫既烏冬面底蘋果鹽酥雞脆卜卜又香口，炸雞不乾身蘋果片應該係去炸雞既油膩台式香蒜腸炸左蒜片同台灣腸台灣腸本身口感係小小韌加埋蒜片一齊食又幾夾

今日經過銅鑼灣見到依間野之前上網睇過係台灣過江龍就即刻入去試到個面一黎啲滷水完全唔入味個面又太淋食左兩啖就急急腳賣單走雖然就唔係話貴但招牌既滷味都唔好食其他野都應該唔會好得去邊以後都唔會再試

相隔半年再嚟幫襯，只因阿叔實在太掛住‪台灣嘅味道‬喇！😫.同上次一樣繼續叫呢度嘅招牌套餐 #師大超人氣組合 ($59)🍜，超足料嘅餸菜成碗都係，當中包括甜不辣、豬肉片、高麗菜、杏飽菇、花枝丸同白蘿蔔， #王子麵 (+$2) 粗幼適中，爽口彈牙，而且掛湯力唔差，食嘅時候最緊要索多啲滷水汁，咁先好味😋！呢度嘅滷水汁含桂皮、花椒、甘草等十幾種中藥，所以味道甜甜地又帶點回甘，唔會太咸，剛剛好！👍🏽.今次因為太肚餓，再追加多一碗 #滷肉飯 ($28)，滷肉飯🍚選用台灣米製成，加上半肥瘦嘅豬肉🐖同滷水汁，油香味十足，但又唔會太油膩，如果可以加底就正囉！🤤

二刷長龍台菜燈籠滷味！呢間永遠都係咁多人排隊等位，事關真係幾抵食，今次再去發現多咗個二人餐，套餐內容有個二人份嘅大雜燴冬粉，餸料有：豬耳朵、雞胗、雞翅膀、甜不辣、百頁豆腐、高麗菜、木耳、白蘿蔔、當中最鐘意甜不辣同百頁豆腐、之前有朋友話佢哋過鹹，當晚食就覺得其實可以再濃味啲lol 除咗大碗麵套餐仲包兩杯嘢飲同一客蘋果鹽酥雞，炸物正常發揮係夾埋蘋果片食先過癮.不過講到鎮店之寶一定係佢哋個滷肉飯，滷汁超香濃肥膏同肉量都好多唔會有食白飯嘅情況，個人覺得如果唔鐘意佢哋啲滷味都一定要去試下個滷肉飯，簡係被滷味耽誤嘅滷肉飯店，如果將來佢哋會出大碗版滷肉飯就正了

一直苦等著遊歷台灣唯有以台灣菜解心癮尤其是夜市的鹵味料更讓我一直朝思暮想今次選擇這間外賣店食物款式已正中我懷單單一大份滷水拼盤已經包含了多種配料包括豬耳雞胗甜不辣豆腐木耳蘿蔔冬粉等滷水配料的香氣十足多種香料發揮它作用配料完全地吸收滷汁豬耳雞胗木耳好爽脆甜不辣口感Q彈可口蘿蔔的味道清甜適口冬粉份量足夠二人吃配甜甜的滷水也不錯台菜不能沒有滷肉飯台式滷肉飯肥瘦適中配白飯是美好的配搭蘋果鹽酥雞香脆可口不小心會讓人吃多了茉香奶綠的奶香濃厚甜度適中剛好解解膩古早冬瓜茶清香順口讓我回味那台灣風情

很久沒接另一半放工，今晚準時離開便走去燈籠街哪邊覓食。早前途經這台灣滷味數次，見這晚排隊的人數不太多，就排隊等位吃吧！小吃與飲品先來🤗❮黑糖珍珠奶茶❯ $24自選填上半甜半冰 - 黑糖香，濃厚，微甜珍珠浸過糖水，奶茶味不過重，半甜的也挺夠味道。👍🏻❮香脆地瓜條❯ $32粗條的蕃薯，薄薄的粉漿恰到好處，中間粉口，外邊脆香，蘸少許淮鹽，好味！兩碗麵分別是❮油麵❯$10 與❮粉絲+加底❯$10+ $4，這裡的湯頭份量不多，不會過鹹，有效減低了麵條/粉絲發漲速度，保持煙韌度。餸材我們選了❮豬腱肉❯ 不太大片，但夠厚肉，每片中間有微微的肥脂，有咬口有質感。❮百頁豆腐❯ 以前吃的通常是硬身，嚡口，這裡的挺腍滑。❮白蘿蔔❯ 無渣，入味，蠻嫩囗。❮花枝丸❯ 中間吃到粒粒魷魚，腍軟帶煙韌。❮貢丸❯ 咬下散發很香的冬菇味，彈牙。❮豬耳❯ 有膠質，滷得入味，爽脆。❮大豆皮❯ 有豆香味，兩款豆製品的味道也挺好。❮杏鮑菇❯ 正常。主餐後的甜品，另一半怎會放過，嘻嘻！❮綜合芋圓❯ $28 + ❮仙草❯ $6原味芋圓與地瓜芋圓，煙韌中易咬開，粒粒紅豆不鬆散，微甜的珍珠很有饞勁，對比柔軟的涼粉，很有層次。黑糖味頗香，