燈籠滷味 (登龍街) (已結業)

相隔半年再嚟幫襯，只因阿叔實在太掛住‪台灣嘅味道‬喇！😫.同上次一樣繼續叫呢度嘅招牌套餐 #師大超人氣組合 ($59)🍜，超足料嘅餸菜成碗都係，當中包括甜不辣、豬肉片、高麗菜、杏飽菇、花枝丸同白蘿蔔， #王子麵 (+$2) 粗幼適中，爽口彈牙，而且掛湯力唔差，食嘅時候最緊要索多啲滷水汁，咁先好味😋！呢度嘅滷水汁含桂皮、花椒、甘草等十幾種中藥，所以味道甜甜地又帶點回甘，唔會太咸，剛剛好！👍🏽.今次因為太肚餓，再追加多一碗 #滷肉飯 ($28)，滷肉飯🍚選用台灣米製成，加上半肥瘦嘅豬肉🐖同滷水汁，油香味十足，但又唔會太油膩，如果可以加底就正囉！🤤