熨烤達人 (已結業)

韓風真係沒法擋，城中又有新韓食法喇！一坐低已經見到有個熨斗擺係度，陣間睇睇咩玩法先。前菜－凍蕃茄同洋蔥，洋蔥我自己麻麻，覺得太辣。但凍蕃茄加上胡麻醬好開胃！好好火~仲有我至愛爐邊蛋，有芝士同泡菜添！熨烤嘅牛肉真係幾靚仔，唔同部位都雪花分明，燒落油份唔算多，但就非常香！格網用嚟燒牛起晒網燒痕，如果燒豬肉就要轉另一款網。厚切豬腩肉就用得上熨斗喇，用佢嘅重量壓住嚟燒，快啲又得食之餘，油份逼晒出嚟唔會太肥膩！啲熟食麵類都不錯，冷麵好好味！飲品選擇唔多，除咗一般韓國罐裝飲品，仲有幾款生果口味沙冰溝汽水，呢個荔枝都唔錯。

好友生日，約食飯慶祝，旺角試新嘢，梗係全城最紅的韓式燒烤吧，熨斗熨衫就熨得多, 熨豬肉 真係第一次。用熨斗做賣點的燒烤店，好奇異，韓國旅行也未見過。專針對年輕人市場，韓國烤肉店感覺強烈，天花抽氣管用金色，牆上播放住韓國MV。舖內裝修，似隧道，檯、凳、吸風口等等，都是地道的韓式風格。每張檯都會放了燒烤熨斗一隻，燒烤煮食餐具一套。店舖餐牌都好別緻。天花吊住個特飲推介木板。韓式鐵桶燒烤凳，凳蓋可放入私人物件。特飲推介有三種口味， 荔枝、士多啤梨同藍梅味，我就揀咗荔枝味，其實係將荔枝打成沙冰， 將支韓國汽水Cider插喺酒杯上，支汽水裡面仲有啲似蒟蒻嘅果粒，帶有果香味，飲時很冰涼，不過咁樣放住個樽就要小心啲嘞﹗洋蔥絲，切得好幼細，面上放咗啲芝麻好香，浸在酸酸味道的醬汁，用來作涼拌小食及夾住啲烤肉嚟食，味道唔錯，好開胃。芝士麵，依家係韓式食物中都好喜歡放入芝士，所以都叫咗份韓式芝士撈麵嚟試，芝士味濃且帶點微辣，麵質都幾煙韌, 而且知道呢到啲芝士麵係由韓國直送，再配上已切粒肉腸，口感幾好。開爐了，店員就把蛋漿倒滿爐邊，另外俾咗啲粟米粒、芝士粒同泡菜俾我地，可隨意放入蛋漿裡烤熟嚟食。都幾得意～磚頭五

愈來愈多韓國野已經唔係好食定唔好食係要靠gimmick由鬧請得多韓仔韓女到依家要玩野裝修特別一張張木枱中間放個爐韓國味重肉類選擇無ＢＢＱ７０８０那麼多紫青瓜: 味道酸酸咸咸 好開胃 份量算多手攪飯: 有兩個雪糕筒 紫菜/脆粒/蛋/蟹子/吞拿魚/青瓜/沙律醬 口感好豐富厚切五花肉: 堅厚 同時肥膏都堅厚 職員解釋 個熨斗壓住燒 可以燒快D                  (迷之聲: 甘點解唔切薄D? 甘就唔駛甘難燒?)服務員的服務亦OK 算有GIMMICK 都有質素

入到餐廳第一個感覺好韓國feel，裝修好特色，所以都立即影啲相。另外都會發現每一枱客都有一個好特別嘅飲品，將倒轉既韓國七喜嘅飲品，所以差唔多每一台都係叫這個飲品。呢間餐廳嘅韓燒同我係韓國食過都係有一個可以蒸蛋嘅地方，同埋燒唔同嘅嘢，佢會比唔同嘅網或者鐵板去燒，而食物嘅質素就一般啦，當然冇韓國食嘅咁好味。就梗係叫個五花籃用個熨斗壓整呢食試吓啦，用熨斗去燒都係玩味性質大D。未去過既朋友值得去一去，而我去過一次就未必會再去落去啦！

韓燒店如何能破格，有人想到改良古法韓燒，理論是利用硬物壓住食物，既可鎖緊肉汁，亦可避免肉質過份收縮而影響口感，繼而燒出完美烤肉，古時用石頭，現代版用上特製熨斗，據說專業至把重量計算過。咁好玩的新招，我當然不會錯過，食神俠侶出發，往旺角去。想不到不只賣點古怪，裝潢亦別樹一格，進店如身處鐵皮屋，四面鋼牆丶天花鋼圈丶泥柱等，原來靈感來自火車維修站，但跟烤肉何幹！總之，能讓客人有新鮮感就是賣點！周六晚上，全晚滿座，幸好預先有訂位，walk-in 是無望的。大餐準備中，好玩熨斗早已放在桌上，這個特製熨斗，刻有韓文，果然是韓國製造，全身黑色，材料我不認識，這叫做鈦鋼嗎？手挽位加了木，以作隔熱，拿起頗重，仲計有五磅。原來烤爐亦好講究，我們先吃烤豬肉，用的是不銹鋼板，熱力平均，能做出半燒半炸的效果；稍後燒牛肉，會替我們換上網紋板，可烤出BBQ風味。烤爐開啟後，服務員首先做的是把蛋漿倒在烤爐四周的坑內，這款烤蛋我在飲食節目有見到，自己是首次品嚐。旁邊附上蛋漿餡料三款，有芝士粒丶泡菜及粟米粒，我們亦馬上全部加進，要在蛋漿熟透凝固前做的，否則混合不攏，蛋漿久久不熟，估計早已混合奶或忌廉等令它更滑溜的輔助食品

聽到用熨斗燒肉真係滿心期待再加上之前啲食評咁好，真係晨早同班同事夾哂日子訂埋台去食！訂左6點半桶，成班例遲精竟然差唔多都到齊，可想而知我地係幾咁重視今次嘅燒肉但係呢個咁興奮嘅心情由入到舖頭之後只係維持左3分鐘我地9個人佢真係俾左張大枱我地，但係只係得一個爐，仲要個爐係側埋一邊，真係唔知邊個燒到，邊個有得食 真係完全唔適合多人嘅gathering！到我地點完餐之後，失落感簡直一浪接一浪咁湧埋嚟首先，爐邊嘅蛋漿只會加一次，再加下次請盛惠50蚊，我地都不只幾想即係叫人拎50蚊去出邊買蛋返嚟自己加！第二，只提供三樣伴菜，包括粟米，芝士同泡菜，同樣9個人只係成枱每樣一碟，不設免費refill，仲要每碟都猶如施捨一般嘅份量，更見可憐第三，即使我地叫幾多肉都好，生菜只係俾兩dull，當然係不設免費refill，一dull生菜夾埋嘅size都唔知有無我權頭咁大，又係食左等於無食總括而言，如果同xx稀肉比嘅無限refill配菜同多樣性仲有食物嘅新鮮度嚟講呢度真係輸足成條街!到真正主菜嘅肉上場當然係繼續失望無驚喜！食物圖文不符一向都係常識吧（無論外表定size）！不過味道ok ge！只不過得個少少肉同海

閒日7點半已訂座，去到明明見到入面有吉枱，但出面依然有三四班人等緊位，問接待佢答set緊枱，等了10分鐘，再問，佢先好似賞試安排一早已吉左張枱給我們....😪叫了食物，食評説招呼好好，但真係唔覺，冇介紹啲嘢應該點燒，更加唔會幫客燒，醬汁唔堤佢都唔拎嚟，又話會好專業主動幫你換網，結果等成10分鐘都冇人理你，嗌左成千蚊野食，送生菜四大塊亦冇添....食物質素，一般一般，韓燒預左食唔到好上等嘅肉，比起好食個啲差，但係佢收費就比一般貴！結果兩人食左$1100，呢個價錢去間好好多嘅都得啦，一定冇下次！

當大家仲未食厭炒年糕，炸辣雞啲時候，韓店又出新招，想出以熨斗烤肉，咁又要試吓。Mr Iron的菜單，同BBQ店差不多，必須選厚身啲肉先試到熨斗的功力，豬腩肉係最好選擇，厚切牛舌都好，每件切到似長方形的𥖁頭，肥肉夾在瘦肉內。熨斗唔係熱，只係利用佢啲重量壓住厚肉，可以快熟啲，鎖住多啲肉店，有唸頭。但都要燒好耐先熟，仲要時時翻轉吓，燒出嚟的豬肉，果然好香，外有點焦，油份早已漏出，唔太肥膩。幾好玩，啲肉都靚，應該見識吓。

上網見到好多介紹，所以就同女子組黎一睹盧山真面目？一坐低，就發現到佢(☆_☆)傳說中嘅熨斗！拎上手都有d重量。開始上菜，係我強烈要求下叫左個洋蔥，不得不提，好開胃，小小酸小小辣，吾覺吾覺已經食左一整個。肉上黎前，因為我地加左錢叫爐邊蛋！其實上面有芝士蛋同泡菜蛋XD好快就有得食，好濃嘅芝士！圖中個網係燒豬肉用，所以我地之後有換到牛肉用網。主角！牛扒同牛肩肉(?)，圖一就雪花分佈平均，牛味勁濃，入口差點即溶！圖二牛扒，吾怕肥就要食埋個邊，我指肥個D，因為陣牛油味真係世界級！其實燒菇都好好味，你吾好肉都有好嘢架！最後，荔枝沙冰一定要叫，吾好睇小佢，夠你飲一晚有多！

行完金魚街, 通常出彌敦道搭車走人, 今天時間早, 友人來電約食飯吹水, 所以行相反方向, 沿旺角道, 走回到洗衣街, 轉左, 就見此店.依家做生意甚艱難, 無所不用其極, 創意無限, 門口張貼宣傳介紹: 韓式熨斗燒烤, 連熨斗都比你攞埋出嚟用, 呢鋪真係估你唔到了...店內裝修, 與新一代的韓式餐廳差不多, 都是圓型的四至六人檯, 沒有背板的圓桶凳, 邊位可放蛋漿的燒烤爐等等, 唯牆身設計頗特別, 全銀色鋁質摺片, 有點兒太空科幻感覺. 典型韓式可放手袋和雜物的圓桶凳, 但友人千個不願意把她那隻"萬萬"聲的名牌袋放入去.手機無電? 使嘜驚!! 哈哈.. 現代人的焦慮症, 銀包無錢 唔緊要, 但手機無電 等同世界未日. 老闆非常關心大家的焦慮, 專登在座位上安裝了充電裝置, 讓大家食得安心, 叉得放心...good....!!兩邊牆安放了大屏幕電視, 播著韓國百變女團 T-ARA(티아라) 的MV: Sexy Love, 友人問: 係未實力派樂隊呢?? 我話: 唔知喎....相信可以她們的衣著觀察得到, 唔係實力派, 穿得少 是常識吧... 佢地都算穿得多吧....哈哈哈...飲住啤酒

未開張前已經猛力谷宣傳的熨烤達人，以獨特的熨烤技術韓烤登陸香港，實在令人期待。心中不禁有個疑問，這熨斗般的鐵板到底有什麼作用？還是只是一個gimmick？所以，今天潮拜一定要找到答案！！以熨烤成名，英文名字也命名為Mr. Iron。影像聯想讓我認為Mr. Iron就是鐵板底下這位先生。急不及待地問究竟這鐵板熨斗有什麼作用，店員對這問題見慣見熟地回答。原來鐵板熨斗是一個韓國的古法，為了令肉質保持鮮嫩，鎖住肉汁，把具重量的鐵板壓到肉上，讓烤出來的肉更多汁美味。以力學的原理，肉塊放在烤爐總有些部位會彈起，無法平放的，而這熨斗則用重量把肉類壓著，讓肉塊能平均受熱，燒得更均勻。再者，例如豬皮、五花腩等等的肉塊受熱後都會收縮，用鐵板把他們壓住可以防止他們嚴重收縮而影響口感。原理大概都明白了，是真是假，那就要嚐嚐用鐵板熨斗烤的肉類了～餐牌上套餐及單點。除了韓燒之外，也可以點不同熱食。不想只集中在韓燒上，最後決議在韓燒和熱食的比例上以Half Half 的分佈，大概三至四款韓燒食物再加上幾款韓式小食。脆卜卜大園手攪飯：我把它列為前菜/冷盤，配料有吞拿魚、蟹子、紫菜、米通脆粒、蛋絲及青瓜。盤內有米飯，把

還沒有找到任何目標,又未有進修的計劃,只想暫時過著悠閒的生活,這算是罪嗎?幸好,還有友人跟我一樣,這算是有福同享,還是有難同當呢既然大家沒事做,便約出來找一點吃的,來到最近新開張的熨烤達人,很多人呢,幸好只等了15分鐘便可入座這兒除了是韓燒外,最特別的是燒肉燒起時,可以用熨斗壓下去,使其燒得更旺盛而肉質燒出來真的更香,吃起來口感亦十分豐富,肉汁滿溢,而且份量十足,2位女子一起吃略嫌過多價錢亦不昂價,2人吃了數樣東西,都只是$350,這價錢在其他韓式食店是不可能的這兒的女侍應更是十分貌美,小妹也忍不住看了數眼,難怪那麼多男顧客來到呢

今日細佬生日，知佢係食肉獸。一早book左呢間貌似新開既韓式烤肉店，以熨斗玩“桌”頭。唔係講笑，香港土地不足既問題堅係嚴重，鋪頭面積都頗細，枱與枱之間幾乎無空位，有點逼。不過裝修幾特別既，好似入左架大貨車裡面咁。店員係我地揀好食咩既時侯就立即開慢火係烤爐旁邊加入蛋漿，再分別係每格放入配料：芝士、粟米、泡菜。在等蛋熟透之時，小食立即就黎到了。胡麻醬蕃茄沙律，酸酸甜甜，清新開胃。我地5個人叫左2個豬同牛既併盤，＄580 ＋＄480貪佢乜都有齊唔使諗！M5肉眼扒，beef ribs,雪花牛肉片，五花腩，磚頭五花腩，牛肩肉，五花牛，M9霜降西冷同豬皮，花款就真係多，不過份量比想像中少，再加多個野箘併盤＄65 balance 下！經過店員指點，原來牛呢就用要用網架去燒，因為牛比較快熟，網架令牛肉更直接受熱，能夠燒出表面香烤焦脆，入面同時可以鎖住肉汁。呢塊M9霜降西冷每面只需8－10秒已經岩岩好夠熟，牛味香濃肉質細嫩，好軟諗好味！至於燒豬既時侯就要叫店員幫幫手換成鋼板燒，原因係豬要更多時間熟同埋油脂較厚，咁樣燒可以慢慢將油份逼出，而且仲可以燒到變金黃，夠晒香脆。而且呢個時候熨斗要出場了，重壓係磚頭

上星期放工搵食，路過洗衣街，見到有間新韓燒開咗，同大少講過吓，尋晚問大少今晚食咩好，大少諗一諗就話 - Mr. Iron喇~~今晚我就好準時收工，大少就遲咗少少，咁我就係Mr. Iron門口等佢，拎飛唔駛5分鐘就有位，因為我前面幾張2人枱都行開咗，所以我就好快有位，但係大少重未到，店員話如果佢唔耐嘅話，可以入去睇住Menu等，咁我梗係入咗先喇，因為大少應該5分鐘內到門口有兩個大風扇嘅物體，可以令客人等位期間唔會太熱，不過太大風，應該唔會有人坐喺呢兩把風扇前面呢塊就係傳說中嘅燙衫板，其實我有燙過衫架，所以我識用燙斗架~~但係今日我地就冇用過呢塊鐵板，因為……我地都冇乜嘢要用~~連個Menu都好特別~呢個係Drink Menu，佢係吊咗幾個天花板，有幾款飲品藍莓梳打、士多啤梨梳打、荔板梳打、齋梳打、梨汁、青提汁呢間啲雞蛋漿同出面食過幾間好唔同，因為出面嗰啲都好稀，呢個係好杰，到熟咗之後，好似日式玉子，好好味，同埋唔會好似其他嗰啲咁，到我地食完其他燒物，啲蛋都未熟~呢個鐵板有3格，2格大1格細，店員會將3格都倒入蛋漿，另外會有幾款配料俾客人倒入蛋漿，你可以選擇唔倒都可以，有泡菜、芝士、粟米偷