熨烤達人 (已結業)

閒日7點半已訂座，去到明明見到入面有吉枱，但出面依然有三四班人等緊位，問接待佢答set緊枱，等了10分鐘，再問，佢先好似賞試安排一早已吉左張枱給我們....😪叫了食物，食評説招呼好好，但真係唔覺，冇介紹啲嘢應該點燒，更加唔會幫客燒，醬汁唔堤佢都唔拎嚟，又話會好專業主動幫你換網，結果等成10分鐘都冇人理你，嗌左成千蚊野食，送生菜四大塊亦冇添....食物質素，一般一般，韓燒預左食唔到好上等嘅肉，比起好食個啲差，但係佢收費就比一般貴！結果兩人食左$1100，呢個價錢去間好好多嘅都得啦，一定冇下次！