影片
更多
2016-10-17
736 浏览
第一次寫食評，可惜唔係好回憶。尋日同阿仔一早預左去洗衣街食韓燒，諗住打完波已經9點，可以食宵夜時段，點知媽媽話想試下呢間用熨斗嘅燒烤店。心諗都係嗰D嘢，冇所謂啦，點知就係失望嘅開始……一坐低侍應就講明套餐係冇折，散叫的話全枱讚好打卡就有85折。我即刻已經計到兩者分別不大，心諗咁樣好似有D取巧囉，不過既然坐低左就算啦。我叫左個厚切五花腩，M5牛，紫菜卷，魷魚鬚。個侍應一拎件五花腩就放上去燒，之後就行左去，後來有位應該較好經驗嘅侍應過黎幫我地燒。問題就係呢度，我去過咁多韓燒店(包括韓國)，通常店員會先燒牛，因為牛係主菜，而且快熟，可以讓客人先品嚐(如有海鮮另計)。可憐就係我地幾個好肚餓咁望住舊肥豬肉，聞住肉香等足差不多半個鐘，其間我忍唔住問個侍應，點解你地唔係應該先燒牛嘅咩？佢當時個表情只係好無奈咁笑一笑。算了，等到已經冇乜心情食，就請侍應幫忙燒埋件牛。我承認我要負最大的責任，因為太太已提醒我搵另一個侍應燒件牛，可惜當時佢企正係我張枱旁邊，為左唔想令佢難堪，就麻煩佢燒件牛了。佢行埋黎求其清一清個板(板面仲有d豬肉碎)，就放件牛上去，然後再用熨斗壓住，之後就行開了，幾分鐘後返黎幫我反件牛，再
尋日同阿仔一早預左去洗衣街食韓燒，諗住打完波已經9點，可以食宵夜時段，點知媽媽話想試下呢間用熨斗嘅燒烤店。心諗都係嗰D嘢，冇所謂啦，點知就係失望嘅開始……
一坐低侍應就講明套餐係冇折，散叫的話全枱讚好打卡就有85折。我即刻已經計到兩者分別不大，心諗咁樣好似有D取巧囉，不過既然坐低左就算啦。
我叫左個厚切五花腩，M5牛，紫菜卷，魷魚鬚。個侍應一拎件五花腩就放上去燒，之後就行左去，後來有位應該較好經驗嘅侍應過黎幫我地燒。問題就係呢度，我去過咁多韓燒店(包括韓國)，通常店員會先燒牛，因為牛係主菜，而且快熟，可以讓客人先品嚐(如有海鮮另計)。可憐就係我地幾個好肚餓咁望住舊肥豬肉，聞住肉香等足差不多半個鐘，其間我忍唔住問個侍應，點解你地唔係應該先燒牛嘅咩？佢當時個表情只係好無奈咁笑一笑。
算了，等到已經冇乜心情食，就請侍應幫忙燒埋件牛。我承認我要負最大的責任，因為太太已提醒我搵另一個侍應燒件牛，可惜當時佢企正係我張枱旁邊，為左唔想令佢難堪，就麻煩佢燒件牛了。佢行埋黎求其清一清個板(板面仲有d豬肉碎)，就放件牛上去，然後再用熨斗壓住，之後就行開了，幾分鐘後返黎幫我反件牛，再問我要熟d定生d，我見有小朋友就話熟少少啦，佢反完件牛再用熨斗壓住就再走開了，但係今次佢冇再行過黎，只係掛住八卦個櫃面唔知發生乜嘢，到最後我忍唔住叫佢，佢先記得行黎，但係件牛已經燶左，太太即時炸型，佢仲話剛剛好，意思係你要求熟d嘛。後來另一位侍應望到都行黎同我講唔好意思，真係燶左，仲話如果下次叫老闆燒，會燒得好好食。
我心諗仲有下次？$280食件美珍香都不如嘅牛，都算非常貴。之前聽講呢度話開張3個月已經回本，可能老闆已經搵夠退休。我覺得用熨斗呢個主題夠創新，但係如果有心俾折扣吸納宵夜客，就唔好咁小家，加上前線培訓不足，細節上唔留意，當熱潮一過，客人只會一日比一日少。
张贴
