熊拉麵 (蘇杭街)

营业中

休息中

遇上家裡沒飯開的日子，這晚下班後，我就獨個兒來到上環熊拉麵醫肚~店面不大，裝修風格簡約，卻不失日本風情。餐牌亦是獨沽一味賣拉麵，選擇不多，但重質不重量，這樣才能夠專注於食物質素之上。除了以上的常規款式，最近的期間限定款式是特濃芝士蕃茄拉麵。不過吃拉麵我總是喜歡選擇傳統一點，所以最後還是選了豬骨湯底。招牌熊拉麵 $85熊拉麵本身就已包括一塊叉燒、一隻溏心味付蛋及木耳絲，一上枱熱騰騰的拉麵便已經散發著陣陣濃郁骨香。豬骨湯底顏色乳白，湯身略帶濃稠，可以見到浮油不多，少了一層厚厚的油花，香濃但不油膩，食開日本拉麵的就會覺得這裡的湯底已算是清淡，不會因太重口味而覺得口渴涸喉。我選了1.5mm中幼麵，麵條幼細而吸湯，口感彈牙，不會煮得過軟，麵量對女生來說已經很飽足。火炙肥叉燒叉燒肥瘦相間，脂香滿瀉，肉質軟嫩不死實，加上表面經火炙後，帶有焦香味，稍嫌每碗只有一塊確實有點少 溏心蛋的軟嫩蛋白包裹著半熟晶瑩的蛋黃，一咬開正在流心中，滿溢香濃蛋味。另外亦加了$10追加紫菜。將紫菜浸湯後，充分吸收湯頭精華，木耳絲鮮脆爽口。枱上亦放有三款配料：芽菜、高菜和紅薑絲，給客人自行添加。

孩童時曾在上環區住了十多年,早前因工作關係經過蘇杭街一帶,但街名依舊, 卻模樣全非!差不多黃昏時間, 肚子有點餓,見不同食店處處皆是,後來見到有個很大的日本燈籠掛在一間有[ 熊 ] 字的拉麵店, 便入去來個拉麵醫醫肚吧!當踏入店時, 才發覺原來舖內面積頗大!坐低後,原來沒有餐牌, 但有點餐紙,有招牌熊拉麵, 黑; 赤; 白 和 超級巨熊拉麵;小食, 飲品.我選了招牌熊拉麵 -- $85 和 熊自家製餃子 $38他們的點餐紙很細心, 麵可選軟硬度; 粗幼;叉燒做法; 要不要蔥, 及木耳; 或可加錢加蔥, 木耳等....招牌熊拉麵來了!豬骨湯底濃郁, 有一隻流心蛋,夾開蛋後, 流心蛋槳流出, 非常吸引.木耳絲頗多, 夠爽口.我選了梅頭叉燒, 又大又厚身, 半肥瘦,口感好好.麵身剛剛軟硬適中, 好味到自己都忘記拍給大家分享.熊自家製餃子--$38見拉麵很好味, 所以多叫了熊自家製餃子,皮薄, 蔥和肉份量適中, 不多亦不少.底部煎得夠香和挺身, 好味到不知不覺五隻餃子,竟然自己一個人食晒!!!最後見到面前有些醃菜, 試了少少醃紅薑和醃芽菜,紅薑有點酸中帶辣, 而醃芽菜比較辣.離開時肚子飽得很,

熊拉麵都算係出名,今日放假特登同朋友去食,試下係咪真係好食黎到唔駛排隊,好好彩食完覺得係standard 水準。其實依家d拉麵店有幾多間係自己做麵？呢間就真係自己做個麵啦,黎競爭就係個湯底（呢個先係一間拉麵店的靈魂)湯底唔太咸,好夠味而且好大碗,一定夠飽我地每人一碗,唔駛加底海之幸培煎芝麻醬冷麵 夏日熱辣辣 最岩就係食啲清新開胃既野,熊拉麵限定既培煎芝麻醬冷麵就岩哂啦👻彈牙拉麵掛上滿滿濃香清新的芝麻醬, 伴上蕃茄 青瓜絲 火腿絲和新鮮海蝦, 味道香甜開胃 多種配料的配搭味道絕不單調, 愈吃愈滋味🙆🏻另設有上環分店架下次都會再黎試熊拉麵佐敦白加士街8號地舖

今次食拉麵食到去上環，今次去咗熊拉麵。喺上環地鐵站一出行1分鐘就到。我同女朋友一如以往坐咗係吧枱，今次張凳較高，我哋可以欣賞成個整拉麵嘅過程。我哋太肚餓嘅關係，除咗每人叫咗一碗拉麵之外，仲叫多個迷你叉燒丼。等緊拉麵嘅時候，餐廳提供三種配菜俾你醫下個肚仔先，女朋友差啲食晒成兜芽菜落單紙清晰易明，估唔到叉燒嘅種類都有三種，好吸引！女朋友叫既黑熊拉麵顏色相當吸引，湯底非常濃郁，每一條麵都沾上黑蒜湯底，好惹味。叉燒方面，女朋友揀咗梅頭瘦叉燒，總共兩大片，食落完全唔膩，雖然瘦但入哂味好有口感。麵質方面，我同女朋友都揀咗幼麵，硬度適中，蛋都夠晒流心，真係冇咩可以挑剔，正！食完黑熊就到白熊啦！湯底係濃郁嘅豬骨湯，好飲到差啲飲晒成碗。視覺最受刺激既時候係見到果兩片火炙肥叉燒，又厚又大，食既時侯感覺入口即溶，好神奇兩個拉麵嘅份量都足夠，叫埋個迷你叉燒丼就啱啱好，叉燒嘅份量同飯差唔多，好足料，每一粒叉燒唔會好難咀嚼，好夠稔。最後埋單＄200都唔使，但已經飽到橫唔到腰，呢個價錢食到咁飽又好味，應該得佢一間。

拉麵黎講，我比較偏好重口味。上環熊拉麵，我個人認為，濃厚得黎又唔過火。主要有豬骨湯底、黑蒜同辛辣湯底。不過我反而對期間限定嘅魚介豬骨湯熊拉麵（$88）更有興趣。自己揀個人口味，例如拉麵硬度、麵款（粗幼度）等等，簡直可以度身定做個人版拉麵。最特別係連叉燒都有三款，好似中間果隻「肥叉」最特別，就要呢隻啦！拉麵等一陣就到，湯底好濃郁，加左魚介好似比純粹豬骨湯更多左種層次，更有香味。拉麵軟硬度剛好，肥叉果然適合我，因為夠肥夠邪惡！流心蛋！食到底！加多支波子汽水（$16），童年回憶返晒黎！

用熊作名稱的拉麵真的非常有意思，今日我同朋友就試咗個黑白雙剎拉麵。我朋友叫咗個白熊拉麵，唯一同黑熊拉麵唔同嘅係佢有一隻溫泉蛋喺裏面。面嘅份量好適中，有少許蔥花在上面絆住，好香和濃郁。湯底係非常之濃郁嘅豬骨湯麵，應該淯超過10小時以上，食完之後個嘴會有少少黏，因為應該係豬骨嘅骨膠原落咗湯底。加左少少冬菜同埋小小辣芽菜，更加可以將未到帶到極致嘅水準。味道可以自己調校，鍾意落幾多配菜就幾多。餃子同拉麵同步上菜，朋友都話好鍾意食餃子之因為貪佢可以一啖過！點小小醬油唔會太heavy，最後我們仲爭食最後一隻，可想言之味道有幾好食。＄100每人嘅價錢真係經濟又實惠，好食過其他拉麵店。

今日女朋友又要嗌住食拉麵，全香港嘅拉麵差唔多俾佢食晒，而佢又話唔要翻炒，我揾嚟揾去終於揾到熊拉麵！我哋兩個都嗌咗招牌熊拉麵 ($85)，有招牌呢兩個字一定實無死。而我咁大食，就梗係要追加麵底($13) 喇。湯底真係超正，餐廳投入大量新鮮豬骨猛火煲足12個鍾製成，濃縮成自家濃厚奶白湯底。豬骨味非常香濃，又唔油膩，忍唔住差啲飲晒呀！仲包埋隻超高質溏心蛋，真係好掋食呀！仲可以嗌唔同嘅叉燒，識食一定係食火炙肥叉燒喇！近肥膏嘅豬肉非常嫩滑，又腍又香。

身為日式拉麵控當然要四周尋覓香港的好味拉麵，星期六的晚上便和寶寶去了上環的熊拉麵。拉麵的選擇也不少，不吃麵的也可以點飯。因為本人實在太愛吃辣了，所以點了赤熊拉麵 ($80) 試試。赤熊的湯底是用餐廳自家製發酵味噌辣醬煮成，令香濃的豬骨湯散發岀陣陣香辣味，而其豬骨湯是用 12 小時猛火熬製。湯底也頗辣，惹味十足。而我刻意點了硬身拉麵，所以麵質煙韌帶咬口。我還另加了秘製溏心蛋 (+$10)，溏心蛋煮得非常好，色澤光亮，流心效果一流。餐廳還有配料讓客人任下呢～ 我當然瘋狂吃辣芽菜啦！而叉燒更可選擇梅頭瘦叉燒、火炙肥叉燒或角切叉燒粒。因我怕胖所以選了梅頭瘦叉燒，但相比起寶寶的火炙肥叉燒，我的瘦叉燒雖沒那麼油膩，但豬味沒有肥叉濃郁。還另加了爽口的木耳 (+10)，原來份量也超多，適合 2 至 3 人 share，非常掋吃！

好天氣，當然要出外走走啦。過到港島區行山，首先要食少少嘢至出發。第一站：上環熊拉麵要食就當然食最傳統嘅豬骨湯底，我要左1號（$85），有埋糖心蛋。另加紫菜一份（$10）。店家提供橡筋比女生使用，夠晒窩心。檯面有幾款配料比你加落拉麵度，有我最鍾意食嘅辣芽菜呀！拉麵好快送到，一路等一路都聞到香噴噴嘅燒肉香，因為我叫左火炙肥叉燒呀！先飲一啖湯底，香濃而不膩，而且好熱辣辣，冬天食一定夠晒暖！肥叉燒經過火炙，油份逼晒出黎，入口即融！麵質算彈牙，辣芽菜夠惹味，粒蛋真係好流心，有驚喜呢！上環又多個好地方食拉麵了！

最愛拉麵的小編，今天又再出動，到訪上環的一家叫熊拉麵的分店本來在佐敦有一家店的熊，到了上環能不能保持水準呢？ 有 counter席也有普通席，好奇的我當然要坐counter 點了一個魚介豚骨湯麵，可選的全部選了普通，有添香油先呷一口湯底，濃而不稠，稀度適中，豚骨味香濃，可惜魚介味不足。香油的存在令湯底多了一份脂香，不想要還可以走油麵質是我吃過那麼多間拉麵中最彈牙的，尤其我點的是幼麵，非常掛湯，更顯得其細節位掌握得不錯叉燒可以選瘦、炙燒肥，或者切粒我選了炙燒肥，厚度果然十足，一塊就已經等於豬排的事厚度，而且燒過把油迫出，依舊入口即溶，不錯蛋是較弱的一環，雖然做到半溏心，但醃漬功夫沒有做好，沒有甜/咸味 港藉師傅的各種硬度的拉麵的預設烹煮時間 $88沒有加一，非常合理的價錢，個人覺得整體比金田家做得更佳

雖然黑熊拉麵冇招牌熊拉麵個半熟玉子，但係一向好鍾意食蒜味既我，一黎到熊拉麵我就叫咗個黑熊拉麵，朋友就叫咗個招牌熊拉麵。兩個拉麵我都有品嘗過，我比較鍾意黑熊拉麵個湯底，濃味啲，香啲。侍應知我地叫咗呢個拉麵就俾咗塊紙圍巾我地，驚啲黑蒜油會淺到我地啲衫上面，好細心同照顧周到！除此以外，我地仲試咗個沙律醬餃子。好有趣，咬落去呢個特色餃子既時候，你會食到外面有沙律醬既甜味，以及餃子肉加餃子豉油既咸味，超特別，建議大家黎到一定要試下呢款餃子

朋友還未下班，唯有一個人去吃拉麵吧，我經常說拉麵這種食物完全適合只有自己時吃，不用分享，不用說話，安靜地享受拉麵的美味。熊拉麵是其中一間我所喜愛的拉麵之一，它是第一間令我對黑蒜油拉麵改觀的日本拉麵店，以往我都很怕黑蒜油的膩味，但熊拉麵的卻亳無可怕的油膩，我就這樣愛上它了。熊拉麵推出期間限定特濃蕃茄芝士拉麵完全是我的味，細細品味湯頭，這可不是罐頭的那種蕃茄湯，完全能感覺是熊拉麵用心煮出來的鮮茄湯。湯頭不會過酸，也不會很搶味道，而是可以帶出其他食材味道，整碗湯喝完也都沒有問題。蕃茄粒添加少許胡椒，更添其香氣。滿滿的芝士，因為遇熱而稠稠的，搭配蕃茄湯真的很適合，而且絕不膩味，這就是熊拉麵的所在魅力。叉燒選用梅頭瘦叉燒這做法巧妙，避免了產生可怕的油膩感，雖然叉燒所用的是瘦部份，但是梅頭乃是豬肉最嫩的部位之一，所以吃起來挺滑嫩，而且叉燒有面頰大，光看已口水直流。麵底則是中幼麵，吃起來口感綿密細緻，咬勁上卻又相當十足，再搭配上芝士拉絲的厚稠感，配合湯頭的鮮甜味道，吸收起全部的精華，再夾起麵條入口，頓時口齒留香，讓人覺得很滿足。沒有半熟玉子的拉麵感覺有點空墟，所以我都是加10元配搭秘製糖心蛋，感覺這

下午lunch要排隊，以為晚上D人放晒工會少D人，點知都係客似雲來，不過不用排隊。正宗拉麵店格局，比坊間的燈光較光猛，有吧枱和正常座，不過店面積都算幾大，唔會好迫。貫徹始終的日式裝修，喜歡那個掛牆鐘，加了點日本特色。Menu唔會多而繁亂。我的選擇。冰水供應。免費的芽菜、紅薑、高菜。白熊拉麵($75)角切叉燒粒肉質扎實，唔會太肥。普通硬度1.25mm幼麵口感果然不同，值得一試。配上濃厚博多豬骨湯底，非常美味，而且湯底唔會好salty。熊自家製餃子($38)的filling 比坊間的要多，很飽滿。點餃子醬汁也就更滋味。

呢間拉麵嘅環境衛生都非常好，坐位好寬敞，入到去坐得好舒服!!有好多拉麵供以選擇，我就揀咗招牌拉麵，其中一個原係因為有埋半熟玉子，好抵食!呢碗拉麵煮得好入味， 個糖心蛋真係半熟透， 另外個豬肉燒到啱啱好， 加埋個特製醬汁促使真正嘅享受😍😍個湯底都做得好出色，拉麵又彈牙，一流👍👍我仲叫咗個餃子，好特別!佢上面有好多沙律醫，加埋d蔥真係好好味，而且個餃子皮煎得又香又脆，裏面又多肉汁，所有野都係perfect match!今次人均大約食咗一百蚊，以高質拉麵舖黎講一d都唔貴，好抵食😋

星期一真係無乜動力工作 係時候回味下週末美食, 叉燒有得揀梅頭瘦叉燒、火炙肥叉燒 同角切叉燒粒 我要左肥叉 焦糖色嘅表皮帶住嫩肉 入口滑身 比較好多拉麵店都優勝 ,麵質揀左幼身硬麵 就係中意呢份咬口 麵條掛湯力正常 品嚐濃濃嘅豬骨味流心蛋相當出色 蛋白Q彈 蛋黃呈2-3種層次 外圍小部分淡黃 中間蛋汁爆滿,另外我覺得佢嘅葱係特別香甜 唔知有無人有同感  熊拉麵                                     上環蘇杭街84號