熊拉麵 (蘇杭街)

营业中

休息中

一間在上環的小小拉麵店， 從簡單的門口入到拉麵店， 眼前就是傳統日式拉麵店的佈局 - 有幾張長枱， 和一張L型圍著煮拉麵的廚房的吧枱。坐低後, 見到每個位置都放上一張拉麵點菜單。 拉麵店主要是提供义燒拉麵，拉麵湯底的款式不算多，有基本的豬骨湯，其餘的有配黑蒜、辛味、和魚湯。 只要在點菜單上選擇你喜歡的湯底、麵的粗幼度、麵的軟度、义燒的肥瘦、有哪些配料是不需要、有哪些配料需要加 (當然每樣配料有不同的收費)... 完成點單後, 把點單交給侍應, 不待一會， 一碗熱騰騰的拉麵就預備好了。我選了豬骨配魚湯， 魚味不算太突出， 只嚐到豬骨湯的味道， 但一點也不油膩，配料只有一塊叉燒，對於我是一個胃口小的人來說是足夠的，其他的配料有木耳、葱花、温泉蛋， 整體味道算得上是一碗地道的日本拉麵。 這間小店不是在旺區， 所以不需要花太多時間排隊等候便可以悠閒地享受一碗美味的拉麵。

午飯食個麵。想試最本來的拉麵所以點了熊拉麵。我點了梅頭瘦叉燒而友人就試了火炙肥叉燒。我點了1.5mm麵而友人就要1.25mm這個是我的👇🏻瘦叉是真心瘦，所以相對肉會較實又未到韌。個湯，我個人認為係普通，食完唔會記得。咸味多於香味。個蛋反而有驚喜，又幾入味。流流的。肥叉友人讚幾好食。個人認為，就是一碗中庸之道的拉麵。午餐一碗剛好不頂胃。店內有( 冰) 水壺在四個位中間，可以self serve .🤓方便。

間唔中都會去上環做野所以都要四處尋覓好野食無意中見到熊拉面評語唔錯 決定黎試下! 係上環食飯有個好處 就腳得黎又唔會好似銅鑼灣果D咁多人最怕食野要排隊 入到去又要同人迫 熊拉面位置其實都唔難搵地鐵站上黎之後轉右入番條街再一直行就見到~ 見到有個好得意既期間限定拉面- carbonara拉面好想試呀但係點知是日售罄喇... 希望下次黎仲有啦!最後叫左個黑熊, 招牌熊 同迷你差燒飯 根據朋友說法佢好中意隻面唔粗! 蛋都好食  我叫的黑熊食黑蒜油好怕食到成口都係油 同埋食食下有油膩感不過呢個都唔會~ 個差燒簡左要炭燒肥差 但係唔會好肥 (平日我不吃肥肉) 可能因為炭燒過~呢個口感岩岩好 一層肉夾住少少肥 夠香夠林~反而見到人地叫瘦差好似有少少鞋~ 見到對面客人有叫 又忍唔住叫左碗 哈哈呢個價錢有呢個份量係絕對值得大推!!!!有超多差燒粒! 真係食唔晒D飯吸晒差燒味~ 好yummy呀 諗番都餓喇! 食到捧住個肚仔每人都係百二蚊左右~ 下次一定會再黎!

朋友請我食生日飯，我地倆個想食拉麵就試下依間；坐底可能仲早6點幾未有咁多人，但坐位都不算多叫左個招牌拉麵同黑蒜拉麵，再叫多個迷你沙津醬叉燒飯（2個女仔食😅）麵可以簡肥/瘦叉燒，麵粗幼，軟硬度，注意不是每款拉麵都有蛋😅實在太奇怪，配料也只有蔥同木耳選擇，抬面3瓶又咸又辣既野🤦🏼‍♀️我同朋友都試哂，的確難食試左朋友個招牌熊拉麵$83，好似麵豉湯味我個黑蒜拉麵$78食落好油，不過因為係黑蒜油啦😣個叉燒成塊都只有肥完全食唔到，我係超級鐘意食肥肉既，但都真係食唔到🤦🏼‍♀️食左半個麵咋個迷你沙津醬叉燒飯$32真係非常迷你，屋企飯碗一樣大，飯既叉燒係粒，又幾好食無咁油，叉燒粒同飯比例一半一半加埋蛋黃醬食真特別

我地一早就行左去熊拉麵等晚市六點開門.. 見到門面感覺不錯就決定一試.. 始終在上環想食拉麵選擇的不多.. 拉麵店選擇不多只有幾款.. 小食都只有餃子.. 都幾單一.. 哈哈.. 不過特別之處就係有迷你丼食.. 當然心想一定要試喇.. 桌上中間位都放左幾瓶配菜.. 我自己本身都好鐘意食雪菜同芽菜.. 睇到呢幾瓶的確正中我下懷.. 芽菜仲要辣辣地好開胃.. 雪菜就要加落拉麵先好味.. 因為本身無咩味道.. 最後我都差不多食左半瓶芽菜.. 超級巨熊拉麵: 碗麵本身麵量應該同其他差不多.. 有好多不同款叉燒.. 不過叉燒啲肉質不夠滑.. 所以我都不太喜歡食.. 還有另一款肥叉我又怕肥唔敢點食.. 湯底飲落都好普通.. 好彩我地兩個人share一碗食.. btw 隻碗好得意呢.. 迷你玉子叉燒丼: 一看到賣相已感覺一般.. 最敗北我諗係溫泉蛋太熟.. 一啲都唔juicy.. 蛋白都已經凝固了.. 加上叉燒有點乾.. 一口肉汁不多.. 這個的確令我地有少少失望.. 幸好價錢大眾化.. 都有不少人食.. 餃子: 餃子夠大粒.. 煎得夠香口.. 一咬落去肉汁就流出來.. 而且肉質鮮味.. 點埋個汁食

有系日本食拉麵的感覺 肥燒幾好食 但就湯重左些味精 食完好口干。但系可以找回系日本食拉麵既感覺真系好surprise 下次要放假舒服咁去食，因為工作關係食得有些趕下次想試埋卡邦尼～

朝早11點幾係澳門過黎唔知食乜好，係上環地鐵站出口開OpenRice搵下附近有乜好食，見到依間鋪開咗，而且本身都幾鐘意食拉麵所以就黎試下點咗赤熊拉麵，肥叉、粗麵加溏心蛋。辣味啱啱好，唔會話啲辣粉浸住成碗麵，原隻溏心蛋好靚兼好食，加麵底會好飽，個職員都會問你加底要粗定幼，我就粗麵加幼麵，食落去有唔同嘅口感，雙重滋味。餃子就一般般，餃子皮有啲淋。鋪面整潔，冷氣都好夠，咁啱個日曬到不得了整體上係不錯嘅用餐體驗，下次有機會再嚟試下其他拉麵

Wanna went one restaurant but they last order already, found only this ramen shop in the area still open. I ordered a original taste ramenThe presentation looks nice.Soup was ok, noodle a bit hard and taste not good, too flour taste. The taste of soup could not go inside. I just ate few noodle. They started to put all chairs on the table even many people were still eating. So we were eating around chair leg, felt myself so sad.

估不到，看似滿滿好評，卻隠藏品質非常一般、甚至可以說是性價比超低的事實。一個尋常的下午，來到此店，排了少於10分鐘後便入座了。麵來了，一看，湯面「浸」滿一層油，已倒胃，馬上叫喚侍應拿另一小碗來勺油。就這樣，未食已用整整5分鐘來勺出這碗小油（如圖）。想想這滿滿一碗油原會於胃內游動也真夠高興。好了，終於可以開動了，麵可能浸久了一點，偏淋；叉燒呢，非常普通的薄切肉，沒有甚麼特別可言。結賬，跟店員表達這油湯之恐佈，她只表示「拉麵的湯頭係咁的」。噢，香港的拉麵吃不少，有些完全不會油浸的，有些可選擇走油的，其他競爭對手怎樣做也不知，愈做愈走下波，指日可待。沒有再試的理由。

好早, 6點鬆D就到達, 裡面只有1-2個人, 所以唔使等位, 可以直入.望下餐牌, 期間限定係蠔, 不過第一次唻, 試下基本野先.今次食白熊, 冇蛋, 筍的, 有木耳, 台面有3樽東東.  包括好似酸菜的, 辣芽菜, 同唔知咩.湯底頗濃, 同幾香, 不過係頭一啖好味, 之後就冇啦.  酸菜個樽就正好用唻解膩, 辣芽菜都幾辣, 我食左一箸就唔得啦.面有2種粗幼, 我揀左粗個隻, 不過都幾幼.叉燒揀左肥個隻, 炙燒過不過唔算好香, 而且真係好肥. 

香港人很愛吃日本菜，所以日本餐廳就愈開愈多。而我總想在香港找到一間味道很不錯的拉麵店，所以常常都會去不同的拉麵店嘗一下，今更就來到了熊拉麵選擇不算多，大概就是三隻味道的湯底，其他也只是蛋和肉的多少而有改變的麵類選擇。我今次選了黑熊拉麵，其實就是黑蒜油拉麵。非常濃濃的湯底，黑蒜油滿滿的覆蓋在上面，味道卻不算十分突出，比較就是多了一重黏口的感覺。半熟蛋十分出色，流沁之餘，還真的有淡淡的甜味，十分入味。叉燒算是半肥瘦的那款，因此入口不會很dry，很是軟淋。吃拉麵很熱，叫一杯凍飲是必要的。很日式的風格，冰另外上，不怕溝淡汽水的味道。

两個男人午餐的浪漫，又唔想食茶記，又唔想食車仔麵，點心又唔想，終於去左呢間拉麵，等左15分鐘，就有位坐入去之前侍應已經俾左餐紙，我地點野，因為午市人多，增加效率，免得人客等太耐一入到店裡，俾張單侍應落單，大概10分鐘，熱騰騰既拉麵就到我個碗係黑蒜油豚角拉麵，仲加左紫菜同蛋，紫菜浸左少少湯，上脆底軟，沾左湯，特別好味，蛋，當然係糖心蛋無乜特別拉麵既主角係湯同麵，粗麵爽口，两樣都做到湯濃鮮，濃得黎，有少少起膠，真材實料黑蒜油，香而不油膩豚角，個人意見，瘦左少少，如果肥少少，會有更好既肉香同口感两個人加份餃子，可以接受，我朋友俾左隻蠔我試，如果喜歡食蠔既朋友，蠔都幾鮮甜

12pm 來到人不算多，叫了期間限定的生蠔拉麵，盛惠$103生蠔：廣島蠔4大隻，微溫啖啖肉juicy又creamy! 新鮮👍🏻日本叉燒：半肥瘦、墊係生蠔下面，唔鞋無豬徐！湯：濃味豬骨湯底，不是死咸，有少少「張」口，有質感👍🏻麵：選了普通中麵（可選幼麵，質感可選偏硬或偏軟），清清楚楚一條條，入口不糊，不錯👍🏻老細請keep up the good work👍🏻同可以把這款轉permanent 嗎？😋

呢晚去上環文娛中心睇除夕話劇，所以打算喺附近覓食。見呢間拉麵嘅comment唔錯，又好耐冇食過拉麵，就決到嚟呢間食。6:45 pm左右去到，舖面唔算大，坐滿左8成人，d店員都幾有禮貌叫咗碗熊拉麵（梅頭叉燒、溏沁蛋、蔥、木耳、1.5mm拉麵，普遍硬度）。最欣賞係塊梅頭叉燒。平時食拉麵都唔喜歡叉燒嗰舊肥膏，一定會咬走。但係呢間可以俾你揀要肥定瘦，抵讚塊梅頭叉燒唔可以話係零肥膏，但比平時嗰啲瘦好多好多。 至於個湯，唔會太咸，但亦唔算濃郁。隻溏沁蛋幾好味，但如果對半切開，碗麵個賣相會靚仔d。 總括嚟講，碗麵不過不失，但比預期就差少少啦~

住係港島，梗係要係呢頭發掘吓美食自小鍾情日本美食今次唔係講刺身天婦羅而係美味的拉麵拉麵一向係好易學難精的煮食大至湯底的功夫小至配菜仲有拉麵的軟硬度都十分緊要今次，我同朋友黎咗呢間熊拉麵拉麵款式唔算多但勝在感覺日本，坐位似！點法似！感覺就好似去咗日本我點了個黑熊拉麵78蚊唔算貴la拉麵粗幼度適中，拉得十分均勻軟硬度都啱啱好最緊要唔會一夾就斷！黑熊湯底惹味，一點也不油食落同拉麵非常夾叉燒唔太肥啱曬我呢d要減肥的港女叫多個煎餃子share熱辣辣煎得香脆皮夠曬薄肉質都唔錯哈哈但個人始終鍾意食有菜的餃子整體黎講個人覺得呢間拉麵非常出色誠意推介！