炯記餐室 (沙咀道) (已改名) 查看

我們見網上寫到鵝油咁甘香，即管去試下，我們叫了:牛肚撈麵，牛肚冇味，撈麵冇鵝油味，不合格。辣雞絲撈麵，雞絲撕得大粗沒誠意撕，辣味只落市面啲麻辣油，一般貨色。生腸，有驚喜，濃濃麻油味，生腸夠爽脆。油菜走油，最出色，因為沒有調味。凍檸樂和凍檸茶冇特別正常味道 ^ ^ 😀

之前在荃灣經過這間炯記餐室, 就被它大大的手撕雞餐牌所吸引! 所以今次決定一嘗究竟!招牌手撕雞，非常入味，皮滑肉嫩，啖啖肉，相當抵食。除咗手撕雞鵝油撈麵係另一個招牌菜式。鵝油不易凝結，撈麵好滑。這裡鵝油加上秘製的甜豉油來撈麵，色水更吸引，甜甜的醬香，更帶出燒鵝油那陣燻香。而且撈麵即叫即做，絕無撈定先。推薦撈埋他們自家製辣椒油。真係冇得輸。第一次食鵝油撈麵，原來咁好食。鴛鴦手撕雞撈粗 $48手撕雞切腩撈粗 $48

今日荃灣食飯，之前嗰排見到依間店長期好多人，今次就黎試吓好唔好食依間最出名嘅係撈麵同埋手斯雞，今次同💁🏻‍♂️叫晒兩個試吓鴛鴦手斯雞， 一邊係麻辣另一邊係正常嘅，一定要另加豬手汁，如果唔係淡茂茂，無味咁，雞正常，肉質不嫩滑既，麻辣不太辣，正常嗰個有好勁既麻油味，Send啲野都超級普通100分滿分我淨係會俾50分呢個撈麵聽講係用我嘅有燒鵝嘅油去整，不過由於我唔太食有鹼水嘅麵，所以我自己認為好一般，不過值得一讚嘅係個牛肚同埋個牛腩係好林好好食總括嚟講，嗰條人龍同佢個食物質素不成正比，可以一試嘅，冇人排既話，不過完全唔好坐，好迫

今天要到Citywalk工作，臨出門前師姐有好介紹，他說附近的炯記有好吃的鵝油撈麵，下，佢唔怕肥咩！打開餐牌，介紹選用棋哥燒鵝餐室獨有的荔枝柴燒鵝油，加上他們秘製的豉油和彈牙靚麵，成為他們獨有的太子鵝油撈粗！他們更說鵝油絕對是身體有益的不飽和油脂… …的油品。 今天只來試下好不好吃，未有詳細考究😊套餐的餸菜選擇也多，我怕麻辣手撕雞會太辣，所以我選擇了鹽焗手撕雞加麻辣手撕雞的鴛鴦手撕雞撈麵。 噢！很不錯的雞味，先吃淡味的，有雞味、有嚼口，再吃麻辣的，香而不太辣，有川椒的香和麻辣，又混了芝麻的香味，不錯。粗面就如他們所形容的彈牙，有麵香，加上鵝油的份量恰到好處，不會太油，又有豉油香味，不錯不錯。但對我ngjohn而言，麵就少了一些，吃多個，又唔符合我的預算。他們的奶茶也不錯，有茶香，可以解肥膩。他們的服務員態度也非常好，值得一讚。

今日在荃灣附近逛街，碰巧遇上滂沱大雨，幾乎全身濕透，非常狼狽。我和友人只好到附近的烔記餐室室避雨兼吃午餐。當中一位店員有見及此，連忙遞上紙巾，還調高了冷氣溫度免得我們著涼，是一間非常有人情味的小店。餐廳主打手撕雞和撈粗，我便order了鹽焗手撕雞撈粗。麵條彈牙，條條分明，配上鵝油和自家秘製豉油，香口之餘亦很惹味，而且一點也不會覺得膩。鹽焗手撕雞表面鋪滿芝麻，口感不算嫩滑但至少不會鞋口。味道方面較普通，雖然是鹽焗但也不會偏咸✅友人則叫了一客鹽焗手撕雞飯，飯粒熱辣辣，份量也不少。個人最鍾情於撈粗，鵝油香濃而不膩，非常推薦！

朋友說有雜誌介紹這間。午飯時間就約朋友去試！好彩不用等位！環境都好乾淨企理！一坐低，就催你落單架啦！二話不說點了招牌手絲雞撈粗！看相片都流口水，好吸引呢！？😁手絲雞、鵝油粗麵、清湯分開上，一碟手絲雞，份量好多啊，最後要齋吃雞，還是雞🤣因爲我好喜愛個撈粗，都不必用雞絲送！個粗麵好香、沒有鹼水味、好滑口、好重口味，又夠熱！雖然不太健康，但間中就讓自己放肆一下吧😋😋下次再去食其他餸先！！推介👍🏻Menu:

經常見到好多人喺門口等位，難得今日見到人少少又唔洗等位，就一於入去試吓啦。超級好食，食咗一次之後真係好想再食。佢個麻辣手撕雞真係好麻好辣好香，又滑身，連雞胸肉都唔會好鞋。而且份量又大，完全可以過足口癮。辣到出左一身汗。至於佢嘅鵝油撈粗分量就冇咁大啦，但係佢嘅香味真係深透晒我口入面每一個細胞，因為佢鵝油既香味真係好獨白，呢一種撈麵我真係第一次食，估吾到鵝油係甘香口，一食就已經好難忘啦但係好可惜，可能太過油膩，食完之後都肚痛左兩日，有少少腸胃炎。

每次做完運動都會立刻黎食手撕雞撈粗，因為太近我做運動的地方，旁邊就係。所以每次流完汗，都係再增返肥。呢間撈粗的特別之處係用鵝油，唔睇唔知，原來鵝油都有優點。每次都係叫呢個鹽焗手撕雞撈粗，手撕雞都幾滑，麵加了鵝油同秘製的豉油，味道好夾，雖然望上去都幾油，但食完唔算係成口油，葱花湯普通。但建議堂食，上一次買了外賣回家，再蒸返熱，之後就出事了，d 油被蒸哂出來，油到呢！令到屋企人話唔再食，所以我以後都決定只會堂食。

佢地其中一個賣點是鵝油撈麵, 食落口真是幾大朕鵝味, 幾特別, 唔會酥, 幾香, 加上用甜醬油煮, 甜甜地幾好味。另一樣賣點係手撕雞, 我地叫左鹽焗雞果種手撕雞, 但我地覺得好普通囉麻辣雞腎幾辣, 但好鬼咸!!!

門面看來很普通的餐廳，多次經過也以為只是普通茶餐廳，甚至乎連名字也覺得不太吸引😆，有點兒「撓口摻手」的感覺，因此一直沒有的起心肝來試試。友人充當白老鼠之後，表示其實味道不錯😏，而且特別，推介一試。內進之後，發現其實座位挺多，而且絕不是普通的頹廢茶餐廳，大部份都是一些特色食品，而非求求其其、隨隨便便在餐廳找到的頹飯。看本網其他食評，看來清湯腩也不錯，本人向來喜歡，因此立志一試。友人就點了我也想試手撕雞以及豬手。另外就加了兩個小食，麻辣雞腎，以及生腸。一個蔥花湯，一個蓮藕豬骨老火湯，蓮藕豬骨湯的確味道較濃，而且火喉充足，但是加了錢，仍是以這個細碗去盛載，不算太吸引。而蔥花湯，就更加是看見店員在熱水爐，打開水喉就出來的荵花湯，味道普通，像味精湯加兩粒蔥花。麻辣雞腎的味道很濃郁，看似冷冰冰，賣相不算極其吸引，但原來內裏不乾，已經吸入了麻辣汁醬，起初吃一兩片，還以為只是冷冷的雞腎，但是原來，麻辣盡摻入雞腎內，麻辣味豐富，吃完幾片之後，辣味才會慢慢摻出來，非常刺激。生腸亦爽，味道清，沒太濃，夠凍夠爽自然好吃手撕雞，幾條手撕雞也只是幾絲雞胸肉，好像沒有什麼雞腿肉，因此雞肉比較乾，沒有肥美的雞肉，也不

好耐之前已經想試既鵝油撈粗面🍜前排終於同媽媽去食！點左麻辣手撕雞撈面⋯媽媽就普通手撕雞🐔再加左個冬菇豬手🐷期望太大 失望太大⋯碗麵勁咸！！我同媽媽各自落哂成碗蔥花湯🙈🙈都仲有d咸 ⋯到手撕雞🙈唔係講到咁好食 唔可以用好食去形容🙈但值得一讚 鵝油係唔會食完覺得成咀油 唔會有油利感🧐豬手反而好少少 夠淋 都夠味 但其實最好食係冬菇😂😂

炯記 太子鵝油撈粗不妨一試餐牌介紹鵝油的好處是對身體有益的，它含不飽和油脂...，又有提供鵝油的來源 ... 加上他們自家秘製的豉油...不妨一試，我選擇了鹽焗手撕雞撈粗 配蔥花湯。套餐送上時已嗅到陣陣香味，雞肉嫩而結實，很有咬口，加上芝麻的香味，絕配。鵝油撈粗 麵質彈牙爽口，正如他們所講 製作出他們獨有的太子鵝油撈粗🍜餐飲叫了奶茶，也不錯，有茶香還可以減低口腔的肥膩感。

男友介紹泥呢間食手撕雞撈粗就試下啦黎到見到環境感覺好乾淨仲好寬敞原本仲以為只係間普通茶記！比我想像中乾淨得多呢間好出名食手撕雞同撈粗所以我地都嗌咗呢個泥食碗撈粗係用左秘製鼓油同鵝油黎整的同我地平時食開用豬油撈既香好多！同我諗應該都健康得多麵好爽口而且撈粗唔會太濃味岩岩好💜手撕雞都幾好食好有麻油香味！仲送左碗蔥花湯俾我地食完碗撈粗再飲碗蔥花湯正正可以沖下口啲味哈個人覺得碗湯幾好飲好夠味唔知點整既呢。套餐凍飲要加3蚊，可以接受啦不過早知有湯飲品都可以唔使嗌了哈總括來講真係好特別既一餐不過如果手撕雞可以再多啲可以更好但至於味道就夠既！btw,鵝油撈粗就係最驚喜既真的唔錯喔價錢方面個人就覺得唔算平了平多少少就更好啦不過勝在夠特別同好食既

想食碗正撈粗 唔一定去安利排餐死既 係荃灣區小店都食到-炯記餐室切腩佢都有 但講出名既🌶麻辣手撕雞撈粗麵 🐔手撕雞辣得過癮亦有陣麻油香-招牌撈麵 用鵝油加埋秘製甜豉油撈真心好香好滑🍜-另外仲有小食 爽口生腸 麻辣牛肚 味道唔錯 細細碟加餸 相當滿足

講起動物油, 除左豬油之外, 大家知唔知其實鵝油都好好味既呢? 其實我都係誤打誤撞知道既, 有次買鵝肉, 佢送左一大舊鵝油比我, 原本諗住掉架喇, 但忽發奇想想試下煎少少黎試下, 先驚人大發現, 原來鵝油係咁香咁好味!上網睇返, 原來好多外國餐廳廚師都會係菜餚裡面加入鵝油/ 鴨油, 例如法國名菜油封鴨腿, 同鴨油炸薯條等等. 而且鵝鴨油含有的膽固醇要比普通的動物脂肪少很多, 相對都會較健康 (當然都唔好食過量喇).見到網上介紹話荃灣有得食鵝油撈面, 好想去回憶下當時的美味_____________________________🔹鵝油撈麵配麻辣手撕雞 $48(配熱飲一杯及老火湯 / 蔥花湯一碗)睇下menu上面講, 佢話鵝油係自家工場用荔枝柴燒鵝燒出黎既, 燒鵝油濾乾淨之後再送黎餐廳用, 醬汁除左鵝油仲加入秘製的甜豉油, 所以碟麵既色水先會深色D好睇D.鵝油仲有個特性就係不易凝結, 撈麵就算放耐左吹涼左, 都唔會結埋一舊咁, 食落亦唔會漿住咀.店家選用左一隻粗身扁麵作為撈麵, 麵加左油好滑身, 食落又發現原來麵都幾薄身下, 鵝油均勻地沾滿每條麵線, 同埋因為佢粗身面積大, 吸到既醬汁