影片
更多
2018-01-18
302 浏览
講起動物油, 除左豬油之外, 大家知唔知其實鵝油都好好味既呢? 其實我都係誤打誤撞知道既, 有次買鵝肉, 佢送左一大舊鵝油比我, 原本諗住掉架喇, 但忽發奇想想試下煎少少黎試下, 先驚人大發現, 原來鵝油係咁香咁好味!上網睇返, 原來好多外國餐廳廚師都會係菜餚裡面加入鵝油/ 鴨油, 例如法國名菜油封鴨腿, 同鴨油炸薯條等等. 而且鵝鴨油含有的膽固醇要比普通的動物脂肪少很多, 相對都會較健康 (當然都唔好食過量喇).見到網上介紹話荃灣有得食鵝油撈面, 好想去回憶下當時的美味_____________________________🔹鵝油撈麵配麻辣手撕雞 $48(配熱飲一杯及老火湯 / 蔥花湯一碗)睇下menu上面講, 佢話鵝油係自家工場用荔枝柴燒鵝燒出黎既, 燒鵝油濾乾淨之後再送黎餐廳用, 醬汁除左鵝油仲加入秘製的甜豉油, 所以碟麵既色水先會深色D好睇D.鵝油仲有個特性就係不易凝結, 撈麵就算放耐左吹涼左, 都唔會結埋一舊咁, 食落亦唔會漿住咀.店家選用左一隻粗身扁麵作為撈麵, 麵加左油好滑身, 食落又發現原來麵都幾薄身下, 鵝油均勻地沾滿每條麵線, 同埋因為佢粗身面積大, 吸到既醬汁
講起動物油, 除左豬油之外, 大家知唔知其實鵝油都好好味既呢? 其實我都係誤打誤撞知道既, 有次買鵝肉, 佢送左一大舊鵝油比我, 原本諗住掉架喇, 但忽發奇想想試下煎少少黎試下, 先驚人大發現, 原來鵝油係咁香咁好味!上網睇返, 原來好多外國餐廳廚師都會係菜餚裡面加入鵝油/ 鴨油, 例如法國名菜油封鴨腿, 同鴨油炸薯條等等. 而且鵝鴨油含有的膽固醇要比普通的動物脂肪少很多, 相對都會較健康 (當然都唔好食過量喇)
.
見到網上介紹話荃灣有得食鵝油撈面, 好想去回憶下當時的美味
_____________________________
🔹鵝油撈麵配麻辣手撕雞 $48
(配熱飲一杯及老火湯 / 蔥花湯一碗)
睇下menu上面講, 佢話鵝油係自家工場用荔枝柴燒鵝燒出黎既, 燒鵝油濾乾淨之後再送黎餐廳用, 醬汁除左鵝油仲加入秘製的甜豉油, 所以碟麵既色水先會深色D好睇D
.
鵝油仲有個特性就係不易凝結, 撈麵就算放耐左吹涼左, 都唔會結埋一舊咁, 食落亦唔會漿住咀
.
店家選用左一隻粗身扁麵作為撈麵, 麵加左油好滑身, 食落又發現原來麵都幾薄身下, 鵝油均勻地沾滿每條麵線, 同埋因為佢粗身面積大, 吸到既醬汁亦會多D
.
醬汁幾鮮味, 同埋因為撈左甜豉油, 所以唔會好咸之餘, 食真D仲會有少少甜味, 個醬聞落都有燒鵝油香味, 但食落又唔會覺得好油好膩, 神奇!
.
手撕雞上面灑滿左芝麻, 好香. 雞肉份量都好多下, 肉質一般滑嫩, 但肥膏位都處理得好乾淨, 合格! 唔知店家係唔係故意既呢? 佢既手撕雞無撕得唔係好碎, 每舊都幾大舊下, 啖啖肉, 正! 麻辣醬都夠辣，麻就差少少
.
可能我大食, 我食幾啖就食完, 食完唔係好夠飽, 不過$48, 又有鵝油撈麵, 又有麻辣手撕雞呢D心機菜, 仲有杯熱飲同湯, CP值仲係好高! 可以一試
------------------------------
我坐係門口個位真係好扯風好凍, 每次有人出入都寒一寒, 同埋D菜會凍得好快, 下次都係唔好再坐個度
______________________________
张贴
