炯記餐室 (沙咀道) (已改名) 查看

之前經過荃灣“荃新天地”附近，即係沙咀道個度，唸住試下新野，點知難吃到死，又唔多健康，d手撕雞皮厚肉少，而且油到呢。。。。。。朋友叫的豬手也無咩味道，都系太油啦，個湯好似加左好多味精咁，食完想嘔！d侍應態度差，黑口黑面，又“砰”一聲好大力放低d野食，總之好唔滿意！不過都有d好處既，呢間餐廳，唔算太逼太吵，唔系等好耐，分量也算足，食得飽肚，價錢在如今百物騰貴的環境下，尚算經濟，menu選擇也不多，得個幾味，無來新意，失望啊。下次唔會再去。

之前已經買過呢間手撕雞, 真係好好味! 係面書見到佢地既訪問, 原來撈粗都係佢地皇牌, 仲要係鵝油撈粗,於是收工即刻去試下! 去到老闆推介我最新既食物, 話推出左兩日!!! 於是叫左半隻手撕雞, 再試埋新產品 "冬菇豆腐乾撈粗"!! 真係無野講, 雞好食就一早知, 撈粗第一次食, 未食已經香得很, 食落去個冬菇同豆腐乾真係好食到........ 唔識形容, 大家不仿試下呢款冬菇豆腐乾撈粗! 值得一讚既誠意食店!

星期日慕名而來, 來到的時間大約2:45PM, 店內不算人多, 有空位。 知道呢到的手撕雞出名, 當然要食啦, 不過實在太肚餓, 我驚食撈麵唔夠飽, 所以叫了盬焗手撕雞飯 ($44) + 油菜( $16), 老公就叫了盬焗手撕雞切腩雙拼飯 ($54), 沒有野飲的, 我地都沒有加錢叫了。隨飯附送了雞腳蘿蔔湯, 味道都OK, 唔算太多味精。 兩碟飯好快就到了, 一見到碟飯係真心失望了, 個樣好頹, 同頹飯無分別。 不過味道先最緊要, 不過原來D雞只係沙薑雞味, 係屋企都可以隨意整到, 無咩特別。 油菜的生菜一點都不新鮮, 純粹為了平衡營養才叫的。老公果個盬焗手撕雞切腩雙拼飯, 比我那個飯多了$10元, 但份量好似沒有多過我…。他說切腩好像有點變壞了, 所以他都無食哂…總括嚟講, 性價比不高, 味道普通, 可以不用試。

每星期總有一日在荃灣吃晚飯。每次都好苦惱。。。太多野食，唔知食咩好。今次選了炯記！個名好特別！本身想叫慢煮豬軟骨。。。點知店員話冇豬軟骨。。。。咁咪唯有叫返手撕雞。等食途中見到好多人買一盒盒手撕雞外賣，令我好期待個手撕雞！手撕雞撈粗！呢個撈粗幾特別，因為佢預先撈了醬油，令d麵冇梘水味👍🏻好好味，不過太油了！食一啖就成口油！手撕雞不錯👍🏻好香麻油味，唔太咸，份量亦算多！青瓜好爽口，好食！如果可以改善下撈粗太油的情況就更好了！

今早偶然看網站介紹，最近都喜歡這種食物，所以就來幫襯了！點了兩個撈麵，撈面有粗面和幼面選擇，個人比較喜歡幼面，所以就點幼面囉！撈面一上來，感覺量不少，$44蠻抵吃的！加$5多要了罐汽水，撈面加汽水，真是夏天的恩物！兩個撈面，一個麻辣，一個鹽焗，都很香！面一上枱好像很乾的，但吃上去一對都不會覺得乾，面很有咬感，味調得很好！意外的很好吃！兩個手撕雞，現在手撕雞賣這個價錢算很抵了！量也很足！平日賣$68一隻手撕雞，下次經過都來買一隻回家！鹽焗的很香，友人喜歡吃的就說麻辣的都不錯！這是可以encore的店喔！

這一個星期，差唔多日日都食！有陣時又覺得好油！但係撈飯又幾好味！我講緊手撕雞飯！我今日又走去，叫外賣！所以到此一遊！我覺得其實都幾多雞！我會加＄10再要多小小！因為我實在太鍾意食雞

4-7-2017 (Tue)晚o係屋企食飯,有爸爸o係呢o度買o既手撕雞,我問佢幾錢?佢答$68.00一隻,另外重買多盒$15.00o既雞腳.打開晒食得,手撕雞肉爽滑,味道除o左鹹之外,重有其他豐富o既味道,我覺得係鹽焗雞,而佢送埋辣椒醬,我覺得幾辣,而其實唔使蘸都已經好夠味.雞腳就同樣係爽口,軟硬亦適中,味道就稍為冇咁豐富.而呢晚我o地三人都食唔晒,第二朝同晚我o地都重有得食,雪o左一晚超冰凍,但口感仍爽滑.不過我o地食完要狂飲水,連我唔多飲水o既老公都話半夜想起身飲水,太多味精喇.而今日,我同老公特登行o黎睇呢間即係邊間,如果唔係佢o係o度廣播有手撕雞賣,我都估唔到係一間餐室賣,而且真係鹽焗手撕雞.

唔係第1次黎食既～黎左應該兩隻手都數唔哂點解咁多茶餐廳要揀呢間？因為佢真係相對黎講乾淨d同埋好快有得食～今次叫左手撕雞撈粗好好味～雖然雞唔係手撕～但係好香麻油味好正～仲有個鵝油撈麵～無得輸～只能夠講味道係由脂肪而來好滿足～～如果常餐D有返就好啦～～～～～～～～～～～

終有機會試開咗一陣嘅炯記。今日同老公嚟食早餐😋選擇比 openrice 之前見到嘅更多，竟然有鹹牛肉奄列～不過今日我都係揀咗火腿炒蛋加腿通。老公就揀咗沙嗲牛粉同火腿奄列。炒蛋熟得嚟剛剛好～唔會乾，仲好軟滑火腿亦有微微煎過推介多士烘底！ 外脆內軟～好味！通粉上嘅火腿絲都好多～收得呢個價錢，我覺得抵食過澳牛。食完都唔會好口渴（我應該都飲咗9成湯），我估因爲佢有賣手撕雞，湯應該冇味精，但好好味。火腿奄列亦唔錯～都好足料沙嗲牛肉都好新鮮，好味！麵包冇烘底牛油就冇搽得咁多～不過正合我老公喜好。飲品我就唔評論，因為只係點咗熱檸水同本小姐喜歡嘅淡奶茶～餐廳裝修舒適，乾淨。服務態度良好～相信洗碗係用外判洗碗公司～呢方面加分！最怕係呀姐響後巷洗碗嗰啲餐廳。之前其實都買過一次外賣嘅手撕雞飯～雞唔會好多肥或皮，好滿意。之後會再嚟～老闆加油！

路過的食店, 本著沒什麼期望一試, 卻出奇的有驚喜! 食物很好味, 店員服務很親切, 完全跟一般茶記不同! 點選了招牌手撕雞飯, 炒蛋多士, 叉燒撈粗! 兩口子吃得很痛快, 叉燒很好味, 撈粗味道香濃, 很特別, 很新鮮! 炒蛋多士很吸睛, 外觀已經好高分, 炒蛋好滑! 手撕雞很好味, 惹美十足, 而且份量很足! 餐室設計很特別, 坐位很寛濶, 坐起來不覺得辛苦! 碗碟亦很花心思, 看得出不是隨隨便便的街邊貨!奶茶咖啡有驚喜, 不像其他茶餐廳般得過且過, 奶茶夠熱, 濃度夠, 夠香滑! 熱咖啡更加是即磨咖啡, 味道很好, 更是原粒咖啡豆即磨, 重點是沒有加收費用!  超值!!!!!!!!!!!!!!!!!!!!!!!!!!!!!午飯時間坐滿的, 但只需稍微等位, 相信很快便排長龍了! P.S. 值得推介, 性價比高

一到星期六，我家便會總動員出發到荃灣吃早餐，知道這間炯記新開一排, 便入去試試。誰不知, 望個餐牌, 普通一份早餐A都要36元，沙嗲牛麵加個蛋治連熱飲。吃早餐36元不是問題，但個碗麵太細吧~職員又大大力放下食物，嚇到人心都離一離.....間餐廳冇乜人但職員就問都唔問未食灑就收走d野室內裝修和碗碟也美觀, 只有奶茶是好味的, 不過我唔會再黎是關，荃灣區好多地方奶茶都好好，何必買難受？以上只是說早餐，我未試過午和晚餐，大家自便

今日同個仔去咗荃灣見到一間新開嘅茶室，喺嗰度食咗手撕雞粗麵真係好正,成碟雞都啖啖肉，叉燒蛋飯一樣都好食，仲要有老火湯加埋熱飲，價錢合理，下次一定會再試豬手，正得推介！

呢間餐室, 之前經過食過一次, 真係好好食! 今日返去又食一次, 水準一樣, 真係食得出製作食物者係好有誠意! 番食個醬皇豬手撈粗, 豬手炆得真係好焾又好入味, 香氣迫人, 無法子唔寫番幾句支持下! 撈粗都係佢地招牌,好特別, 講唔出個味道, 總之好香而且好特別既配搭, 唔係街邊個0的撈面咁簡單!  飯堂之選, 讚! 佢地仲有招牌手撕雞, 一直比佢地個豬手吸引住, 未有機會試, 下次一定試下再寫報告!

係沙咀道荃新天地對面見到有間新茶記, 連招牌都仲用紅紙封住, 應該係試業吧!? 不過朝早竟然8點先開, 好似晏左D喎?!不過早幾日再經過, 已拆紅紙, 應該正式開張吧?!早餐時段都係果D一般港式早餐啦, 煎蛋, 炒蛋, 多士, 三文治, 火腿通粉, 沙嗲牛麵之類的配搭, 價錢亦合理, 而午餐其實食物種類唔算好多, 係只係多D飯類我就叫左早餐A試下多士係厚的,  望落去唔錯, 可能因為送餐慢左D, 所以食落去卻唔夠香脆, 而雞蛋卻炒得幾好, 雖然油左DD, 但香滑之餘亦有調味, 可惜份量比較少, 而火腿通粉就一般水準啦!而奶茶都唔錯, 有一般茶記水準, 尚算茶香奶滑, 最少夠熱感覺到有些少澳牛風格(只係些少)，荃灣區內來講, 整體水準算OK, 不過都要等佢地上左軌道先知真正實力如何?!! 但估唔到早幾日經過, 早餐已經加左$2-4 !! 勁, 仲貴過翠X, 係呢個地段索價偏貴了!! 另外見到佢地用已經有唔少茶餐廳都開始用的自動咖啡機,  我見個侍應按個製就得, 咁沖咖啡咪已唔使水吧師傅??!!

收工諗住食完飯番屋企訓覺,行到荃新天地, 真係完全諗唔到食乜, 跟住對腳好抗拒咁.....都係入左去X奶佬, 真係唔好食, 但係又好似無乜餐廳揀! 食完超唔滿足咁出來, 行多幾步, 見到間新餐室, 望下門口0的相, 得得地又引發我既好奇心, 再加上辛苦工作之後個胃得唔到滿足, 見到佢主力做手撕雞, 仲有個招牌鮮油奶多 (就係佢引發我既慾望), 一於食飽都要試下佢! 坐低就聽到週圍既客人邊食邊讚0的手撕雞好正, 好多人都咁講攪到我有少少唔開心, 係隔離食左0的貴價垃圾! 來了, 招牌鮮油奶多, 真係同張相一樣, 四方形, 厚身, 幾有心思, 望到就好想一口咬落去, 牛油好厚, 鍊奶仲流緊出來, 好新鮮! 食落去好滿足, 真係好好食!  係成個人滿足晒咁離開間鋪, 我仲攞埋卡片 (張卡片幾靚) ! 都幾多野食揀, 巧遇呢個驚喜, 真係可以成為我飯堂! 老闆請加油保持水準!