炯記餐室 (沙咀道) (已改名) 查看

近排keep fit, 好耐冇出食評行過呢間鋪頭幾次，終於去咗試咗出個comment俾大家(老實我分咗兩次去試)標榜用燒鵝鵝油製撈麵，感覺會好香，好邪惡😈先試太子飯，即係手撕雞、豬手、切腩鵝油撈飯。係好味嘅，甘香，但有D‘漏’，好在有D酸蘿蔔同碗湯豬手切腩夠淋，手撕雞有D老同鞋之後又試咗手撕雞撈粗，手撕雞有D嚡，味道同份量就ok ge比起飯，麵比較淸爽，一樣夠甘香好食俾個tips大家，可以係2:00後食佢個下午茶餐份量一樣，但係就平啲啲

之前聽同事介紹呢間嘅鵝油撈麵超級好食，要我一定要黎試。星期日見有時間，就專登出去試一試。門口咁大張帖住佢嘅撈麵簡介，就知道真材實料招牌菜。我太遲出門就揀咗個手撕雞鵝油撈粗下午茶，我見附近嗰條掃街小食都差唔多價錢，呢個價錢有堂食，十分公道親民。嘢食好快就嚟到，仲送一碗蔥花湯份量都好十足。本身都好擔心佢會唔會好肥膩，但食落口甜而不膩，鵝油沾滿每一條麵，好香口。仲好食過日本既沾麵，一改我對撈面既認知。以後過到嚟荃灣都一定要過嚟食。

去到出名多野食嘅荃灣搵食，上網搵到食鵝油撈面嘅烔記，其實真係完全唔個鵝油係咩🤷🏻‍♀️個面黎講就不過不失 唔會太重口味 似老抽咁再油少少？餸就揀左麻辣手撕雞，其實佢係喺雞上面唧左啲辣醬 所以唔係入味個種 但個醬都唔錯～整體係正常 價值唔貴 但印象唔深刻 下次未必記得

炯記，第一眼吸引我既就係個「炯」字，真係要google 下先知點讀出名菜就係手撕雞同鵝油撈麵！好耐冇食過啦，同事話想食所以今日就黎左開餐啦一行三人都係叫左麻辣手撕雞撈粗，講真唔係特別出色，唔覺有乜鵝油味，炯記辣椒油辣味唔出，麻辣手撕雞肉質一般啦，不過以$48 可以食到一個咁特別的lunch 性價比都叫高嘅

之前聽同事介紹荃灣有一間專食鵝油撈麵上網查完都好多好評所以就同女朋友特登搭車嚟試食一下我哋叫咗兩個鵝油撈麵 配手撕雞鹽焗壽司雞好入味 份量都算多加左芝麻幾香口鵝油撈粗麵 香而不油膩 其實講真食落去係我想像中咁驚喜同咁香但佢麵質同撈麵既豉油做得幾好但就覺得無必要特登去食了

路過荃灣，在對面馬路見到大大隻字寫手撕雞，於是便走過去排隊，不知是否開通了港珠澳大橋的關係，多了許多國內人士排隊。睇價錢都算抵食，但一開始見到餐具就輕易見到有污穢，一用紙巾抹更是有顏色的😱😱😱😱😱最後大少好冷靜咁叫左杯水洗洗，我先叫安心啲🙇🏻‍♀️食物方面，手撕雞同撈粗都好正，雖然我唔識分辨鵝油是有甚麼香氣，但整體唔算油，亦令人想一吃再吃多幾口；半隻鹽焗手撕雞分量夠，入味。整餐要彈的是牛腩，因為有膻味，我吃了兩三件就頂唔住了

今次去左食荃灣既一間撈麵試下出名既鵝油撈粗-鹽焗手撕雞撈粗 $48撈粗好彈牙 配埋鵝油有淡淡既咸味 幾好食而且亦唔會好似豬油或者蔥油咁油膩 但份量就比較少手撕雞咸度適中 用碟另上 但唔知係咪因為一早撕定雪左好耐口感有少少un同太凍-清湯金錢肚撈粗 $44牛肚煮得麻麻 口感幾un食完zip曬入牙縫到 十分麻煩 建議去食既話都係叫番出名既手撕雞另外有碗蔥花湯 味道都可以 飲完碗湯岩岩好中和番鵝油帶來既油膩感.-依間鋪既水準呢就唔太穩定 有時去食就爽口彈牙 有時食啲麵就淥得唔夠時間好un 不過整體黎講都係一間值得試既小店

荃灣有好多好野食，第一次試呢間。本人喜歡食撈面。下午茶$38 食左個手撕雞撈面，手撕雞都幾足料，麻辣味幾足，好味！最出色係撈粗，面的質地爽口彈牙，剛剛好，每條面都有汁，又唔會太咸。大推

-手撕雞鵝油撈粗$44好味指數7.5/10-其實我是唔喜歡食撈麵的但男友好喜食 所以陪佢吧🙆🏻佢鋪仔細細 普通茶記咁因為個鵝油撈麵出左少少名-撈粗唔會太油太鹹，味道香口手撕雞中規中矩，比上不足比下有餘勝在價錢夠公道，住荃灣區既朋友不妨trytry*牛腩飯都不錯 只係冇跟碗蔥花湯 得碗白飯食落dry啲其實加埋碗湯食係加分不少，很可惜！等候時間係15分鐘。但內部真係好細 坐係到係比較迫同難啲郁動，加些台與台之間都係窄，待應經過都會撞到客。 不過價錢搭救！

其實， 現今不要浪費嘅角度，用廚餘 ～鵝油 撈下又齋有亁嘅粗麵，都係唔錯嘅本土食材， 但真心唔覺有咩特別， 試咗個$38嘅下午茶，都可以接受， 但我絕對冇下次，若然有朋友想試新嘢，我都會介紹去的，入去嘅時候係5:55 時，趕得切六點前叫下午茶， 由店員推介撈麵，我都同意，手撕雞，豬手，牛腩一次過叫晒來試味，但最好味都係手撕雞，夠鹹，麻油味香，撈落粗麵，份量雖小， 但都好味呀！入去試嘅時候，無乜人㗎，跟住到我走嘅時候就坐滿九成，期間有五丶六人嗌外賣手撕雞一隻， 犀利， 所以值得推薦

今天午飯時間，繼續和同事在荃灣覓食！炯記的鵝油撈粗被多個媒體報道推介過，今天就去試一試！三人點了二人餐加多一碟粗麵及飲品，看餐牌不覺得份量很多但想不到上枱後才發現真的蠻豐富的！每份餸的份量也不少！如果兩個人吃應該吃不完吧！甜辣涼伴薯仔十分開胃👍🏻，生菜淋上牛腩汁，每口也有腩香👍🏻，麻辣雞腎略嫌不夠麻辣及爽口，而重頭戲的鹽焗手撕雞雞肉嫩滑，雞皮與雞肉之間都有一層厚厚的雞油，為雞肉添加了濃濃的雞油香，但雞肉不知是不是鹽焗的關係，過鹹了！！！令我要對他大大扣分！同事說麻辣手撕雞較為好吃。還有一碟金錢肚，金錢肚沒有太大驚喜，反而牛腩牛香重，十分野味，吃腩汁生菜是也猜到他們的牛腩應該不錯！另一重頭戲—鵝油撈粗，麵沒有因為加上鵝油而有濃濃的鵝味🤣麵身較硬身，也因加上鵝油而有淡淡的油香，整體不錯！最後每人78元，二人餐份量真的蠻多，如果三位女士食，二人份量絕對夠食！這個價錢有這樣的質素和份量，也算抵食

年尾清假放早，約左老友去荃新天地睇戲，未夠鐘又有d餓，於是先食個下午茶，星期三近5點，一丁友就去呢間炯記試下。炯記下午茶有飯，鵝油撈粗麵同一般湯粉麵餐，本來想試下呢度出名的鵝油撈粗，但怕太油，所以揀左平日較少有的金錢肚河。落單3分鐘就上枱，1排8件金錢肚，相當足份量，而且還有2條生菜和大量蔥花，賣相幾ok。金錢肚煮得算淋身，有鹵水香味 ; 幼河粉也滑。但湯有些咸而且重味(食完後有點口渴);配三片熱檸的熱檸水，一個幾飽的late afternoon tea

第一次食鹽焗雞絲撈粗！ 之前想食好耐㗎啦但係路都冇機會，今次就終於可以食到下午茶！ 本來想食麻辣味嘅但係因為想食得清淡少少，所以揀咗鹽焗😂😂😂😂 啲雞絲都幾滑，鹽焗味都OK！ 雖然係下午茶份量，但嘢食都好多！食完都好飽！ 埋單$38蚊，幾抵食！

聽住荃灣既同事講過話佢成日食鵝油撈面，覺得幾吸引，所以就突登去荃灣試一試。去到原來餐廳唔算太大間，去時係下午茶時間，唔算太多人，唔洗等位。睇左menu,決定食鹽焗手撕雞鵝油撈粗，朋友驚太邪惡，唔敢嗌鵝油撈粗，都係嗌左清湯切腩湯麵，仲叫多左碟香口鹽焗雞腎。鹽焗手撕雞好入味，又冇骨，啖啖肉，好正。鵝油撈粗一食落真係好油香味，又唔會太油，加埋啲秘製豉油，好入味。望落碗麵唔算太大碗，但係食落好飽！碟雞腎同手撕雞味道一樣，細細碟，都幾好食。

首次去到呢一間餐室試佢嘅食物！今日我哋嘅時間比較早上晝11點半已經坐咗係餐室啦，點了雞腎丶鵝油手撕雞撈麵丶魚片腩河！整體唔錯丶再配上手撕雞丶雞腎味道可以！奶茶略淡茶味！但成熟阿姐員工的服務有禮！