炯記餐室 (沙咀道) (已改名) 查看

去大利買番個麻雀莊時路經炯記餐室，見到有手撕雞供應仲要係招牌菜，一於入去試一試先！ 牆上貼有大賣手撕雞、撈麵專門店的宣傳照當然要點一客來試啦！可惜我不愛吃粗麵，但又沒幼麵唯有吃飯啦！ 套餐可加＄3點凍檸檬茶，杯子較坊間茶記的式，味道算可以有茶味檸檬亦夠香，熱奶茶就普通貨色啦！ 我吃麻辣手撕雞飯餐＄48凍飲加＄3，附上一碗老火湯或葱花湯，在我沒特意揀下送上了老火湯一碗，味道嘛例水一碗不欲多談！ 但麻辣手撕雞則挺合我心意，麻辣度夠刺激又香口，雞肉沒預期的鞋口，而且份量亦算不少，只可惜白飯未夠軟熟可口！ 醬皇豬手粗麵＄38轉餐加＄5，感覺貴又細得兩件沒太特別好吃的豬手，加上充滿鹼水味的粗麵！絕對不是我喜歡吃的！或許鵝油撈麵會吸引些吧！

鴛鴦手撕雞撈粗- 蔥花湯帶白胡椒辣味，醒胃- 撈粗爽滑，同上太子鵝油，相比起豬油，更甘香且不黏口，惟帶輕微鹼水味- 西生菜灼得爽脆，有誠意- 手撕雞是凍上的，呈啫喱狀的脂肪冰凍且滑捊捊，與溫熱的湯、麵不搭配，暖上或許更好。鹽焗手撕雞因凍上而鹹香味稍遜，麻辣手撕雞辣勁足，兩者皆微嚡

[ 想食好耐 | 其實我都鍾意食撈粗🍜]••間唔中都有人同我講🗣「你就好啦男朋友成日同你食港女野🍰我男朋友淨係食車仔麵架咋🍜」大家有所不知啦，其實我地兩個都成日食車仔麵、大排檔、茶餐廳架🙈幾乎一星期都食至少三四次，只係無post出黎💁🏻‍♀️我地未一齊既時候，第一次約會就係我提議去食常餐沙嗲牛肉麵🐮佢無嫌我麻甩之餘，仲變成我地既定情麵餐😂💕-🔹豉油鵝油撈粗配手撕雞($44)⭐️7/10我揀左鹽焗手撕雞，另外仲有麻辣手撕雞🐔都好大份好多，不過手撕雞撕得唔夠碎，都幾大舊下😂個撈粗就最正，豉油鵝油撈埋原來會咁好食👅又唔會太鹹，調味岩岩好👍🏻淨撈麵$26咋！好抵食😈-🔺跟餐有餐飲，有葱花湯🍲--更多食評

本來諗住嚟填飽肚。未諗過有驚喜，手撕雞同牛腩煮得好滑好稔。豉油撈麵都唔錯。值得再來Unexpected yummy, Chinese chicken and beef brisket noodle, worth trying

麻油手撕雞鵝油豉油撈粗+蔥花湯+熱檸水$48手撕雞尚算幾滑，反而呢個油過麵鵝油比豬油香，又唔會痴咀同「瓊」油，很多不飽和脂肪，總之就係自我感覺良好蔥花湯反而有驚喜，充滿辣辣胡椒味🍲呢個價錢交足功課啦

今日同媽媽去撐枱腳，經過荃灣不如就去試吓新野啦！成日行過但係都未試過，喺門口見到圖片就好吸引啦！我叫咗一個手撕雞撈粗麵套餐，媽媽要豬手撈粗面套餐，另外加＄10有個爽脆生腸，就試吓啦！可以配撈粗又可以配飯手C鷄撈粗，個面加左辣招油好好食，雞肉有D鞋，但味道尚可，配埋個湯豬手蚊得有D過淋，但夠入味生腸夠爽口，凍凍地，滿口麻油芝麻味埋單上2位$110 ， 價錢尚算合理啦！下次再嚟想試吓佢個片頭唔知好唔好K架呢！

今日第一次幫襯，被門口的鵝油撈麵圖片吸引而去試下，那時6時多，坐滿2/3,待應明顯不夠，挺忙的，店面連收銀3人，3位年齡不算大，可能全是新手，都係廣東話不流利的，溝通的過程中有點聽唔明，及誤解了意思，不只我，在我隔離枱那位大叔也聽到一頭霧水，要估估下，我代為翻譯得無錯，就係😂講返食品，鵝油撈麵，甘香回味，真係好正，在荃灣應該只有這一家，入來要吃撈麵，唔好吃飯(飯成日有機會食，鵝油撈麵很少地方有得食)

成日經過都見到呢間餐室，一路都以為係普通茶餐廳，直到早幾日係Facebook見到飲食雜誌推介鵝油撈麵，於是襯住放假，同男朋友去試試入到去餐廳，已經full左9成9，得反最後一張枱，好好彩唔洗等位餐廳出名食手撕雞同鵝油撈粗，所以我就叫左呢兩樣，而男朋友就叫左豬手+鵝油撈面手撕雞冇乜特別，但個鵝油撈粗就好好味聞落去好香，食落去又唔會覺得好油，完全唔會覺得有罪惡感男朋友話個豬手都幾入味，而且好淋不過略嫌份量較少...大食少少GE人可能要食兩個先夠飽總括黎講，味道唔錯，會再encore

每次做完運動經過見到好多人都想試下食，個日見到fb宣傳終於打算試一試。諗住等食下午茶啦，點知等左一輪入到去先話星期六日冇下午茶……明明張餐單都冇咁寫……不過都只好照食啦…雖然我個人對粗面好一般，但話曬係招牌菜，所以都照叫左個手撕雞鵝油撈粗啦~雖然係鵝油，但唔算肥，再加上有手撕雞中和下都很不錯吃。不過野飲略嫌細杯……整體是不錯的，但下次應該都會係買手撕雞外賣番去加餸only~

今次終於試到呢間想食好耐既手撕雞撈粗，平時成日睇都好想食無奈住太遠，今次特登黎食！當日夜晚8點幾去食，唔洗等位但入面都好爆場，坐低好肚餓緊係即刻叫野食！今次嗌左鹽焗手撕雞撈粗同麻辣手撕雞撈粗，加$4 就可以送熱飲，就算唔唔加餐都會送蔥花湯。撈粗係用鵝油撈既，食落口充滿油香，但就略嫌有啲過咸，食幾啖已經要飲水，面質都算爽口到主角手撕雞，鹽焗手撕雞好香麻油味，雞撕成日絲，唔會撕到一大舊咁。麻辣手撕雞就用麻椒油撈充滿麻椒香，但食落口較油。 同埋可能因為太晏去，手撕雞成碟都係雞胸，比較un 叫撈粗可加十幾蚊追加不同小食，小食細細碟，味道正常。整體黎講味道中間，性價比高。但店鋪較早閂門，當日9點就節單，想試既朋友要早啲去

專登去荃灣行街買野，行到攰要搵下午餐食，最後入左呢間餐廳。由於太肚餓嘅關係，就叫左鹽焗手撕雞飯同埋醬皇豬手撈粗。價錢都一樣係$44。個豬手撈粗d豬手味道岩岩好，唔會話太咸，不過數量比較少，只得3舊咋，完全唔夠喉呀。至於撈粗幾好食，但都係份量比較少。而鹽焗手撕雞飯都幾多人嗌，所以我地都叫一碟試下。d手撕雞味道好好，唔覺得咸，而且用黎送飯一流呀。加上碟飯超大碗，絕對係值回票價呀。不過，加杯凍飲要加$7就有點貴。

之前在面書睇到炯記鵝油撈粗推介，今晚剛好在荃灣，所以就去試鵝油豉油撈粗。他出名手撕雞，所以一人叫一個撈粗配雞，一個配鹽焗手撕雞，另一個配麻辣手撕雞。另加＄15要一個麻辣雞腎，再加＄12 加1個油菜。另外一個撈粗配餐，餐有一個湯及一個熱飲，凍飲再加＄3，特飲加＄5。個撈粗好正，唔會覺得好油，而且好香，麵質很軟，不過其實好肥！雞就一般，不過不失。鹽焗手撕雞的味道比較重麻油味。麻辣手撕雞比較辣，但不夠麻和香。

今日行過佢隔離嗰間麵包店去買最愛嘅榴槤菠蘿包，跟住聽到不斷廣播叫咪，手撕雞特價優惠，跟住過兩日就試吓好唔好食啦～叫咗一個麻辣手撕雞撈麵同埋一個原味手撕雞飯個人應為冇乜特別呢個價錢正正常常，但係相對起普通茶餐廳佢叫做感覺幾乾淨，啲手撕雞冇乜雞味嘅，如果本人食嘢味道都比較重口味，但係嗰個撈麵真係鹹咗少少，所以忍唔住都要即刻嗌杯野飲，同埋係麻辣手撕雞基本上係冇麻辣嘅感覺！所以其實冇乜特別嘢值得好推薦，唔算出色，中規中矩囉，冇乜特別好講

見到有兩個POST寫得唔係咁好, 都心大心細試唔試, 最後決定親自試過先心死! 答案係, 好彩有試LAW!!!! 叫左半隻麻辣手撕雞、清湯切腩湯面、厚雞蛋三文治! 堅正!!!!!!!!!!!!!!!!!!!!!!!!!! 麻辣手撕雞好惹味, 簡直係刺激, 個隻麻辣味好好味!! 清湯腩好焾, 又好入味, 唔太同出面食到既牛腩! 厚雞蛋三文治真係好厚, 外觀已經好吸引, 味道都好好, 但竟然係限時推出架, 下午三至六先有供應, 小的兩口子運氣好, 碰上了好東西!!!!!  我再睇番之前既POST, 就知道個個POST 肯定係個老闆得罪0的員工寫啦, 又無內容又無圖, 只係惡言幾句, 信左佢我就MISS 左一間有誠意既食店啦!!!! 太無公德心!!!!  不過間鋪好凍, 凍到要著衫, 老闆見到仲即刻主動幫我地調高個冷氣, 傾計間老闆話前排太熱太焗開盡晒0的冷氣都好熱, 驚0的客辛苦!  呢個老闆堅有人情味, 快0的趁冬天搞掂0的冷氣啦, 真心覺得你地有得做!!!!!!! 加油!! 

Because the restaurant only has a plastic curtain at the front door, all the outside hot air and car exhaust keep pumping into the restaurant. The restaurant's air conditioning is obviously no match for the hot temperatures outside. Due to this, eating at this restaurant becomes extremely uncomfortable, so unless the food is superb or the prices extremely cheap, I can't find a reason to eat here. But of course, the food is nothing special and the prices are not cheap. The shredded chicken is typ