炊豕店 (加路連山道) (已結業)

話說有次比賽在銅鑼灣南華會 完左就想黎食呢間人氣餐廳 但原來 星期日係唔開架！Ok fine 咁我就計劃平日黎食我星期五下晝四點左右黎到 唔駛等位 整體係好食既  除了滷蛋有點乾 肉燥用左腩肉而且係有入口即溶的感覺 都幾特別蔥油配炸豬排係幾香既  味道很好 餸飯很開胃 不過係有啲油膩感普普通通  無咩特別  就係普通質素的魚蛋 比起佢的豬排 這比較失色正常味道 幾開胃總括而言呢區呢個價錢係唔錯架豬字派的食物應該都係招牌菜 有用心挑選豬排算高汁 香酥味濃經過不妨試試

等左十幾分鐘既外賣肉燥豬扒飯可以俾漏塊豬扒，不知所謂。打電話去問只係叫我自己返去攞，搭車來回唔駛錢同時間？話下次俾返我...真係唔會有下次😒 大家如果買外賣真係要考慮打開黎check...

今日到訪友人（銅鑼灣返工）既飯堂炊豕店，聽就成日聽，但都係第一次幫襯。星期六中午時份，排左一陣隊（十零分鐘到）。鋪面唔大，大約有廿幾個位。開放式廚房，所以油煙味幾勁。叫左個蔥油豬扒撈粗，加煎蛋。友人叫左肉燥汁豬扒撈粗，加炒滑蛋。個撈面底有用豉油兜一兜的，不錯，但食到尾少咸。個豬扒是重點，好脆口！又大塊。蔥油都好多，仲有堆乾蒜撈埋一齊食！

一早有聽過依間餐廳知道佢出名炸豬扒 聽講好脆好juicy終於試到啦~餐廳座位不多, 都幾迫下…我地6點鐘到達所以唔洗等位坐低無耐出面就開始長龍 運氣真好👏🏻✨秘製豬扒飯(肉燥汁)$54+炒滑蛋$10真係好大塊炸豬扒！而且同預想既一樣鮮嫩又juicy滑蛋係半熟狀態 好滑仲有蛋汁！✨沖繩豬軟骨飯(走葱)$56 少飯-$1豬軟骨好大舊炆到又淋又入味🥺佢吸收晒d醬汁 甜甜地用黎送飯一流呀！少左飯都份量十足 一個女仔食完全夠飽依間一定要有下次🥺🥺

一路都有聽開炊豕店嘅豬扒飯好好食，噚日終於得閒約埋朋友去試吓啦。大約六點鐘到就唔洗排隊，不過都已經有幾多人食緊。我同朋友分別叫左秘制豬扒飯（咖喱汁)同話梅花雕豬手撈幼麵，另外再叫左個椒鹽魷魚鬚。秘制豬扒飯名符其實好食，大大塊豬扒沾上薄薄嘅炸漿，食起黎熱辣辣脆卜卜，豬扒本身亦嫩滑多汁。咖喱汁重椰香味得黎唔會太辣，配上有黏性但粒粒分明嘅米飯，真係會想再食一次。至於豬手麵份量亦唔細，一碗麵都有5-6舊豬手，豬手炆得好入味，夾埋甜甜地嘅話梅汁撈麵，整體唔錯，不過花雕味就唔係好突出。食到最後亦有少少膩嘅感覺。椒鹽魷魚鬚嘅椒鹽味唔重，不過勝在唔算好咸，魷魚都算幾脆，配埋喼汁都叫香脆可口，有啲似酒樓會食到嘅味道。總括黎講，豬扒飯好食，價錢係銅鑼灣地段算係相宜，係會再同friend 黎食多次嘅地方。

小妹最愛炸豬扒， 每隔一陣子就要食下豬扒飯或麵頂頂癮。 以前住元朗好鐘意在巴士站的紫荊江南或梁記。 現在銅鑼灣，我最愛炊豕屋！❤️不論平日或假日， 一到食飯時段就會出現人龍。 鋪面只能容納十多人， 但食好西要等是常識吧😭是值得的💪🏻豬扒超厚超級大塊的。 醃得入味。 味道又特別。 煎炸得鬆脆。加上肉燥，真係好好好好味。 配埋大大碗飯底～ 真的滿足得很！ 另外叫了一客炸魷魚鬚。 我們更以秒速KO ! 炸得香！脆！魷魚又新鮮🤩

呢間既豬扒飯不嬲都好出名，我想試好耐，但係因為聽朋友講過，一到食飯時間就會好多人排隊，所以一直都冇去試。今日特登約朋友六點幾，等咗一陣就有位，但我地走個陣已經排晒隊，果然早啲黎食係正確既選擇。勁多款都想試！話明豬排飯出名，咁就梗係要叫返碗！我揀咗肉燥豬排飯，再另外加咗滷蛋同肉燥，但做人真係唔可以太貪心，因為碗飯好大碗，豬排又厚又大塊，本身有既肉燥都好多，我加配完之後係食唔晒碗飯嫁😂，可見幾咁足料！而且豬排真係名不虛傳，超厚但係唔會乾爭爭。朋友揀咗人氣推介，蔥油豬排飯。滿滿既蔥油勁正！跟餐加$5就有埋飲品，我同朋友都揀咗熱蜂蜜柚子。另外仲叫咗兩款小食，分別係椒鹽魷魚鬚同我既至愛炸芝麻雞翼。兩者都炸得好香口，魷魚鬚點埋嗰汁特別好味，芝麻雞翼就外脆內嫩

依間店專食炸豬扒, 個店名好特別!裝修有 dd 台灣懷舊風, 影相都幾好 feel~主打當然係食炸豬扒, 食 o左兩款豬扒飯都好好味呢價錢都係 $60 內, 性價比不錯 依個係人氣推介 ge 蔥油豬扒飯勁多蔥, 好香口 ar! 而且撈飯都好正!豬扒好大塊, 大過個碗, haha炸得好香脆, 好食到爆~依個係秘製豬扒飯加肉燥汁豬扒都好厚身~我叫 o左少飯, 肉燥汁唔咸, 少飯都冇問題朋友分 o左 d 蔥畀我, 更加好食呢d 豬扒全部都厚肉, 外脆內軟 除 o左豬扒飯, 都有 d 小食叫 ga我 o地 叫 o左份椒鹽魷魚鬚炸到好金黃 gum, 賣相都已經冇得彈 魷魚鬚幾彈牙, 外面脆卜卜, 推介~跟餐飲品大部份都係加 $5, 我覺得好抵我 o個杯係熱蜂蜜柚子, 唔係剩係得汽水~Menu 就係落單紙, haha

間餐廳雖然地方唔大，但係我見到都好多客人出出入入同埋等位，我諗食物質素都有返咁上下。我覺得間鋪嘅佈置同裝修都幾有心機 雖然佢菜式係賣台灣或者香港小食，不過佢都加咗啲西方嘅元素，令到間餐廳好特別。我同朋友兩個人去食。我哋一人叫咗一碗飯。第一個，秘製豬扒飯。呢個豬扒飯之前有朋友食過都話係必嗌嘅，果然冇令我失望。佢嘅豬扒皮炸得唔係好厚又夠鬆脆，真係好好食，連啲肉汁都仲食得出同埋另外叫咗一碗肉燥滷蛋飯。兩個飯都好有水準可以話係招牌菜！最特別之處係佢個汁並唔係普通嘅燒汁或者滷肉汁，嗰隻味我都唔識形容，但係就係同豬扒同埋肉燥好夾熱辣辣食嘅時候聞到好香添。然後叫咗一碟小食，滷水雞翼三隻。 我個人好鍾意呢碟小食 因為雞翼葉得好入味，而且味道啱啱好唔會太咸。另外加咗一碟椒鹽魷魚酥，炸得好脆，都好香！不過要注意嘅事唔好沾太多汁，因為個魷魚鬚本身已經好有味道。

從維多利亞公園出來後就直奔這裡吃「台灣菜」，其實感覺是改良的那種…可選的種類不算多，基本就是飯和幾款小食裡面偏日式的氛圍，環境很香港，因為特別狹窄…「豬扒肉燥飯」「沖繩豬軟骨飯」點了兩份都是豬肉的哈🐷可以要求「走蔥」或者多加米飯or少加米飯🍚反正正常的量肯定是足夠了…炸豬排的真心不錯，外面的面糊很薄的，豬肉緊致但是不塞牙，肉燥稍微有點淡了些…然後配了我很愛喝的cream soda哦～豬軟骨就比較中規中矩吧，不是很驚艷的那種…裡面還有藕片什麼的…

之前已經有聽說過這家人龍店，但因為不太喜歡用太多時間排隊所以剛開的時候就沒有去試。現在人氣沒之前那麼瘋狂，加上最近公司搬過來銅鑼灣，已經感覺到有很多美食在呼喚我了。食店的環境是懷舊風，擺了一些50－60年代的舊物，裝修是有點香港味道！menu可選的種類不多，就是幾款肉肉飯和小食，我叫了這裡的名物[]。這個一試就好了，價錢是很親民($54)，加可樂只是加5元。不知道是師傅心情不好還是怎樣，看上去是炸得不錯，外層是脆脆的，但豬扒咬下去沒很紮實，有點軟軟的，就不是豬扒好吃的質感，吃到中段已經覺得膩，有點油，是有點失望的。肉燥汁飯的味道是可以的，沒有很鹹或不夠味道。如果要排隊吃，我是覺得不值得。

相信食評去試新嘢，試下質素如何，唔試由事何，一試把幾火，一碗咖哩豬扒飯，飯面有幾塊豬扒冚住白飯，賣相唔錯，一口咬下去，嘩……已知中伏，一塊豬扒竟然有十分一係炸漿粉，根本就是食炸漿粉，口講無憑，有圖有真相，不知所謂，以後不會再上當，沒有最差只有更差，垃圾豬扒飯；另外叫咗小食大豆芽菜，一小碟小食，一入口凍冰冰，又酸酸地，味道一般，沒有驚喜，不吃也沒捐失，今餐晚飯價錢可接受，但是食物不是味兒，真是一肚氣，唔使錢都唔去。

其實我聽過呢間餐廳好耐😂出名多人排隊，今日我同朋友6pm黎到，係我前面只有2個人排緊，但我入左去之後就開始多人排喇😂我叫左個炸豬排飯（肉燥），加$10滑蛋，豬排好大件，我鍾意個豬排唔太油，又juicy。滑蛋又係又厚又大份，送飯超正。D飯係珍珠米黎，好味朋友叫左個沖繩豬軟骨飯，好人性化可以少飯減1蚊減少浪費！雖然少左飯，但都係好大碗，除左有幾舊豬軟骨仲有蘿蔔同蓮藕。豬軟骨好大舊，炆到軟稔又入味，連骨都炆到淋晒有滿滿既骨膠原～醬汁甜甜地，d肉吸收晒d湯汁好濃郁，撈飯真係一流！另外叫左個小食麻辣魚蛋，唔係好炸架咋，超多蒜勁香！D醬汁夠晒麻，魚蛋又juicy, 我將淨返既炸蒜倒晒落個飯度，又幾好食！我終於明白點解呢間餐廳咁多人排隊，因為真係好抵食，大滿足！

🇭🇰#香港捐窿捐罅記 instagram: foodkiller_dk支持出色本土小店🤤 首先教下大家中文先 今日間店叫炊豕店🐷 相信好多人都唔知點讀 同點解🙃 讀就讀 ［吹此店］😂 炊 就係用火煮食既意思👍 而豕就係豬肉既意思 姐係講間店 主力係賣豬肉🙋🏻‍♂️🐷 睇下佢好唔好味啦-🐷秘製豬扒飯 肉燥汁（$54）加 滑蛋（$10）豬扒好厚🐷 平時食開既兩倍都有😅 但食落去又唔硬😂 外皮脆 肉質都好淋👍 雖然我感覺上應該有用化學物質 去整淋d豬肉🙂但係又冇過淋 🙋🏻‍♂️ 而且夠肥 幾正🤤 滑蛋🥚 炒得幾滑 又冇過老 撈埋飯食好滿足 加埋佢個肉燥汁🤤 其實就算冇左塊豬扒都可以食晒碗飯 因為有肉燥同滑蛋撈 🤤🤤🤤🤤🤤🤤🐷期間限定蔥油豬扒🐷 （$58）大家食燒味飯最中意用尼撈飯既蔥油☺️ 嗅留去都幾香🤤 但係少左個肉燥汁就發現d飯太乾🙃食落去都幾頂胃😂 所以推薦大家叫有汁既飯🍚或者滑蛋 會比較易入口🙂豬扒係一樣 唔再講🙂總結來說 係一間價錢合理 同質素高既小店 大家可以去試一下 應該唔會失望 -🎈銅鑼灣加路連山道11號地下-平均傷害：$61好味值：6.5/10

每隔一排就會有條炸豬扒癮起，身為港島人最鐘意一定係炊豕店，交通方便價錢未算離地，一定食得飽之餘周圍大把甜品作後續。從未試過豬手豬軟骨，鍾情豬扒飯，閒時肉燥有時蔥油，但點都會加炒蛋餐肉，加喱加路實會貴，但冇計，加少樣都硬係覺得差少少，就好似食雞唔食雞皮果種失落感。有食過嘅都唔需要多講，豬扒厚而鬆身，外皮都炸得脆而不油，境界之高難怪可以一劍走天涯，作為外援嘅餐肉成寸厚，啖啖鹹香加工肉邪惡得有夠可愛，再連炒蛋加汁撈飯，人生滿足矣。話說萬眾期待嘅分店月中終於響中環開張，希望可以疏導人龍而又可以保持水準。其實係咪希雲街果頭嘅食店都會對中環有所憧憬，繼氷屋後又一間去中環開嘅食店😛