炊豕店 (加路連山道) (已結業)

每一次經過呢間炊豕店都會發現出面有好多人排緊隊 係好多好多人排緊隊 所以我次次行過都會諗 我一定要去試一次 今次我哋食都無一倖免都係滿曬人 等咗半個鐘先可以入去食 令我十分期待 呢個晚餐嘅質素到嗌嘢食嘅時候我就嗌咗 招牌嘅肉燥秘製豬扒飯 同埋秘製豬軟骨飯 再加上滑蛋 另外加咗一碗芽菜同埋椒鹽鮮魷 非常豐富首先講招牌肉燥秘製豬扒飯 肉燥有非常台式嘅味道 十分惹味 送飯一流 而秘製炸豬扒嘅份量同size 係直情大過我塊面 非常誇張 味道而言 亦都係一流嘅水準 可以炸到外脆內嫩 而粉同埋肉之間 有一層炊豕店豬扒先會有嘅啫喱 係我食過最好味嘅炸豬扒 呢碗飯只係賣五十幾蚊 性價比高另一份主菜就係鹿兒島豬軟骨飯 呢一個豬軟骨都係炊豕店嘅招牌菜 豬軟骨淆到非常淋 肉味好出 入口軟綿綿 軟骨部分亦都好有入口即溶嘅感覺 而呢個飯上加上滑蛋 口感好creamy 成個飯食完係有一個非常滿足嘅感覺 好想再食多個個椒鹽魷魚係鮮炸嘅 即叫即炸 脆卜卜 椒鹽味道亦都非常入味 同出面一百蚊一碟大排檔嘅 椒鹽魷魚水準有得揮 呢一味餸性價比極高不知不覺間就將所有嘢已經食曬 呢間舖頭真係好有特色 我一定會返嚟搵你㗎 豬扒飯

今日同朋友黎到銅鑼灣，竟然有朋友話好想食大大碗飯！就搵到呢間出名大大碗既餐廳試下！星期六既2點幾，出面都有大概十人排隊，不過同朋友傾下計時間好快過，唔算排好內～排隊既時間，職員就會派發點餐紙，一人一張，每人最低消費$40。我地就各自叫d飯食同小食share!落雨濕濕 最好叫杯熱柚子蜜飲下。麻辣魚蛋5粒$20（走辣）因為我唔食得辣，所以以為會食到好普通既魚蛋。點知一咬落去！正！首先外面係炸過好香口，內面係有麻既香味！我超鐘意食麻，以為走辣就咩都無，點知仲保留左麻既味道，好好食啊！加埋面頭既炸蒜真係口感一流我地超貪心，樣樣都想食，先叫左個咖哩特製豬扒飯$60再追加午餐肉$10，煎蛋$8。咖哩汁係分開上，我覺得咁樣好好，唔會整淋d豬扒之餘又唔會令到d飯濕曬。先講下豬扒啦，切開有4大條，大過你塊面😂咬開既時候炸果一層唔會太厚，仲脆卜卜，我地坐個位睇到師傅係即叫即炸即切，所以好新鮮，咬開仲有肉汁流出。豬扒好厚但唔會太硬，好軟好易咬，而肉亦醃得岩岩好，唔會太咸，味道十分好！午餐肉係炸過，又勁大舊，鐘意食午餐肉既真係唔可以放過🤣隻蛋又煎到燶邊又保留返蛋黃唔熟，會唔會太勁！！我要食既炸芝麻雞翼$28（

有日同同事食飯討論很久不知吃什麼，行過有家餐廳門口聞到很香，又有人排隊，聞到流口水，於是一行四人就決定吃炊豕店。聽聞炸豬排飯好有名，而且看上去很好吃，於是我們每人都點了一碗炸豬排飯。有個貪吃的同事看到午餐肉好似好好食，忍不住額外加了一塊大家一齊試，果然沒有丁點兒失望。午餐肉齒頰留香，有陣陣豬肉的香味，外層煎得非常香口，仲要係厚切，真令我覺得驚喜。終於到了主角出場-炸豬排飯，豬排非常香脆，但外層的粉槳不算太厚身，豬排肉好質好鬆軟，絕對值得推薦。豬排飯附上的蔥油顏色好靚是翠綠色，蔥好爽口大粒，又不太咸，份量好多，夠食一碗飯有多，與豬排真是perfect match啊!每人不用$60就可以在銅鑼灣食一碗好吃的豬排飯，而且是晚市時段，這個價錢很合理，以後再來食。

星期六約左D朋友食lunch行下街，順便試下新野食。小編好耐冇出銅鑼灣搵食，所以好多近年開嘅餐廳都唔識同未聽過。朋友就話呢間好出名又要排隊，應該幾好食，所以我地就一齊去左試下。我地成兩點幾近三點先去到，諗住避左個lunch time，點知條龍都好長。不過大家一場黎到就梗係照排，費事再諗。我地多人，所以排左差唔多大半個鐘先有位。間舖唔大，入面座位數量相對較少，不過唔會坐得好辛苦。排緊隊嘅時候我地就睇住menu同揀住野食先，慳返D時間之餘又可以快D有得食。以店舖面積黎講佢嘅選擇唔算少，仲有唔少小食揀。呢度當然係食豬肉為主，所以飯嗰D多數都係以配唔同嘅豬肉。我地想試多D唔同野食，所以淨係叫左兩個飯同埋幾個小食。當然唔小得小編最鍾意嘅叉蛋飯。呢個叉蛋飯好足料，而且D蔥油好香，叉燒切左粒連埋D蛋同飯一啖一啖咁食落口，好滿足 叉燒同蛋都唔會咸，味道好夠，啲料夠餸哂D飯。呢個炸豬扒飯算係signature dish，見好多人都食，即管試下。炸得好香，D豬扒本身好鬆軟，連埋炸漿食，好滿足。見倒師傅整野食嘅時候個樣好認真，果然整得好好食。味道啱啱好，唔會咸。個咖喱汁唔辣，佢本身分開上，可以按自己喜好咁樣

幾年前第一次食炊豕店真係好驚喜冇喺香港食過咁好食既豬扒夠厚切之餘食落滿口油香個炸粉唔會太厚 薄薄一層厚度恰到好處唔會食到成口粉飯亦都煮得唔錯 軟硬適中飯面淋左一匙肉燥淨係肉燥撈飯都夠正但我每次都會加炒滑蛋絕對係perfect match今次再黎 豬扒都仲係好食但已經冇左驚艷既感覺😂😂炒蛋依然係滑但肉燥汁好似少左好多食到一半淨返白飯 冇汁送飯所以唔係好食得晒同埋呢度生意好好門口keep住掛排長龍所以食得7788都唔好意思坐多陣就埋單走人lu

Seen massive queues out of this restaurant everyday so rather try and battle the queues i went for a takeaway. Went for the spring onion pork cutlet.They didnt cheap out with plenty of spring onions given. The pork cutlet being the main attraction was great, the batter was plentiful, super crunchy and smelt fabulous!

跟幾個朋友去吃飯，雖然要等一會，但入到去發現真的值得呢！豬扒飯超大塊的！很厚，又多汁！還有個雞翼都很脆口。這麼大碗，價錢也不貴啊！我叫了一個蔥油豬扒飯，平時食燒味已經很愛吃蔥油，他滿滿的蔥油，超好吃！

職員差 食物差 blacklist forever   Cute 叫咗蔥油豬扒飯冇蔥油未又叫咖喱豬扒飯差個茶餐廳有叫秘製肉操豬扒飯完全冇豬肉味豬扒雪藏有酸味炸粉完全唔得 希望唔係香港人開實在羞家

上一次黎食已經係大半年前，我好掛住大大塊炸豬扒同肉燥汁，所以今晚同🙎🏻‍♂️黎食7點幾黎到，要排隊，等左15分鐘左右。感覺好似比之前多左人食🤔喺排隊既同時，寫定野食先😝我叫左<秘製豬扒飯-肉燥汁> 免費轉撈麵😁🍜豬扒仍然係好大塊，厚身不過感覺肉同粉既比例係少左>< 之前係啖啖肉，今次就好厚粉，中間多左d好似透明啫喱既野（唔肯定係粉定肥膏><) 個皮亦唔夠脆🙁肉燥汁就仍然好好食👍🏻🙎🏻‍♂️都係叫左豬扒撈麵，要咖哩汁賣相好靚，豬扒係一樣既，咖哩汁一般啦。唔辣，唔濃味加左$8加個煎蛋🍳，煎得幾靚我地亦加左個<涼拌大豆芽>同<辣味海蜇> 2樣我都好鐘意食😋大豆芽好爽，個汁酸酸地幾正海蜇係少少辣🌶 爽口!價錢我覺得係好合理既，不過今次d豬扒同之前真係退步左><過一排先再黎睇下有冇好食返啦

黎到銅鑼灣加路連山道成條街都係食肆，晚飯時間眼見只有呢間餐廳排哂隊。呢間餐廳叫炊豕店，我諗好多人都唔識讀，包括我，哈。 原來餐廳入面有介紹的，炊讀音係吹，豕讀音係始。炊好似話係解用火煮熟既食物，豕係代表豬，即係專門烹調豬肉既小店。餐廳細細間，唔係太多位，有幾個bar枱位，佢地個廚房係開放式，坐bar枱位可以望住佢地整食物，眼見都好乾淨，所以食得好放心。枱上放左點餐紙，每人剔返自己想食既野，我覺得餐廳幾細心，有得揀多飯，少飯，多飯就加2蚊，少飯就減1蚊。又可以根據自己既口味剔走蒜走葱走辣等等。兩個人叫左一碗秘製豬扒肉躁汁撈幼麵，一碗豬軟骨飯，一份芝麻雞翼。 豬扒係超大塊呀，成個碗咁大，大到遮住哂我d麵添個麵撈埋d炸蒜好惹味。豬軟骨好好食，燜到好淋，又入味，好鐘意食，仲有d蘿蔔係側邊做配菜。芝麻雞翼一份有兩隻，即叫即炸，所以熱辣辣，仲有小小辣粉，好香口啊。

踏入2019年一月份初，姨甥女放假來港購物逛街，當然是少不了儘地主之誼，請她吃一餐好的了。而她剛好在上環這附近逛完街，我亦剛好放假，然後就忽然想起了這家餐廳了。好吧，心癮起，就帶她來弼這家餐廳吃飯。平日去的時間，都會有很多人的，但這天剛好不用等很久就能進去了。門口的侍應姐姐安排我們入座，值得一提是那位小姐姐笑容甜美，態度十分好，也讓我有一種＂終於又回到這裡來了＂的感覺。位置一如以往的寬敞，舒服。裝修好像變了，看起來大堂變的更鮮亮，也有一種溫馨的感覺。再看到菜單後，款式變得更多元化，選擇也更多。在這裡食物質數基本上都是不用擔心的，當中我最愛吃的，就是豬扒飯豬扒軟嫩又好味，多汁不會好乾，如果以後有機會，會再約親朋好友來這裡，再嘗嘗其它款式

朋友放工後過黎揾我食飯，於是便和他黎哩間炊豕店度食晚飯，餐廳內地方不大，以簡單懷舊帶點日式格局去佈置，廚房採用開放式的設計，完全唔怕客人偷施或觀看，廚房外的上空位置櫃內擺放了些懷舊物品，如:電視機、玩具、花露水及月餅盒等，各餐枱上都放了筆和點食物的紙，客人可隨時下單自選心水食物，簡單易睇又方便。我點了(人氣推介) 的蔥油豬扒飯+炒蛋(另+$10)，朋友就點了咖哩汁秘制豬扒飯+炒蛋，我們還點了兩杯熱蜂蜜柚子飲品，每杯跟餐都只是另加$5，朋友的咖哩汁秘制豬扒飯先來，裝咖哩汁和豬扒飯的碗也是六七十年代常用的碗，充滿住懷舊氣氛，咖哩汁與豬扒飯分開用碗上可令到豬扒保持香脆口感，炒蛋的份量覆蓋住飯面，份量厚實，而咖哩汁內原來還有一舊薯仔及蘿蔔，令到整碗飯不會甘單調，而咖哩汁的味道甜與辣味適中，仲可吃到濃濃的香草味係當中，至於豬扒，真的從未見過有任何一間餐廳會用甘厚身又甘大件的豬扒比客人食的，豬扒炸到金黄色，咬落鬆脆啖啖肉，炸漿唔會好厚，所以咬落唔會好多油好膩口，而整件豬扒他們將它一開四，整個份量相對一個正常食量既人黎講唔會太多仍都唔會太少。到我的蔥油豬扒飯出場了，整個飯像個小山丘一樣高，頂部是綠油

星期二晚上學日文，同朋友例行要喺銅鑼灣揾食佢話之前食過炊豕店，大大份好抵食，包飽😂門口有大大塊餐牌方便顧客參考，貼心😍每位客人填一張，有配料可以揀好吸引，我就揀左咖哩汁秘製豬扒飯加炒滑蛋見到人地啲煎蛋都好靚呀，下次黎一於試埋佢🤪超級大碗！ 咖哩汁另外上我覺得幾好唔會浸住晒個飯或者啲炸豬扒而且入面仲有舊薯仔，好粉炒蛋同咖哩同飯一齊送入個口度，大滿足仲有咁大條小棠菜都幾周全咁顧及到營養嘅平衡食炸野點都有啲熱氣同油我仲跟餐加5蚊要左熱嘅蜂蜜柚子甜甜酸酸可以解膩朋友叫嘅叉燒粒豆角炒滑蛋飯好好味呀，啲蛋好滑好有屋企感覺，同埋只係$52咋好抵食🙌🏻仲叫左小食椒鹽魷魚鬚上菜嗰陣好熱，明顯係即叫即炸🤤點少少喼汁好好食開放式廚房上面有關於炊豕店店名嘅解釋好得意舖頭入面風格隨性，有啲飯堂風味近門口位置有個咁嘅鐘，好似好懷舊咁🤪店員做野好快手，成間舖節奏都好快但態度都幾友善，所以客人都好合作翻桌好快我同朋友走嘅時間大概7點2已經排晒長龍喇，超有人氣想唔使排嘅話最好預早少少

聽聞呢間餐廳既豬扒好好味，所以今日特意去銅鑼灣潮聖😋-秘製豬扒飯（肉燥汁） $54一上枱已經流曬口水🤤塊豬扒大過隻手不特止，味道仲要係唔錯！豬扒表面既炸粉唔會太厚每一啖咬落去都係「索索」聲，好酥脆😍肉質亦十分嫩滑，夠淋👍🏻肥瘦岩岩好至於肉燥，個人覺得味道還好、無咩特別，但份量多少少會好啲成個飯份量都幾多，極勉強先食得曬😂如果食得少既朋友，可以係餐紙tick少飯（減一蚊）-蔥油豬扒飯 $58蔥油味幾香，但成個飯食落比較油膩個人覺得肉燥比較好食🤔至於塊豬扒，同上面講果個飯一樣-餐廳環境比較擠迫，枱底亦有啲污糟😅但味道加返分，所以有機會既話會再食多次

約朋友去銅鑼灣睇戲前食個晚飯，經開炊豕店又未有人排隊，就拿拿臨入去食個快飯。本身好想食呢度最出名嘅豬扒飯，但朋友點了蔥油豬扒飯，我唔想同佢點同一款，因為想大家share 試下，所以我點了肉燥滷蛋撈幼麵（我忘了影相）。先講我點嘅肉燥滷蛋撈幼麵，好多肉燥又多汁，幼麵份量好多，撈勻食，好好味，滷蛋味道不算突出，但我推介鍾意食肉燥嘅朋友要試下呢間肉燥麵。蔥油豬扒飯：我朋友點，我只食咗一舊豬扒，依然厚身，不鞋口，有肉汁！另外蔥油頗多。我朋友覺得好正，好好撈飯。