炊豕店 (加路連山道) (已結業)

相信大家都有同感，食豬扒最怕食到好難咬開既豬扒，今次自己黎食下呢間炸豬扒專門店，果然冇令我失望😋😋😋環境：小小既店舖，内有解釋店名，等緊食物既時候都落港怕悶呀😋今日好彩早左過嚟，六點鐘過嚟就唔使排隊，食完大概六點半已經見到出面有一條長長嘅人龍😱😱😱😱所以如果大家唔想排隊就食到記得早啲嚟啦！！！！食物：今次叫左秒制豬扒飯配肉燥汁，另加滷水蛋同埋煎蛋，加左一杯蘋果汁。一上飯真係明白點解呢到有得叫少飯😂😂😂佢既飯量真係好多！！好大碗豬扒淋身，而且食得出係有腌過，有肉味。肉燥汁係屬於比較甜嘅肉燥汁，但餐廳都好細心，每張枱上面都有豉油，所以可以自己家豉油條配適合自己嘅味道😋呢度嘅滷水蛋亦都非常之入味，同肉燥飯配合得好好

一直知道cwb炊豕店幾出名，前幾日就同朋友嚟試一試。我地大約中午十二點半到，門口已經有唔少人排隊，好彩大部分都係買外賣，等咗一陣就有位入去坐。我叫咗招牌嘅蔥油豬扒拌粗麵，朋友就叫咗咖哩豬扒飯。等咗大約10分鐘，終於有得食啦！豬扒超大塊，熱辣辣炸得好鬆脆😋😋😋蔥油非常多，啱晒我呢啲中意食蔥嘅人🤭粗麵都唔錯，不過配蔥油就咸咗少少，建議大家配番白飯，而朋友嘅咖哩汁配豬扒都唔錯。埋單先每人60蚊，好抵呀！

銅鑼灣的炊豕屋一直是排隊熱店，是日早收工來了這附近就來嚐嚐吶，早點來不用排太久呢，相片是吃完岀來拍的，已經人頭湧湧嚕。非常熱鬧的小店，有餐桌和吧枱，開放式廚房透明度高，裝潢帶點懷舊台式風格。來這裡必食人氣推介的蔥油豬扒飯。不用叫多蔥，一碗已經有堆滿的蔥油山，微鹹的口感送飯一流啊！大大份的帶骨豬扒炸香，肉質滑嫩軟腍，外脆內軟很惹味朋友點了厚餐肉煎蛋飯，是太陽蛋來的，將蛋黃戳破連豉油拌飯食絕對是無懈可擊～餐肉有一定厚度，煎得乾爽脆邊，好香口小食點了一客人人都愛的炸芝麻雞翼，外皮香脆散發芝麻香氣，內裡的雞肉很滑嫩跟餐加$5可配飲品，我們點了熱茶和熱蜂蜜柚子果然是名不虛傳，很好吃的豬排！難怪這麼多人排隊哩

平時出去銅鑼灣食個晏晝冇$100我諗都落唔到樓啦 但係其實銅鑼灣有條街雖然偏僻咗啲但係都幾多平架同抵食嘅嘢食今次就試咗呢間都聽幾多朋友食過嘅炊豚屋 入到去第一眼我覺得呢度嘅飯好似有啲貴 一個蔥油豬扒飯都要$65 同朋友嚟到呢度分別叫咗一個蔥油豬扒飯$65嚟到之後我終於明點解佢值呢個價錢 65蚊真係俾返個價錢嘅份量 呢碗飯嘅份量我諗兩個女仔食都會飽 喺銅鑼灣來講呢個價錢食到咁飽性價比超級高！ 食落去豉油同埋蔥油嘅配搭加埋嗰舊炸到脆嘅豬扒 一咬落去好滿足😭跟住我哋叫咗一個炸雞翼$28 share食落去味道唔錯外面炸得幾脆跟住就到呢度嘅煎蛋焗豬扒飯啦$80 $80 1個飯 可能大家會覺得有啲唔值 但係佢呢度嘅飯同埋豬扒嘅份量係真係出面嘅1.5倍 雖然價錢貴左少少但係喺銅鑼灣食到呢個價錢呢個份量嘅嘢食我諗其實性價比都算幾高了總括嚟講如果大家去開銅鑼灣又唔想捱貴餐廳 都可以嚟呢度試吓幾十蚊都可以買到一個滿足 扺呀！

bookmark咗呢間炊豕店好耐了🙆🏻‍♀️今次係平日中午1點嚟，撞正lunchtime，好多附近上班人士嚟食，好在都係等咗十分鐘左右就有位。.豬扒好大件，肉質鬆軟。外層炸漿唔厚，但炸得唔脆，炸皮同豬扒亦有點皮肉分離😅肉燥汁味道濃郁，撈飯食好正！(btw呢到嘅飯係用咗珍珠米)肉燥汁入面嘅豬肉好肥、肥膏比例好高，食起嚟雖然係好邪惡，但就香啲同食落口感嫩滑啲😛.本身望其他人碗飯，又覺得唔算好大碗，所以冇叫到少飯。點知食落就發現份量真係好多！.總括都係抵食嘅炸豬扒飯，喺銅鑼灣呢個價錢的確係性價比高。但可能我期望太大，所以其實我食完覺得唔係特別impressed🤭

呢排上網成日見到啲人介紹呢間餐廳，勁多人食左都話好食，所以決定要去試下。今日放工去到門口，見到好多人排隊！不過到最後都唔算排好耐，20分鐘左右都入到去！入到去個環境細細地，係小鋪咁，啲裝修幾別緻，唔好expect 坐好耐傾偈嗰啲，因為佢主持平靚正，同出面好多人排隊！我地坐低即刻叫左人氣之選葱油豬排飯，仲加左隻煎蛋，啲野食好快就到，個飯黎到啲葱油多到滿瀉哂，塊豬排又厚又大，碗飯又大過你塊面，超級抵食，兩個女人食都夠食！👧👩第一下咬落去個豬排皮超級脆，塊豬排都好厚,好正咁！不過如果塊皮再薄啲會更好！因為真係超邪惡😈😈因為我都幾鐘意葱油，啲葱油超級香！鍾意鍾意嘅朋友不妨可以試下🤡同埋隻煎蛋好好食🤤係脆邊蛋架🍳正！我地之後仲叫左個麻辣海蜇，好爽好彈！so far好似都未食過咁嘅質感嘅海蜇，好值得試！推介！我地仲叫左叉燒蛋飯，好有香港風味！Anyway worth to try🤗

專食豬嘅餐廳🤩又幾特別嘢食係半日本風嘅飯為主😂長期有嘅招牌飯都有好多款另外仲時不時有期間限定！都好吸引🥳兩個人兩個飯share都好飽🤤招牌🤓有得揀唔同汁豬扒炸得好香 稍微乾咗啲啲 夾埋啲汁就ok豬扒份量多 飯都多 +$7有煎蛋 條脆邊🤩$7抵返晒 蛋汁撈豬扒無咁乾期間限定🥰依家已經無咗 變咗柚子蜜豬扒配搭幾特別 鹹蛋黃份量都可以 啱啱好夠點晒全部豬扒🤤燕麥就為豬扒加多少少口感一樣+$7煎蛋 一人一隻先夠食🤤晏啲去就排長龍 記住早啲食🤪

上網見幾多人推薦呢度嘅炸豬扒，今次專登嚟食下。呢間炸豬扒店係位於銅鑼灣嘅小店，座位唔太多，所以遇上多人嘅時候可能要排隊一陣，今次好好彩揀咗平日嘅比較早時間嚟食晚餐，唔使排隊就入得。入到去見到餐廳裝修好靚，我好鍾意佢牆壁嘅設計，係用咗類似小朋友寫嘅文字來做裝飾，感覺好可愛。侍應嘅態度都好好，而且做嘢快手，唔使等好耐就有得食。而且佢用開放式廚房，可以見到廚師點樣整炸豬扒，見到環境都幾衛生。我叫咗蔥油豬扒滑蛋飯配一杯熱茶，蔥油份量極多，但又唔係話好鹹，有蔥油嘅油香，配埋香脆嘅炸豬扒食物味道好夾。炸豬扒冇令我失望，真係好香脆，雖然佢嘅皮唔係話好薄，但豬扒都厚切，係我接受到嘅厚度。滑蛋好香，配豬扒唔會話有好濕嘅感覺，都食到兩個層次，有炒蛋嘅香滑，亦都有豬扒嘅香脆。不過碗飯實在係太大份，我一個女仔食真係食唔晒，呢個價錢食呢個份量係抵食，配埋杯熱茶又唔會太濟，不過如果杯熱茶比較暖，我自己個人鍾意再熱啲就更加好啦。👍

放工喺銅鑼灣附近搵嘢食 一直以來成日都聽朋友同同事講話呢間豬扒店係佢哋試過最好味嘅豬扒 今日終於有機會啦黎到間店見到好多人喺門口排隊本身有猶豫左一下但係都真係好想試一路排隊店員俾咗張餐牌我哋揀嘢食 其實都只係等左10分鐘到就有得入入到去坐咗喺吧枱間店其實好細但坐吧枱可以睇到廚師準備嘢食睇到老闆做品質檢查切豬扒我叫咗個煎蛋焗豬扒飯老公叫咗個秘製豬扒飯我哋另外再加左三隻滷水雞翼啲野食黎到真係忍唔住話咗聲！！啲豬扒大過我哋塊面 食左一啖真係10萬個認同朋友所講嘅嘢豬扒脆得黎啲肉質好鬆化而且啲肉唔會鞋 唔會係炸到成舊粉㗎焗飯嘅鮮茄味好香濃 真材實料滷水雞翼醃得好入味我哋喺個飯到加咗隻滷水蛋 一食就知用咗好多心機煮由於太大碟啲關係 我哋真係食唔晒我覺得如果女仔嚟 兩個人食一碟都夠晒飽總結呢間小店真係好值得推介！價錢合理而且高品質高水平！順帶一提佢地係中環開左分店啊！大家有機會嘅一定要去試！

出得去實要食番餐好，約左姊妹二人世界銅鑼灣聚聚，唔覺唔覺就行左去利園附近，姊妹提議翻兜加路連山呢間炊豕店。3點半既TEA TIME時間，門口都大排長龍(大約十幾人) ，始終都係銅鑼灣，睇見個餐牌就明點解咁多人既，邊到搵到幾十蚊有碗飯食，邊排隊邊落單慳番唔少時間，等左大約20分鐘就有位。被餐牌裝到咁滿既秘製豬扒飯(肉燥汁) 吸引左，黎到真係咁大碗，真係嚇左一跳，冇諗過60蚊咁抵食。大大塊炸豬扒，完全滿足左作為「炸野控」既我，望落去好脆，食落口都真係好脆，雖然厚身但完全唔覺得嚡，好淋身易入口唔油膩，食過好多地方既豬扒咁厚一定出事，假牙都會甩，好多時要夾硬吞。而豬扒下面既肉燥汁份量岩岩好，唔多唔少夠晒撈飯。另外試埋秘製豬扒飯(咖哩汁)，分開上咖哩汁幾貼心，唔怕整淋塊大豬扒，自己控制鐘意用幾多咖哩汁都得，咖哩汁味道唔算辣，岩晒唔食得辣既我！炸野控既我幾飽都一定要食埋碟芝麻雞翼，一碟有兩隻，熱辣辣即食，雞翼皮好脆口而唔油膩，裡面仲有少少肉汁。鋪仔細細，裝修擺設都落足心思，我特別鐘意個公雞碗，好有特色。「我們都是食豬大的」，下次再試埋個豬軟骨先！

一年前係銅鑼灣上堂，食過食間炸豬扒飯，一直都想再食多次，雖然位置比輕偏遠，除左依間炸豬扒店仲有好多美食係附近可以黎一個美食小旅程。我地星期六下午3點左去店鋪剛營業就已經有人龍，鋪面不大，行香港7080懷舊風格，有啲台係學生台。由於比較多客人，我地係出門排隊嘅時候已經點好餐，飲品同多食都好快就有，點左椒鹽魷魚同芝麻雞翼，魷魚好香口有好多炸蒜同香蔥，外面脆卜卜爽口彈牙，雞翼都唔錯，值得一試。主角黎喇～大大碗豬扒飯，我地揀左三種配搭，蔥油、肉燥汁、咖哩汁。肉燥汁係必吃，個人幾鐘意蔥油豬扒，蔥油份量超多，但一啲都唔會覺得咸，鐘意食蔥嘅朋友仔一定要試，豬扒係即炸所以超熱，而且充滿肉汁，外脆內鬆軟，豬扒係帶有骨，我比較鐘意有骨豬扒，食起上黎更有風味。碗飯真係好大碗，公雞碗大大碗，蔥油都夠撈晒成碗飯，每一啖都蔥味十足。鐘意食炸豬扒嘅朋友仔一定要去食，雖然比較多人，但值得你等候。

又係一間bookmark咗好耐嘅小店－－炊豕店！小店人氣十足，6pm已經有條小人龍，大概等咗10min就有得入座啦！如果7pm到，分分鐘要等30min以上呢！豬扒飯有三款：肉燥汁豬扒飯、咖喱汁豬扒飯及蔥油豬扒飯。試咗人氣推介嘅蔥油豬扒($60)豬扒果然名不虛傳，超大塊，完全遮蓋整個碗！豬扒炸得金黃色，賣相討好，食落酥脆之餘亦保持肉汁，不會覺乾，豬扒肉質軟腍嫩滑，好食。我轉咗撈粗麵，麵條亦用料上乘，好有口感，食落彈性有嚼口，唯一係蔥油汁嘅蔥略嫌太生，稍為失色。另一碗肉躁鹵蛋飯($52)亦有台式風味，魯肉肥瘦均勻，入口鬆化，鹵水都好入味。我特別鍾意呢度用珍珠米，飯粒帶黏性，拌著香噴噴嘅滷汁，好滿足！價錢喺銅鑼灣區完全唔貴，但味道卻做出高水準，難怪開業而來一直保持人氣！

今日約左男朋友係銅鑼灣等，所以睇下附近有冇d平民價，又好食既餐廳，點知比我地搵到呢間餐廳。放工時間都有吾少人等位，不過我地等左吾洗一陣就有位，好快。入面都吾少人，好彩位置重叫鬆動。因爲餐廳出名食豬，所以餐牌有好多吾同款豬既飯可以叫，重有吾少小食可以配撘。我就叫左沖繩豬軟骨飯，再加配滷蛋。呢碗飯同豬軟骨既份量都吾小，身為女仔，我食吾哂，所以分左比男朋友。豬軟骨煮得岩岩好，d軟骨夠冧，吾會硬，好岩送飯，而滷蛋都煮得好入味。當中重有蘿蔔同蓮藕做配菜，好爽口，又入味。而男朋友叫左肉燥滷蛋飯，非常有口感，吾係肉碎，而係切到一粒粒，肥瘦均勻，又入味。因為再加左飯，所以份量更加大，食到男朋友好滿足。小食叫左炸芝麻雞翼，熱辣辣岩岩炸起，食落要小心d。炸得非常鬆脆，重有d辣粉係面，好惹味。我地重每人加5蚊有飲品，好抵。

其實之前都食過一次，但嗰時係咪咁出名，估唔到今日諗住食完過去大埔竟然要排隊先至等到位入去。😰😰😰很好食物的價錢冇大便，仍然係銅鑼灣性價比高的好食小店環境同時亦都無變非常節制的，但為咗食好嘢，而且快啲食完就過南華會，這間絕對是不二之選我嘅朋友就要左個豬軟骨飯，他說那份醬汁10分香濃，而且豬軟骨非常非常淋～～以我就係要佢個招牌肉操炸豬扒飯，那份抓住發現真的10分好，香脆和有著名。但今次試咗粗麵～我覺得有啲偏鹹，如果下次食嘅話我會叫佢少肉燥～～不過佢個炒蛋我覺得好食左，唔單止有蛋香味而且生熟程度也來得非常之恰當～

好幾次經過都大排長龍，見今日5點左右唔算多人排隊，即刻試試佢！餐廳位置唔多，坐得比較逼，同埋廚房係開放式，所以會聞到少少油煙味。秘製豬扒肉燥汁撈粗 加炒滑蛋豬扒一上檯已經好有驚喜，大大塊😍，完全蓋住底下嘅撈粗同滑蛋，應該係新鮮即炸，無皮骨分離嘅情況，咬落仍然係充滿肉汁。配角嘅炒滑蛋都好出色，炒得好滑，肉燥汁上面有好多肥豬肉，幾香口，但略嫌太多汁食到底會覺得好咸🤭如果可以汁另上自己撈就好🙈咖哩豬扒飯 加炒滑蛋咖哩汁係另上好貼心，咁就唔會整到豬扒皮淋晒。正常咖哩無咩驚喜，對比上會覺得肉燥汁夾啲。飯係珍珠米，整體成個配搭都不錯👍🏻最緊要係豬扒碗碗都咁大塊，幾抵食🤤