炊豕店 (加路連山道) (已結業)

開始見到呢間餐廳係openrice係頭幾位之後就去試啦 一開始啲味道都唔差服務還算好今日再去簡直完全唔知自己食緊乜成塊豬扒個豬皮根本食唔到全部都係脂肪 油炸塊豬扒咁難食我真係第一次今次嘅水準連求其搵一間茶餐廳都好過佢重點係可能因為太多人佢哋塊豬扒炸出嚟都係 生 生 生！！！嘅之後梗係問個侍應㗎啦佢竟然答我 （咁你生個啲唔好食咪得囉）就算係茶餐廳都唔會咁答啦變態度超差 正常係應該重新炸過或者講聲唔好意思個侍應連sorry唔好意思都冇講只係直接答我一句 （生嘅你咪唔好食囉）！！哇 我嬲到 以後都唔會再嚟！！根本冇速度 食物冇水準 服務冇態度差 差 差！！！

這家小店一直在我的bucket list中，聽說價錢平民，但豬扒高質。在門外看了看餐牌，見到金黃色的厚切豬扒，已經食指大動！六時多排了十分鐘左右便能入座，店內空間不大，但客人間仍有足夠空間。裝潢別出心裁，採用了復古風格，略帶玩味！.一直都不知店名如何發音，真相終於大白！原來是「吹」「始」店～.點菜後等了十分鐘，我的葱油豬扒便到了。嘩！那堆葱油可不是一般的慷慨，蓋滿了大半塊豬扒，配上在旁的炸蒜粒，香氣逼人。.一口咬下炸豬扒，「喀擦」一聲，炸粉薄脆，肉汁和油脂爆發於口中，豬扒厚而不靭，配上咸香葱油十分香口。.另試一口撈粗麵，彈牙，火喉剛好。滷汁帶甜，滲出香料味道，很是不錯。追加的的滷蛋也十分入味！.友人的肉燥豬扒比葱油版較甜，如不好太「重口味」，前者較佳。但如好「二朗系」之人，後者必定能滿足你「貪吃」的心！.吃畢後喝一杯蜂蜜柚子蜜正好中和油膩，簡單而滿足。抱着鼓鼓的肚皮結賬，才發現快樂一點都不昂貴。.離開時才發現門外的隊已經越來越長（建議早一點光顧）。果然，即使這小店躲在隱蔽的街角中，有麝自然香！

出開銅鑼灣又唔想食貴嘢可以黎試下呢間。經朋友介紹黎食過之後性價比一流。銅鑼灣食嘢都唔平，水準又參差，不過炊豕店水準絕對令你滿意而且價格合理。我同朋友叫左一個蔥油豬扒飯，豬軟骨撈粗面，椒鹽魷魚鬚同埋涼拌大豆芽。先講下小食，大豆芽食落口感爽口，仲有小小酸酸甜甜，對於我同朋友黎講就十分中意。同樣中意食大豆芽既你唔可以錯過。再黎就係魷魚鬚，佢係一隻隻八爪魚咁炸，同平時食開既魷魚鬚有啲出入，如果唔中意就要小心啦。不過佢食落都非常香口，有陣陣椒鹽味，食到停唔到口。之後到主菜，豬扒大塊到成塊面咁，又厚身，身為食肉獸既我見到已經流哂口水。再加埋鋪滿成碗既蔥油，碗飯香到隔離位都聞到，豬扒明顯有醃過，抵讚。撈完蔥油成碗飯真係人間美味。另外一款豬軟骨撈粗就相對無咁特別，但面底都好食，應該撈返煮豬軟骨個汁，唔會淡而無味。豬軟骨都煮到好淋，味道就好似平時食開豬軟骨既味道。

睇到呢間店已經係超過兩年時間 網上宣傳都唔少 上網睇食評話呢度其實 平而且抵食 今日終於有效嚟到呢間店食 。收咗工六點幾行過嚟呢度大概七點鐘到 喺門口等咗半個鐘先有得食 中途冇得離開因為係要跟隊排既唔係派飛。入得去位置非常逼連袋都冇地方放 我哋點咗一個蔥油撈豬扒飯 豬軟骨飯 同埋一客 椒鹽魷魚 豬扒絕對係大件而且份量夠味道好絕對唔會令你失望 反而個豬軟骨飯嘅瘦肉比較多 令到成個口感比較乾身 唔夠肥 所以麻麻地 另外個椒鹽魷魚燒得太乾太過火 味道太鹹 希望以後可以改善呢間店以後絕對可以再嚟😊😊😊

星期六同男朋友去開銅鑼灣，見到呢一間一直想去既餐廳今日嘅人流唔算太多，於是就立刻決定去排隊！星期六中午其實都好多人，三點幾去到嘅時候前面已經有四五伙人，好彩人流算快，等左半個鐘就有得入。店內環境人頭湧湧，座位都好似台灣小店咁， 各佔一小角落。我同男朋友又想食蔥油又想食肉操，於是就叫左秘製豬扒飯（肉燥汁），另外再加$8加蔥油。亦叫咗芝麻雞翼，涼拌大豆芽，同埋炸蝦。點單後冇耐就即刻有野飲上先， 蘋果汁原來成支上 , 唔會慳皮。大豆芽有加蒜頭同豆卜， 酸甜開胃， 亦好爽口新鮮。伴炸物幾好， 冇咁濟。炸蝦鬆脆可口， 真係食到"索索"聲， 麵包糠炸到好乾爽， 唔會有多餘油或蛋漿， 高質！再黎芝麻雞翼， 比起蝦既炸法又係另一個口感， 皮炸得夠薄夠脆， 肉非常juicy。叫左走辣都好好味 再嚟主角，秘製豬扒飯加蔥油。一上碟， 塊豬扒大到嚇親， 有成隻手板咁大， 落蔥油之前先一啖肉燥汁， 肉燥撈飯一流， 有肉燥汁既甜味。再撈左蔥油落去飯入面， 我發現我地做錯左 , 蔥油味完全掩蓋左肉燥味， 下次都係分左飯先撈好了。蔥油味實在值得一讚， 用新鮮既蔥， 有少少咬口。同豬扒飯都好match。然後再試主角 豬

.📍炊豕店可以試下！🐷好早已經聽過呢間出名食豬，不過一直冇機會去港島嗰邊，難得去嗰邊咁🐷緊係要拉埋🐷仔食下自己啦個個都話好多人要排好耐，🐷嗰日去到啱啱開門就冇乜人，但都越坐越多人係出面排隊🤣可能因為小店嘅關係，🐷仔話食到好有壓迫感，比人望住曬咁—————————————————————❣️蔥油豬扒飯 （$60）好大碗！！珍珠米🤤豬扒係脆嘅，d肉都幾好，唔會話炸到好乾身，但可能有太大期望，🐷同🐷仔都覺得只係above average，冇話好有驚喜，下次食野都係唔好抱咁大期望 ，但都可以一試.❣️沖繩豬軟骨撈麵（$58）👍🏻豬軟骨好冧，味都好夠，啲配菜蓮藕好爽，咁樣夾埋一齊食幾正🤤🐷反而覺得呢個仲好食—————————————————————不專業評分👅好味指數:3.8/5💰性價比:4/5 👍🏻推薦:3.5/5—————————————————————🏡地址:炊豕店 (銅鑼灣)銅鑼灣加路連山道11號地下—————————————————————#chuchu食在銅鑼灣#香港美食 #hkfood #852food #香港好去處 #hkfoodie #hkfoodinstagram #食好西 #美

點左蔥油豬扒飯味道唔錯，很多蔥油，豬扒juicy配小棠菜，整體配搭都幾好。沖繩豬軟骨飯有豬軟骨、白蘿蔔、蓮藕，味道微甜，但全碗味道單一。小插曲: 未落order前已經火火地事原係約左朋友趕返學，所以我先去攞枱，打算嗌定食物。入去店員問我幾位，我話2個人，佢問我人齊未，我話除左我，仲有另一個人，然後佢問我另一個人幾耐到，我話就到，then入左去。我就寫單嗌野，寫左2個餐，叫佢落單，佢就話: 未人齊，唔落得單。我眼都反埋🙄🙄我: ok嫁，落得單嫁哪🙄佢: 一間你未齊人，我地照比位其他人嫁，到時你可能要打包拎走(當時平日晚上6點10分)😤😤😤😠真係火都黎你唔比我食2個餐嫁，真係好過分🙄😤🤬希望店員態度會有所改善。認真受氣

初次光臨，果然不同凡響，雖然要排一陣，差不多等了四個字左右，但是因為食飯時間，所以特別多人。一路排一路見很多學生哥兒，排隊買飯吃。排隊的時候，店員會俾張點餐紙你點餐先蔥油豬扒飯配檸檬茶，香噴噴的去蒽油配豬扒原來是咁好吃，清蔥加油吃溝埋飯，果然一絕。豬扒也軟滑。豬軟骨粗面也不錯，豬軟骨很軟滑，面地也有汁味。豬手一碟，豬隻滑嘟嘟，肉汁入味此二款飲品加五元加一塊十元的午餐肉，普通普通味道，蒜香雞翼尖也有佷重的蒜香味，不錯

午餐時間通常都排長龍。今日係公司做晏咗，經過冇人所以入咗去試下，結果？試一次就夠。份量大，豬扒係又大又厚，$60喺中環食得飽都算係咁。不過豬扒炸粉又厚又硬，頗重梳打粉味。完全唔明點解成日咁多人排隊

夜晚同屋企人黎食晚飯。呢到平時好多人排隊，所以我六點幾就到左，唔駛等好耐就有位坐。門口有哂圖文並茂，好清楚😂店員會係排隊時先俾落單紙你寫食咩，好似去食拉麵咁😂呢到最出名係豬扒飯，但我點左沖繩豬軟骨飯（少飯），屋企人就點左煎蛋焗豬扒飯（少飯），另外仲加左滷水蛋同飲品。沖繩豬軟骨飯，豬軟骨煮得岩岩好，唔會硬又唔會太淋，而滷水蛋就滷得夠哂入味，另外仲有蓮藕、蘿蔔同菜，平時唔食蓮藕既我，覺得個蓮藕好爽脆，好食。原本已經好飽，但因為覺得好食，食食下就差唔多食完😂煎蛋焗豬扒飯，真係好大份！其實夠兩個人食或者大食d既人可能會食得哂😂豬扒好鬆軟唔會老，d飯加埋芝士番茄，好惹味。另外仲叫左樽蘋果汁，都幾好飲。去到七點幾門口已經好多人排隊。我地結果食唔哂盒豬扒飯要打包。

炸豬扒分量十足，香脆而不膩。肉燥是爌肉切粒做成，而非一般的肉碎，肉汁令整個飯不至於太乾，是個不錯的配答。不過為了造型，部分豬扒有一層頗厚的炸粉，是一敗筆。另外吃了焗豬扒飯，同樣的炸豬排，但配上了重口味的醬汁，同行的友人表示不太欣賞，比較喜歡蛋漿焗豬扒的我亦有同感。雖然如此，我仍然很欣賞豬扒肉燥飯。隨後有友人推薦加蔥油，下次有空要試一試。餐廳牆上寫著一句話：「我們都是吃豬大的」。以牛、雞做主打的餐廳多得是，能以豬為題、走平民路線而好食的餐廳為數不多，這值得一試。

經朋友嘅介紹之下，特意黎銅鑼灣本店食呢間嘅豬扒。聽聞係好好食唔油膩。呢間店面一眼望得曬，開頭以為係小本經營，但原來都有另一間分店。八點黎到就見到排長龍，隔離嘅食店都無咁多人，咁就知道呢間野一定係好食嘅。排隊嘅時候店員已經比定menu你揀食物，我地好快諗到食咩好。鋪頭無咩裝修，入面嘅碗、餐具，都係好舊好有style嘅公雞碗。我地叫咗秘制豬扒飯同埋蔥油豬扒面。另加一個炸雞翼同埋辣海蜑。好可惜蔥油豬扒飯賣曬，我地換咗個話梅豬手撈幼面。個豬扒完全唔油膩，唔覺食咗油落肚咁。炸皮唔會好多粉，豬扒好林好易咬，又無渣。成個飯一啲都唔鹹，黎嘅朋友一定要試下呢個飯，千祈唔好以為炸就好乾又唔好食。另外豬手幼面好好食，話梅個醬好獨特。

之前學車已經成日經過呢到，次次都見到好多人排隊，心諗唔通好好食？一定要揾一次試下先！今日終於有機會同埋男朋友黎食！都排左大約15-20分鐘先入到去坐低！入面空間唔大，連埋bar 枱大約三十個位到～我地叫左一個肉燥秘製豬扒飯，同埋一個沖繩豬軟骨飯，兩碗份量都好大碗！豬扒係新鮮炸，外脆內軟，咬落去好juicy!配埋個肉燥汁，真係非常好味！至於豬軟骨飯同樣激讚！因為豬軟骨非常入味，而且好淋，仲會配埋年藕同埋蘿蔔，年藕爽脆，蘿蔔入味！加埋d 葱花超正！我超愛食葱！今次感覺非常好！好味！抵食！下次一定要試葱油豬扒飯先！

環境黎講 真係一眼睇曬本身已經擠迫 加上peak hour 更加逼夜晚8點去食 已經有條人龍仔可以係出面拎張點餐紙tick自己想要啲乜頭盤 辣味海蜇調味唔錯 唔算辣扁身嘅海蜇 勁入味 索索聲 10個讚 nice話梅花豬手幼面真係唔太建議大家黎呢度食豬手本身以為係無骨豬手 軟冧冧點知原來好硬 冇乜肉so disappointed 而且啲炒蒜好硬 唔脆似係放左好耐先黎用有啲雪櫃味唯一可取嘅就係啲面好幼好入味份量都算剛好豬排飯豬排好食 夠脆 神奇嘅係齋食炸皮都夠好食啲豬排勁嫩 但係係煮熟左嘅lol唔使點任何汁已經好好食一上枱個陣有啲嚇親因為塊扒好大 有我塊面咁大但係食落都唔算好濟芝麻雞翼還可以啦 不過不失咁食到成口七味粉

叫左肉燥豬扒轉撈粗豬扒都算大份，幾香幾入味撈粗會好味過食飯店舖狹窄，啲位十分唔好坐不時有蚊滋仔係你嘅食物上面徘徊啲侍應態度亦超級差可能多人排隊，唔憂做試食一次就ok