炊豕店 (加路連山道) (已結業)

見到openrice好多人推薦嘅炊豕店，所以走左黎銅鑼灣試下，哇，店鋪細細但出面好多人排隊。未入去前大家都拎哂點餐紙點住先，簡係食佢推薦嘅蔥油豬扒飯啦，再加openrice好多人推薦嘅辣味海蜇同芝麻雞翼。/蔥油豬扒望落去大大件，好厚身，食落去肉質嫩滑之餘唔會好乾身同硬崩崩，個皮炸到卜卜脆。再配上炒蛋簡直一流。/辣味海蜇好爽口，冷冷的，岩哂調味。而炸芝麻雞翼炸得好香，唔會話好油。/好抵食，價錢好合理，豬扒炸得好有水準，讚👍🏻😍

今日又嚟到排隊餐廳食飯，呢度店面好細，位置都坐得好迫唔太舒服，點咗兩款豬扒飯，一個秘製豬扒飯，炸醬好厚，豬扒好薄好乾身，而且個飯底有少少凍，肉燥好淡口另一款蔥油豬扒飯$60，嗯.....個蔥油唔香，係蔥還蔥，油還油嘅味道，而且係唔熱㗎，香味都無哂，個飯都係微暖，似係人太多，整定出嚟，個豬扒呢，其實都幾失望，炸醬都係太厚啦，入口好大陣油味仲有呢碟魷魚，真係食到個口損哂都食唔出味，翻炸翻炸又乾又硬又無味，都係一堆炸粉

銅鑼灣區喎，人均消費如果係上樓食嘅話，分分鐘係百零$200先落到樓。 今日，就比我同我朋友搵到銅鑼灣區一間隱世美食。呢條巷望入去，就剩係得一間鋪頭要排長龍，唔使問，梗係試嗰間啦。排排下先知原來呢間鋪頭一啲都唔貴㗎喎， 50呢蚊就可以食到一個飯或者麵。原來呢間鋪頭主要嘅菜式都係食豬嘅，入得去嘅人都要食人哋全家，慘慘。我哋兩個人，叫咗話梅花雕豬手撈幼麵，同滷水雞翼。佢份量非常足，兩個女仔食一個面都已經好飽。講返豬手，我最憎好林嗰啲豬手，點知呢間鋪頭嘅豬手好爽口，仲有煙煙韌韌嘅筋位，完全就係我鍾意嘅豬手啦！另外佢個面上面加咗好多炸蒜俾你撈，個幼面又好食，撈埋一齊真係好邪惡！ （食咗先講，減肥後話）另外就係佢個滷水雞翼，好大隻，好入味。不過如果我真係要挑剔嘅話，我想佢滷嘅時候，落多少少糖咁就更啱我口味。事關我都係煮嘢食㗎，哈哈哈。不過其實佢啲滷水雞翼已經比出面好多餐廳好食好多。你間鋪頭真心會返嚟再食，下次再食其他嘢。

炊豕店一直都係阿魚好想試的餐廳，事關他的炸豬扒都幾出名！.今次終於試到佢ge銅鑼灣分店！（總店在中環）.一如所料，係要排隊等入座（walk-in），幸好人龍不算太長，等咗唔洗10分鐘就入到去。.🐟💬：（1）沖繩豬軟骨飯（$58）.😖😖有點失望，因為豬軟骨沒有想所的軟滑，重有啲渣⋯⋯所以真係無下次😖😖🙅🏻‍♀️.（2）蔥油豬扒飯（人氣推介）（$60）.豬扒好大塊，幾乎有隻手咁大！！！！.脆漿好脆身，呢隻脆漿同豬扒係分離的，就好似食炸雞皮同雞扒咁，不過今次係豬🐽啲豬肉唔鞋，好食！.加上個飯已有肉燥汁，又有蔥油比你撈飯！所以真係會成碗飯食哂！.（3）炸芝麻雞翼（$28/2隻）.都有啲辣！不過就幾香脆👍🏻.（4）椒鹽魷魚鬚（$38）.食落有點乾，魷魚鬚不夠粗，令到口感不太好⋯⋯.🐟FISH'S REMINDER🐟💡阿魚提醒💡.（1）記得先不用心急叫蔥油，如果你叫咗飯，佢都會比蔥油你。如果真係唔夠先叫都未遲。8蚊都幾大碗蔥油的！.（2）蔥油豬扒飯會自帶肉燥汁，所以又不用另叫～🤤.（3）有好多人問呢間餐廳個名其實點讀架？.其實係讀「炊（吹）豕（齒）店」.下次再有人問你就知道了😆😆.（4）餐廳只接受八

前幾日同朋友喺中央圖書館溫書，就喺附近搵野食，見到有勁多人喺間餐廳前排隊，所以最後就揀左呢間。因為店舖唔係好大，所以我同朋友都排左至少二十分鐘。其實間餐廳嘅名，我自己都唔係好識讀😂不過店舖有塊板介紹到炊同豕係咩意思，同點樣讀。最後我地見到隔離枱啲人個飯好大碗，所以就淨係嗌左一碗飯，但就試多左其他小食！最後我地嗌左魷魚鬚！佢份量都唔少，至少有成七八舊，炸得唔會好油，仲有個酸酸地嘅汁。而我地亦都嗌左個肉燥豬排飯，加滑蛋、加午餐肉！佢個飯真係超級大碗，勁抵食！而佢啲肉燥係好大粒，好足料！再講下佢個豬扒，好大塊，好厚，個炸皮炸得啱啱好，唔會特別咸！而佢嘅午餐肉真係不得了，厚過個豬扒！最後，再嗌左兩個飲品，朋友話樽蘋果汁好fresh唔會死甜

響銅鑼灣行完街唔知食乜，見好多人推介呢間野就即興去試下7點半去到已經有好多人排隊，排左大半個鐘左右終於有位安排坐響個十分逼既位，等左五分鐘都無就有野食喇。2人行order左個椒鹽魷魚鬚，豬軟骨飯，豬扒肉躁飯。椒鹽魷魚鬚無乜椒鹽味，食落麵粉味重。豬軟骨大大舊，但唔夠淋，尚算可以啦。至於好出名既豬扒，同樣都係大大舊，但就好多好多粉好乾。。。。諗起見到有人話呢間系”食過最好食既豬扒”就真係O哂咀總括黎講，響銅鑼灣食飯呢度算平民價錢，但味道就認真麻麻，建議唔好專登去食去排隊喇

lunch吃唔到中環分店, 排晒長龍。收工就去開銅鑼灣, 記得有分店。最後排2個就到, 終於吃左。豬扒滷肉粗麵豬扒唔係好軟熟, 炸皮非常炸, 仲有一大舊炸粉, 炸皮仲幾硬下。炸蒜無蒜味, 唔知吃緊咩。。。。仲要質地硬到咬壞牙個隻豬扒咖哩飯......都係炸皮一大舊硬皮....心唸, 真係咁好吃? 食評仲要10個有9個讚好.....試過就算了~~~~

性價比高的 [ 炊豕店 ] 。是專門烹調以豬肉為主食的小店。主要提供豬扒、豬軟骨、肉燥、午餐肉和叉燒等以豬肉為主題的大碗飯。Foodamin和好友今晚點了人氣推介的 {{ 蔥油豬扒飯 }} 和 {{ 叉粒豆角蔥花炒滑蛋飯 }} 試試 。 兩款大碗飯味道皆出色而且令人驚喜。蔥油豬扒飯爆多蔥粒。蔥香又不油不膩。十分香溢。厚切豬扒大大塊。沾了一層薄炸粉。炸得色澤金黃。酥香脆口。又能鎖緊豬扒肉汁。豬扒肉香濃郁。大大啖肉。肥瘦適中。令人非常滿足。叉粒豆角蔥花炒滑蛋飯的材料同樣非常足料。整份叉粒滑蛋完全覆蓋整個大碗。叉燒粒軟綿好吃。炒蛋滑漏。蛋味香濃。大量豆角和香蔥粒提升口感之餘又能將味道更為提升。非常搭調。整體食物滋味好吃又抵吃。難怪店外長期不乏人龍。Foodamin和友人都說回頭率非常高呀。

係呢頭做野成日都見到好多人排，次次都忍唔住望下有咩咁吸引多數都係見到好大塊扒，今日終於有朋友陪我排下隊試下涼拌大豆芽先黎個小食，都幾重醋味，對住鐘意酸嘅我就岩口味，又可以開胃解膩秘製豬扒飯(肉燥汁)真係好誇張，擺滿左成碗飯，個炸粉做得好好，肉面就好薄，邊又好脆，收油都收得ok，肉質就比較實，好有飽肚感沖繩豬軟骨飯豬軟骨整得都算軟身，睇色都知入味，配料有驚喜，薯仔同蓮藕都好好食滷水雞蛋同炒滑蛋都ok厚午餐肉又好出色，始終主打煎炸野，真係做到外脆內軟

第一次食嘢食到咁谷氣！ 食完個飯要即刻走 ！唔走即時有一個態度粗野廣東話都未講得正嘅阿嬸過嚟叫你埋單即刻走， 你一係就寫有時間限制……冇寫時間你又點可以趕我走呢？其實走真係冇問題！但係請注意語氣！ 我都有畀錢㗎！唔知以為我乞你添！ 咁嘅服務質素！好食到曉飛都冇用哪！！

久聞呢間店嘅豬扒，今日終於喺大雨中行黎食喇。星期六中午1點半，唔洗等就入得，某些食物比舊有餐排貴了，我選了蔥油豬排飯，後來先知原來可以轉做撈粗，下次會試吓。等咗幾分鐘，大大碗飯到喇，炸豬排上放了很多蔥粒，很香，下面有一條菜遠，最低係香飯。第一口豬排很熱很脆口，炸粉與肉排比例適中，大約一比一，豬排好淋身，分量又剛好，因為蔥花有油，所以食到尾後啲飯有啲油，唔太多可以接受。總括黎講係好食冇味精，會encore.

立即Follow @itadaku_hk 每日速遞最真實飲食情報！🤤—銅鑼灣消費尼講，呢間算係性價比好高‼️—《蔥油豬扒飯》$58—份量極大🙈女仔的話可以兩個人share‼️‼️蔥油豬扒飯係呢間店既人氣推介！ ！ ！蔥好香口，食一啖飯連埋啲蔥，好正👍🏽至於主角炸豬扒都唔錯😆整得啱啱好 唔會太多油 唔會太多炸粉 食落去啖啖肉 又軟淋淋 推推推！—《肉燥滷蛋飯》$50—肉燥軟淋淋，真係幾香口🤤小編一向喜歡肉燥/滷肉呢類，呢個都無令小編失望！👍🏽👍🏽👍🏽食一淡飯配幾粒肉燥、少許蔥、仲有肉鬆OiShiiiiii‼️‼️個combo簡單得尼又好食—炊豕店 (銅鑼灣)銅鑼灣加路連山道11號地下—為食指數：7/10推介程度：7/10打卡指數：5/10性價比：7/10—

今日帶老婆，婆婆同5歲女兒去食。叫了2個豬扒飯，1個厚餐肉蛋飯，芝麻雞翼，2杯柚子蜜。講食物先，豬扒幾好食，但d飯同柚子蜜只係微熱，可能想你快d 食完走。餐肉蛋飯d 蛋煎得過火。芝麻雞翼都炸到燶曬。講服務，我問阿姐攞個碗仔，諗住同阿女share碗飯食，阿姐話冇碗，俾了一個生銹既碟俾我，我直係呆一呆，可能都係香港依家既特色，就係多數服務既人都係新香港人。如果你只要求快快翠翠路經食個飯（5-10分鐘），都ok。但專登去或一家人 有大有細或拍拖去食，就唔多建議。

成日聽朋友講炊豕店既炸豬扒好好味, 今日終於有時間黎食下啦炊豕店唔近MTR,出咗閘之後要行一陣先過到黎, 一黎到門口就比佢既招牌旁既字仔吸引住,"我們都是食豬大的"~ 睇黎老闆係一個幽默既人~由於餐廳已經full 哂, 係門口一路排隊一路揀定食咩第一次黎,決定試佢最出名既秘製豬扒飯, 配滷水雞蛋. 一試終於明白點解大家都中意食佢既豬扒~首先,豬扒炸粉薄得黎又keep到好香脆既口感,個皮仲有一種好煙紉既口感,平衡咗熱氣既口感,第一次食到呢個咁特別既炸皮~豬扒新鮮炸起,熱辣辣,加上厚薄適中,肉質鬆軟,外皮香脆,配埋飯食,真係一流既味覺享受,難怪炊豕店經常大排長龍~ 至於滷水雞蛋,滷水味濃,都唔錯~

身在香港思鄉的台灣人們，先讓我哭一下😂😂今天晚上計劃著要到銅鑼灣吃晚飯，一看見有台式炸豬排跟魯肉飯，尤其這間算是人氣美食，料想著應該不會太差，腦波直接超弱說我要吃！下雨的銅鑼灣人潮少了一些，但這間店前還是排了三四組客人在等，人氣推薦的蔥油豬扒飯也賣完了（大約晚上八點鐘左右），不夠沒關係，我期待的是肉燥啊！！翻桌率還算快，大約排了15分鐘左右就輪到我們了。這間店的食物品質跟價格來說是CP值非常高的選擇，碗公份量也很足，如果在銅鑼灣不知道吃什麼可以排一下隊吃吃看喔1、秘製豬扒飯（肉燥汁）👍豬扒真的非常好吃！除了肉非常juicy也不是被打得扁扁的那種，是厚實的肉！炸漿非常酥脆，要形容大概有點像台灣的派克雞排漿mix台式炸排骨味道。肉燥汁是偏甜的那種魯肉飯味道，還算蠻台灣的口味，唯一比較出戲的大概是香港的米普遍偏硬且粒粒分明，台灣的飯都比較黏跟濕一點，不過香港人好像也吃不習慣黏黏的米🌾（女孩子吃不完一碗啦！跟朋友分著吃一碗吧！）*一旁的辣椒油口味不錯，可以加進肉燥飯裡頭吃，有些微辣味道也很合哦！2、秘製豬扒撈粗麵（咖哩汁）香港人好像很喜歡很乾的撈麵，我其實吃不太習慣，但是麵體本身炒得很香，不