炊豕店 (加路連山道) (已結業)

其實有好多次下晝時間黎到炊豕店、都會比條超超超超超長嘅人龍嚇到卻步。但今日喺SOGO行完街又黎碰下運氣，居然發現條隊只有幾個人！所以即刻同個friend一齊排，排左十分鐘到，就有得入去坐😎我地喺出面已經畫好食啲咩，所以一坐低就遞左紙，慢慢等野食。佢地上菜速度好快，先上兩個豬扒+蔥油飯，後上魚蛋同炸午餐肉。太耐冇黎，已經唔記得左碗飯原來大到咁😂 啲炸豬扒大大塊，皮脆肉嫩，仲有好多肉汁！蔥油飯雖然有啲油，但啲「立立令」嘅蔥睇落真係好吸引，食落係好香口，好正！😍😍😍 另叫嘅炸午餐肉都炸到脆卜卜，入面亦keep到juicy口感，好香口、好惹味。魚蛋都炸得唔錯，幾有彈性，而且係新鮮炸起，所以熱辣辣，好味！👍🏻

今日黎到銅鑼灣，又唔想食啲貴價餐廳，於是行黎加連臣山，呢個充滿平價美食既地方。當時仲早，大約6點45左右，就已經見到一間小店有幾個人排緊隊，諗住應該係好好食既小店，於是就決定去食😋呢度換枱率都幾快（限食30-45分鐘），所以我地唔洗7點就入到去💛（相入面係食完大約7:45影，可見到呢間店有幾受歡迎😋）本身都唔知呢間店有咩咁特別，但入到去真係有種60年代既感覺，有年代感，但唔代表污穢！店面非常整潔，但因為想服務到較多食客，所以走廊位都比較窄，服務員經過上菜/攞飲品都頗容易撞到我地，係比較唔好既一點。講返啲食物啦，我同友人揀左 話梅花雕豬手飯 （$52）同埋秘製豬扒飯（肉燥汁）（$52），加上一客小食椒鹽魷魚（$38），加埋都係好抵食😋一上菜就嚇親我地，因為份量真係好足，豬扒脆得黎又大件，就算我呢啲食好多既人食完都飽晒。個豬扒外脆內軟，仲好滑，有咬感得黎又唔會好難咬爛🤔唔怪得係推薦🤔肉燥汁好適宜，肉同汁既比例岩岩好，口感非常好！另外既豬手飯本身我唔太好，不過試左一啖覺得滷水既汁好入味，好足料，亦唔會有太多骨，都幾方便食😋店員都會提供碟比我地盛骨，方便我地將食完既擺去隻碟，唔係會滿到食唔到😂

炸豬扒本身我係一個好鍾意食炸豬扒嘅人，於是我就嚟到銅鑼灣呢度試吓依間食肆。依間鋪都幾多人食架要排晒隊，想食嘅話就早啲去排隊囉。依家食豬扒嘅小店又好食又抵食。豬扒又夠大件，塊豬扒又大塊又厚身，肉質非常鬆軟，又嫩滑又易咬，都有幾多肉汁架，完全食唔出任何雪味。豬扒嘅炸皮好薄，我諗係我識個之中最薄嘅。價錢都唔算好貴， $50 幾蚊就有個飯啦，喺銅鑼灣區都算平㗎啦。雖然間舖唔大，座位都比較少，但唔會有一種好狹窄嘅感覺，環境都中規中矩啦。我覺得依個炸豬扒值得一試啊大家！

一向鐘意吃小食葛我，約上同事一齊落班後來到銅鑼灣葛炊豕店吃小食，餐廳鋪面唔算大，細細地但係環境都十分舒適葛，而且有好多食客窩，都要耐心排隊等待下；體咗下餐牌，小食種類幾多的，對於食肉獸黎講,當然係無肉不歡啦，點上份炸雞兼扒飯再來一杯凍飲，而且肉厚又多汁又新鮮滾熱辣，凍飲又冷又解膩，對於宜家尼個熱鬼辣辣葛天氣來講，真係一種享受，翼都驅趕曬一天葛工作疲倦；又簡單又滿足葛晚飯。吃飽後happy的結賬買單，就感慢慢散散步走在回家的路上啦~

友人說上課常經過這家小店，天天都是大排長龍，今天趁時間還早就過來看看。小店座位不多，裝潢感覺是日式再混搭懷舊港式風格。秘製豬扒飯 (肉燥汁) $56豬扒分量很大，完整地覆蓋了整個碗。一口咬下去，外層酥脆並不會太厚，豬扒充滿肉汁，一點也不干。肉燥汁有粒粒肥肉，配上厚豬扒稍微有點太膩，女生的話大概也只能吃下三分之二，建議選少飯就可以了。椒鹽魷魚須 $38非常酥脆，色澤與一般的魷魚須不同，味道也特別不一樣，魷魚的鮮味都被逼出來了。整體來說味道非常不錯,價錢在這地段也算合理,值得一試。

今日放工約左朋友黎銅鑼灣食飯，聽聞依間小店經常排長龍，我地夜晚7點半黎到，已經有7至8個人等緊，初時以為會等好耐，估吾到等左吾洗10分鐘就可以入座，店面偏細吾算大，我同朋友就坐較入既bar枱，由於等位既時候已經諗定食咩，所以好快可以落單。人氣蔥油豬扒飯 ($60)今次黎主要都係想食依個人氣推介既蔥油豬扒飯，佢一上枱賣相已經好吸引，蔥油堆成滿滿一座山咁，而且豬扒都好大塊，成碗飯既份量比我想像中多，性價比黎講算高。豬扒幾乎覆蓋左成碗飯，有略略炸過，雖然吾係好脆口但就鬆化軟熟，好易入口。當然另一賣點係佢個蔥油，蔥油好香好惹味，一d都吾鹹，配埋豬扒同飯一齊食，好正。沖繩豬軟骨飯 ($58) 加炒滑蛋 (+$10)估唔到個飯好香同埋都幾有份量，豬軟骨好大舊而且燜到好腍好入味，大啖咬落去既時候好有滿足感，鐘意食豬軟骨既話值得一試。辣味海蜇 ($20) 海蜇幾爽口，一d都吾辣好夠味，岩晒鐘意食濃味又或者吾食辣既朋友。椒鹽魷魚鬚 ($38) 魷魚應該係偏細隻既魷魚仔，易入口同埋食落幾香口，沾埋喼汁就更加惹味，建議趁熱食。總括黎講，食物質素同性價比幾高，對於女仔黎講份量算多，怕食吾晒既話，落單時候可以寫

是日星期日下午三點鬆..一行四人來到門口仍有一條短短的人龍...最終三十分鐘左右就可以入去喇...店舖不大...大家食完都好快會離開....在門口等候其間已劃好點餐紙...點了：1）蔥油豬扒飯x22) 話梅花雕豬手飯x13) 厚切餐肉蛋飯x14) 香蒜炸魚蛋5) 辣雞翼6) 炸蝦🍤首先....第一啖咬落塊豬扒度之後...終於明白點解開左咁耐都仍然咁多人黎食...因為我相信我會再返黎食多唔知幾多次...豬扒個肉質鬆得黎唔會係比梳打粉拿到淋晒果隻...好彈牙...每碗都即叫即炸...食落無好油膩既感覺！美食黎齊後發現蠢左！為何全部都叫飯呢🤦🏼‍♀️點解唔試個麵？點解？點解？🤯🤦🏼‍♀️豬手炆得夠淋...話梅既酸甜剛好...淡淡既花雕...怕飲酒既都唔會怕醉呀😂厚切餐肉真係堅厚切....煎炸到外脆內軟....再配埋有脆邊既太陽蛋.....好幸福😂炸蝦個粉漿好薄身....蝦也很爽口！魚蛋就較為遜色一點...不夠彈牙...但味道還可接受！雞翼調味恰道剛好...少少辣...又夠脆炸！惹味！

係大球場附近做完野，同朋友沿住加路連山道行翻去地鐵站方向，經過呢間舖就入左去食飯。餐廳既裝潢都幾有風格，座位用上摺椅，枱係木枱，餐具則用上鐵羹，成個感覺都幾特別。食物方面除左質素幾高之外，份量更是頗多，唔洗叫多飯都已經幾飽。蔥油豬扒飯既豬扒炸得好香脆，炸粉唔會厚，咬落仲有肉汁，做得幾好。蔥油方面則唔會太鹹，伴飯食一流。豬扒飯仲有蔬菜伴碟，肥膩中帶一點清新。厚餐肉煎蛋飯方面，餐肉係名副其實既厚切，而且選用嘅餐肉唔會好鹹，就算淨食都接受到。而外層有輕微炸過，增加左餐肉口感上既層次。飯既份量適中，而且又有蔬菜作伴碟，都幾健康。炸芝麻雞翼一樣新鮮炸起，芝麻好香好有口感，面頭仲有啲七味粉，香中帶辣。雞肉炸完都仲好嫩滑，肉汁豐富，相當不錯。辣味海蜇則有少少辣，而且海蜇好爽，可以增加食慾，作為冷盤小吃十分合適。整體而言，食物既份量、質素，以至服務同餐廳環境都不錯。Menu:

友人說上課常經過這家小店，天天都是大排長龍，這天剛去完百貨公司周年慶，趁時間還早就過來看看。小店座位不多，裝潢感覺是日式再混搭懷舊港式風格，店面還挂了一個運作正常的九龍表行懷舊ROLEX時鐘呢。秘製豬扒飯 (肉燥汁) $56豬扒分量很大，完整地覆蓋了整個碗。一口咬下去，外層酥脆並不會太厚，豬扒充滿肉汁，一點也不乾，猜想應該是高溫油立刻鎖住肉汁，是家裏不能自己做出來的效果。 肉燥汁和咖喱汁的分別不在於豬扒，而在於飯汁。肉燥汁有粒粒肥肉，配上厚豬扒稍微有點太膩，女生的話大概也只能吃下三分之二，建議選少飯就可以了。蔥油豬扒飯 $60滿滿的蔥油覆蓋了整碗豬扒飯，朋友說想不到蔥和豬扒味道也挺搭的。椒鹽魷魚鬚 $38非常酥脆，由於色澤與一般的魷魚鬚不同，猜想應該是用上了特製的醬油去炸，味道才會特別不一樣，魷魚的鮮味都被逼出來了。

對於食肉獸黎講,當然係無肉不歡啦,今次黎到呢間專食”豬”料理既港式小店,去到門口已經排緊隊啦!店員都有禮貌通知我地需要等齊人先可以入去,好好彩等左5分鐘就有得坐,鋪面唔算好大,但就有1份熱鬧同親切既感覺,都坐得幾舒服既!👇📌蔥油豬扒飯 - $60👉呢間小店出名大件夾抵食,好岩我呢D大食積,我+多左$2做多飯,結果黎到真係幾大碗下,炸豬扒鋪滿哂成個碗,我+多$10要多隻炒蛋,豬扒好鬆脆,肉唔會太實,蛋夠香,飯夠軟綿,最緊要係D蔥花呀,爆得夠哂油香,呢個價錢我覺得唔錯!📌厚餐肉煎蛋飯 - $52👉一黎到舊午餐肉勁厚,肉質偏淋身,煎蛋配鼓油汁,真係有一份住家風味,本身諗住會味道會偏咸,但食落都ok,撈埋白飯就岩岩好,我地每人額外+多$5要多罐可樂!食炸野點可能無可樂呀!!📌酥炸鳳尾蝦 - $24 (3隻)👉一啖咬落去,非常酥脆,即叫即炸,溫度處理得唔錯,價錢抵食!兩人埋單都係$150!

銅鑼灣呢間炊豕店真心勁好食！每次過銅鑼灣都會黎食一次喔！豬排即叫即炸，又夠大塊真係抵食夾大件！即使過了午飯時間仍然大排長龍，就知道人氣幾勁喇！蔥油豬排飯係呢度既人氣推介，綠油油既蔥花真係非常香口。蔥油入口唔會太油膩，但有濃郁既蔥花香味！豬排又大又厚，粉漿唔厚，炸得金黃香口，肉質滑嫩...保證吃過番尋味！另外仲可以外加配料，當中炒滑蛋及午餐肉就係我既必選名單！今次就揀左炒滑蛋，變身滑蛋豬扒飯喇！炒滑蛋炒得香滑唔會太熟，中間食到有蛋汁，蛋味濃郁喔！除左飯之外，可選轉麵。細食既女生，唔想食飯，食麵就最岩喇！咖啡汁秘製豬扒撈麵，再配埋厚切午餐肉真係勁滋味！午餐肉經過微炸，比平日既午餐肉更香口惹味！粗撈麵很有口感，加上微辣既咖哩汁很滋味！

近排全球Avengers熱潮，梗係要去銅鑼灣影下相啦，再見了...Ironman😭😭😭甘遲先post五算劇透吧黎到銅鑼灣梗係周圍搵野食啦，上網搵到呢間「炊豕店」，聽人講無論咩時候都會好多人排隊，馳名炸豬扒，炊豕歸來不食豬，一於試下佢位置稍偏，行左一段時間先搵到,一黎到見到有條人龍排緊隊，10個人左右，等既期間就諗下食咩好食飯款式五算話太多，👸🏼五想食飯，於是其中一個叫左撈麵（免費轉架）如果驚五夠飽，可以+2蚊叫多飯，少飯就-1蚊🤔🤔🤔食豬扒之前叫左2個小食，辣味海蜇$20微辣，可以再辣d炸芝麻雞翼，28蚊2隻，1人1隻試下，炸得透徹主角梗係豬扒啦❤️蔥油豬扒撈麵，蔥油超多，五會油，豬扒超大塊，五會好乾身咖哩汁ok，五會話好辣BTW,我發現左如果咖哩汁mix蔥油再加豬扒更夾，大家不坊share一齊食炊豕店銅鑼灣必食，下次一定再食

此店剛開張時和舊同事時常光顧，五十多塊一大碗飯在此地段來說算是佛心，不過自離開舊公司以後就沒再踏足過。某日在中環見到其分店勾起了不少回憶，決定找天回銅鑼灣回味一番。 店由禮頓道搬往旁邊的加路連山道，舖面大了但人也多了，坐得不算舒適，菜牌加入不少新菜式配搭和小食，價錢和印象中接近沒什麼大加幅。 叉燒豆角蔥花炒滑蛋飯 $52 再臨明明想吃其名物，但這家常菜選擇對我來說更吸引。每款配料各在其位，簡單美味，惟個人不喜歡吃醬汁，淋上的豉油雖然帶甜，但整體還是覺得鹹了一點。 蔥油豬扒飯 $60 飯餸堆得高高十分吸睛，進食豬扒時要小心翼翼，皆因肉炸得非常香脆，甘香帶肥，肉質鬆化不柴，拌著面頭海量的蔥油同吃，惹味非常。 覺得其出品和味道仍能保持水準，和六年前吃到的相約，性價比不錯，難怪用餐時段門口總是排著長龍。

喺銅鑼灣揾食 見到呢間有人等 同埋幾抵食 就決定食呢間 點知有驚喜我叫左蔥油炸豬扒飯 我朋友就叫左肉燥滷蛋粗麵 我覺得粗麵好食過飯 重口味啲 但食到最後可能會覺得有啲鹹 所以最好加翻杯野飲 滷蛋都好入味 係驚喜之一個炸豬扒有少少脆 好好味 係另一個驚喜 不過唔鐘意食蔥就最好唔好揀呢個 因為都真係幾多蔥 同埋靠啲蔥幫個飯調味 如果唔係就咁食飯同豬扒會有啲單調 環境都算乾淨 不過店鋪有啲細 坐落有啲迫 同埋繁忙時間多人等位 食完就差不多要走讓個位俾人 唔可以坐太耐

專程嚟到食招牌飯香蔥豬扒飯 仲有試咗話梅豬手， 香蔥豬扒飯多蔥 有睇頭但食落 香蔥及豬扒也沒有味道要另外加豉油咁樣有啲失望 反而話梅豬手 分量不多但幾好味 仲要唔包飲品 60蚊一個餐 地方又比較細 有一種急住食的壓迫感！ 有啲失望！