火鍋撚 (染布房街) (已結業)

約左老死狗仔一齊打邊爐，因為久別重逢，打邊爐最好吹水。來呢間，因為試過，食材好新鮮，湯水夠正。點了一式兩款湯式，一款是有紅蘿蔔、杞子、粟米、猴頭菇、海底椰、螺頭等煲成老火湯，家常清潤滋味，這款真是吾之最愛，因為唔熱氣，夠清潤補身。另一款乃吾友最愛，但名字記不起，湯有蜂巢豆腐、人參、牛奶、百合等，但我不愛牛奶湯底，點一湯兩款各合所愛。至於食材，真夠新鮮，蝦滑，自行打，夠彈夠新，口感非常好。另外蟹柳也好吃，上等日本貨，奇鮮，吸湯汁不錯。日本A4和牛，牛味能與口腔溶成一片，加上好味湯汁，無需點任可醬料，單吃天然風味，令人吃到欲先欲死，日本牛係好正。驚奇還有午餐肉，不是次等貨色，優質午餐肉，肥肉與瘦肉平均比例，食到豐膄油香，還有鬆軟豬肉，不用煎都可以好好食，當然係上等午餐肉才有的滋味！必試魚皮餃，大隻，皮做到好好，油潤彈口，有魚味，餡內肉汁多和油香，伴上湯汁，你會認為食到變左神仙！

今晚和親朋一起晚飯，一行八人，不如打邊爐，親朋家住旺角，帶了我和爸媽一同到來呢間火鍋撚打邊爐。入到去好似去左秦朝，成間佈局十足尋秦記咁，見到有D兵馬俑擺設，但最重要冷氣好夠，唔會打邊爐打到成身汗至係Point！我們點了一鍋兩款住家的湯底，媽媽的家的滋補湯；還有最愛的蜂巢豆腐白湯鍋，入面有百合、粟米、海底椰和紅蘿蔔，還有特別的蜂巢豆腐，湯水是那麼家的味道，清甜潤肺，我們喝了許多，因為太滋潤了！重頭戲來了，刺身拼盤，那三文魚是那麼肥美，豐膄至極。還有牧丹蝦好鮮甜，吞拿魚也新鮮有魚味。極品安格斯牛味甚濃，入口無渣，骰仔牛柳粒，也牛味濃，粒粒味道更勝片片的，入口有爆著湯汁的牛味，甚正。以為豬肉會唔好食，但試過梅肉都OK，無肉腥味，重好鬆軟，有肉香味的。黑松露甚菌餃和魚皮餃，也相當有水準，黑松露充滿菌香，又帶有少少黑松露香味，層次一流，同湯汁甚調和。魚皮餃的澄面皮，做得好好，好煙韌，入面豬肉有韮菜香，肉汁好多，好好食。手打蝦滑，好彈牙好鮮，點了又點。其他菜類，新鮮已足夠，點了一大渣水蜜桃沙冰，酸酸甜甜有桃香，味道原來同火鍋食材好夾，至抵死有腐竹雞蛋糖水沙冰送！味道係腐竹雞蛋味，但係沙冰來，好特別

之前一路都知旺角開咗間港版無老鍋，一直都想試，今次撞啱朋友生日，佢又話想試，就早早訂枱，用餐時間係個半鐘。準時去到，行到個位發現二人枱要搭枱，真係傻了眼你可以講佢係兩張長方型二人枱，但呢兩張枱係拍埋的，同搭枱基本上冇分別。咁坐低點菜啦，中價打邊爐價，我地兩個人，要左個鴛鴦鍋，一邊麻辣一邊酸菜白肉鍋。麻辣鍋好香，不過唔會死辣，有鴨血同埋蜂巢豆腐。酸菜白肉鍋有幾片豬肉，有紅薯粉墊底，初段至尾段都覺得味道幾好同開胃，不過食到尾覺得太酸。之後點左個細手切肥牛、響鈴、雜餃、黑松露墨魚滑拼干貝滑、皇帝菜、烏冬、一渣竹蔗茅根。手切肥牛好食，有咬口，半肥瘦，有牛味雜餃冇咩特別，不過魚皮餃偏咸。雙拼滑冇影到，不過夠爽口彈牙！響鈴即叫即炸，鬆脆好食，冇油溢味最後有糖水送，係腐竹糖水沙冰！賣相特別！兩個人盛惠$834，食物不錯，但環境太嘈，又迫，好似坐喺放題咁，我覺得呢個價錢有更佳選擇。

晚上同朋友來吃晚飯，餐廳比左間房我地，環境係不錯，但總結就係有d失望。叫左個麻辣鴛鴦鍋(少辣)，麻辣鍋完全食唔到湯底有味，一般就算少辣都會食到麻辣鍋既香料味，但呢個湯底完全冇。反而豆腐白湯更好，食得出湯底有少少人蔘味。每個湯底裡面都有鴨血同蜂巢豆腐。另外，火鍋料份量只適合2-6人黎食，我地8個人食，樣樣都唔夠分。份量真係有點兒太少。如果6個人黎食每人每樣都係食到1-2件左右，而且價錢又唔算平。不過，味道就唔差既，而且擺得幾靚，好岩相機食。全餐飯最鐘意都係佢地最後送既腐竹糖水沙冰，幾創新，不過有朋友就覺得甜左少少。

某日行經旺角,見到呢間火鍋撚個名咁抵死,又放哂兵馬俑咁搞笑.決定帶埋小胖女黎試下,由於餐廳位置有限,黎到要等下位先有得入,見到門面既裝飾別具中國風小弟對入面既好奇心非常高,等左大約15分鐘到終於入得,立即叫野食,order湯底係蜂巢豆腐白湯鍋係在場其他食客大多數都點既湯底,一於跟風湯底成鍋都係白雪雪,有好多蜂巢豆腐係入面,其他都係各種藥材煲成,好香藥材味打邊爐,牛肉最重要!即刻點左安格斯牛滾一滾佢先,賣相絕對無得頂,肥瘦均衡,拖下佢後再食肉汁新鮮,真係必食另一樣必食既係小弟order既黑柏葉,已經好耐無食新鮮黑柏葉,咬落爽口彈牙,正阿!其他配料包括墨魚滑,栗米同響鈴都係我地經常會點既火鍋配料飲品方面就叫左一渣冬瓜檸檬特飲,解油又好味最後係餐廳既飯後甜品啦,古代酒杯出場啦,入面係腐竹糖水沙冰,真係又好食又好玩

每日FB收到火鍋撚廣告已經好想去試，所以星期六終於約齊好友試食如評論所講服務友善，個個都好有禮貌環境係中式風格，算是舒適，不會太過狹窄我地特別影咗個鴛鴦鍋，一邊係少辣麻辣，另一邊就係老火湯！當飲咗頭啖湯感覺麻辣無麻味，老火湯有少少苦澀的蔘味，少少失望！對手切牛肉最為失望！完全無牛味！其他火鍋料都是一般，無什麼特別但值得一贊是即炸響玲同魚皮最後，又一令人期待的甜品——腐竹蛋沙冰！飲落同普通糖水冇乜分別，糖水意思係甜嘅水，無乜蛋香，其實唔話我知呢係腐竹蛋糖味！我只係會覺得係一甜嘅沙冰

難得呢排公司終於冇咁忙，今晚男朋友帶我食好西， 佢知道我好鍾意食麻辣火鍋，所以就帶我嚟呢間度食，加上我之前都有提起呢間， 因為呢間出名係用料好好但係唔平， 帶我嚟食嘅時候其實我好爽歪歪~我哋因為有book位所以唔使等，但係上到去嘅時候都見到鋪頭好多人，一坐低，店員問我哋想要咩湯底，我地揀麻辣湯底，小辣，枱面有好多款醬料，好企理好整齊，一共9款醬料同配料，連好貴既xo醬都有，仲有個蒜蓉汁， 因為本身我好鍾意食重口味嘅野，所以打邊爐一定要落蒜蓉，佢而家仲要將蒜蓉打成汁，令到點食物嘅時候更加容易點到蒜蓉嘅味，食到個口最臭係最有滿足感！今日星期一，食麻辣火鍋仲有得送鴨血同蜂巢豆腐，雖然本身都有鴨血同蜂巢豆腐， 但因為我鍾意食鴨血男朋友鍾意食蜂巢豆腐所以令到配料更加豐富，鍋入面竟然有魔鬼辣椒！ 我知除咗呢隻辣椒好辣之外，仲知道其實佢好貴，成個湯底都好香辣椒味， 仲有好香嘅藥材味，因為台式嘅麻辣火鍋就係除咗辣椒之外仲落咗好多藥材，例如係淮山，薑，杞子，紅棗等等， 食完之後個人冇咁燥響鈴同炸魚皮都幾好食，唔錯~雖然佢無話響鈴係即炸嘅，但係個人覺得佢似係自家即炸，因為拎到出嚟嘅時候係熱，食落仲要脆卜卜

之前成日食附近串燒經過都想試下，今次夜晚突然好肚餓就出左黎試 10點幾出門在口，去到唔洗等，不過夜晚哩個鐘數原來都有好多人打邊爐佢地個炸魚皮好好食，魚皮炸但好香口 加埋炸蒜，我地食辣湯底 小辣 之後加辣 魚皮放一放即撈起 好好味雙蚌好新鮮，跟佢個牌上面咁寫灼左幾秒，食到鮮味之餘仲口感彈牙，哩個唔錯由於佢有個有圖既menu 睇，樣樣都好吸引，最後揀左個雜丸，丸彈牙，但係我覺得唔夠爆漿，可以做得更爆，但係味道上面做得足夠，貢丸菇味好出 蝦丸就鮮味，花枝彈牙， 咸蛋豬肉係最特別牛肉粒 牛味唔錯 不過要睇住時間唔好放太耐 放太耐口感不佳和牛好正又有牛味又有口感，好滿足，而且有賣相都好靚之後到肥牛，肥牛因為切得薄身，所以口感好好，做到入口有啲溶既感覺，特別係肥糕位置，但係牛味唔重去到豚肉，咬口唔錯 味道都唔錯不過個人覺得牛比教出色豆卜 食辣湯必備，吸哂啲精華，好爽咬一啖，啲辣湯出哂黎最到送左個甜品，送左個蛋白腐竹甜品，係沙冰黎 飲得 幾特別，而且個杯好過癮食飽 好足夠咁離開，下次再黎過

今日同女朋友經過旺角 夜晚佢話想打邊爐 見到呢間就諗住試下 一入到去都幾多人 裝修係中國風格坐底有個調味架俾我地入邊有秘製醬油同8種唔同既調味料我地嗌左雙拼湯底 祖傳秘製麻辣鍋&蜂巢豆腐白湯鍋（$158）豆腐湯有小小藥材味 麻辣湯底嗌左中辣都夠辣即炸三秒響鈴卷（配甜酸醬）$48佢入邊有8件 有個牌提醒我地灼3秒 響鈴脆脆地幾好食 佢個甜酸醬酸酸甜甜 配搭起嚟好特別👍🏻極品安格斯肥牛（小）$148一上枱有個噴煙效果 擺得幾靚 牛肉口感幾嫩 份量都足夠 都幾厚身唔會太薄 冬瓜件 $42冬瓜好鮮甜 配合麻辣湯底幾好食紅薯寬粉 $38佢配埋個格俾我地淥 好方便 一碟都有好多五色丸丸拼盤$98有選擇困難既最岩啦 有齊5隻手打丸 食落都好彈牙

大熱天時，濕重，好想食下麻辣，友人相約到此食麻辣火鍋，話牛肉好正。個門面都好正下，成間尋秦記咁，兵馬都出埋！入面裝修全部都古色古香，幾正下。湯底係麻辣+素滋潤湯鍋，麻辣湯只點了少麻少辣，但香味夠，麻重辣少，正合我要求。另外個素湯有薏米、茨實、粟米、紅蘿蔔、百合和紅棗等，好清潤又足料，食得辣多，飲下呢個湯，又可解辣，好甜好潤。講到牛肉，今次點了A4特級和牛和安格斯牛，我地都係牛迷，A4的牛味真係好濃郁，豐膄肉味，入口就溶化入口似的，三佰幾蚊，但好味好值。至於安格斯牛，牛味無咁濃，但肉質鬆無渣，入口甘香。骰仔牛肉粒，本地牛，油花夠，啖啖肉口感好，吸麻辣湯汁最好味！食牛呢間好值。豬梅肉上蝶好美，成朵粉紅玫塊咁，豬梅肉肉味淡，但唔韌好鬆軟，有一種特別肉味，不是”蘇”味，都好食。另外個皇牌魚皮餃好正，因為用魚肉做成的澄麵皮，好煙韌好爽，入面有半肥瘦豬肉和韭黃，灼熟係爆出油香和肉汁，好食。 蝦滑夠鮮亦彈牙，無腥味也不是粉蕾蕾的，蝦新鮮之故。那Jar水蜜桃沙冰也清甜解渴，最抵死有個腐糖水沙冰，用個秦式酒杯盛載，味道OK。

今次係第一次食呢間火鍋，位置放便裝修同台灣某大火鍋店好似😊😊食物方面，我們叫咗個駌鴦鍋（一邊麻辣，一邊老媽湯）麻辣要小辣味道唔夠香鴨血都好食，可我哋係小辣所以失色咗啲，老媽湯都好甜牛肉就叫安格斯牛(大）好味👍🏻👍🏻，五色丸有特色，整體可以，只是疏菜拼盤有啲失望，因$78 盤，但啲菜心好老，就唔值呢個價錢啦，最後個腐竹沙冰，就幾特別，今次生日大滿足了，多謝兩位老死。

女子組合約埋聚一聚仲要去食好野...呢間火鍋店要一個月前訂座, 而且都已經開業一段時間, 但訂座輪候時間依然非常長...經過我們耐心地等候終於到我地啦！入到餐廳被別緻既裝潢吸引了, 以為自己去左某5星大酒店中菜廳； 火鍋湯底選擇頗多, 我地叫左佢地最出名既白湯—蜂巢豆腐鍋,湯底味道清新 （記住在落火鍋料前要嚐兩口, 感覺一下原味）, 火鍋料新鮮, 份量亦好足, 必食有奶皇水晶飽； 另外, 我地全部好牛, 佢地既肥牛亦好好, 既新鮮且肉味夠, 記住仲要飲佢地既沙冰⋯特別係腐足白果沙冰

旺角出名好多火鍋店，不過今次就想試吓樓上店嘅火鍋舖啦。我地有八個人啦咁所以呢餐廳都俾咗間房我哋坐。首先當然係揀湯底先啦，我哋選擇咗麻辣湯底，同埋清湯啦，麻辣我地揀咗中辣，真係超級嘢味😝之後唔使講一定係會揀番一碟肥牛😊果然無失所望真係好好味呀，牛肉夠鮮甜放入湯都非常夠味！👍🏻至於賣相就更吾錯啦🙀其實我哋八個人仲帶咗好多嘢食包括嗰啲丸類蔬菜烏冬等等！都好食架😻最後仲送咗個好似係叫腐竹雞蛋冰！值得一試😁🤗😋

今天去完沙田工幹，做完野和同事搭返東鐵去旺角，諗住行下街食下野，怎料下起雨來，從旺角東鐵站急急行去最近的染布房街避一避，見到街上都有好多食店，最吸引我們的是一間叫火鍋燃，門口放有廣告招牌，介紹養生的火鍋，旁邊有多人等位，見到餐牌的火鍋湯底好特別，我們決定去試一試！火鍋調味醬油--混醬酸菜白肉鍋：多款養生湯底，我們選了味道酸酸的酸菜白肉鍋，材料有酸白菜、豬五花肉、蕃茄和上少量紅薯粉！手打靚蝦滑，用新鮮蝦打成靚蝦滑，味道鮮甜彈牙！將蝦切段加入蝦滑，令口感更豐富。梅花豬肉：三朵玫瑰花是用豬肉砌成，廚師好有心思，真的吾捨得整散佢，豬肉不用灼太耐，一片一片的食，十分爽口又鮮味！響鈴卷：即叫即炸，配酸甜醬，可以即食，十分酥脆，豆味香濃，也可以放入湯中灼3秒，夾埋湯汁一齊食，酸味加豆香，很美味！即炸魚片頭：即叫即炸，上枱時熱騰騰的，外脆內爽口彈牙，這個不用灼，即食最好，點些附上的酸甜醬！令人食不停口！

天時暑熱 做完行街shopping呢個高消耗活動後最好就係去冷氣涼浸浸既地方 打返個靚邊爐 食返夠本 補一補腳骨力係open rice見到呢間個名好搶眼既火鍋撚有唔少笑樣就即管去試下等左大慨15分鐘位 等位期間職員已經俾定個點菜紙俾我地揀定湯底同配料查實有幾款鍋底都好想試 不過話晒呢個蜂巢豆腐白湯鍋係鎮店推介 無理由唔試架?!個鍋超大煲同多料 除左唔同既藥材 仲有大量蜂巢豆腐同鴨血 白湯帶淡淡既藥材香味 入口甘甜 蜂巢豆腐吸滿白湯 非常好味小妹未食已經忍唔住飲左一大碗其他配料都好新鮮 響鈴即炸 炸得金黃色,脆卜卜 仲配埋個甜酸汁而打邊爐最重要既牛類有好幾款選擇 而我地就點左最抵食既安格斯牛細size都份量唔小 賣相討好之餘 亦方便夾黎食 放入鍋內輕輕一拖 嫩滑無比除左食野 打邊爐又點可以唔整返杯特飲呢整返渣冬瓜檸檬特飲消暑又解渴蝦滑 墨魚滑食得多 第一次試呢個香菇鮑貝滑 睇得出好多料 唔係求其貨色另外仲叫左唔係度度有得食既黑柏葉同稻庭烏冬最最最後 餐廳免費送上呢杯無論賣相,味道,還是玩味都100分既腐竹糖水沙冰!!!!令是夜打邊爐變得涼透心